«qoraqalpog‘iston» tegli maqolalar
Ombudsman idorasi qiynoqlar ehtimoli haqidagi xabarga raddiya berdi
Ombudsman idorasi «Gazeta.uz»ning Qoraqalpog‘istondagi mahbuslarning advokatlari qiynoqlar to‘g‘risida ma’lum qilgani haqidagi xabariga raddiya berdi. Xabarda advokatlardan qiynoqqa solish holatlari kuzatildimi, degan savolga javob olingan, deya aniqlik kiritdi ombudsman matbuot xizmati.
«Qoraqalpog‘istonda hech qanday repressiya va bosim yo‘q» — Alisher Qodirov
Alisher Qodirov Qoraqalpog‘istondagi tartibsizliklarning mingdan ortiq ishtirokchisi «aybsiz bo‘lgani uchun emas, yaxshi niyat namoyishi sifatida» qo‘yib yuborilganini ma’lum qildi. Qolganlar tergov qilinmoqda (qancha odamligi aytilmadi). Hech qanday repressiya va bosim yo‘q, deya qo‘shimcha qildi deputat.
Qoraqalpog‘istonda hibsga olinganlar qiynoqqa solingan bo‘lishi mumkinligi haqida ilk bor rasman xabar berildi
Ombudsman Qoraqalpog‘istondagi namoyishlarda hibsga olinganlarning advokatlariga tayanib, uchrashuvlarga to‘sqinlik qilingani va tergovda qiynoqqa solishlar bo‘lganini ma’lum qildi. «Gazeta.uz» reportajida qiynoqqa solish holatlari haqida yozgandi, komissiya a’zosi Alisher Qodirov esa buni yolg‘on deya atagandi.
Igor Savitskiy haykalini yaratish bo‘yicha tanlov e’lon qilindi
Badiiy akademiya Qoraqalpog‘iston davlat san’at muzeyi asoschisi Igor Savitskiy haykalini yaratish bo‘yicha tanlov e’lon qildi. 4 avgust kuni Savitskiy tavalludining 107 yilligi nishonlanayotgan vaqtda jamoatchilik e’tibori haligacha muzey asoschisiga haykal o‘rnatilmaganiga qaratildi.
Qoraqalpog‘iston IIVga yangi rahbar tayinlandi
Qoraqalpog‘istonda kadrlar o‘zgarishi davom etmoqda. Bungacha Qo‘ng‘irot tumani ichki ishlar bo‘limiga rahbarlik qilgan Baxtiyar Torebekov respublika ichki ishlar vaziri lavozimiga tayinlandi.
Qo‘rquv va azob — Qoraqalpog‘iston oradan bir oy o‘tgach nimani his qilmoqda?
«XXI asrda bunday bo‘lishiga, bu kabi qo‘rquvni his qilish mumkinligiga hali ham ishona olmayapman» — demoqda Nukus aholisi. Ko‘pchilik o‘z yaqinlari va do‘stlarini yo‘qotdi, ammo bu haqda gapirishdan qo‘rqmoqda. «Gazeta.uz» bosh muharriri Azamat Atajanovning reportaji.
Qoraqalpog‘iston ichki ishlar vaziri lavozimidan ozod qilindi
Qoraqalpog‘iston ichki ishlar vaziri Amanbay Orinbayev lavozimidan ozod qilindi. U Qoraqalpog‘iston Respublikasi Vazirlar Kengashi raisining Ekologiya va Orolbo‘yi hududlarini rivojlantirish masalalari bo‘yicha birinchi o‘rinbosari lavozimiga tayinlangan.
Erkaboy Tajiyev Qoraqalpog‘iston prokurori bo‘ldi
Qoraqalpog‘iston Jo‘qorg‘i Kengesining O‘zbekiston bosh prokurori qatnashgan sessiyasida Erkaboy Tajiyev respublika prokurori lavozimiga tayinlandi. U 2016−2017 yillarda ham mazkur lavozimda faoliyat olib borgan.
Qoraqalpog‘istonda favqulodda holat muddatidan oldin bekor qilindi
Chorshanba kuni kechqurun parlament prezidentning Qoraqalpog‘iston hududida favqulodda holat tartibini muddatidan oldin tugatish to‘g‘risidagi farmonini ma’qulladi.
Qoraqalpog‘iston hududida favqulodda holatning amal qilishi tugatildi
O‘zbekiston prezidenti Shavkat Mirziyoyev Qoraqalpog‘iston Respublikasi hududida favqulodda holatning amal qilishini 21 iyuldan tugatish to‘g‘risidagi farmonni imzoladi.
Qoraqalpog‘iston deputatlari prezidentdan favqulodda holatni yumshatishni so‘ramoqda
Qoraqalpog‘iston Jo‘qorg‘i Kengesi O‘zbekiston prezidentiga murojaat yo‘llab, favqulodda holatni yumshatishni so‘radi. Avvalroq «Yangi O‘zbekiston» gazetasi murojaatda aybsiz fuqarolarni, xususan, yoshlarni afv etish so‘ralgani haqida yozgandi, biroq, oradan vaqt o‘tib xabar tahrirlandi.
Qoraqalpog‘istonda internet ishlay boshladi. Hozircha bu vaqtincha yoki doimiyligi noma’lum
Qoraqalpog‘istonda soat 13:45 lar atrofida internet yana ishlab ketdi, deya ma’lum qildi Nukus aholisi. Telegram-kanallar va saytlar jonlana boshladi. Iyul boshidan beri respublikada internetga kirishning imkoni bo‘lmayotgandi.
Bosh prokuratura Qoraqalpog‘istondagi voqea ishtirokchilari g‘oyib bo‘lganini rad etdi
Qoraqalpog‘istondagi namoyishlarda qatnashgan ayrim fuqarolarning bedarak yo‘qolgani haqidagi ma’lumotlar «mutlaqo asossiz», deya ma’lum qildi Bosh prokuratura. Avvalroq Open Dialogue Foundation bedarak yo‘qolgan fuqarolarning 58 nafar ismi-sharifi ro‘yxatini e’lon qilgan edi.
Nukus voqealarida vafot etganlar soni 3 kishiga ortdi
Nukusdagi voqealar oqibatida halok bo‘lganlar soni yana 3 kishiga ko‘paydi, deya xabar berdi Bosh prokuratura. 16 kishi kasalxonada qolmoqda. Fuqarolar, tashkilotlar va infratuzilmaga yetkazilgan zarar 3,1 mlrd so‘mni tashkil etdi.
Qoraqalpog‘istondagi voqealar bo‘yicha ishonch telefoni ishga tushirildi
Qoraqalpog‘istondagi fojiali voqealarni tekshirish bo‘yicha parlament komissiyasi ishonch telefonini ishga tushirdi. Fuqarolar iyul oyining ilk kunlarida nimalar sodir bo‘lgani haqida 1374 qisqa raqamiga qo‘ng‘iroq qilib xabar berishlari mumkin.
Qoraqalpog‘istonlik tadbirkorlar hisobotni o‘z vaqtida topshirmaganlari uchun javobgarlikka tortilmaydi
Favqulodda holat rejimida Qoraqalpog‘istonda tadbirkorlar soliq deklaratsiyasini o‘z vaqtida taqdim etmaganliklari uchun javobgarlikka tortilmaydi, deb xabar qildi Davlat soliq qo‘mitasi.
Parlament komissiyasi Qoraqalpog‘istonda tekshiruvlarni boshladi
Qoraqalpog‘istondagi voqealar bo‘yicha parlament komissiyasi shanba kuni tekshiruvlarni boshladi. Uning tarkibidan senatorlar, deputatlar, NNT va Qoraqalpog‘iston vakillari joy olgan. Komissiya inson huquqlari va erkinliklari buzilishi holatlarini atroflicha o‘rganadi.
Parlament komissiyasi Qoraqalpog‘istondagi voqealar yuzasidan tekshiruv o‘tkazadi
Senat va Qonunchilik palatasi Qoraqalpog‘istonda yuz bergan voqealarni o‘rganish hamda ular yuzasidan mustaqil tekshiruv o‘tkazish bo‘yicha qo‘shma komissiya tuzdi. Unga ombudsman Feruza Eshmatova rahbarlik qiladi.
Qoraqalpog‘istonda favqulodda holat rejimi yumshatildi
Qoraqalpog‘istonda komendantlik vaqti 23 dan soat 5 ga qadar etib qisqartirilmoqda, bunga qadar soat 21 dan soat 7 gacha edi. Respublikadagi vaziyat barqarorlashgani tufayli prezident hududda favqulodda holat rejimini yumshatish to‘g‘risidagi farmonni imzoladi.
Qoraqalpog‘istonlik abituriyentlar uchun OTMga qabul muddati uzaytiriladi
Oliy ta’lim vazirligi Qoraqalpog‘istondagi internet bilan bog‘liq muammolar tufayli respublikadagi abituriyentlar uchun OTMlarga qabul muddati uzaytirilishini ma’lum qildi. Vaziyat hukumat tomonidan nazoratga olingan, qabul sanasi esa tez orada SMS-xabarnoma hamda telekanallar orqali yetkaziladi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting