Архив
Uzbekistan Airways Москвадаги йўловчилардан аэропортларга вақтлироқ келишни сўради
Uzbekistan Airways Домодедово ва Внуково халқаро аэропортларидан парвоз қиладиган йўловчиларни Москва аэропортларига белгиланган вақтдан олдинроқ келишларини сўради. Ҳозирча парвозлар жадвалида ўзгаришлар бўлгани йўқ.
Москвадаги концерт залида теракт содир этилди, ўнлаб одамлар ҳалок бўлди
Москвадаги «Крокус сити ҳолл» концерт залида қуролланган шахслар одамларга қарата ўт очди, камида 40 киши ҳалок бўлгани, 100 дан ортиқ киши жароҳатлангани хабар қилинди. Шунингдек, бинода бир неча портлаш ва ёнғин содир бўлди.
Сурхондарёда сел тошқини сабаб юздан ортиқ уйни сув босди (видео)
Пайшанба куни Сурхондарё вилоятининг турли ҳудудлари жумладан, Қумқўрғон туманида кучли ёмғир сабаб сел-сув тошқинлари бўлди. Юзлаб хонадон ва турар жойларга сув кирди. Вилоят ҳокимлиги тошқин оқибатларини бартараф этмоқда. Табиий офат оқибатида жароҳат олганлар йўқ, дейилади хабарда.
Бир гуруҳ маҳалла тизими ходимлари мукофотланди
Маҳалла тизими ходимлари куни муносабати билан Шавкат Мирзиёев бир гуруҳ соҳа вакилларини орден ва медаллар билан мукофотлаш тўғрисида фармон имзолади.
Қозоғистоннинг Ўзбекистон билан чегарасида одамлар ва машиналар тўпланганига изоҳ берилди
Наврўз байрами ҳамда Қозоғистон-Ўзбекистон чегарасидаги бир нечта ўтиш пунктларидаги реконструкция муносабати билан одамлар тўпланиб, автомобиллар тирбандлиги кузатилмоқда, дея изоҳ бермоқда Қозоғистон чегара хизмати.
«Футболчиларим ўз имкониятидан ҳам юқори ўйин кўрсатди». Сречко Катанец — Гонконг устидан ғалаба ҳақида
Футбол бўйича Ўзбекистон миллий терма жамоаси бош мураббийи Сречко Катанецнинг фикрича, унинг футболчилари ЖЧ-2026 саралаш ўйинларида Гонконгга қарши яхши ўйин кўрсатишди. Футболчи Элдор Шомуродов майдоннинг сифатсизлигини қайд этиб, ОФКдан ҳамма учун ягона талабни белгилашни сўради.
ЖЧ-2026 саралаш босқичи: Ўзбекистон Гонконгни мағлуб этди (видео)
Ўзбекистон миллий терма жамоаси футболчилари Жаҳон чемпионати-2026 саралаш босқичининг 3-тур учрашувида Гонконг терма жамоасини мағлуб этди (видео, фото). Жамоа 7 очко билан иккинчи ўринда бормоқда.
Тожикистонда бўлган зилзила кучи Ўзбекистонда ҳам сезилди
Жума куни эрталаб Тожикистонда содир бўлган зилзила Тошкент шаҳри, Сирдарё (2 балл) ва водий вилоятларида ҳам сезилди (2−3 балл).
Мардлик ва жасорат ўйини. Кўпкари ҳақида Холида Мусулмон фотоҳикояси
Қишлоқларда кўкламнинг кириб келиши анъанавий ўйинлар билан нишонланади. Кўпкари — шулардан бири. «Газета.uz» фотомухбири Холида Мусулмон Жиззахда кўпкарига бориб, эркаклар нега улоқ чопиши, ғолибларга қандай совғалар берилиши ва нега унда аёллар қатнашмаслиги ҳақида ҳикоя тайёрлади.
Фото: Ўзбекистонда 1990−2004 йилларда Наврўз байрами қандай нишонланган?
Тошкент Фотосуратлар уйида «Олам нурга тўлсин сен билан, Наврўз» номли кўргазма очилди. Унда Наврўз байрамига оид Кинофотофоно ҳужжатлари миллий архивида сақланаётган ва ЎзА тақдим этган 120 дан ортиқ фотосуратлар намойишга қўйилган. Кўргазма 28 мартгача давом этади.
Дубайнинг қаерида мусулмон олами маданияти билан танишиш мумкин?
Мусулмонлар Рамазон ойини Дубайда қандай ўтказишлари, қандай диққатга сазовор жойларга борган ва қандай таомларни татиб кўрган маъқуллиги ҳақида амирликнинг Иқтисодиёт ва туризм департаменти гапириб берди.
Шавкат Мирзиёев халқни Наврўз байрами билан табриклади
Президент Наврўз байрами муносабати билан йўллаган табригида мамлакатдаги ўзгаришлар, инсон шаъни ва қадр-қиммати, табиатга ғамхўрлик кўрсатилаётгани, шунингдек, Ўзбекистонни тадбиркорлик учун энг қулай ва жозибадор давлатлардан бирига айлантириш борасидаги режаларни алоҳида таъкидлаб ўтди.
Маҳаллалар ўртасида футбол бўйича «Маҳалла лигаси» ўтказилади
Президент маҳаллаларда футбол инфратузилмасини ривожлантиришга доир қарорни имзолади. Унга кўра, турли ёшдаги аёл ва эркакларнинг «маҳалла терма жамоалари» ташкил этилиб, улар ўртасида «Маҳалла лигаси» ўтказилади. Унда ўзини кўрсатган ёшлар футбол мактаби ва академияларига йўналтирилади.
Криптобиржа ва криптодўконлар учун йиғимлар оширилди
Ўзбекистонда криптобиржа ва криптодўконлар учун йиғимлар мос равишда 1,8 ва 9 бараварга оширилди. ИЛМА хабарида айтилишича, уларнинг фаолияти етарли даражада рентабель ва ўзгаришлар уларнинг молиявий ҳолатига салбий таъсир кўрсатмайди.
Тошкентда 170−180 км/соат тезликда ҳаракатланган ҳайдовчилар билан суҳбат ўтказилди
Тармоқларда Tahoe ва BYD Song Plus автомобиллари Тошкентдаги кўчада соатига 170−180 км тезликда ҳаракатлангани акс этган видео тарқалди. Ҳайдовчилар (26 ва 35 ёш) жаримага тортилди, шунингдек, улар билан «профилактик суҳбат» ўтказилди.
«Уч ҳафта умрим қолган эди»: Қозоғистонлик бемор саратон касаллиги билан қандай курашганини айтиб берди
Туркиянинг Anadolu клиникаси саратон касаллигига чалинган беморга қандай ёрдам бергани ҳақида ўртоқлашди. Ўзбекистонлик беморлар шифохонанинг Тошкентдаги ваколатхонасида бепул консультацияга ёзилишлари мумкин.
Давлат хизматлари портали (ЯИДХП) 21−24 март кунлари ишламайди
Сервер қурилмаларини кўчириш ишлари сабаб 21−24 март кунлари Ягона интерактив давлат хизматлари портали (my.gov.uz) хизматлари амалга оширилмайди. Давлат хизматлари, нотариуслар, лицензиялаш ва тадбиркорлик субъектларини рўйхатдан ўтказиш марказлари тизимлари вақтинча ишламайди.
20 март куни эълон қилинган энг муҳим янгиликлар дайжести
Ҳаво сифатини мониторинг қилувчи Air Tashkent портали, Ўзбекистоннинг бахтли давлатлар рейтингидаги ўрни, Рақобат қўмитасининг BYD сўровига муносабати, поезд вагонлари ишлаб чиқиш бўйича танлов ва бошқалар — «Газета.uz»нинг кунлик дайжестида.
Қорақалпоғистондаги колонияда 47 нафар маҳкумнинг жарроҳлик амалиётига эҳтиёжи борлиги аниқланди — омбудсман
Омбудсманнинг Қорақалпоғистондаги вакили 27-сонли манзил колонияда мониторинг ўтказди. Барча маҳкумлар тиббий текширувдан ўтказилганда уларнинг 47 нафарига «Остеомиелит», «Остеохондроз» ташҳислари қўйилди. Уларга стационар даво муолажалари буюрилди.
Ўзбекистон энг бахтли давлатлар рейтингида 47-ўринни эгаллади
Ўзбекистон World Happiness Report`нинг энг бахтли мамлакатлар рейтингида 7 поғона кўтарилиб, 47-ўринни эгаллади. Мамлакат МДҲ давлатлари орасида энг юқори бахт даражасига эга. Ўзбекистонликларнинг энг бахтлилари кексалар, энг бахтсизлари эса 30−44 ёшдагилардир (аксар мамлакатларда бунинг тескариси).
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг