Архив
1 январдан ID-карта ва хорижга чиқиш паспорти ДХМ орқали ҳам берилади
Президент фармони билан 1 январдан фуқароларга ID-карта ва хорижга чиқиш биометрик паспортини бериш ДХМ орқали ҳам амалга оширилади, қолаверса, паспорт учун тўлов нархи БҲМнинг 1,2 бараваридан 1 бараваригача арзонлаштирилади. Бундан ташқари, босқичма-босқич 87 турдаги янги давлат хизматлари жорий этилади, 59 та хизматнинг кўрсатиш муддати эса қисқартирилади.
Долларнинг расмий курси кетма-кет учинчи кун кўтарилди
Долларнинг расмий курси 22,99 сўмга кўтарилди ва жами 10 657,35 сўм этиб белгиланди. Шунингдек, евро курси ҳам кўтарилди, рубль курси эса бироз пасайди.
Ўзбекистонда букмекерлик ва тотализатор фаолияти ҳали ҳам қонуний эмаслиги маълум қилинди
Президент фармонига кўра, 2021 йил 1 январдан бошлаб Ўзбекистонда букмекерлик фаолиятини лицензия билан амалга оширишга рухсат берилган. Истеъмолчилар ҳуқуқларини ҳимоя қилиш агентлигининг маълум қилишича, бугунга қадар мамлакат ҳудудида букмекерлик ва тотализатор фаолиятини амалга ошириш учун ҳеч кимга лицензия берилмаган. Агентлик ушбу фаолиятлар ҳали ҳам қонуний эмаслигини эслатди.
Theranos: ёлғонлар эвазига қурилган 9 млрд долларлик стартап тарихи
Theranos биотехнологик стартапи асосчиси Элизабет Холмс 10 йилдан ортиқроқ вақт давомида оммага арзон, қулай ва юқори сифатли қон таҳлилларини олиш технологиясини тақдим этишни ваъда қилиб келган. Лекин унинг ёлғонлари ва фирибгарлик схемалари фош этилгач, компания қулашни бошлайди. «Газета.uz» ўз вақтида 9 млрд долларга баҳоланган компания тарихи ва Элизабет Холмснинг кирдикорлари қандай фош этилганлиги ҳақидаги мақолани тақдим этади.
«Гимнастикада қўлимдан келган барчасини қилдим» — Оксана Чусовитина
Катта спортдан кетишини эълон қилган Оксана Чусовитина Токиодаги Олимпиададаги иштироки ва келгусидаги режалари ҳақида сўзлаб берди. «Финалга чиқа олмадим, лекин бу қўрқинчли нарса эмас. Мен гимнастикада қўлимдан келган барчасини қилдим», — деди гимнастикачи ва Ўзбекистонда ўз клубини очиш ҳамда болалар спортини ривожлантиришга ҳиссасини қўшишни орзу қилишини айтиб ўтди.
ЕХҲТнинг махсус миссияси президент сайловига тайёргарлик жараёнини ижобий баҳолаган — МСК
Марказий сайлов комиссияси раиси ўринбосари Баҳром Қўчқоров Эҳтиёжларни баҳолаш миссияси Ўзбекистон президенти сайловига тайёргарлик жараёни бўйича «жуда ижобий» хулоса берганини маълум қилди. Унинг сўзларига кўра, миссия ўтган сайловлар бўйича ЕХҲТнинг тавсияларини сайлов амалиётига жорий этилишини ҳам ижобий баҳолаган.
Олмазор туманида йўловчи ташувчи «Газель» ёниб кетди
Тошкент шаҳрининг Олмазор туманида двигатель қисмида қисқа туташув юзага келганлиги сабаб «Газель» автомобили ёниб кетди. Йўловчилар автомобилдан туширилган. Ёнғин натижасида тан жароҳати олганлар йўқ.
«Ўзкомназорат» Wechat`нинг Ўзбекистондаги фаолиятини чеклади
Шахсий маълумотлар бўйича қонунчиликни бузган TikTok, Twitter, Skype ва «ВКонтакте» интернет платформалари қаторига Хитойнинг WeChat ижтимоий тармоғи ҳам қўшилди. Ўзбекистонда ушбу ижтимоий тармоқлар фаолияти чекланган.
Карантин бошидан бери 1 млндан ортиқ ниқоб тақмаслик ҳолатлари аниқланган
Карантин тадбирлари бошлангандан бери Ўзбекистон бўйлаб 1 млн 184 мингдан ортиқ қоидабузарликлар аниқланган. Улардан 1 млндан ортиғида жарима белгиланган. Тиббий ниқоб тақмаганлик бўйича 1,1 млнтадан ортиқ қоидабузарлик ҳолатлари қайд этилган.
Давлат хизматини кўрсатиш муддати кечикса — тўловнинг 50 фоизи қайтарилади
1 ноябрдан Давлат хизматлари марказлари, «Лицензия» ахборот тизими ҳамда ЯИДХП орқали кўрсатилаётган давлат хизматлари белгиланган муддатидан 3 иш кунидан ортиқ вақтга кечиктирилганда, хизмат учун тўланган давлат божлари, йиғимлар ва бошқа ҳар қандай тўловларнинг 50 фоизи 1 иш кунида қайтарилади.
Афғонистон билан чегарада палаткалар шаҳарчаси қурилмаяпти — ДХХ Чегара қўшинлари
ДХХ Чегара қўшинлари «Газета.uz» сўровига берган жавобида Афғонистон билан чегара ҳудудда қочоқлар учун палаткалар шаҳарчаси қурилаётгани ҳақидаги хабарни рад этди. Шунингдек, Чегара қўшинлари афғон ҳарбий хизматчилари ва маҳаллий қуролли гуруҳлар кўнгиллилари июнь ойида Ўзбекистон чегарасини қай тарзда кесиб ўтишганини ҳам маълум қилишди.
Ҳафта давомида ҳаво ҳарорати аста-секин пасаяди
27 июлдан бошлаб республиканинг шимолий ҳудудларига Волга бўйи ҳудудидан нисбатан салқин ҳаво массаси кириб келади. Ҳафтанинг охирига келиб ҳаво ҳарорати +33 даража атрофида бўлади. Яқин кунларда баъзи ҳудудларда шамол ва чанг бўронларининг кучайиши кутилмоқда.
Бекободда 25 нафар вояга етмаган болага ноқонуний диний таълим бераётган шахслар аниқланди
Бекобод шаҳрида яшовчи ака-укалар ўз хонадонларида вояга етмаган болаларга ноқонуний тарзда диний сабоқ бераётганликлари аниқланди. Улар болалардан 800 минг сўмдан 1,5 млн сўмгача ойлик тўлов олиб келган. Ушбу шахсларга нисбатан БҲМнинг 7−8 баравари миқдорида жарима ҳамда улардан бирига 10 сутка маъмурий қамоқ жазоси тайинланди.
Шавкат Мирзиёев тадбиркорлар билан август бошида учрашади
Президентнинг тадбиркорлар билан учрашуви август ойининг бошида ўтказилиши кутилаётгани маълум қилинди. Бундан ташқари, давлат раҳбарининг ҳафталик иш режаси ҳақида ҳам маълумот берилди.
Паркент туманида сойда чўмилаётган аёл самосуд қилинди
Тошкент вилоятининг Паркент туманида жойлашган сойда чўмилаётган аёл бошқа бир аёл томонидан калтакланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Электрон онлайн-аукционларнинг ягона тартиби жорий этилади
Электрон онлайн-аукционни ўтказиш тартибини соддалаштириш ва шаффофлигини ошириш бўйича президент қарори қабул қилинди. Унга кўра, онлайн-аукционлар тартиб-таомилларининг ягона тартиби жорий этилади. Ҳужжат билан объектларни аукционга чиқариш учун тўланадиган йиғим бекор қилинмоқда. Шунингдек, аукцион ғолиби тўловларни тўлашдан бош тортган тақдирда, ғолиб ҳамда унинг тўғридан-тўғри таъсисчилари аукционлардан четлатилади.
25 июль куни 705 кишида коронавирус аниқланди
Кеча Ўзбекистонда 705 нафар кишида коронавирус инфекцияси қайд этилди. 482 нафар кишида пневмония аниқланиб, 7 нафар бемор вафот этди.
Август ойидан Ўзбекистонда хитой-ўзбек вакцинаси ишлаб чиқарилади
Ўзбекистонда август ойидан бошлаб коронавирусга қарши хитой-ўзбек вакцинаси ишлаб чиқариш бўйича меморандум имзоланишига келишилди. Биринчи босқичда ойига 10 млн доза вакцина ишлаб чиқариш ва кейинчалик бу кўрсаткични йилига 200 млн дозагача олиб чиқиш кўзда тутилмоқда.
Токио-2020. 26 июль учун Ўзбекистон спортчилари иштироки жадвали
Токио-2020 Олимпия ўйинларининг учинчи кунида бешта спорт тури бўйича 7 нафар ўзбекистонлик иштирок этади.
Токио-2020. Мусобақаларнинг иккинчи куни натижалари
Токиодаги Олимпиаданинг иккинчи куни таэквондочи Улуғбек Рашитовнинг олтин медали ва гимнастикачи Оксана Чусовитинанинг карьерасини якунлагани билан тарихда қолди. Шу куни Ўзбекистон терма жамоасининг яна 9 нафар спортчиси мусобақаларда қатнашди, медаллар учун курашларни эса фақат боксчилар давом эттирадиган бўлди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг