Архив
Ўзбекистон 2030 йилга бориб сув танқис бўлган 33 та давлат қаторига тушиб қолиши мумкин
МҲТИ экспертлари Ўзбекистонда сув танқислигини қурғоқчил ҳудудларнинг қишлоқ хўжалиги тармоғига қандай таъсир кўрсатишини ўрганди. 2030 йилга бориб мамлакатда 7 млрд куб метр сув танқислиги кузатилиши мумкин. Натижада Ўзбекистон сув танқис бўлган 33 та давлат қаторига тушиб қолиш эҳтимоли бор.
Диёра Келдиёрова жаҳон чемпионатида медаль олган илк ўзбекистонлик аёл дзюдочи бўлди
Диёра Келдиёрова Доҳа шаҳрида ўтказилган жаҳон чемпионатида кумуш медални қўлга киритиб, мамлакат тарихида совриндор бўлган илк ўзбекистонлик аёл дзюдочига айланди. Терма жамоа жаҳон чемпионатини умумий ҳисобда иккита кумуш ва иккита бронза медали билан якунлади.
UniSat 2.0 дастури иштирокчилари Навоийда 2 та наносунъий йўлдошни ишга туширди
UniSat 2.0 таълим дастури иштирокчилари Навоий вилоятида биоматериаллар, аллерген заррачалар ва ҳаво сифатини ўрганиш бўйича тажрибалар ўтказган ҳолда стратосферага иккита наносунъий йўлдошни учиришди. Дастур доирасида биринчи наносунъий йўлдош ўтган йили учирилганди.
Ўзбекистонда ҳафта ўртасида ҳарорат пасайиб, ёмғир ёғади
Ўзбекистоннинг аксарият ҳудудларида ҳафта ўртасида ёмғир ёғади, момақалдироқ бўлади, жойларда дўл ёғиши мумкин. Ҳарорат кечаси +10 даражагача, кундузи +17 даражагача пасаяди. Тошкентда чоршанба ва пайшанба кунлари момақалдироқли ёмғир ёғади.
Мирзиёев Эрдоғанни сайлов «муваффақиятли ўтгани» билан табриклади
Шавкат Мирзиёев Туркия раҳбари Режеп Таййип Эрдоғанни президентлик ва парламент сайловлари муваффақиятли ўтгани билан телефон орқали табриклади. 99,31 фоиз овозни санаб чиқиш якунига кўра, номзодларнинг ҳеч бири керакли 50 фоизни тўплай олмади, овоз беришнинг иккинчи тури ўтказилиши кутилмоқда.
Ишлаб чиқариш корхоналари ходимларига миллий қўшиқлар ва мақом эшиттириш таклиф этилмоқда
Ўзбекистондаги ишлаб чиқариш корхоналарида иш куни бошланиши ва тугаши пайтида миллий куй ва қўшиқлар, шу жумладан, мақомнинг эшитилиб туришини йўлга қўйиш таклиф қилинмоқда. Ҳужжат лойиҳасида бу ташаббус президентнинг Наманганга ташрифида берилган топшириқлар асосида ишлаб чиқилгани қайд этилган.
ОТМларга кириш имтиҳонлари яна ёпиқ биноларда ўтказилади
Ўзбекистонда 2023/2024 ўқув йили учун тест синовлари ўтказиладиган 92 та ёпиқ иншоот танлаб олинди. Пандемия туфайли жараён 3 йилдан буён очиқ ҳавода ташкил этилаётганди. Май ойи бошида ЖССТ коронавирус глобал фавқулодда ҳолат мақомини йўқотганини маълум қилган.
Ўзбекистон БМТ Инсон ҳуқуқлари бўйича Олий комиссари бошқармасига 100 минг доллар ўтказади
Инсон ҳуқуқлари умумжаҳон декларацияси қабул қилинганининг 75 йиллиги муносабати билан Ўзбекистон БМТ Инсон ҳуқуқлари бўйича Олий комиссари бошқармаси фондига ихтиёрий бадал сифатида 100 минг доллар ўтказади.
Туркияда президент сайлови: Эрдоған ва Қиличдарўғли иккинчи турда беллашиши мумкин
Туркияда ўтган президентлик сайловининг илк натижалари Эрдоғаннинг 50 фоиздан камроқ овоз олганини кўрсатмоқда. Ҳозирча мухолифатчи рақибидан салкам 5 фоиз кўпроқ овоз тўплаган Эрдоған 28 май куни иккинчи турда Қиличдарўғли билан яна курашга киришиши мумкин.
Банкларда долларнинг сотув курси 11 440 — 11 490 сўм этиб белгиланди
Тижорат банклари 15 май куни аҳолидан 1 АҚШ долларини 11 375 — 11 420 сўмдан сотиб олмоқда, сотув курси эса 11 440 — 11 490 сўм.
Ўзбекистонлик муайтайчилар ЖЧда 5 та медаль олди
Муайтай бўйича катталар ўртасидаги жаҳон чемпионатида ўзбекистонлик спортчилар 1 та олтин, 2 та кумуш ва 2 та бронза медални қўлга киритди.
1-чоракда иккиламчи уй-жойларни ипотека асосида сотиб олиш уч баробардан кўпроққа ортди
I чоракда Ўзбекистон аҳолисининг ипотека кредитларига бўлган талаби юқорилигича қолди, дейилади Марказий банк ҳисоботида. Бу даврда жами 3 трлн 260 млрд сўмлик кредитлар берилган. Янги биноларда уй-жой сотиб олиш учун ажратилган маблағлар ҳажми эса камайган, иккиламчи бозорда уч бараварга кўпайган.
Ўзбекистон бокс бўйича ЖЧни 9 та медаль билан якунлади
Тошкентда ўтказилган бокс бўйича жаҳон чемпионатининг охирги кунида Ўзбекистон терма жамоаси 2 та олтин ва 2 та кумуш медални қўлга киритди. Шу тариқа ўзбекистонлик боксчилар мусобақани 9 та медаль билан якунлади.
Тошкентда трансафғон темир йўли лойиҳасини мувофиқлаштириш офиси очилди
Тошкентда Ўзбекистон-Афғонистон-Покистон темир йўл линиясини қуриш лойиҳасини мувофиқлаштириш офиси очилди. 20 млн тоннагача юк ташиш имконини берувчи йўл Европа Иттифоқи, Россия, Ўзбекистон, Афғонистон, Покистон, Ҳиндистон ва ундан кейинги Жануби-Шарқий Осиё давлатларини боғлаши керак.
Миллий гвардияга янги ваколатлар берилди
Президент Миллий гвардия ходимларининг ваколатларини кенгайтириш, жумладан, уларга жамоат жойида спиртли ичимлик ичганлик, вояга етмаганларни ғайриижтимоий хатти-ҳаракатларга жалб қилганлик учун жарима солиш имконини берувчи қонунни имзолади.
IBA афсонавий боксчи Руфат Рисқиевга умрбод минг доллар миқдорида ойлик моддий ёрдам тайинлади
Халқаро бокс ассоциацияси (IBA) президенти Умар Кремлёв афсонавий боксчи, «Тошкент йўлбарси» Руфат Рисқиевга чемпионлик камари, «Ғалабага бўлган ирода» мукофоти ҳамда 10 минг доллар маблағ топширди. Шунингдек, унга минг доллар миқдорида ойлик моддий ёрдам ҳам тайинланди.
Ўзбекистон халқ шоири Ойдин Ҳожиева 81 ёшида вафот этди
Ўзбекистон халқ шоири Ойдин Ҳожиева 81 ёшида вафот этди. Шоира узоқ йиллар «Саодат» журналида бўлим мудири ва бош муҳаррир лавозимларида фаолият юритган.
Майнинг 13 лаҳзаси. Андижоннинг 18 йил аввалги ва ҳозирги манзаралари
2005 йилнинг 13 майга ўтар кечаси Ўзбекистон тарихига «Андижон воқеалари» номи билан кирган энг қонли ҳодисалардан бири бошланган эди. «Газета.uz» ушбу ҳодиса оқибатлари акс этган 13 манзарани танлаб олиб, уларни 2023 йил май ойида яна ўша нуқталарда олинган суратлар билан таққослади.
Тошкент вилоятида 2 ёшли фарзандини қийноққа солиб, видеога олган ота ушланди
Тармоқларда эркак ўз фарзандларини қийноққа солаётгани акс этган видео тарқалди. Бош прокуратурага кўра, янгийўллик 30 яшар эркак оилавий келишмовчилик сабабли турмуш ўртоғидан ўч олиш мақсадида 2 ёшли фарзандини қийноққа солиб, жараённи видеога олган. Унга нисбатан жиноят иши қўзғатилган.
Судья, педагог, агроном ва амалдаги президент — келгуси 7 йилликдаги Ўзбекистон раҳбарлиги учун кимлар курашади?
9 июлда ўтказиладиган муддатидан аввалги президентлик сайлови учун сиёсий партиялар ўз номзодларини илгари сурди. «Миллий тикланиш» ЎзЛиДеП изидан бориб, амалдаги давлат раҳбари номзодини қўллаб-қувватлади. «Газета.uz» уларнинг ҳаёти ва фаолиятига оид маълумотларни бир материалга жамлади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг