«foto» tegli maqolalar
O‘zbekistonda 2023-yil — suratlarda
Anomal sovuq va energoinqiroz, muddatidan avvalgi O‘zbekiston prezidenti saylovi, jahon yetakchilarining tashriflari, dorilar bilan bog‘liq bolalar fojialari, Sergelidagi portlash. “Gazeta.uz” O‘zbekistonda yakuniga yetayotgan yilning asosiy voqealari haqida so‘zlovchi fotosuratlarni jamladi.
“Toshkent. Yil fasllari. Vivaldi”. Yevgeniy Sorochin fotoloyihasi
“Gazeta.uz” fotomuxbiri Yevgeniy Sorochin bir yil avval Toshkentda fasllar qanday namoyon bo‘lishini ko‘rsatuvchi loyihasini boshlagandi. U shaharning sakkiz joyini bir xil nuqtadan turib qish, bahor, yoz va kuzda suratga oldi. Buyuk Antonio Vivaldining “Yil fasllari” konsertlari esa loyihaga saundtrek bo‘ldi.
Foto: Konstitutsiya hayotidan bir soat
Aslida bu “Konstitutsiya hayotidan bir kun” nomli reportaj bo‘lishi lozim edi. Afsus, xaritada ko‘ringan hamma narsa ham real hayotda bo‘lavermas ekan. Ammo bu “Gazeta.uz” ijodkorlarini to‘xtata olgani yo‘q: “Konstitutsiya hayotidan bir kun” bo‘lmasa, unda mana — “Konstitutsiya hayotidan bir soat” bor!
Sentobga sayohat: Jahondagi eng yaxshi turizm qishloqlaridan birida nimalar hayratga soladi?
O‘zbekistonda hozirda beshta turizm qishlog‘i bor: Konigil va Bog‘i Baland, Ovjazsoy va Ertoshsoy, Sentob. 2023-yil oktabrida Sentob jahondagi eng yaxshi turizm qishloqlaridan biri deb e’lon qilindi. “Gazeta.uz” jurnalistlari Nurotada bo‘lib, bu qishloq nimalari bilan hayratga solishini o‘rganib qaytdi.
Foto: Toshkent aeroportida beshinchi rasmiy aviaspotting
Toshkent xalqaro aeroportida beshinchi rasmiy spotting-tur bo‘ldi. Unda O‘zbekistonning turli shaharlaridan, shuningdek, Rossiya, Qozog‘iston va Belarusdan 50 ga yaqin spotter qatnashdi. Foto.
Fotoreportaj: Toshkentdagi portlash joyida yong‘inni o‘chirish ishlari davom etmoqda
“Gazeta.uz” muxbirlari Toshkent shahri Sergeli tumanidagi portlash sodir bo‘lgan joydagi vaziyatni kuzatishda davom etmoqda. U yerda yong‘inni o‘chirish davom etyapti. Portlash oqibatida ochiq maydonda saqlanayotgan avtomobillarga ham zarar yetgan.
Foto: Islom Karimovning sharhsiz va izohsiz suratlari
Karimov fondi va Islom Karimov nomidagi Ilmiy-ma'rifiy yodgorlik majmuasi 2020-yili “Islom Karimov: Ulkan tarixiy davrni mujassam etgan inson” nomli fotoalbom chiqargan edi. 2-sentabr — Islom Karimovni xotirlash kuni munosabati bilan “Gazeta.uz” albomdan ayrim suratlarni chop etadi.
Sudochye — qamishlar, chinklar, qushlar makoni. Bir vaqtlar sohilida yuzlab odamlar yashagan, hozir esa millionlab qushlarga qo‘nalg‘a vazifasini bajaruvchi ko‘ldan reportaj
Nukusdan taxminan 150 km uzoqlikda, Mo‘ynoq tumanida, mahalliy aholi “Suvi duchchi” (o‘zbekchasiga “suvi chuchuk”) deb atagan, xaritalarga Sudochye nomi bilan kiritilgan ko‘llar tizimi bor. U yerga boradigan to‘g‘ri va tekis yo‘l yo‘q, shu bois masofani bosib o‘tishga 4 soatcha vaqt ketadi. “Gazeta.uz” reportaji.
Foto: Toshkentda minglab abonentlar 12 soatga yaqin elektr ta’minotisiz qoldi
Toshkent shahrining Mirzo Ulug‘bek va Yashnobod tumanlaridagi minglab xonadonlar va ko‘plab obyektlar tarmoqdagi nosozlik tufayli 12 soatga yaqin elektrsiz qoldi. Shuningdek, hududda svetoforlar ham ishlamadi. “Gazeta.uz” fotoreportaji.
Ko‘chalar jinoyat joyiga o‘xshashi shartmi?
Toshkentdagi chorrahalar va piyodalar o‘tish joylari yaqinida odatda jinoyat sodir bo‘lgan joylar va qurilish maydonchalarini belgilashda foydalaniladigan tasmalar paydo bo‘ldi. Bu esa shaharning xavfli ko‘chalarini yanada xavfli ko‘rinishga olib keldi. Foto.
Kosiblik osonmi? 18 yildan beri Milliy teatr ustaxonasida ishlab kelayotgan etikdo‘zlar hikoyasi
“Gazeta.uz” turli kasb egalarining ko‘pga noma’lum, zahmatli va mas’uliyatli faoliyati haqida hikoya qiluvchi “Professional” loyihasini davom ettiradi. Navbatdagi qahramonlar — ota-o‘g‘il kosiblar Baxtiyor Valiyev hamda G‘ayrat Zohidov.
Chegaradagi dengiz
Beruniy yashagan davrlarda uning nomi “Qiz dengizi” edi. Dengizdan kam joyi yo‘q — uzunligi 100−120 (taxminan Toshkentdan Gulistongacha bo‘lgan masofa), eni 30−40 km atrofida, bu qirg‘og‘idan narigisi ko‘rinmaydi. Asrlar bo‘yi necha bor qurib, so‘ng yana suvga to‘lgan bu joy hozir shunday ataladi — Sariqamish.
Qulupnay, qulupnayjonim, qulupnayqizg‘aldoq! Toshkent viloyatidagi beshariqlik qulupnaychilar “mahallasi”dan reportaj
Bahor rostmanasiga qachon kirib keladi? Bodom gullaganidami? Boychechak ochilganidami? Yo mart boshlanmay So‘qoqda “mador-somsa” brendi uyg‘onganidami? Yo‘q, bahor qulupnay pishganida kirib keladi! “Gazeta.uz” ayni qulupnay-murabbo mavsumida qulupnayzorlarni aylandi.
Mayning 13 lahzasi. Andijonning 18 yil avvalgi va hozirgi manzaralari
2005-yilning 13-mayga o‘tar kechasi O‘zbekiston tarixiga “Andijon voqealari” nomi bilan kirgan eng qonli hodisalardan biri boshlangan edi. “Gazeta.uz” ushbu hodisa oqibatlari aks etgan 13 manzarani tanlab olib, ularni 2023-yil may oyida yana o‘sha nuqtalarda olingan suratlar bilan taqqosladi.
O‘zgidromet — 102 yoshda. O‘zbekistonda gidrometeorologiya xizmati qanday rivojlangan?
O‘zbekiston Gidrometeorologiya xizmati bu yil 102 yilligini nishonlamoqda. Turkiston meteorologiya instituti tashkil etilgan 1921-yilning 7-mayi O‘zgidromet tavallud topgan kun sifatida nishonlanadi. XIX asrning ikkinchi yarmidan hozirgi kungacha xizmatning qanday rivojlangani — “Gazeta.uz” fotomaterialida.
Jilovlangan vaqt. Mutaxassisligi bo‘yicha avtochilangar va qismatiga ko‘ra soatsoz bo‘lgan A’zamxon Nabiyev hikoyasi
A’zamxon Nabiyev soatlarni 20 yildan beri to‘playdi. Uning kolleksiyasida 200 dan ortiq soat namunasi bor. Ularning ayrimlari vaqtni ko‘rsata boshlaganiga yuz yildan oshgan. “Gazeta.uz” noodatiy ustaxonada bo‘lib, soatsoz bilan uning kolleksiyasi, eski soatlarni sozlash va ularning bahosi haqida suhbatlashdi.
Foto: O‘zbekistonliklarning Ikkinchi Jahon urushidagi ishtirokiga bag‘ishlangan ko‘rgazma
O‘zbekiston tarixi muzeyida o‘zbekistonliklar SSSRning Ikkinchi Jahon urushidagi g‘alabasiga qo‘shgan hissasiga bag‘ishlangan ko‘rgazma ochildi. Unda o‘nlab arxiv suratlari, sovet plakat san’atining namunalari namoyishga qo‘yilgan, shuningdek, “Askar maktublari” kitobi taqdim etilgan.
Prezident ovoz bergan uchastkada ovozlarni sanash jarayoni qanday kechdi?
O‘zbekistonda 30-aprelda Konstitutsiyaning yangi tahriri bo‘yicha referendum bo‘lib o‘tdi. 8:00 da ochilgan referendum uchastkalari 20:00 ga qadar ovozlarni qabul qildi. “Gazeta.uz” ayrim uchastkalarda, xususan, prezident Shavkat Mirziyoyev ovoz bergan joyda byulletenlarni sanash jarayonini kuzatdi. Foto, video.
Foto: Toshkentdagi referendum uchastkalarida ovoz berish jarayonlari
Toshkentdagi bir qator uchastkalarda ovoz berish jarayonining ilk soatidayoq “10−15 foiz saylovchi ovoz berib bo‘ldi”. Ayrim referendum uchastkalari gavjum. Ovoz berishga farzandlari bilan kelayotganlar kam emas. “Gazeta.uz” fotoreportaji.
Foto: O‘zbekistonda Konstitutsiyaning yangi tahriri bo‘yicha referendum boshlandi
O‘zbekistonda Konstitutsiyaning yangi tahriri bo‘yicha referendum uchastkalari ochildi. Uchastka komissiyalari a’zolari kuzatuvchilar guvohligida ovoz berish qutilarini muhrlashdi. O‘zbekiston madhiyasi yangradi va ovoz berish jarayoni ochiq deb e’lon qilindi. Jarayonni bizning fotoreportajlarimizda tomosha qiling.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting