Jahon
Turkiya tarixida birinchi marta ayol kishi Markaziy bank raisi etib tayinlandi
Amerikaning First Republic Bank banki sobiq top-menejeri Hafize Erkan Turkiya tarixida Markaziy bank raisi etib tayinlangan birinchi ayol bo‘ldi. Erkan 2019-yildan beri bu lavozimga kelgan beshinchi odam hisoblanadi. Erdog‘anning bu qarori mamlakat pul-kredit siyosatining o‘zgarishiga olib kelishi mumkin.
Donald Tramp maxfiy hujjatlar bo‘yicha jinoiy ishda ayblanmoqda
AQShning sobiq prezidenti Donald Tramp maxfiy hujjatlarni noqonuniy saqlashda ayblanmoqda. Bu prezidentlikka qaytishga urinayotgan Trampga nisbatan ikkinchi jinoiy ish hisoblanadi.
Bishkekda o‘tkir ichimlik suvi tanqisligi kuzatilmoqda. Vaziyat haqida nimalar ma’lum?
May o‘rtalaridan Bishkekda, ayniqsa shahar cheti va janubiy qismida ichimlik suvi ta’minoti bilan bog‘liq vaziyat og‘irlashdi. Mavzelardan birida aholi norozilik namoyishi uyushtirdi. Meriya taqchillikni iste’mol hajmi ortgani hamda tomorqalarni sug‘orishda ichimlik suvidan foydalanilayotgani bilan bog‘ladi.
Qozog‘iston va Armaniston banklari Rossiya kompaniyalarining elektronika uchun to‘lovlarini bloklashni boshladi
Qozog‘iston va Armaniston banklari Rossiya kompaniyalarining parallel import orqali yetkazib berilayotgan elektronika uchun to‘lovlarini bloklashni boshladi. “Kommersant”ning xabar berishicha, yetkazib beruvchilar elektronikani boshqa tovar kodlari ostida import qilishga harakat qilmoqda.
Qirg‘izistonda davlat to‘ntarishiga tayyorgarlik ko‘rishda gumonlangan o‘nlab odamlar hibsga olindi
Qirg‘iziston maxsus xizmatlari ehtimoliy davlat to‘ntarishiga tayyorgarlik ko‘rishda gumon qilingan 30 dan ortiq kishidan iborat guruhni qo‘lga oldi. Guruh tashkilotchilari, rasmiylarga ko‘ra, aybiga iqror bo‘lgan.
Mayk Pens AQSh prezidentligi uchun kurashga kirishdi
AQShning sobiq vitse-prezidenti Mayk Pens 2024-yilgi prezidentlik saylovlarida nomzod bo‘lish uchun ariza topshirdi.
“Ukrgidroenergo”: Kaxovka GESi butunlay vayron bo‘lgan va uni qayta tiklab bo‘lmaydi
“Ukrgidroenergo”ning xabar berishicha, Kaxovka GESi butunlay vayron bo‘lgan. Suv ombori sathining nazoratsiz pasayishi Zaporoje atom elektr stansiyasi uchun qo‘shimcha xavf hisoblanadi.
Xersonning Rossiya nazoratidagi qismida GES to‘g‘oni vayron qilindi, aholi punktlarini suv bosishi mumkin
Xerson viloyatining Rossiya nazoratidagi qismida joylashgan Kaxovka GESi to‘g‘oni qisman vayron bo‘ldi. Tomonlar bir-birini to‘g‘onni portlatishda ayblamoqda. Quyi oqimdagi suv sathi 2,5 metrga ko‘tarilgan, 80 ta aholi punktini suv bosishi mumkin.
Bayden AQSh davlat qarzi chegarasini vaqtincha bekor qilish to‘g‘risidagi qonunni imzoladi
Jo Bayden AQSh davlat qarzi chegarasini vaqtincha bekor qiluvchi qonunni imzoladi. Bu AQSh tarixidagi birinchi defoltdan qutulib qolish imkonini beradi. Agar davlat qarzi chegarasi bekor qilinmaganida yoki oshirilmaganida, AQSh G‘aznachiligi hukumat faoliyatini moliyalashtirish imkoniyatini yo‘qotgan bo‘lardi.
Hindistonda poyezdlar to‘qnashib, 290 ga yaqin kishi halok bo‘ldi, yuzlab odamlar jarohatlandi
Hindiston sharqidagi Odisha shtatida poyezdlar to‘qnashuvi oqibatida kamida 288 kishi halok bo‘ldi, 900 ga yaqin kishi jarohat oldi. Qurbonlar soni ortishi mumkin, deydi rasmiylar.
“Shum bola” BBC tomonidan barcha davrlarning eng yaxshi bolalar kitoblari 100 talik ro‘yxatiga kiritildi
G‘afur G‘ulomning “Shum bola” asari BBC’ning “Barcha davrlarning 100 ta eng buyuk bolalar kitoblari” ro‘yxatiga kiritildi. Ushbu ro‘yxatni shakllantirish uchun 56 mamlakatdan 177 ekspert, jumladan O‘zbekistondan ikki vakil qatnashgan.
Qozog‘istonda Onalar kuni va Otalar kuni bayram sifatida nishonlanadi
Qozog‘istonda ikkita yangi — dunyoning ko‘plab mamlakatlarida nishonlanadigan Onalar kuni va Otalar kuni bayramlar ro‘yxatiga kiritildi.
Rossiya armiyasining zarbasi oqibatida Kiyevda 3 kishi halok bo‘ldi
Rossiya armiyasining Kiyevga uyushtirgan navbatdagi havo hujumida 3 kishi, jumladan bir bola qurbon bo‘ldi. Bu so‘nggi bir oy ichida Ukraina poytaxtining kamida 18-marta o‘qqa tutilishi hisoblanadi.
AQSh Vakillar palatasi davlat qarzi chegarasini oshirish bo‘yicha qonun loyihasini ma’qulladi
AQSh Kongressining Vakillar palatasi defoltga yo‘l qo‘ymaslik uchun davlat qarziga qo‘yilgan yuqori chegarani oshirish bo‘yicha qonun loyihasini ma’qulladi. Qonun 2025-yilning 1-yanvarigacha federal hukumatga qo‘yilgan chegaradan ko‘proq miqdorda qarz olish imkonini beradi.
Iyul oyida Hindistonda bo‘ladigan SHHT sammiti virtual tarzda o‘tkaziladi
Hindiston iyul oyida bo‘ladigan SHHT sammitini virtual formatda o‘tkazadi. Dastlab tadbir Nyu-Dehlida o‘tkazilishi kerak edi. The Hindu nashrining yozishicha, format o‘zgarishiga bir qator yetakchilarning vaqt jadvalidagi qiyinchiliklar sabab bo‘lgan bo‘lishi mumkin.
Qozog‘istonda Nazarboyevni haqorat qilganlik uchun jinoiy javobgarlikni bekor qilish rejalashtirilmoqda
Qozog‘iston Jinoyat kodeksidan mamlakat birinchi prezidenti Nursulton Nazarboyevni haqorat qilganlik uchun javobgarlikni nazarda tutuvchi moddalarni chiqarib tashlash rejalashtirilmoqda.
Sun’iy intellekt yaratuvchilari o‘z texnologiyalari xavfliligi haqida ogohlantirdi
OpenAI va Google DeepMind kabi texnologik kompaniyalarning bir guruh olimlari va rahbarlari o‘z texnologiyalari xavfini pandemiya hamda yadro urushiga qiyosladilar va insoniyatning “yo‘q bo‘lib ketish xavfi” haqida ogohlantirdilar.
Kiyev va Moskvaga uyushtirilgan dronlar hujumlari haqida nimalar ma’lum?
30-mayga o‘tar kechasi Kiyev oy boshidan buyon 17-marta ommaviy havo hujumiga uchradi. Bir kishi halok bo‘ldi, yana 13 kishi yaralandi. O‘sha kuni ertalab Moskvaga ham uchuvchisiz uchish apparatlari hujumi uyushtirildi, bir nechta binolar zarar ko‘rdi.
Kosovodagi to‘qnashuvlarda o‘nlab odamlar yaralandi
Kosovo shimolida serb aholisi va NATO tinchlikparvar kuchlari o‘rtasida munitsipal saylovlar natijalari ortidan to‘qnashuvlar yuz berdi. To‘polonlarda kamida 50 nafar namoyishchi va 25 ga yaqin tinchlikparvar kuchlar vakili jarohatlandi.
Eron-Afg‘oniston chegarasida otishma yuz berdi, qurbonlar bor
Eron-Afg‘oniston chegarasida sodir bo‘lgan otishmada kamida 3 kishi halok bo‘ldi. Mamlakatlar o‘rtasidagi ziddiyat Hilmand daryosi suvidan foydalanishdagi nizo sababli keskinlashgan.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
Qo‘shimcha imkoniyatlardan foydalanish uchun saytda ro‘yxatdan o‘ting