Архив
Тошкент шаҳри ҳокимига ўринбосар тайинланди
2019 йилдан бери Тошкент шаҳри ҳокимининг жамоат ва диний ташкилотлар билан алоқалар бўйича ўринбосари сифатида ишлаб келаётган Алимардон Қаршиев лавозимидан озод этилиб, унинг ўрнини Абдулвосид Хомитжонов эгаллади.
17 май куни Ўзбекистонда содир бўлган энг муҳим хабарлар дайжести
Нукус ишида апелляция берган яна 28 маҳкум, Cobalt ва Lacetti нархи ошишини рад этган UzAuto Motors, Ўзбекистоннинг ЖСТга аъзо бўлиши ҳақида, хотинидан қасд олиш учун 2 ўғлини бўғиб ўлдирган самарқандлик эркак, «яшил энергия» сертификатлари ва бошқалар — «Газета.uz»нинг кун дайжестида.
ЕТТБ Қорақалпоғистонда шамол электр станцияси қурилишини молиялаштиради
Европа тикланиш ва тараққиёт банки ACWA Power Wind Karatau компаниясига Нукусда 100 МВт қувватга эга шамол электр станциясини қуриш учун 19,3 млн доллар кредит ажратди.
«Бугунги Ўзбекистон кечаги Ўзбекистон эмас» — Шавкат Мирзиёев
Ўзбекистон президенти ЕТТБнинг Самарқандда бўлиб ўтган форумида сўзлаган нутқида банк билан ҳамкорликнинг устувор йўналишлари: қашшоқликни қисқартириш, яшил иқтисодиётни ривожлантириш, инфратузилма, тиббиёт, таълим, транспорт ва экология соҳаларида ДХШни кенгайтириш кабиларни санаб ўтди.
Шавкат Мирзиёев Хитойга жўнаб кетди
Ўзбекистон президенти Шавкат Мирзиёев Хитойга жўнаб кетди. Ташриф доирасида Сиань шаҳрида ХХР Раиси Си Цзиньпин билан музокаралар ўтказиш, «Марказий Осиё — Хитой» саммитда иштирок этиш ҳамда Хитойнинг етакчи компания ва банклари раҳбарлари билан учрашиш режалаштирилган.
Газ қазиб олишни кўпайтириш учун конлар ва қудуқларни рақамлаштириш зарур — «Ўзбекнефтгаз» раҳбари
Газ қазиб олишни кескин ошириш вазифасини бажариш учун конлар ва қудуқларни рақамлаштириш талаб этилади, деди «Ўзбекнефтгаз» раҳбари Баҳодиржон Сидиқов. Унинг сўзларига кўра, бу ишларни йил охиригача якунлаш режалаштирилган.
Тошкентга ҳоким бўлиб қолган такси ҳайдовчиси ҳақидаги «Ҳоким бува» мини-сериали намойиши бошланди
Интернетда режиссёр Сарвар Каримов томонидан суратга олинган «Ҳоким бува» мини-сериалининг намойиши бошланди. Комедия жанридаги ушбу сериал ижтимоий-сиёсий муаммолардан муттасил нолиб юрадиган такси ҳайдовчисининг Тошкентга ҳоким бўлиб қолиши ва бу лавозимдаги саргузаштлари ҳақида.
«Жамиятда фундаментал ҳуқуқларнинг фидойи ҳимоячилари ролида юристлар кўпроқ бўлишини истардим» — адлия вазири
«Тошкент ҳуқуқ баҳори» халқаро форумида адлия вазири Акбар Тошқулов жамиятда фундаментал ҳуқуқларни яхши томонга буришга ҳаракат қилувчилар ролида юристлар кўпроқ бўлишини исташини айтди. «Чунки биз юристлар муаммони кундалик иш жараёнида доим кўрамиз ва уларнинг ечимини ҳам биламиз», — деди у.
Тошкентда Matiz уриб юборган 12 ёшли ўқувчи вафот этди
Учтепа туманида Matiz ҳайдовчиси тартибга солинмаган пиёдалар йўлагидан ўтаётган 12 ёшли ўқувчини уриб юборди. У жароҳатлари сабабли касалхонага олиб кетилаётганда вафот этди.
«Ўзмиллийбанк» ва ХДТБ ўртасида кредит келишуви имзоланди
Ўзбекистон-Хитой бизнес-форум доирасида «Ўзмиллийбанк» ва Хитой давлат тараққиёт банки ўртасида 1,18 млрд юань миқдорида кредит линиясини жалб қилиш тўғрисидаги келишув имзоланди.
UzAuto Motors Cobalt ва Lacetti нархларининг ошишини рад этди
Тармоқларда 1 июндан Damas, Labo, Cobalt ва Lacetti автомобилларининг янгиланган версиялари тақдим этилиши, Cobalt ва Lacetti нархи 20−23 минг долларгача кўтарилиши ҳақида хабарлар тарқалди. UzAuto Motors ушбу маълумотлар ёлғон эканини билдирди.
Нукус иши бўйича яна 28 нафар маҳкум апелляция берди
Нукус воқеалари бўйича қўзғатилган жиноят иши бўйича иккинчи суд жараёнида қамоқ жазосига ҳукм қилинган 28 нафар шахс апелляция шикояти билан мурожаат қилди. Уларни кўриб чиқиш пайшанба куни бошланади. Яна 16 нафар маҳкумга нисбатан апелляция аризаларини кўриб чиқиш давом этмоқда.
ЕХҲТ ДИИҲБ Ўзбекистонга сайловга тайёргарликни ўрганиш учун миссиясини юборди
Ўзбекистонга муддатидан олдинги президент сайлови ўтказилиши муносабати билан Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси Эҳтиёжларни баҳолаш миссияси келди. Миссия сайловни кузатишнинг мақсадга мувофиқлиги тўғрисида қарор қабул қилади.
Самарқандда эркак хотинидан қасд олиш учун 2 ўғлини бўғиб ўлдирди
Тойлоқ туманида эркак хотинидан қасд олиш учун 6 ва 8 ёшли ўғилларини сим билан бўғиб ўлдирди. Воқеага Россияга ишлашга кетган хотинининг бегоналар билан ишқий муносабатда бўлгани акс этган видеолар сабаб сифатида келтирилмоқда.
Сунъий интеллектнинг жорий этилиши Ўзбекистонда 430 минг янги иш ўрни яратиши мумкин — ОТБ тадқиқоти
Тўртинчи саноат инқилобининг сунъий интеллект каби технологияларидан фойдаланиш Ўзбекистонда тўқимачилик ва тикувчилик саноатида 100 мингта, қурилиш соҳасида 334 мингта янги иш ўрни яратиш имконини беради. Бу борада Осиё тараққиёт банкининг янги тадқиқотида сўз борган.
Ўзбекистоннинг учта вилоятида давлат-хусусий шериклик асосида шифохоналар қурилади
Ўзбекистонда Халқаро молия корпорацияси ҳамкорлигида Самарқанд, Жиззах ва Қашқадарё вилоятларида давлат-хусусий шериклик негизида учта шифохона қуриш режалаштирилган.
PIRLS тадқиқотларида илк бор иштирок этган Ўзбекистон 57 мамлакат орасида 49-ўринни эгаллади
Таълим ютуқларини баҳолаш халқаро ассоциацияси 4-синф ўқувчиларининг ўқиш саводхонлигини баҳолайдиган тадқиқот натижаларини эълон қилди. Унда илк бор қатнашган Ўзбекистон 57 давлат орасида ўртача баллдан пастроқ натижани қайд этиб, 49-ўринни эгаллади. PIRLS натижалари ҳақида батафсил.
ЕИ ва ФТА Ўзбекистоннинг 2030 йилгача яшил иқтисодиётга ўтишини қўллаб-қувватлайди
Европа Иттифоқи, Франция тараққиёт агентлиги ва Ўзбекистон ҳукумати мамлакатнинг 2030 йилгача яшил иқтисодиётга ўтиши бўйича стратегиясини қўллаб-қувватлаш ва молиялаштириш борасидаги битимни имзолади.
OTP Bank 2 ҳафта ичида «Ипотека-банк»ни хусусийлаштириш бўйича биринчи битимни якунламоқчи
«Ипотека-банк»ни хусусийлаштириш бўйича биринчи битим икки ҳафта ичида якунланиши режалаштирилмоқда, деди OTP Bank директори ўринбосари Ласло Вульф. Унинг сўзларига кўра, OTP 2022 йил декабрь ойида хусусийлаштириш тўғрисидаги битим имзолангандан бери «Ипотека-банк»ни ривожлантириш устида ишламоқда.
«Агробанк» вакиллари ҳалқаро форумда иштирок этди
Саудия Арабистонида бўлиб ўтган форумда «Агробанк» Халқаро ислом савдо ва молия корпорацияси ва Хусусий секторни ривожлантириш ислом корпорацияси томонидан иккита мукофот билан тақдирланди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг