«dxx» tegli maqolalar
Andijon, Jizzax va Samarqandda noqonuniy yer savdosi bilan bog‘liq holatlar aniqlandi
Andijondagi MCHJlardan birining rahbari 6 gektar maydonda quriladigan savdo kompleksidagi do‘konlarni o‘z kompaniyasi qurayotganligini ta’kidlab, ulardan 10 tasini sotish uchun fuqarodan 117 ming dollar so‘ragan, undan 60 ming dollarini olgan vaqtida qo‘lga olingan. Samarqandda esa advokat o‘ziga ijaraga berilgan 4 gektar yerni 23 ming dollar evaziga boshqa fuqaroga sotishga uringan. DXX Jizzax va Xorazmda ham noqonuniy yer savdosi bilan bog‘liq holatlarni aniqladi.
26 yanvar kuni O‘zbekistonda sodir bo‘lgan eng muhim xabarlar dayjesti
Aholi sarosimaga tushmagani uchun minnatdorchilik bildirgan Shavkat Mirziyoyev, kechgacha elektr energiya va gaz ta’minoti to‘liq tiklanishini aytgan Energetika vazirligi, pora bilan qo‘lga tushgani aytilgan mansabdorlar, «blekaut» ortidan oziq-ovqat narxi keskin oshmasligi, faoliyati cheklangan gaz «zapravkalar», hududlarda harakatdan to‘xtagan jamoat transporti va boshqalar — «Gazeta.uz» ning 26 yanvardagi eng muhim xabarlari dayjestida.
O‘zbekistonliklarni Meksika orqali AQShga jo‘natishga va’da qilgan shaxslar ushlandi
Samarqandda uch nafar fuqaroni 60 ming dollar evaziga Meksika orqali AQShga jo‘natishga va’da qilgan erkak qo‘lga olindi.
Toshkent hokimligi huzuridagi korxona xodimi va sheriklari pora olayotganda ushlandi
Poytaxt hokimligi huzuridagi «Munitsipal aktivlarni boshqarish markazi» DUK xodimi 3 sherigi bilan 30 sotix yerni 420 ming dollarga sotmoqchi bo‘lib, 42 ming dollarni avans sifatida olgan vaqtida ushlangani aytilmoqda. Jizzax va Samarqandda Davlat kadastrlar palatasining tuman filiallarida rahbar va xodim, Sirdaryoda esa bir fuqaro korrupsiyada gumonlanib, qo‘lga olingan.
24 yanvar kuni O‘zbekistonda sodir bo‘lgan eng muhim xabarlar dayjesti
O‘zbekistonga kirishda topshirilayotgan ekspress test bekor qilinishi, manfaatlar to‘qnashuviga yo‘l qo‘ygani tasdiqlangan Kinematografiya agentligi va Sevimli TV rahbarlari, hududida 40 ga yaqin daraxt kesib tashlangan Qarshi davlat universiteti, yangi tayinlangan hokimlar, transafg‘on temir yo‘lini tasdiqlagan «Tolibon» va boshqa xabarlar — «Gazeta.uz» ning 24 yanvardagi eng muhim xabarlari dayjestida.
Termizda «hijrat» va «jihod» g‘oyalarini targ‘ib qilgan ikki kishi uzoq muddatga qamaldi
Termizdagi masjidlar atrofida «hijrat» va «jihod» g‘oyalarini targ‘ib qilgan hamda kelgusida Suriya va Falastindagi janglarda qatnashishni rejalashtirgan ikki erkak uzoq muddatga qamaldi.
Xorazmda $45 ming evaziga kredit olib bermoqchi bo‘lgan shaxslar ushlandi
Bog‘ot tumanida ikki fuqaro tadbirkordan 10 mlrd so‘m kredit olib berish evaziga 45 ming dollar so‘ragani aytilmoqda. Ushbu pullardan 15 ming dollarini olgan vaqtida esa huquqni muhofaza qilish organlari tomonidan qo‘lga olingan. Ularga nisbatan jinoyat ishi qo‘zg‘atildi.
Suriyaga ketishga uringanlikda gumon qilingan fuqaro O‘zbekistonga qaytarildi
Rossiyaga ishlash uchun borgan qashqadaryolik fuqaro internet orqali xalqaro terrorchi tuzilmalar ta’siriga tushib qolib, Suriyadagi jangarilar safiga borib qo‘shilishni rejalashtirgani aytilmoqda. U O‘zbekiston DXX hamda Rossiya FXX tomonidan qo‘lga olinib, O‘zbekistonga olib kelindi.
16 fevral voqealarida qatnashganlikda gumon qilingan yana bir shaxs qo‘lga olindi
«Turkiston islom harakati» xalqaro terroristik tashkilotiga a’zolikda hamda 1999 yilning 16 fevralida Toshkentda bo‘lgan qo‘poruvchilik harakatlarida ishtirok etganlikda gumon qilingan shaxs qo‘lga olinib, O‘zbekistonga olib kelindi. U 23 yil davomida qidiruvda bo‘lgan.
Yangiyo‘lda Qirg‘izistonga o‘qishga kiritib qo‘yishni va’da qilgan fuqarolar ushlandi
Yangiyo‘lda fuqaroni Qirg‘izistonning O‘sh davlat universitetiga kiritib qo‘yish uchun 10 ming dollar talab qilgan shaxslar ushlandi. Hozirda jinoyat ishi qo‘zg‘atilib, tergov o‘tkazilmoqda.
Jihod g‘oyalarini targ‘ib qilganlikda gumonlanayotgan o‘zbekistonlik Rossiyada qo‘lga olindi
DXX va Rossiya huquq-tartibot idoralari xodimlari hamkorlikda «Tavhid va jihod katibasi» terroristik guruhida ishtirok etish va jihod g‘oyalarini tarqatishda gumon qilingan O‘zbekiston fuqarosini qo‘lga oldi. U O‘zbekistonga ekstraditsiya qilingan, unga nisbatan jinoiy ish qo‘zg‘atilmoqda.
Bekobod shahar hokimligi bosh mutaxassisi $128 ming pora bilan qo‘lga tushdi
DXX Bekobod shahar hokimligining bosh mutaxassisini maktabgacha ta’lim muassasasi binosini xususiylashtirish va shahar hududidan 1 gektar yer maydoni olib berish evaziga 128 ming dollar olgan vaqtida ushladi. Samarqand va Jizzax viloyatlarida ham noqonuniy yer sotish holatlari aniqlandi.
Ahmad Donish ko‘chasidagi yo‘lning cho‘kish holati yuzasidan jinoyat ishi qo‘zg‘atildi
DXX tomonidan Ahmad Donish ko‘chasidagi cho‘kish tufayli davlatga 4,5 mlrd so‘m miqdorida zarar yetkazilgani aniqlandi. Holat yuzasidan Toshkent metropoliteni liniyalarini qurish direksiyasi va poytaxt hokimligi Yagona buyurtmachi xizmati injiniring kompaniyasi mansabdorariga nisbatan jinoyat ishi qo‘zg‘atildi.
O‘zbekistonliklarni AQShga noqonuniy jo‘natishga va’da qilgan shaxslar ushlandi
Davlat xavfsizlik xizmati va huquqni muhofaza qilish organlari xodimlari ikki samarqandlikka AQShga yuborishga va’da berib, har biridan 30 ming dollardan talab qilgan shaxslarni qo‘lga oldi.
DXX Andijonda 12 nafar diniy tashkilot tarafdorini qo‘lga oldi
DXX Andijon viloyatida avval «Hizb ut-Tahrir» tashkilotiga a’zo bo‘lganliklari uchun jazo muddatini o‘tab chiqqan, biroq, ozodlikka chiqqach ekstremistik g‘oyalarni targ‘ib qilishda davom etgan 12 nafar shaxsni qo‘lga oldi. Ularga nisbatan jinoyat ishi qo‘zg‘atildi.
Qibrayda qariyb 14 gektar yerni $3,4 mlnga sotishga uringan shaxslar qo‘lga olindi
Qibray tumanida qishloq xo‘jaligi mahsulotlarini yetishtirishga mo‘ljallangan 13,7 gektar yer maydonini 3,4 mln dollarga sotmoqchi bo‘lgan shaxslar ushlandi. Noqonuniy ravishda yer sotishga urinishlar Sirdaryo, Namangan va Samarqand viloyatlarida ham qayd etildi.
Sirdaryoda fuqaro 20 gektar yerni 70 ming dollarga sotmoqchi bo‘ldi
Sirdaryoda otasining fermer xo‘jaligi yeridan 5 gektarni va uning atrofidagi hujjatsiz yerdan yana 15 gektarni 70 ming dollarga sotmoqchi bo‘lgan fuqaro ushlandi. Holat yuzasidan jinoyat ishi qo‘zg‘atilib, tergov harakatlari olib borilmoqda.
DXX respublika bo‘yicha jami 24,5 kgdan ortiq giyohvand moddalarni musodara qildi
Davlat xavfsizlik xizmati xodimlari tomonidan Farg‘ona, Andijon, Qashqadaryo va Qoraqalpog‘istonda o‘tkazilgan tekshiruvlarda jami 5,450 kg «opiy», 19,2 kg «gashish» hamda 2990 dona «Tramadol» aniqlanib, musodara qilindi.
DXX Toshkentdagi narkolaboratoriya faoliyatiga chek qo‘ydi
Davlat xavfsizlik xizmati Toshkentda mefedron moddasini ishlab chiqaruvchi narkolaboratoriya faoliyatiga chek qo‘ydi. Ijaraga olingan 3 ta xonadondan sintetik narkotik moddasi va uskunalar olib qo‘yilgan. Internet orqali narkotik savdosi bilan shug‘ullanuvchi guruh a’zolaridan bitkoin ko‘rinishida jamg‘arilgan 133,7 ming dollar musodara qilindi. Shuningdek, narkotiklar chet eldan elektrosamokatlarda olib kirilgani aniqlandi.
Fuqarolardan Janubiy Koreya va Avstraliya davlatlariga yuborish evaziga pul talab qilgan shaslar qo‘lga olindi
Farg‘ona va Buxoro viloyatlarida fuqarolarning ishonchiga kirib, ularni Janubiy Koreya va Avstraliya davlatlariga yuborishni va’da qilgan va buning evaziga pul talab qilgan shaslar qo‘lga olindi. Ularga nisbatan firibgarlik moddasi bilan jinoiy ish qo‘zg‘atildi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting