Jamiyat
Qashqadaryoda shifoxonaga ishga joylashini aytib, 11 nafar fuqaroni aldagan shaxslar ushlandi
Qashqadaryo viloyatida ona va bola Shahrisabz shahar tibbiyot birlashmasiga qarashli shifoxona va poliklinikalarga 11 nafar fuqaroni ishga joylashini aytib, ulardan 4300 dollar olgan. Bundan tashqari, tibbiyot birlashmalariga rahbarlariga qo‘ng‘iroq qilib, mazkur fuqarolarni ishga olishini talab qilgan. Holat yuzasidan jinoyat ishi qo‘zg‘atildi.
Toshkentda tashqi reklama obyektlariga moratoriy e’lon qilindi
Toshkent shahrida tashqi reklama obyektlarini joylashtirish, o‘rnatish, o‘zgartirish va pasportlarining berilishiga moratoriy e’lon qilindi. Ushbu taqiq 1-apreldan 31-dekabrga qadar amal qiladi va u tashqi reklama konstruksiyalarida joylashgan reklamaga taalluqli emas.
17 maydan «Haj» va «Umra» safariga ruxsat berilishi mumkin — Din ishlari bo‘yicha qo‘mita
Din ishlari bo‘yicha qo‘mita raisining birinchi o‘rinbosari Muzaffar Kamilov 17 may sanasidan «Haj» va «Umra» safarlariga ruxsat berilishi mumkinligini qayd etdi. U safar masalasi Saudiya Arabistonidagi epidemiologik vaziyat barqarorlashishiga bog‘liqligini qo‘shimcha qildi.
Toshkentdan Moskvaga muntazam aviaqatnovlar har shanba kuni
Uzbekistan Airways 2021 yilning aprel oyidan boshlab, har shanba kuni Toshkent — Moskva — Toshkent yo‘nalishi bo‘yicha muntazam aviaqatnovlar qayta joriy etilishi haqida xabar berdi.
Maktablardagi muammolarni yuzimizga solish o‘rniga, yordam beradigan rahbarlar ko‘payaversin — xalq ta’limi vaziri
Sherzod Shermatovning ta’kidlashicha, maktablardagi muammolarni hal etish o‘rniga, «ba’zilar o‘zini ko‘rsatishga harakat qilishdan nariga o‘ta olmayapti». U prezident topshiriqlarini to‘g‘ri tushungan rahbarlar byudjetdan tashqari mablag‘larni topib, maktablarga yordam berishga harakat qilishini aytdi.
Turizm va sport vazirligi huzurida Madaniy meros agentligi tashkil etildi
Madaniyat vazirligi huzuridagi Madaniy meros departamenti va xorijdagi O‘zbekiston madaniy boyliklarni o‘rganish markazi asosida Madaniy meros agentligi tashkil etildi.
O‘zbekistonda 2021 yilning birinchi choragida 9213 ta ajrim qayd etildi
O‘zbekistonda 2021 yilning birinchi choragida 9213 ta ajrim qayd etildi. Statistik ma’lumotlarga qaraganda, eng ko‘p holat Toshkent shahrida, eng kam ko‘rsatkich esa Qoraqalpog‘istonda ro‘yxatga olingan.
O‘zbekistonda 1 km yo‘lni qurish narxi 950 ming dollarni tashkil etadi — Abdurahmon Abduvaliyev
O‘zbekistonda 1 km yo‘lni qurishning eng qimmat narxi 950 ming dollarni tashkil etishi ma’lum qilindi. Mazkur narxga o‘tish yo‘laklari, lotoklar va boshqalarni ta’mirlash hamda o‘rnatish ham kiradi. «Lekin dunyoda hech kim bunaqa summada yo‘l qurmaydi», — dedi Avtomobil yo‘llari davlat qo‘mitasi raisi.
Yoshlar ittifoqi raisi Sergeli tumani hokimining birinchi o‘rinbosari bo‘ldi
Akmal Jumaboyev Toshkent shahar Sergeli tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari etib tayinlandi. U bunga qadar O‘zbekiston yoshlar ittifoqi Markaziy Kengashi raisi sifatida faoliyat olib borgan.
Toshkentda aviachipta sotuvchi operatorlar 130 ming dollarni talon-toroj qilishdi
Toshkentda aviachipta sotuvchi operatorlar aviachiptalar sotuvidan tushgan 771,2 mln so‘m va 58,7 ming AQSH dollarini kirim qilmasdan talon-toroj qilishganliklari aniqlangan.
Aholini ichimlik suvi bilan ta’minlash uchun ajratilgan 493 mln so‘m talon-toroj qilindi
Toshkent viloyatidagi 3 ta shahar va 3 ta tuman aholisini toza ichimlik suvi bilan ta’minlash uchun ajratilgan 500 mlnga yaqin pul mablag‘lari talon-toroj qilingani aniqlandi.
Toshkentda 5 ta avtomobil ishtirokida YTH sodir bo‘ldi
Mirobod tumanida Lacetti, Toyota, Spark, Malibu va Nexia avtomobillarining to‘qnashuvi sodir bo‘ldi. Nexia haydovchisiga tibbiy yordam ko‘rsatilgan.
Senator qurol to‘g‘risidagi qonunchilikda mavjud «huquqiy bo‘shliq»ni ma’lum qildi
Senatning mudofaa va xavfsizlik masalalari qo‘mitasi «huquqiy bo‘shliq"lar mavjud bo‘lgan qurol to‘g‘risidagi qonunchilikka o‘zgartish kiritishni ko‘rib chiqmoqda, deya qayd etdi senator Farhod Boqiyev. Qurol va o‘q-dorilar muomalasi ustidan davlat nazorati funksiyalarini Milliy gvardiyadan ichki ishlar organlariga o‘tkazish, qolaversa, o‘qotar bo‘lmagan qurol muomalasi qoidalarini buzish uchun javobgarlik belgilash ko‘zda tutilmoqda.
Qonliko‘lda bog‘cha opalar namoyish o‘tkazgani yuzasidan ma’lumot berildi
Uch yil davomida qariyb 400 mln so‘mlik moliyaviy xato-kamchiliklarga yo‘l qo‘ygan Qonliko‘ldagi 1-DMTT direktori sud tomonidan lavozimiga qayta tiklangan. Bundan norozi bo‘lgan tarbiyachilar namoyish o‘tkazdi. Qoraqalpog‘iston Maktabgacha ta’lim vazirligi bog‘cha mudirasini qaytadan lavozimidan chetlashtirdi.
Sobiq bosh infeksionist Guljahon Yo‘ldoshevaga sud hukmi o‘qildi
Toshkent viloyat yuqumli kasalliklar shifoxonasining sobiq bosh shifokori Guljahon Yo‘ldoshevaga nisbatan qariyb 3,5 yilga ozodlikni cheklash jazosi tayinlandi.
Toshkentda IIBda so‘roq qilingandan so‘ng vafot etgan fuqaro yuzasidan rasmiy munosabat bildirildi
Toshkentning Yunusobod tumanida kechki payt 3 nafar fuqaro IIBga so‘rov uchun olib kelingan. Fuqarolar qo‘yib yuborilgandan keyin taxminan 6 soatlardan so‘ng ulardan birining murdasi topilgan. Sud-tibbiyot ekspertizasida marhumning bir nechta kasalliklari bo‘lgani aniqlandi.
Hokimlikdagi mashinalar chetdan keladigan mehmonlar uchun kerak — Shavkat Abdurazzoqov
Namangan viloyati hokimi Shavkat Abdurazzoqov hokimlikdagi qimmatbaho mashinalar chetdan keladigan mehmonlar uchun kerakligini ta’kidladi. U bu orqali ko‘plab investitsiyalar kelishi mumkinligiga urg‘u qaratdi.
Toshkentda isitish mavsumi 7 apreldan yakunlanadi
Poytaxt hokimining qaroriga muvofiq, 7 apreldan Toshkentda isitish mavsumi yakunlanadi.
Navoiyda 150 ming dollarga yerni noqonuniy sotmoqchi bo‘lgan mansabdor shaxs ushlandi
Navoiy shahrida o‘ziga tegishli bo‘lmagan 200 kv/metr yer maydonini 150 ming AQSH dollariga sotmoqchi bo‘lgan mansabdor shaxs qo‘lga olindi. Unga nisbatan jinoyat ishi ochildi.
Hafta davomida ob-havo iliq bo‘ladi
O‘zbekistonda hafta davomida respublikaning shimoliy hududlariga Eron hududlaridan iliq va quruq havo massalari kirib kelishi, buning oqibatida ob-havo yog‘ingarchiliklarsiz bo‘lishi kutilmoqda. Havo harorati markaziy, sharqiy hududlarda kunduzi 23−26° iliqgacha, shimolda va janubda 27−32° iliqgacha ko‘tariladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting