Архив
Транспорт картаси бўйича ҳаракатланишлар сони чекланмайди — Транспорт бошқармаси
Тошкент шаҳар жамоат транспортида транспорт картаси билан ҳаракатланишлар сонига чеклов ўрнатиш режалаштирилмаяпти, деб маълум қилди пойтахт Транспорт бошқармаси раҳбари Анвар Жўраев.
Ҳиндистон Эксимбанки Ўзбекистонга таълим соҳасидаги лойиҳаларни молиялаштириш учун 448 млн доллар ажратади
Ҳиндистон Эксимбанки томонидан Ўзбекистонда инфратузилмавий ривожланиш ва таълим соҳаларида лойиҳаларни молиялаштириш учун 448 млн доллар миқдорида маблағлар ажратилиши маълум қилинди.
«Фарғонаазот» АЖнинг 99,02% акциялари сотувга қўйилади
Давлат активларини бошқариш агентлиги «Фарғонаазот» акциядорлик жамияти устав капиталидаги 99,02 фоиз акция пакетларини сотиш режасини маълум қилди. Deloitte TCF LLP — ушбу хусусийлаштириш жараёни бўйича агентлигининг етакчи маслаҳатчиси/ Халқаро молия корпорацияси ҳам ушбу жараёнга ёрдам беради.
Россияда UzAuto Motors автомашиналари юкланган автотрейлерда ёнғин чиқди — видео
12 декабрь куни Москва вилояти ҳудудида UzAuto Motors автомобилларни мижозга етказаётган автотрейлерда ёнғин чиқди. Аланга автотрейлер кабинасидан автомобиллар юкланган трейлерга тарқалган. Натижада 8 та автомобилдан 3 таси зарар кўрган. Ҳодиса оқибатида ҳеч ким жабрланмаган.
Янги қуръа ташлашдан сўнг ЕЧЛ нимчорак финал жуфтликлари маълум бўлди (янгиланди)
Месси тўп сураётган «ПСЖ» «Реал Мадрид» билан ўйнайди, «Атлетико» ўз уйида «Манчестер Юнайтед»ни қабул қилади. ЕЧЛнинг 1/8 финал баҳсларига қуръа ташланди. Орадан бироз вақт ўтиб, қуръа натижалари бекор қилинди. Бунга қуръа давомида йўл қўйилган хатолик сабаб бўлган.
Долларнинг расмий курси яна кўтарилди
Долларнинг сўмга нисбатан расмий курси 18,81 сўмга кўтарилиб, 10 826,49 сўм этиб белгиланди. Шунингдек, евро ва рубль курслари ҳам кўтарилди.
Самарқанд ва Қашқадарёни боғловчи довон ҳаракат учун ёпилди
Об-ҳаво ўзгариб, қор ёғаётгани туфайли Самарқанд ва Қашқадарёни боғловчи «Тахтақорача» довони танспорт воситалари ҳаракати учун вақтинча ёпилди.
Тошкент шаҳридаги ҳарбий шаҳарча аукцион орқали 266,4 млрд сўмга сотилди
Чилонзор туманидаги бошланғич нархи 204 млрд сўмга баҳоланган ҳарбий шаҳарча онлайн савдо орқали 266,4 млрд сўмга сотилди. Аукционда 2 декабрь куни ташкил этилган «Do'mbrobod city group» компанияси ғолиб бўлган.
Ирригация институти Миллий тадқиқот университетига айлантирилди
Тошкент ирригация ва қишлоқ хўжалигини механизациялаш муҳандислари институти шу номдаги Миллий тадқиқот университетига айлантирилди. Янги йилдан бошлаб университет ўз-ўзини молиялаштириш тизимига ўтади ва 2022/2023 ўқув йилидан тўлиқ илмий ва ташкилий, бошқарув мустақиллигига эга бўлади. Университет ишини эса Бошқарув кенгаши мувофиқлаштиради.
Тошкентда Matiz ва Lacetti тўқнашуви оқибатида бир киши вафот этди
Пойтахтда Matiz ва Lacetti тўқнашуви оқибатида 4 киши жароҳатланиб, бир киши вафот этди. Бунга Matiz ҳайдовчисининг чоррахада Lacetti автомобилини ўтказиб юбормагани сабаб бўлгани айтилмоқда.
Шимолий ва Жанубий Корея Корея уруш якунлангани ҳақида эълон қилишга тайёрлигини билдирди
Жанубий Корея КХДР, ХХР ва АҚШ билан биргаликда уруш тугаганини эълон қилишга тайёр эканлигини билдирди. Бир халқ, икки давлат 1950−1953 йиллардаги уруш тугаганига қарамасдан, ҳалигача уруш ҳолатидалар.
«Амирсой» ҳудудида «Дипломатлар боғи» ташкил этилди
Ташқи ишлар вазири Абдулазиз Камилов ва хорижий давлатларнинг элчилари «Амирсой» ҳудудида ташкил этилган «Дипломатлар боғи»да дарахт экишди. Туркия элчиси Олган Бекар келажакни асраб қолиш учун бу ҳам бир имконият эканлигини таъкидлади.
Ўзбекистонда давлат фуқаролик хизматчиларининг мақоми институти жорий этилади
Ўзбекистонда давлат фуқаролик хизматчиларининг мақоми институти жорий этилиши кутилмоқда. Қонунчилик палатаси қўмитаси тегишли қонун лойиҳасини палатанинг навбатдаги мажлисига киритди. Ҳужжат илк бор 2020 йилда муҳокамага қўйилганди.
Маданият ва санъатни ривожлантириш жамғармаси Вазирлар Маҳкамасига ўтказилди
Маданият вазирлиги ҳузуридаги Маданият ва санъатни ривожлантириш жамғармаси Вазирлар Маҳкамасининг Туризм, спорт, маданият ва оммавий коммуникациялар масалалари котибияти таркибига киритилди. Жамғарманинг молиялаштириш тартиблари, асосий вазифалари ўзгаришсиз қолди.
Ўзбекистон 6 йилдан буён мулкни адолатли мусодара қилиш масаласида дунё давлатлари орасида энг ёмон кўрсаткичларни қайд этмоқда
Депутат Расул Кушербаев «Қонун устуворлиги» индексининг мулкни адолатли мусодара қилиш кўрсаткичи бўйича Ўзбекистон энг охирги ўринларда эканлигини қайд этиб, ушбу ҳолатни «шармандачилик» деб атади. «Газета.uz» ўрганишларига кўра, ушбу кўрсаткич рейтингга киритилган 2015 йилдан бери Ўзбекистон мулкнинг адолатли мусодараси субиндикаторида энг паст ўринларни эгаллаб келмоқда. Таҳририят ушбу рейтингни тузган World Justice Project (WJP) маълумотлари асосида бошқа индикаторларни ҳам ўрганиб чиқди.
Савдони эркинлаштирмоқчимизми ёки тескариси?
Ҳукумат қарори билан импорт товарларга нисбатан тариф квоталарини қўллаш тартиби низоми тасдиқланди. Квоталар Инвестициялар ва ташқи савдо вазирлиги томонидан импорт қилувчилар ўртасида тақсимланади. Иқтисодчи Миркомил Холбоев ушбу қарорнинг салбий оқибатлари, тариф квоталарининг иқтисодиётга таъсири ва ҳукуматнинг квоталардан кўзлаган мақсади ҳақида «Газета.uz» учун мақоласида фикр юритади.
Тошкент жамоат транспортида йўлкира нархи қимматлашади
1 январдан Тошкент шаҳрида жамоат транспорти учун йўл ҳақини 1400 сўмдан 1700 сўмгача ошириш режалаштирилмоқда. Шунга қарамасдан, транспорт картаси билан тўловни амалга ошириш жорий нархдан арзонроқ бўлиши керак. Карта билан жамоат транпортида ҳаракатланиш сонига чегара ўрнатиш ҳам кўзда тутилган.
Нурафшонда ёдгорлик мажмуаси ва кутубхона қурилиши бекор қилинди
Зойир Мирзаев Тошкент вилоятининг олдинги хокими имзолаган Нурафшон шаҳрида умумий қиймати 34,4 млрд сўм бўлган ёдгорлик мажмуи ва кутубхона қуриш тўғрисидаги қарорни бекор қилди. Ушбу маблағлар муҳтожларга ёрдам бериш ва бошқа мақсадларга сарфланади.
Бокс: Баҳодир Жалолов рақибини 46 сонида нокаутга учратди
Ўзбекистонлик профессионал боксчи Баҳодир Жалолов рақиби Хулио Калименони биринчи раунддаёқ нокаутга учратди. У жаҳон чемпионлиги учун жанг қилиш ҳамда оғирвазн тоифасида барча камарларни Ўзбекистонга олиб келиш ниятида эканлигини маълум қилди. «Ким билан бўлса ҳам рингга чиқишга тайёрман. Энтони Жошуа, Александр Усик, Тайсон Фьюри… Менга фарқи йўқ», — деди Баҳодир Жалолов.
«Қўйлиқ» бозори кўчирилишига норозилик сифатида йўлни тўсган беш фуқаро қамоққа олинди
«Қўйлиқ» бозори бузилишига қарши норозилик билдириб, йўлни тўсиб қўйган тадбиркорларнинг иши Бектемир туман маъмурий судида кўрилиб, уларнинг беш нафарига 5−7 кун қамоқ жазоси тайинланган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг