Belarusda birinchi atom elektr stansiyasi ishga tushirilganidan 3 kun o‘tib avariya tufayli vaqtincha to‘xtatildi. Rasmiy xabarlarga ko‘ra, radiatsiya tarqalishi kuzatilmagan.
Moskvada koronavirus holatlari ko‘paygani sababli yangi cheklovlar joriy etildi. Universitetlar va kollej talabalari masofaviy ta’limga o‘tkaziladi. Kafe, restoran va tungi klublarning ishlash vaqti chegaralanadi.
AQSHda so‘nggi 24 soat davomida koronavirus yuqtirganlarning umumiy soni 10 milliondan oshib ketdi. Mamlakatda asosiy infeksiya tarqalish o‘choqlari Texas, Kaliforniya va Florida shtatlari bo‘lib turibdi.
Braziliyaning Anvisa sog‘liqni saqlash nazorati agentligi Xitoyning Coronavac vaksinasi sinovlarini vaqtincha to‘xtatdi. Bunga vaksinaning jiddiy yon ta’siri sabab bo‘ldi.
Armaniston, Rossiya va Ozarbayjon rahbarlari Tog‘li Qorabog‘dagi harbiy harakatlarning to‘xtatilishi to‘g‘risida bayonot imzoladi. Armaniston bosh vaziri Nikol Pashinyan Ozarbayjonga yon berib, bir nechta tumanlarni, shuningdek tan olinmagan respublikaning bir qismini Bokuga o‘tkazishga rozi bo‘ldi. Qaror e’lon qilinganidan keyin Yerevanda norozilik namoyishlari va tartibsizliklar boshlandi.
9 noyabr kuni tunda Ozarbayjon Rossiya vertolyotini urib tushirdi. Ozarbayjon ushbu hodisa tasodifan sodir etilgani va Rossiyaga qarshi qaratilmaganligi haqida ta’kidlamoqda. Vertolyot ekipajining 2 a’zosi halok bo‘lgan.
BAA hukumati spirtli ichimliklarni iste’mol qilish, o‘z joniga qasd qilishga urinish va turmush qurmagan juftliklarning birgalikda yashaganligi uchun belgilangan jazolarni bekor qildi.
Dunyo bo‘ylab COVID-19 bilan kasallanganlar soni 50 milliondan oshdi, 1,2 mln bemorlar vafot etdi.
CNN, AP, The New York Times va NBC Jo Bayden AQSH prezidentlik saylovlarida g‘alabani qo‘lga kiritganini yozmoqda. U AQSHning eng keksa va 46 prezidenti bo‘ladi. Bayden hisobida 284 ta, Trampda esa — 214 ta saylovchilar ovozi mavjud.
Mashhur yozuvchi-satirik Mixail Jvanetskiy 86 yoshida vafot etdi.
Daniyadagi qorakuzanlarda (norka) mutatsiyaga uchragan koronavirus aniqlangani sababli, 1139 ta fermer xo‘jaligidagi 15−17 mln jonivorni yo‘q qilish rejalashtirilmoqda.
AQSH prezidentlik saylovlarida Jo Bayden eng muhim Viskonsin va Michigan shtatlarida g‘olib bo‘ldi. Donald Tramp ushbu shtatlardagi ovozlarni hisoblash bo‘yicha shikoyat qilmoqchi. Jo Bayden g‘alaba qozonishi uchun saylovchilar kollegiyasining yana 6 ta ovozini olishi kifoya. 4 ta shtatdagi natijalar e’lon qilinishi kutilmoqda.
Koronavirus tarqalishi sababli Italiya hukumati butun mamlakat bo‘ylab komendantlik soati joriy qildi. Muzey va ko‘rgazmalar yopilib, yuqori maktab o‘quvchilari masofaviy ta’limga o‘tkaziladi.
Turkiyaning Izmir provinsiyasida 6,6 ballik zilziladan keyin boshlangan qidiruv-qutqaruv ishlari yakuniga yetdi. Tabiiy ofatdan vafot etganlar soni 114 nafar, jarohatlanganlar 1035 nafarga yetdi.
Qirg‘iziston parlamenti spikeri Kanat Isayev yaqinlashib kelayotgan prezidentlik saylovlarida qatnashish maqsadida iste’foga chiqqanini e’lon qildi.
Yevropaning bir qator mamlakatlarida COVID-19 bilan bog‘liq vaziyat keskin tus olmoqda. Fransiya, Germaniya, Buyuk Britaniya hukumatlari karantin choralarini kuchaytirishga qaror qildi. Ispaniyada va Germaniyada ushbu choralarga qarshi bir qator namoyishlar bo‘lib o‘tdi.
Qozog‘istonda mamlakat chegarasini kesib o‘tish tartibiga o‘zgartirishlar kiritildi. Jumladan, Qozog‘istonga kelish va tranzit o‘tish bo‘yicha vizasiz rejim bekor qilindi, Turkiyadan qatnovchi aviareyslar soni kamaytirildi.
Noma’lum shaxslar guruhi Avstriya poytaxti Venada hujum uyushtirdi. Hozirgi ma’lumotlarga ko‘ra, 4 kishi vafot etgan, 18 kishi jiddiy jarohat olgan. Hujumchilardan biri qo‘lga olish paytida o‘ldirildi, qolganlari qochishga muvaffaq bo‘ldi. Mamlakat kansleri ushbu hujumlarni «terakt» deb atadi.
3 noyabr kuni AQSHda prezident saylovlari bo‘lib o‘tadi. Prezidentlik uchun respublikachilar partiyasidan bo‘lgan amaldagi prezident Donald Tramp va demokratlar nomzodi Jo Bayden kurashadi. Saylov jarayoni qanday kechadi, kimning ovozlari ahamiyatga ega, kim g‘olib bo‘ladi va qaysi shtatlar qanday nomzodlarga ovoz beradi — ushbu savollarga Illinoys universiteti doktoranti Ikromjon To‘xtasunov oydinlik kiritadi.
Moldovada prezidentlik saylovlarining o‘tkazilishi, Germaniyada karantin choralarining kuchaytirilishi, Black Star kompaniyasi bank hisoblarining bloklanishi va boshqa yangiliklar — «Gazeta.uz»ning jahon yangiliklari dayjestida.
Qo‘shimcha imkoniyatlarga ega bulish uchun saytda ro‘yxatdan o‘ting