Архив
Чилонзор туманида Nexia автомобили ёниб кетди
6 январь куни Тошкент шаҳар, Чилонзор тумани ҳудудида Nexia русумли автомобилнинг сигнализация мосламасида қисқа туташув юзага келиб ёнғин содир бўлган. Ёнғин ўт ўчирувчилар томонидан бартараф этилган. Жабрланганлар йўқ.
Белгиланмаган ерда кўп қаватли квартирали уйлар қурилиши авария ҳолатларига олиб келмоқда — Жаҳонгир Ортиқхўжаев
Тошкент шаҳар ҳокими Жаҳонгир Ортиқхўжаев якка тартибдаги уй-жой қуриш учун ажратилган ер участкаларида кўп қаватли уйларни қуриш турли тизимларга салбий таъсир кўрсатиб, аварияларга олиб келаётганини таъкидлади. Бундан ташқари, эндиликда тасдиқланган аҳоли пунктининг бош режалари муҳокамасидаги асосий таклифлар ҳам инобатга олиниши маълум қилинди.
Жек Ма атайлаб яширинаётган бўлиши мумкинлиги айтилмоқда
4 январь куни Alibaba асосчиси Жек Манинг ғойиб бўлганлиги ҳақида хабарлар тарқала бошлади. У сўнгги икки ой давомида оммага кўриниш бермаган. CNBC бошловчиси Дэвид Фабернинг айтишича, у ғойиб бўлмаган ва Ханчжоудаги штаб-квартирада яширинган бўлиши мумкин.
Тошкентда 3 йилда 66 та меҳмонхона ва 12 та савдо-кўнгилочар марказини қуриш режалаштирилмоқда
Тошкентда 3 йил давомида 66 та меҳмонхона, 12 та савдо-кўнгилочар маркази ва 9 та истироҳат боғини қуриш режалаштирилмоқда. Маҳаллий ва хорижий тадбиркорлар пойтахтга уч йил ичида 9,442 триллион сўмлик сармоялар киритмоқчи.
Сенаторлар Конституцияга ўзгартиш киритиш тўғрисидаги қонунни маъқуллади
Сенат 11 ялпи мажлисда «Ўзбекистон Республикасининг Конституциясига ўзгартишлар киритиш тўғрисида"ги қонунни маъқуллади. Унга кўра, 14 та ҳудудда умумюрисдикция судлари ташкил этилмоқда. Қолаверса, туман ва шаҳарларда маъмурий судлар тугатилиб, ҳудудлар марказларида туманлараро маъмурий судлар ташкил этилмоқда.
Абдукарим Мирзаев билан боғлиқ янги маълумотлар эълон қилинди
Абдукарим Мирзаевнинг адвокати Маҳмуд Саид Aрслон маъмурий қамоқни тугатиш тўғрисида Истанбул Жиноят суди судларига юборилган аризалар мурожаат сабаблари ўрганилмаган ҳолда рад этилганини таъкидлади. Ўз навбатида, журналистнинг ҳамкасби у билан телефон орқали мулоқотда бўлган олти шубҳали шахснинг айбсиз экани аниқланганини маълум қилди.
Тожикистонда электр энергияси таъминоти бўйича чеклов ўрнатилди
Тожикистонда 5 январдан бошлаб соат 23:00 дан қишлоқ хўжалиги бор бўлган туманларда, кўп қаватли бинолари йўқ жойларда электр энергияси таъминоти тўхтатиб қўйилади. Уйларда эрталаб соат 6 гача электр энергияси бўлмайди.
Қаршидаги уйда газ портлаши оқибатида икки киши вафот этди
Қаршидаги уйда портлаш оқибатида бино деворлари қулаб, икки нафар вояга етмаган бола вафот этди.
Буюк Британияда аниқланган COVID-19 янги штамми ҳозиргача 41 та мамлакатга етиб борган
Буюк Британияда аниқланган коронавируснинг янги штамми ЖССТ хабарига кўра, ҳозирда 41 та мамлакат ҳудудларида аниқланган. Бироқ ушбу штамм ҳозирда ягона эмас, илк бор Жанубий Африкада аниқланган яна бир штамм ҳам ҳозирда 7 та мамлакатга етиб борган.
Уй-жой коммунал хўжалик вазири лавозимидан озод этилди, Автомобил йўллари қўмитаси раисига ҳайфсан ва қурилиш вазирига огоҳлантириш берилди
Бош вазир Абдулла Арипов ва Президент администрацияси раҳбари раислигидаги йиғилишдан кейин уй-жой коммунал хўжалик вазири Музаффар Солииев лавозимидан озод этилди, Автомобил йўллари қўмитаси раиси Абдурахмон Абдувалиевга ҳайфсан ва қурилиш вазири Ботир Зокировга огоҳлантириш берилди.
Гонконгда миллий хавфсизлик қонуни бўйича 50 га яқин мухолифатчи ҳибсга олинган
Гонконгда 50 га яқин фаоллар ва собиқ депутатлар миллий хавфсизлик қонунларини бузганликда гумон қилиниб ҳибсга олинган. Ҳибсга олишлар оппозициянинг 2020 йил ёзида демократлар ўртасида ўтказилган дастлабки сайловлари билан боғлиқ.
Самарқанддаги тиббий муассасаларда 7 млрд сўм талон-тарож қилинганлиги аниқланди
Самарқанд вилояти тиббиёт муассаларида 7 млрд сўмлик талон-торожлик ва суистеъмолчиликлар аниқланди. Бундан ташқари дори воситаларига 5,643 млрд сўмга қиммат нархларда давлат харидлари амалга оширган. Аниқланган ҳолатлар асосида жиноят иши қўзғатилган.
Жаҳон банки 2021 йилда Ўзбекистон ЯИМ ўсишини прогноз қилди
Жаҳон банкининг прогнозларига кўра, Ўзбекистон ЯИМ 2021 йил 4,3%га, 2022 йилда 4,5% га ўсиши кутилмоқда. Марказий Осиё минтақасида иқтисодий ўсиш суратлари 3%гача етиши тахмин қилинган.
Вьетнамда ҳукуматни танқид қилган журналистлар «ҳукуматга қарши пропаганда учун» қамалди
Вьетнамда уч нафар мустақил журналист-блогерларга бир кунлик суд жараёнида 11 йилдан 15 йилгача қамоқ жазоси тайинланди. Улар «давлат сиёсатига қарши материаллар ва маълумотлар тайёрлаш, сақлаш ва тарқатишда» айбдор деб топилди.
Навоийдаги ЙТҲ оқибатида 2 киши вафот этди
Навоий шаҳрида мактаб ўқувчилари ўртасида бўлиб ўтаётган фан олимпиадасига ўқувчи ва ўқитувчиларни олиб кетаёган машина ЙТҲга учради. Ҳодиса оқибатида бир нафар ўқитувчи ва бир нафар ўқувчи вафот этди.
Сурхондарё ҳокимлиги сайти ҳужумга учради
Сурхондарё вилояти ҳокимлиги сайти хакерлар ҳужумига учради. Хакерлар вилоят ҳокимлиги биносида АКТ ходими калтакланганлигини айтмоқда.
«Ҳеч ким қозоқларга бундай катта ҳудудни совға қилмаган» -Тоқаев
Қозоғистон президенти Қасим-Жомарт Тоқаев Қозоғистоннинг ҳудудий яхлитлигига шубҳа билан қараган чет элликларнинг провокацияларига қарши туришга чақирди.
1 январдан нималар ўзгарди?
2021 йил 1 январдан Ўзбекистон қонунчилигидаги асосий ўзгаришлар ва бошқа янгиликлар ҳақидаги умумий маълумот тайёрланди.
Навоийда «Matiz» ағдарилиб кетди, бир киши вафот этди
Навоий вилоятида «Matiz» автомашинаси чўл ҳудудига ағдарилиб, ЙТҲ содир бўлган. Ҳодиса оқибатида ҳайдовчи турли жароҳатлар билан шифохонага ётқизилган, йўловчи сифатида кетаётган 30 ёшли фуқаро воқеа жойида вафот этган.
Барча таълим муассасаларида коррупцияга қарши кураш бўйича махсус курслар жорий этилади
Болалар боғчаси, мактаб ва олий таълим муассасаларида коррупцияга қарши кураш бўйича махсус курслар жорий этилади. Бунга хорижий ташкилотлар экспертлари жалб қилинади. Ўқув материалларини тайёрлаш учун эса ягона методологик талаблар ишлаб чиқилади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг