Jahon
O‘zbekiston va Qirg‘iziston mahkumlarni almashadi
O‘zbekiston va Qirg‘iziston mahkum fuqarolarni bir-biriga topshiradi. Qonunchilik palatasi bu haqdagi qonunni qabul qildi. Hozirda O‘zbekistonda 45 nafar qirg‘izistonlik, Qirg‘izistonda 96 nafar o‘zbekistonlik mahkum o‘z jazosini o‘tamoqda.
Tramp Guantanamo bazasini minglab “migrant jinoyatchilar”ni joylashtirish uchun tayyorlashni buyurdi
AQSh prezidenti Donald Tramp Guantanamo harbiy-dengiz bazasini mamlakatda noqonuniy bo‘lib turgan “alohida muhim xorijlik jinoyatchilar”ni saqlashga tayyorlashni buyurdi. Uning so‘zlariga ko‘ra, markaz 30 ming nafargacha migrantni qabul qila oladi.
Vashingtondagi aviahalokatda hech kim omon qolmadi — Tramp
Vashingtonda yo‘lovchi samolyoti va harbiy vertolyot to‘qnashuvi oqibatida hech kim omon qolmadi, deb tasdiqlagan AQSh prezidenti Donald Tramp hodisani “dahshatli miqyosdagi fojia” deb atadi. Samolyot bortida 64 kishi (60 yo‘lovchi va to‘rt ekipaj a’zosi) bor edi.
HAMAS uch isroillik va besh xorijlikni ozod qildi
HAMAS Isroil bilan o‘t ochishni to‘xtatish to‘g‘risidagi bitim doirasida garovdagi uch isroillikni va besh nafar tailandlik fuqaroni ozod qildi. Bunga javoban Isroil 110 nafar falastinlik mahbusni ozod qilishi kerak.
Turkiyada qalbaki alkogoldan vafot etgan o‘zbekistonlik soni 23 kishiga yetdi
Turkiyada qalbaki spirtli ichimlik iste’mol qilish oqibatida vafot etgan o‘zbekistonliklar soni 23 nafarga yetdi. Ularning orasida ikki nafar ayol ham bo‘lgan.
AQShda samolyot halokatga uchradi. Bortdagilarning barchasi vafot etgan bo‘lishi mumkin
American Airlines`ning Bombardier CRJ700 samolyoti 60 nafar yo‘lovchi bilan halokatga uchradi. U Vashingtonning Reygan nomidagi milliy aeroporti yaqinida AQSh armiyasi vertolyoti bilan to‘qnashib, Potomak daryosiga qulab tushdi.
Ahmad al-Sharaa Suriyaning yangi prezidenti bo‘ldi
Suriyaning amaldagi rahbari Ahmad al-Sharaa (al-Jo‘loniy) mamlakat prezidenti deb e’lon qilindi. Xavfsizlik xizmati va armiya tarqatib yuborildi. Sharaa milliy konferensiya, inklyuziv hukumat va yakuniy saylovlarni o‘z ichiga olgan siyosiy o‘tishni boshlashga va’da berdi.
AQShda millionlab davlat ishchilariga maoshining sakkiz baravari to‘lanishi evaziga iste’foga chiqish taklif etildi
AQSh prezidenti Donald Tramp ma’muriyati ikki million davlat xizmatchisiga sakkiz oylik maoshi evaziga ishdan bo‘shashni taklif qildi. Shu tariqa Oq uy hukumat xodimlari sonini qisqartirishga va Tramp siyosatini qo‘llab-quvvatlamaydiganlarni quvib chiqarishga harakat qilmoqda.
Trampning qasosidan qo‘rqqan taxminiy raqiblari qurol sotib olmoqda va mamlakatni tark etishga tayyorlanmoqda — WP
AQShda turli sabablar bilan Trampning g‘azabini qo‘zg‘atgan rasmiylar va’da qilingan qasosdan qo‘rqmoqda. Ular jinoiy ta’qibga tayyorgarlik ko‘rib, chemodanlarini yig‘yapti, qurol sotib olyapti. Tramp natijalari o‘g‘irlangan deb hisoblaydigan 2020-yilgi saylov tashkilotchilari eng ko‘p xavotirda, deb yozdi WP.
Mingga yaqin o‘zbekistonlik AQShdan deportatsiya qilinishi mumkin
975 nafar o‘zbekistonlik AQShdan deportatsiya xavfi ostida. Ular ICE’ning yakuniy qarorini olgan, ammo turli sabablar bilan hali hibsga olinmagan migrantlar ro‘yxatida. Ayrim davlatlar fuqarolarini qabul qilmayotgani va huquqiy to‘siqlar tufayli jarayon nafaqat kechikishi, balki to‘la amalga oshmasligi mumkin.
AQSh sudi Trampning federal grantlar va kreditlarni muzlatish qarorini to‘xtatdi
AQSh sudi Donald Tramp ma’muriyatining federal grantlar va kreditlarni muzlatish haqidagi buyrug‘ini to‘xtatdi. Oq uy o‘z qarorida moliyaviy yordam dasturlarining prezident siyosatiga muvofiqligini tekshirishni talab qilgandi.
ChatGPT raqobatchisi. Xitoyning DeepSeek sun’iy intellekti haqida nimalar ma’lum?
Xitoyning DeepSeek startapi OpenAI`ning ChatGPT`sidan qolishmaydigan, ammo ishlab chiqarish narxi bir necha barobar arzonroq bo‘lgan sun’iy intellekt modelini yaratish orqali jahon fond bozorlariga ta’sir ko‘rsatdi. DeepSeek haqida nimalar ma’lum va u qanday qilib muvaffaqiyatga erishdi — “Gazeta.uz” sharhida.
“Belni mahkam bog‘lash va imkoniyatga yarasha yashash vaqti keldi”. Toqayev — Qozog‘iston hukumatiga
Qozog‘iston rahbari Qosim-Jomart Toqayev hukumatdan hozirgi dunyo voqeligi kontekstida “belni mahkam bog‘lab, imkoniyatga yarasha yashashni” talab qildi. Shuningdek, u Qozog‘iston eng yaqin qo‘shnilari, jumladan, Markaziy Osiyo davlatlari bilan hamkorlikni “yangi bosqichga” ko‘tarishi zarurligini ta’kidladi.
Janubiy Koreya prezidentiga rasman isyon uyushtirishda ayblov e’lon qilindi
Janubiy Koreya prokuraturasi prezident Yun Sok Yolga 3-dekabr kuni harbiy holat joriy etgani sababli isyonga rahbarlik qilishda ayblov qo‘ydi. Shuningdek, u asosiy siyosiy arboblarni qamoqqa olishni rejalashtirganlikda ham ayblanmoqda.
Trampning savdo tariflarini joriy etish tahdididan so‘ng Kolumbiya AQShdan deportatsion reyslarni qabul qilishga rozi bo‘ldi
Bogota deport qilingan kolumbiyaliklarni harbiy samolyotlarda qabul qilishdan bosh tortgach, AQSh va Kolumbiya savdo urushini boshlashiga bir baxya qoldi. Tramp javoban mamlakatga tariflar va sanksiyalar bilan tahdid qildi. Keyinroq Oq uy Kolumbiya migrantlarni “cheklovlarsiz” qabul qilishga rozi bo‘lganini aytdi.
Aleksandr Lukashenko prezidentlik saylovida g‘olib bo‘ldi — Belarus MSK
Belarus Markaziy saylov komissiyasi ma’lumotlariga ko‘ra, 1994-yildan beri hokimiyat tepasida turgan Aleksandr Lukashenko prezidentlik saylovlarida 86,82% ovoz to‘plagan. Bu uning yettinchi muddati bo‘ladi. YeI rasmiylari saylovlarni soxta deb atadi va ular “erkin va adolatli” bo‘lmaganini aytdi.
AQSh okrug sudyasi Trampning mamlakatda tug‘ilish orqali fuqarolik olishni taqiqlash farmonini to‘xtatib qo‘ydi
Sietl sudyasi Donald Trampning mamlakatda tug‘ilish orqali AQSh fuqaroligini olish huquqini cheklash haqidagi farmonini to‘xtatib qo‘ydi. U farmonni “konstitutsiyaga yaqqol zid” deb atadi. Prezident qarorga qarshi chiqishini aytdi.
Putin Ukraina bo‘yicha muzokaralardan bosh tortsa, Tramp Rossiyaga sanksiyalar qo‘llamoqchi
Donald Tramp agar Rossiya urushni to‘xtatish bo‘yicha muzokaralardan bosh tortgan taqdirda, sanksiyalar bilan tahdid qildi, shuningdek, Putinni “aqlli” deb atadi. U Putin bilan “juda tez muddatda” gaplashishni rejalashtirayotganini ma’lum qildi.
Janubiy Koreyada tug‘ilish darajasi 9 yil ichida ilk marta ko‘tarildi
Janubiy Koreyada 2024-yilning yanvar-noyabr oylarida tug‘ilganlar soni bir yil oldingiga nisbatan 3 foizga oshdi. Bu COVID-19 pandemiyasi tufayli kechiktirilgan nikohlar tiklangani bilan ham bog‘liq. Ammo mamlakat 0,72 tug‘ilish darajasi bilan dunyo bo‘yicha eng past ko‘rsatkichlardan birini qayd etib turibdi.
76 kishi: Turkiyada mehmonxonadagi yong‘in qurbonlari soni yana o‘sdi
Turkiyaning Bolu muzofotidagi yong‘in oqibatida halok bo‘lganlar soni 76 kishiga yetdi, 52 kishi jarohat oldi. Ish doirasida 9 kishi, jumladan, mehmonxona egasi ham qo‘lga olindi. Mamlakatda bir kunlik milliy motam e’lon qilingan.
Eng ko‘p o‘qilgan xabarlar | So‘nggi yangiliklar
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Armaniston bosh vaziri yangi konstitutsiya bo‘yicha referendum o‘tkazishga chaqirdi
- Tramp ma’muriyati tirbandlikni kamaytirish uchun joriy qilingan Nyu York markaziga kirish to‘lovini bekor qilishni buyurdi
Qo‘shimcha imkoniyatlardan foydalanish uchun saytda ro‘yxatdan o‘ting