Архив
Исроил ва Фаластин ўртасидаги тўқнашувда 300 дан ортиқ киши жабрланди
Исроил ва фаластинликлар ўртасида апрель ойидан буён давом этаётган тўқнашувлар оқибатида 300 дан ортиқ киши жабрланди. Фаластинда 20 кишининг ўлими қайд этилган. Душанба куни кечаси Ғазо секторидан Исроилга 200 та ракета зарбалари берилди. БМТ бош котиби мазкур можарони тегишли резолюциялар, халқаро ҳуқуқ ва икки томонлама келишувлар асосида ҳал этишга чақирди.
Қўлланма: Йўл ҳаракати қоидабузарликлари ҳақидаги видеоларни юбориш ва мукофот олиш тартиби
Январь ойидан бошлаб йўл ҳаракати қоидалари бузилганлиги ҳақидаги видеоларни исталган видеоёзув мосламасидан, шу жумладан смартфонларда ёзиб олиб, юбориш мумкин. dyhxx.ejarima.uz сайтида аризани қандай расмийлаштириш мумкинлигини батафсил тушунтирамиз. Мукофотни хайрия ишлари учун йўналтириш мумкин.
Ўзбекистондаги корхона ва ташкилотлар сони 37 мингдан ортиқни ташкил қилмоқда
Январь-апрель ойларида янги ташкил этилган корхона ва ташкилотлар сони 37,4 мингтани ташкил этди. Бу кўрсаткич ўтган йилнинг шу даврига нисбатан 8 242 тага кўп (128,3 фоизга ўсган).
Таълим тили хорижий тилда бўлган синфларда «Ўзбек тили» ҳам чет тили каби кўникмаларга бўлиб ўргатилади
Янги ўқув йилидан «Ўзбек тили»ни ўқитишда 4 кўникмага таянилади. Энди таълим тили ўзга тилда бўлган синфларда давлат тили — ўзбек тили ҳам чет тили каби ўргатилади. Миллий ўқув дастури асосида ўзга миллат вакиллари учун 2-синф «Ўзбек тили» дарслиги яратилди.
«Тошкент савдо маркази» да ўз акасини пичоқлаб қўйган фуқаро 5 йилга қамалди
Декабрь ойида акасини пичоқлаб, тан жароҳати етгазган фуқарога суд ҳукми ўқилди. Марҳумнинг рафиқаси қайнукаси оилани ягона боқувчи экани, унга нисбатан ҳеч қандай даъвоси йўқлиги сабабли озодликдан маҳрум этиш билан боғлиқ бўлмаган жазо тайинлашни сўради. Судланувчига енгилроқ жазо тайинлаш моддаси билан 5 йил муддатга озодликдан маҳрум қилинди.
Тошкентда пиёда Spark автомашинаси уриб юбориши оқибатида вафот этди
Тошкент шаҳрининг Янгиҳаёт туманида транспорт воситасини бошқариш ҳуқуқидан 18 ойга маҳрум қилинган шахс Spark русумли автомашинасида йўлни кесиб ўтаётган фуқарони уриб юборган. Жабрланувчи тан жароҳати олиб, воқеа жойида вафот этган.
2021 йилда қўшимча ишланмайдиган кунлар тасдиқланди
Президент Шавкат Мирзиёев 2021 йилда қўшимча ишланмайдиган кунларни тасдиқлади. Байрамлар вақтида энг камида уч кун дам олинади.
«Сардоба иши» бўйича 17 нафар мансабдорга нисбатан суд ҳукми эълон қилинди
«Сардоба иши» бўйича суд ҳукми эълон қилинди. «Ўзтемирйўлқурилишмонтаж» УК бош директори ўринбосари 10 йил, яна 4 судланувчи 5 йил, бир нафари 4 йилга қамалди. 3 кишига озодликни чеклаш ва жарима жазолари тайинланди.
«Пахтакор» энди тўлиқ Тошкент шаҳар ҳокимлигига тегишли. Клубга янги ҳомийлар келиши айтилмоқда
«Пахтакор» футбол клуби 2020 йилда энг кўп зарар кўрган давлат иштирокидаги корхоналар ўнталигида 8-ўринни эгаллади. Ижтимоий тармоқларда жамоанинг давлат бюджетидан пул олиши сўралди. Клуб берган баёнотда буни рад этиб, «SFI Management Group» томонидан молийлаштирилишини қайд этди. 30 апрелдаги ҳукумат қарорига асосан жамоанинг улушлари тўлиқ Тошкент шаҳар ҳокимлигига тегишли. Бу ҳақида батафсил Оғабек Самисов мақоласида.
34 та кластер чигит нархини сунъий равишда оширганликда гумон қилинмоқда
Монополияга қарши курашиш қўмитаси биржада техник чигитнинг бошланғич нархларини келишиб сунъий ошириш аломатлари билан 34 та пахта кластерига нисбатан иш қўзғатди. Апрелда улар нархи 38 физга кўтарилган.
Лотин ёзувига асосланган ўзбек алифбосига ўтиш бўйича қонун лойиҳаси муҳокамаси узайтирилди
«Лотин ёзувига асосланган ўзбек алифбосини жорий этиш тўғрисида» ги Қонун лойиҳаси муҳокамаси 1 ноябрга қадар узайтирилди. Бу вақт давомида масъуллар томонидан қонун лойиҳаси бўйича семинар ва анжуманлар ўтказилиб, алифбога шаклий ўзгаришлар киритилиши муносабати билан талаб этиладиган харажатлар миқдори ўрганилади.
Блогер Отабек Сатторий 6 ярим йилга қамалди
Сурхондарёлик блогер Отабек Сатторийга нисбатан суд ҳукми ўқиб эшиттирилди. У ЖКнинг иккита моддаси бўйича оқланди, бироқ туҳмат ва товламачилик моддаларида назарда тутилган жиноятларни содир этганликда айбдор деб топилди. Суд унга 6 йил 6 ойга озодликдан маҳрум қилиш жазосини тайинлади. Унинг адвокати эса апелляция шикоятини беришини маълум қилди.
Рамазон Ҳайити 13 май кунига белгиланди. Кетма-кет 4 кун дам олинади
13 май — пайшанба куни Рамазон Ҳайити сифатида нишонланиши белгиланди. 14 май (жума) ҳамда 15 май (шанба) кунлари қўшимча дам олиш куни деб эълон қилинди.
Ўзбекистон ва Франция ТИВлари 2021−2022 йилларга мўлжалланган ҳамкорлик дастурини имзолади
Франция делегацияси Савдо-иқтисодий ҳамкорлик бўйича ҳукуматлараро комиссиясининг 8-йиғилишида иштирок этиш учун Ўзбекистонга ташриф буюрди. Ташқи ишлар вазири Абдулазиз Камилов ва делегация раҳбари Франк Риестер ташқи ишлар вазирликлари ўртасида икки йилга мўлжалланган ҳамкорлик дастурини имзолади.
9 вилоятда ёғ арзонлашди, Тошкентда эса қимматлашди — ИТИМ
Ўзбекистонда бир литр ўсимлик ёғи нархи ҳафта давомида 0,5 фоизга арзонлашиб, 19,1 минг сўмгачани ташкил этди, дея маълум қилди ИТИМ. Нархлар 9 вилоятда арзонлашган бўлса, Тошкент ва қолган ҳудудларда қимматлашишда давом этмоқда. Молия вазири ўринбосари Дилшод Султонов аввалроқ ҚҚС ставкасининг пасайиши хизмат ва товарларнинг арзонлашувига таъсир қилмаслигини таъкидлаган эди.
Долларнинг расмий курси яна кўтарилди
Долларнинг расмий курси 17 сўмга қимматлади ва жами 10 529 сўм этиб белгиланди. Шунингдек, евро ва рубль курслари ҳам яна кўтарилди.
Абдулазиз Камилов Хитойга боради
Ташқи ишлар вазири Абдулазиз Камилов «Хитой — Марказий Осиё» иккинчи вазирлар учрашувида қатнашиш учун Хитойга боради. Учрашув чоғида транспорт йўлаклари боғлиқлигига кўмаклашиш ва узлуксиз савдога кенг йўл очиш, минтақавий хавфсизликни таъминлаш масалалари муҳокама қилиниши кутилмоқда.
2021 йилда Ўзбекистон аҳолиси кўпроқ нақд пул ечиб олишни ва хорижий валюта сотиб олишни бошлади
Январь-апрель ойларида банкларнинг кассаларига нақд пул тушумлари 75,4 трлн сўмни, чиқим қилинган нақд пуллар эса 73,9 трлн сўмни ташкил этди.
Бир қадам олдингами? Ўзбекистонда фуқаролик жамияти ривожланишини қандай баҳолаш мумкин?
Адлия вазирлиги ва тизим ҳосил қилувчи ННТ вакиллари фуқаролик жамиятининг ривожланишидаги ижобий ўзгаришлар ҳақида гапиришмоқда. Аммо ҳақиқатан ҳам ҳаммаси яхшими ва уларнинг фаолиятини тартибга солишда сифатли ўзгаришлар борми? Колумнист Дилмурод Юсупов ушбу масалани ёритишда давом этади.
Касал болаларни даволашга деб соҳта хайрияга пул йиғган аёл ушланди
Тошкентда оғир касал болаларни даволаш учун деб ёлғон хайрияга пул йиғган аёл ушланди. Фуқаро болаларнинг фотосуратларини интернетдан кўчириб олиб фойдаланган. Уларлан бири февраль ойида вафот этган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг