«qozog‘iston» tegli maqolalar
Rossiya O‘zbekiston va Qozog‘iston kabi davlatlar orqali YeIning sanksiyalangan tovarlarini olishda davom etmoqda — Bloomberg
2023-yilning yanvar-sentabr oylarida Yevropa Ittifoqidan Rossiyaga 450 mln yevrolik yuqori ustuvorlikka ega tovarlar yetib borgan. Tovarlarning chorak qismi to‘g‘ridan-to‘g‘ri YeIdan, qolgani esa O‘zbekiston, Qozog‘iston, Qirg‘iziston, Xitoy, BAA kabi davlatlar orqali Rossiyaga yetib borgan, deb yozmoqda Bloomberg.
Qozog‘iston rahbari davlat xizmatchilarining maoshlarini xususiy sektor bilan raqobatbardosh qilishni taklif qildi
Qozog‘iston prezidenti Qosim-Jomart Toqayev davlat xizmatchilarining maoshlarini xususiy sektorniki bilan raqobatbardosh qilishni va davlat xizmatiga kadrlar yollashni “erkinroq” qilishni taklif qildi. U davlat apparatida ayollar sonini ko‘paytirishga ham chaqirdi, chunki ular korrupsiyaga “moyil emas”.
“Biz nafaqaga chiqamiz, siz esa o‘rnimizga kelasiz”. Toqayev Qozog‘istonning yosh kadrlariga murojaat qildi
20-fevral kuni Qozog‘iston rahbari Qasim-Jomart Toqayev Prezident yosh kadrlari zaxirasidagi yoshlarga murojaat qilib, avlodlar almashinuvi, davlat xizmatchilarining ish vaqti va maoshi, gender balansi masalalari haqida fikr bildirdi. “Biz nafaqaga chiqamiz, siz esa bizning o‘rnimizni egallaysiz”, — dedi u.
Qozog‘istonda yo‘lda qolib ketgan 27 nafar o‘zbekistonlik evakuatsiya qilindi (yangilandi)
Qozog‘istonning Aqmola viloyatida sovuq havoda nosoz avtobusda qolib ketgan 27 nafar o‘zbekistonlik, jumladan, 12 nafar bola evakuatsiya qilindi. Avvalroq Kazinform agentligi ularning soni 64 nafar ekani haqida ma’lumot bergandi.
Qozog‘istonda sayg‘oqlarni otish to‘xtatildi
Qozog‘istonda mutaxassislar bilan maslahatlashilganidan so‘ng va yomon ob-havo sharoiti tufayli sayg‘oqlarni otish to‘xtatildi. Ularning soni 2023-yil oktabr oyida ushbu hayvonlar populyatsiyasining keskin ortishi va yaylov yetishmasligi fonida tartibga solingandi.
O‘zbekiston 2023-yilda Xitoy va Rossiya bilan savdo hajmini oshirdi, qo‘shnilar bilan esa qisqartirdi
Xitoy Rossiyani quvib o‘tib, O‘zbekistonning asosiy savdo sherigiga aylandi, shunga qaramay, ikki davlat ham savdodagi ulushini oshirdi. Rossiya va Xitoydan import ko‘paydi, biroq ushbu bozorlarga O‘zbekiston mahsulotlari kamroq yetkazib berilmoqda. Qozog‘iston va Qirg‘iziston bilan savdo aylanmasi ham pasaygan.
Qozog‘istonda niqob rejimi tiklandi
Qozog‘iston hukumati tibbiyot muassasalarida niqob rejimini joriy qildi, shuningdek, undan odamlar gavjum joylarda ham foydalanishni tavsiya qildi. Ushbu chora mamlakatda COVID-19, qizamiq va boshqa o‘tkir respirator virusli infeksiyalar tarqalishini to‘xtatish maqsadida ko‘rildi.
Qozog‘istonning yangi bosh vaziri etib Oljas Bektenov tayinlandi
Qasim-Jomart Toqayev Qozog‘iston Prezident administratsiyasi rahbari Oljas Bektenovni bosh vazir etib tayinlash to‘g‘risidagi farmonni imzoladi. Toqayev, shuningdek, hukumatning iste’fosi va Bektenov nomzodi yuzasidan izoh berdi.
Qozog‘istonda hukumat iste’foga chiqdi
Qozog‘iston prezidenti Qasim-Jomart Toqayev hukumatining iste’fosi qabul qilish to‘g‘risidagi farmonni imzoladi. Hukumatning iste’foga chiqish sabablari haqida ma’lumot berilmagan. Bosh vazir vazifasini bajaruvchi etib bungacha hukumat rahbarining birinchi o‘rinbosari bo‘lgan Roman Sklyar tayinlandi.
Qozog‘iston parlamenti oiladagi zo‘ravonlik uchun jazoni kuchaytiruvchi qonun loyihasini ma’qulladi
Qozog‘iston parlamenti ayollar va bolalar huquqlarini himoya qilish, oiladagi (maishiy) zo‘ravonlik uchun jazoni kuchaytiruvchi qonun loyihasini ma’qulladi. Hujjatda kaltaklashga ham jinoiy javobgarlik nazarda tutilgan.
Qozog‘istondagi portlash oqibatida ikki nafar o‘zbekistonlik erkak jarohatlandi
Qozog‘istonning Qarag‘anda viloyatidagi ikki qavatli turar-joy binosida gaz balloni portlashi oqibatida 2 nafar O‘zbekiston fuqarosi jarohatlandi. Ular og‘ir ahvolda kasalxonaga yotqizildi. Elchixona holat nazoratga olinganini bildirdi.
“Odamlar aniq qo‘rqib ketgandi”. Olmaota tungi zilziladan qanday omon qoldi? Guvohning kechinmalari
Kecha tunda Xitoyda kuchli zilzila sodir bo‘ldi. Uning kuchi Olmaotada 5 ballni tashkil qildi. Shahar aholisi vahima ichida ko‘chalarga yugurib chiqdi, yo‘llarda tirbandliklar yuzaga keldi. Olmaotaliklar tunda qanday omon qolgani — “Gazeta.uz” materialida. Biz voqea guvohi bilan suhbatlashdik.
Rossiyalik prodyuser Tina Kandelakiga Qozog‘istonga kirish taqiqlanadi
Rossiyalik prodyuser, “Gazprom-media” bosh direktori o‘rinbosari Tina Kandelakiga Qozog‘istonga kirish taqiqlanmoqda. Bunga uning Qozog‘istondagi temiryo‘l vokzallari nomi o‘zgartirilishini rus tilini davlat darajasida siqib chiqarish deb baholagani va “manqurtlik” haqidagi posti sabab bo‘ldi.
Qozog‘istondagi YTHda 3 nafar o‘zbekistonlik halok bo‘ldi
Qozog‘istondagi Uralsk-Atirau trassasida sodir bo‘lgan YTH tufayli 3 kishi halok bo‘ldi. Ular O‘zbekistondan bo‘lgan bir oilaning a’zolari sanaladi. Shuningdek, bir bola shifoxonaga yotqizilgan.
Qozog‘iston Yaqin Sharq va Afrikaga tinchlikparvar kuchlarini yuboradi
Qozog‘iston BMTning Yaqin Sharq va Afrikadagi missiyalarida ishtirok etish uchun tinchlikparvar qo‘shinlarini yuboradi. Ilk 139 nafar harbiy xizmatchi Golan tepaliklariga jo‘natiladi. Toqayev bu “geosiyosiy keskinlik kuchaygan sharoitda” mamlakat qurolli kuchlariga jangovar mahoratini oshirish imkonini berishini aytdi.
O‘zbekiston Qozog‘istondan ko‘mir importini 1,8 barobar, Qirg‘izistondan esa 2 barobar oshirdi
2023-yil yakunlariga ko‘ra, Qozog‘istondan O‘zbekistonga ko‘mir importi 1,4 mln tonnaga oshib, 3,1 mln tonnaga (+82,3 foiz) yetgan. Qirg‘iziston ko‘miri esa 10 oyda ikki barobar ko‘paygan — deyarli 900 ming tonnagacha. Yanvar-noyabr oylaridagi yetkazib berish hajmi qiymat jihatdan 189,2 mln dollarga baholanmoqda.
Toshkent uchun kurash, Bo‘stonliq alami, O‘zbekistondagi “qozoq respublikasi”. Nazarboyevning kitobida o‘zbek-qozoq chegarasi haqida nimalar yozilgan?
Qozog‘iston birinchi prezidenti Nursulton Nazarboyevning “Mening umrim. Qaramlikdan erkinlikka” kitobida davlat chegarasi — bosh mavzulardan biri. Muallif, xususan, o‘zbek-qozoq chegarasi, ikki respublika o‘rtasidagi yer oldi-berdisi mavzulariga to‘xtalib, bahsli masalalar qanday yechilgani haqida hikoya qiladi.
O‘xshamagan Turkiston konfederatsiyasi va Yelsin bilan basseyndagi musobaqa. Nazarboyev o‘z kitobida O‘zbekiston va Karimov haqida nimalar yozgan?
Qozog‘istonda 2023-yil dekabrida mamlakat birinchi prezidenti Nursulton Nazarboyevning memuarlar kitobi nashrdan chiqdi. “Gazeta.uz” ma’lum ma’noda shov-shuvlarga sabab bo‘lgan kitobning O‘zbekiston, jumladan, birinchi prezident Islom Karimovga shaxsiga aloqador parchalarini o‘zbek tiliga tarjima qildi.
Qozog‘istondagi yanvar voqealari vaqtida mahbuslarni qiynoqqa solgan 40 dan ortiq xavfsizlik xodimi javobgarlikka tortildi
Qozog‘iston hukumati 2022-yil yanvarida bo‘lib o‘tgan namoyishlar chog‘ida mahbuslarni qiynoqlarga solgan 40 dan ortiq huquq-tartibot organi xodimlarini jinoiy javobgarlikka tortdi. Yana 20 ga yaqin ish yuzasidan tergov harakatlari olib borilmoqda.
“Konstitutsiyaga o‘zgartirishlar kiritish endi imkonsiz”. Toqayev — 2026-yilda qayta saylanishi ehtimoli haqida
Qozog‘iston prezidenti Konstitutsiyani o‘zgartirish va 2026-yilgi saylovda nomzodini qo‘yish niyatida emasligini aytdi. Shuningdek, u Nazarboyev ketganidan keyin qo‘shhokimiyat modelini joriy etishga urinishlar bo‘lganini va uning sheriklari “siyosiy o‘yinlari” sabab “mamlakatni deyarli parchalab tashlaganini” tan oldi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting