Архив
Энди гаровга қўювчининг илтимоси билан мол-мулкни аукционга қўйиш кечиктирилмайди
Ўзбекистонда 2024 йил 1 январдан ундирув қаратилган гаровга қўйилган мол-мулкнинг очиқ кимошди савдосида сотилишини гаровга қўювчининг илтимосига асосан кечиктирилишига йўл қўйилмайди.
Inkuzart Орол денгизининг қуриган қисмига тинчлик рамзини чизди
Рассом Inkuzart Орол денгизининг қуриган қисмида диаметри 100 м бўлган тинчлик рамзини чизиб, ўша ерга минг тупдан ортиқ саксовул кўчатларини ўтқазди. «Газета.uz»га берган интервьюсида у бунинг учун ҳеч кимдан моддий ёрдам сўрамагани ва лойиҳа учун аввалдан пул йиғиб юрганини айтди.
Жиззахда сохта Green Card тайёрлаш билан шуғулланган шахс 9 йилга қамалди
Жиззах вилоятида 3 нафар шахс сохта Green Card ҳужжатларини тайёрлаб, 103 кишининг 2 млрд 597 млн сўмини фирибгарлик билан қўлга киритгани аниқланди. Уларнинг бири 9 йилга қамалди, 2 нафарига қидирув эълон қилинди.
Қашқадарёда «Жигули» ҳайдовчиси билан бирга ёниб кетди
Қарши туманида «Жигули» ёниб кетди. Ҳайдовчи ўриндиғида 22 ёшли йигитнинг жасади борлиги айтилмоқда. Ҳолат юзасидан жиноят иши қўзғатилди, марҳумнинг ўлими сабабларини аниқлаш бўйича экспертизалар тайинланди.
Банкларда долларнинг сотиш ва сотиб олиш курси яна ошди
Тижорат банклари 3 май куни аҳолидан 1 АҚШ долларини 11 380 — 11 425 сўмдан сотиб олмоқда, сотув курси эса 11 425 — 11 495 сўм.
Тошкентда 3 май куни кучли ультрабинафша нурланиш кузатилиши мумкин
3 май куни Тошкент шаҳрида қуёшнинг ультрабинафша нурланиш индекси 12 балли шкалада 10 балл бўлиши кутилмоқда. Нурланиш қоқ туш пайти максимал даражага яқинлашади. ССВ соат 11:00 дан 16:00 гача қуёш нурлари остида узоқ вақт юрмаслик ва бошқа тавсияларни берди.
Мирзиёев Эрдоғанга президентлик сайловида муваффақият тилади
Шавкат Мирзиёев Туркия президенти Режеп Таййип Эрдоған билан телефон орқали мулоқотда унга бўлажак сайловда муваффақият тилади. Эрдоған ҳам Ўзбекистон раҳбарини умумхалқ референдуми муваффақиятли ўтгани билан табриклади.
АҚШ элчиси «Муштум» журналини 100 йиллик юбилейи билан табриклади
АҚШ элчиси Жонатан Ҳеник «Муштум» журналини 100 йиллик юбилейи билан табриклаш мақсадида журнал таҳририятида бўлди. У «Муштум»нинг мухлиси эканини ва элчихона журналга обуна бўлганини айтган. «Элчининг ташрифидан бошимиз осмонга етди», — деди журнал бош муҳаррири Носиржон Тошматов.
Шавкат Мирзиёев Олаф Шольц билан музокаралар ўтказди
Ўзбекистон президенти Берлинда Германия федерал канцлери Олаф Шольц билан музокаралар ўтказди. Ташриф давомида турли соҳаларга оид 16 та ҳукуматлараро ва идоралараро ҳужжат имзоланди.
Фарғонада ўқитувчини калтаклаган аёл 6 млн сўм жарима тўлайдиган бўлди
Тошлоқ туманида қизига ота-онаси билан мактабга келишини талаб қилгани учун синфхонада педагогни ҳақоратлаб, калтаклаган аёлга нисбатан суд ҳукми ўқилди. Аёл қилмиши учун узр сўрамаган ва эндиликда 6 млн сўм миқдорида жарима тўлайдиган бўлди.
«Сурхон» қўриқхонасидан ноёб Бухоро тоғ қўйини олиб кетишга уринган браконьерлар ушланди
«Сурхон» давлат қўриқхонасидан Бухоро тоғ қўйининг боласини ноқонуний олиб кетишга уринган икки эркак ушланди. Тезкор рейд тадбири давомида қўлга олинган ҳуқуқбузарлар Қашқадарёнинг Деҳқонобод туманида истиқомат қилиши аниқланди. Уларга нисбатан маъмурий баённома расмийлаштирилди.
«Яхши тайёргарлик кўрилган, лекин плюрализм бўлмади». ЕХҲТ ДИИҲБ — референдум жараёни ҳақида
Ўзбекистонда референдумга пухта тайёргарлик кўрилган, бироқ кампанияда плюрализм бўлмади, дея маълум қилди ЕХҲТ ДИИҲБ мониторинг миссияси. Миссиянинг дастлабки ҳисоботида айтилишича, ОАВ сайловчиларга «холис, мувозанатли ва танқидий маълумот» етказиб бера олмаган.
Омбудсман тадбиркорлар қийноққа солингани ҳақидаги хабарларни алоҳида назоратга олди
Омбудсман идораси тадбиркорлар Дилшод Тўрахўжаев ва Хасанбой Абдунабиевнинг қийноққа солингани ҳақидаги хабарларни алоҳида назоратга олди. «Ўзбекистон инсон қадр-қимматини ерга урадиган, инсонийликка зид бўлган қийноқларнинг ҳар қандай кўринишига қарши кураш йўлини танлаган», — дейилади баёнотда.
2 май куни Ўзбекистонда содир бўлган энг муҳим хабарлар дайжести
Бухорода 4 киши томонидан зўрлангани айтилган 13 ёшли қиз, Ўзбекистонда референдум юқори даражада ўтганини қайд этган МДҲ миссияси, 42 нафар непалликни $124,5 мингга алдаб кетган бухороликлар, Тошкентга келган янги автобуслар атрофидаги муаммолар ва бошқалар — «Газета.uz»нинг кун дайжестида.
Тошкент кўчалари «гармошка» автобусларнинг ҳаракатига мос келади — Транспорт бошқармаси бошлиғи
Тошкент шаҳар транспорт бошқармаси бошлиғи Анвар Жўраевнинг айтишича, иккита «гармошка» автобус дарахт шохларига урилган кўчада йўл тасмалари чапроққа суриб қайтадан чизилади. Шунингдек, у пойтахт кўчаларининг параметрлари ушбу автобусларнинг ўлчамларига тўлиқ мос келишига ишонтирди.
Иккинчи жаҳон уруши қатнашчиларига 18 млн сўмдан мукофот пули берилади
Иккинчи жаҳон уруши қатнашчилари ва ногиронларининг ҳар бирига 18 млн сўм миқдорида бир марталик пул мукофот берилади.
«Педагог ходимнинг мақоми тўғрисида»ги қонун лойиҳасини кўриб чиқиш жараёни қандай кечди?
Қонунчилик палатасининг навбатдаги мажлисида «Педагог ходимнинг мақоми тўғрисида»ги қонун лойиҳаси кўриб чиқилди. Таклиф этилган қонун лойиҳасида дастлабки тақдим этилган лойиҳадаги бир қанча имтиёзлар йўқлиги маълум бўлди. Айрим депутатлар лойиҳа ҳақида эътирозларини билдирди.
«Тошшаҳартрансхизмат» электробуслар иш жадвалидан кечикаётганига изоҳ берди
«Тошшаҳартрансхизмат» раҳбари Анвар Жўраев «Газета.uz»га айрим электробуслар жадвалдан кеч қолгани сабабини тушунтирди қилди. Унинг айтишича, бунга автобус парки масъул ходимининг электробуслар жадвалини энг қизғин вақтида ишни нотўғри тақсимлагани сабаб бўлган.
Наманганда реклама баннери 26 ёшли эркак устига қулади
Наманган шаҳрида фундаментидан ўпирилган реклама баннери машина ва бир эркак устига қулади. Бош прокуратура фуқаро шифохонага олиб кетилгани ва ҳолат бўйича текшириш олиб борилаётганини маълум қилди.
Тошкент вилоятида фуқаролар 48 кг балиқни ноқонуний овлаб, табиатга 531 млн сўм зарар етказди
Оҳангарон туманида 3 фуқаро электр қармоқ ёрдамида 48 кг балиқни ноқонуний овлади. Бу орқали табиатга 531 млн сўм зарар етказилди. Вазирлар Маҳкамаси шу кунларда балиқ овлашни тартибга солувчи, жумладан, браконьерликка қарши курашишни назарда тутувчи қарор лойиҳасини кўриб чиқмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг