Jamiyat
“Joylarda „yashil“, „sariq“ va „qizil“ hudud tamoyili to‘liq ishlamayapti” — prezident
Prezident joylarda “yashil”, “sariq” va “qizil” hudud tamoyili to‘liq ishlamayotganini ta’kidladi. Bundan tashqari, aholi orasida karantin choralariga yengil qarash, jumladan, niqoblarni noto‘g‘ri taqish, qo‘l berib ko‘rishish va oilaviy tadbirlarni o‘tkazish holatlari uchramoqda. “Bunday xatarli ofatga aslo beparvo qarab bo‘lmaydi”, — dedi davlat rahbari xalqqa murojaat qilar ekan.
Rossiya-Qozog‘iston chegarasida 2000 o‘zbekistonlik yig‘ildi
Rossiya-Qozog‘iston chegarasi yaqinida uylariga avtomobillarda qaytmoqchi bo‘lgan 2000 nafar o‘zbekistonlik yig‘ildi. O‘zbekiston TIV karantin choralari kuchaytirilgan Qozog‘iston orqali kelish fuqarolar salomatligi uchun xavf tug‘dirishini ma’lum qildi.
Xabibulla Oqilov — «koronaskeptiklar» haqida
Professor Xabibulla Oqilov koronavirusning borligiga shubha bilan qarayotgan, ushbu infeksiyaga chalingan birorta ham tanish insonlar yo‘q, deb iddao qilayotganlarga javob qaytardi. Uning ta’kidlashicha, odamlar buni juda jiddiy qabul qilishlari va bor-yo‘g‘i oddiy gigiyena, o‘z-o‘zini saqlashning birlamchi qoidalariga rioya qilishlari kerak xolos.
“Davolash emas, balki uy sharoitida kuzatuv”. Asoratlarsiz bemorlar uyda qanday kuzatib boriladi
Toshkent vrachlar malakasini oshirish instituti rektori, professor Xabibulla Oqilov “Gazeta.uz"ga bergan intervyusida uyda davolanayotgan asoratlarsiz COVID-19 bemorlarining kuzatuvi qanday tashkil etilishi, ularni qachon kasalxonaga yotqizish kerakligi va ular bilan yashaydigan qarindoshlari nima qilishi lozimligi haqida gapirdi.
“Respublikaning barcha hududlari “qizil hudud"ga aylantirildi” — Shohrux G‘iyosov
Mamlakatning barcha hududlari “qizil” zonaga o‘tkaziladi. Stikerli avtomobillarning harakatlanishiga ruxsat beriladi, ammo masala hali ko‘rib chiqiladi.
“Statsionarlarda yotoq-joylar qolmadi” — Xabibulla Oqilov
Shifoxonalarda COVID-19 bilan og‘rigan bemorlar uchun mo‘ljallangan yotoq-joylar qolmadi. Agar kuniga 1000 ta holat aniqlansa, sog‘liqni saqlash tizimi butunlay qulaydi, dedi koronavirusga qarshi kurashish shtabi vakili Xabibulla Oqilov.
“To‘rtta to‘yda 110 ta kasallangan aniqlandi” — Sog‘liqni saqlash vaziri
Koronavirus bemorlari orasida o‘lim sonining oshishiga 50 foiz holatlarda shifokorlarga kech murojaat qilganlik sabab bo‘lmoqda, deya xabar berdi sog‘liqni saqlash vaziri. Alisher Shodmonov alomatlarsiz bemorlarni uyda davolash hamda sog‘liqni saqlash tizimi koronavirusning ikkinchi to‘lqiniga qanchalik tayyor ekanligi to‘g‘risidagi masalalarga ham to‘xtalib o‘tdi.
Talabalar turar-joylari karantinda saqlash joylariga aylantiriladi
Yuqori Chirchiq tumanida joylashgan karantin majmuasida saqlanayotgan shaxslar uy karantiniga hamda OTM va kasb-hunar kollejlarining talabalar turar-joylari bazasida tashkil etilgan karantinda saqlash joylariga o‘tkaziladi. Oliy ta’lim vazirligi Toshkent shahri va Toshkent viloyatida joylashgan karantinda saqlash infratuzilmasiga ega OTM va kollejlar ro‘yxatini tuzib chiqadi.
Sanoat va yirik qurilish ob’ektlari to‘liq karantinga olinadi
Sanoat va yirik qurilish ob’ektlari faoliyatiini davom ettirish uchun shartlar belgilandi. Ularning hududi to‘liq karantinga olinadi.
O‘zbekistonda karantin cheklovlari kuchaytirildi
10 iyuldan 1 avgustga qadar O‘zbekistonda karantin cheklovlari kuchaytiriladi. Respublika hududida avtotransport vositalarining harakati cheklanadi. Davlat organlari va tashkilotlarning mehnat faoliyati maksimal darajada masofadan turib tashkil etiladi. Parklar, buyum bozorlari, sport zallari, umumiy ovqatlanish ob’ektlari faoliyati to‘xtatiladi. Xalqaro aviaqatnovlar ikki baravarga qisqartiriladi.
Tez tibbiy yordam avtomashinasi ishtirokidagi YTHda 2 kishi vafot etdi
Buxoro viloyatida tez tibbiy yordam avtomashinasi haydovchisining ehtiyotsizligi oqibatida yo‘l chetida to‘xtab turgan Isuzu yuk avtomobilining orqa qismiga borib urilgan. YTH natijasida tez tibbiy yordam avtomashinasining haydovchisi va yo‘lovchisi voqea joyida vafot etishgan.
“G‘afur G‘ulom bog‘ining o‘rnida qurilish bo‘lishi haqidagi qo‘rquvlar asossiz” — Toshkent hokimligi
Toshkent hokimligi yana bir bor G‘afur G‘ulom nomidagi istirohat bog‘i fuqarolar dam olish joyi sifatida yashil zona bo‘lib qolishini ta’kidladi. Avvalroq ijtimoiy tarmoqlarda uning o‘rnida turar-joy majmuasi yoki biznes-markaz quriladi, degan gap-so‘zlar tarqalgan edi.
“O‘zsanoatqurilishbank” Navoiy filiali rahbari o‘rinbosari vafot etdi
Navoiyda “O‘zsanoatqurilishbank” filiali boshqaruvchisi o‘rinbosari X. Sh. vafot etdi. Unda koronavirus aniqlangan edi.
Sergelida umumxalq xayriya hashari mablag‘lari talon-taroj qilindi
“Mahalla” jamg‘armasining Sergeli bo‘limi mansabdor shaxslari umumxalq xayriya hashari hisobidan kelib tushgan 95,8 mln so‘mni talon-taroj qilgani aniqlandi. Ularga qarshi jinoyat ishi qo‘zg‘atildi.
Farg‘ona Botkenga koronavirus testlari va tibbiy uskunalar taqdim etdi
Farg‘ona viloyati Qirg‘izistonning Botken viloyatiga koronavirus testlari va tibbiy asbob-uskunalarni o‘z ichiga olgan gumanitar yordam yubordi.
Jizzaxda karantin talablari kuchaytiriladi — tadbirlar ro‘yxati
Jizzax viloyatida koronavirusga chalingan bemorlar soni ortib borayotgani sababli Jizzax shahrida karantin choralari kuchaytiriladi. Xususan, shaharga kirish va chiqishda ko‘shimcha postlar tashkil etiladi, avtotransport vositalarining maxsus ruxsatnomasiz harakatlanishi cheklanadi.
«Abu Saxiy» savdo markazi vaqtinchalik yopildi
Chilonzorda joylashgan «Tashkent Trade Center» (Abu Saxiy) savdo markazi ma’muriyati ishchilari va u yerda faoliyat ko‘rsatayotgan tadbirkorlarda koronavirus infeksiyasi aniqlandi. Savdo markazi vaqtinchalik yopildi.
Charter reysi bilan Janubiy Koreyaga ishga qaytgan fuqaroda koronavirus aniqlandi
Koreya Respublikasidan ta’tilga kelib, charter reys orqali Seulga qaytgan fuqarolardan birida koronavirus aniqlandi.
Namangan viloyat SEOM mansabdorlari 248,9 so‘mlik byudjet mablag‘larini talon-taroj qildi
Namangan viloyat SEOM mansabdor shaxslarining dezinfeksiya vositalarini aslidan qimmat narxlarga sotib olib, 248,9 mln so‘mni talon-taroj qilgani aniqlandi. Avvalroq Navoiy va Buxoro viloyat SEOM mansabdorlari ham xuddi shu yo‘l bilan jinoyat sodir etgan edi.
Oxirgi ikki oyda 40 ming fuqaro Toshkent propiskasini oldi
Yil boshidan beri Toshkent shahrida jami qariyb 50 ming nafar fuqaro doimiy ro‘yxatdan o‘tgan bo‘lsa, shundan may va iyun oylarining o‘zida 40 mingga yaqin nafar fuqaro doimiy ro‘yxatga kiritilgan.
Qo‘shimcha imkoniyatlardan foydalanish uchun saytda ro‘yxatdan o‘ting