Архив
Salam Air авиакомпанияси Ўмондан Ўзбекистонга мунтазам қатновларни йўлга қўяди
Ўмоннинг Salam Air авиакомпанияси Ўзбекистонга мунтазам авиақатновларни амалга ошириш учун рухсатнома олди. Эндиликда Маскат — Ташкент — Маскат ва Маскат — Наманган — Маскат йўналишларида мунтазам рейслар амалга оширилади.
Тошкентда ИИО ходими хизмат вақтида ўлдирилди
30 ноябрь куни соат 00:50 ларда Олмазор тумани ИИО профилактика инспектори тезкор чақирув бўйича «Ғалаба» маҳалласида хизмат вазифасини бажараётган вақтида ўлдириб кетилди. Қотилликда гумонланаётган фуқаро муқаддам судланган бўлиб, ходимга тажовуз қилгач, воқеа жойидан қочиб кетган.
Ўзбекистонда ҳаво ҳарорати кескин пасайиши кутилмоқда
1 декабрдан Ўзбекистон ҳудудига совуқ ҳаво массаси кириб келади, дея огоҳлантирди Ўзгидромет. Дам олиш кунларида ҳаво ҳарорати кечаси −4…−7 даражагача, кундузи 0…+3 даражагача пасаяди.
Корпоратив бошқарувчи малака аттестатини бериш бўйича давлат хизмати кўрсатилади
Вазирлар Маҳкамаси қарори билан Корпоратив бошқарувчи малака аттестатини бериш бўйича давлат хизматлари кўрсатишнинг маъмурий регламенти тасдиқланди. Давлат хизматини кўрсатганлик учун БҲМнинг 1 баравари (300 минг сўм) миқдорида йиғим ундирилади.
Самарқандда фуқарони $25 минг эвазига АҚШга жўнатмоқчи бўлган шахс ушланди
Самарқандда фуқарони 25 минг доллар эвазига Мексика орқали АҚШга жўнатмоқчи бўлган шахс ушланди. У ҳужжатларни расмийлаштириш учун олдиндан 10 минг доллар олаётганда пайтда ДХХ ва ИИБ ходимлари томонидан қўлга олинди. Ҳозирда гумонланувчига нисбатан тегишли моддалар билан жиноят иши қўзғатилди.
Тижорат банклари 30 ноябрь куни долларни 11 270 сўмдан сотишни бошлади
Банкларда 1 АҚШ доллари 11 270 сўмдан сотилмоқда, аҳолидан эса 11 195 — 11 250 сўмдан сотиб олинмоқда.
ЖЧ-2022: Англия ва АҚШ ҳам кейинги босқичда. Плей-оффнинг илк қарама-қаршиликлари маълум бўлмоқда
B гуруҳидаги 3-тур баҳсларида АҚШ терма жамоаси Эронни 1:0 ҳисобида мағлуб этиб, плей-оффга йўл олди. Гуруҳдаги яна бир учрашувда эса Англия терма жамоаси Уэлсни 3:0 ҳисобида мағлубиятга учратди. Плей-оффда АҚШ Нидерландия билан, Англия эса Сенегал билан кураш олиб боради.
Тошкентдаги Махсуслаштирилган юқумли касалликлар шифохонаси Зангиотага кўчирилади
Тошкентдаги Махсуслаштирилган юқумли касалликлар шифохонаси биноларида иситиш тизимининг бутунлай яроқсиз ҳолга келиб қолгани ва хоналар таъмирталаб аҳволда бўлгани сабабли 2-сон Зангиота касалхонасига кўчирилади. Фаолияти тўхтатилган объектда қурилиш-таъмирлаш ишлари амалга оширилади.
Фарғонада фуқаро 32 бош олмахонни чегарадан ноқонуний олиб ўтгани аниқланди
Фарғонадаги қўшни давлатга чегарадош маҳаллаларнинг бирида яшовчи шахсга тегишли 2 та ёғоч қутида 32 бош олмахон сақланаётгани маълум бўлди. Ноқулай шароитлар сабаб 2 та олмахон нобуд бўлган. Жониворларнинг дастлабки қиймати 30 млн сўмга баҳоланди. Ҳозирда улар Фарғона ҳайвонот боғига топширилди.
ЖЧ-2022: Сенегал ва Нидерландия плей-оффда, Қатар бирорта ҳам очко ишлай олмади
A гуруҳидаги ҳал қилувчи турда Сенегал терма жамоаси Эквадорни 1:2 ҳисобида мағлуб этиб, кейинги босқичга йўл олди. Гуруҳдаги яна бир учрашувда эса Нидерландия терма жамоаси Қатарни 2:0 ҳисобида енгди. Қатар учта тур ҳисобига кўра бирорта ҳам очко ишлай олмаган ягона мезбон терма жамоа бўлди.
Ўзбекистон ТИВ делегацияси ЕХҲТ йиғилишида иштирок этиш учун Польшага боради
30 ноябрь — 3 декабрь кунлари Владимир Норов бошчилигидаги Ўзбекистон ТИВ делегацияси ЕХҲТнинг ташқи ишлар вазирлари кенгашининг 29-йиғилишида иштирок этиш учун Польшанинг Лодз шаҳрига ташриф буюради.
Андижонда автобус билан содир бўлган ЙТҲда яна бир жабрланувчи ҳалок бўлди
Тошкент-Ўш-Андижон йўлида Isuzu автобуси ва юк машинаси тўқнашуви оқибатида ҳалок бўлганлар сони 3 нафардан 4 нафарга етди. 33 киши шифохоналарда қолмоқда, улардан 1 нафарининг аҳволи ўта оғир, 5 нафарининг аҳволи оғир.
Қирғизистон президенти Ўзбекистон билан чегара масалалари бўйича ҳужжатларни имзолади
Қирғизистон президенти Садир Жапаров қирғиз-ўзбек давлат чегарасининг алоҳида участкалари тўғрисидаги шартнома ва Кампир-обод (Андижон) сув омборининг сув ресурсларини биргаликда бошқариш тўғрисидаги битимни ратификация қилиш тўғрисидаги қонунларни имзолади.
Ўзбекистон ва АҚШ фаол сиёсий мулоқотни давом эттиришга тайёр — ТИВ
АҚШ маъмурияти Ўзбекистонга молиявий-техник кўмак беришда давом этади. Бу ҳақда мамлакат элчиси Жонатан Девид Хенник Ўзбекистон ташқи ишлар вазирининг биринчи ўринбосари Фурқат Сидиқов билан учрашувда айтиб ўтди.
«Америкалик қўй терисига ёпиниб келгани билан унда бўрининг иржайиши кўриниб туради» — Вячеслав Володин
Давлат думаси спикери Вячеслав Володин бошлиқ Россия парламент делегацияси Қонунчилик палатаси раҳбари Нурдинжон Исмоилов, Сенат раиси Танзила Нарбаева ва Ўзбекистон президенти Шавкат Мирзиёев томонидан қабул қилинди. Володин ташрифи давомида Ўзбекистон ва АҚШ ҳамкорлиги юзасидан фикр билдирди.
29 ноябрь куни Ўзбекистонда содир бўлган энг муҳим хабарлар дайжести
Нукус воқеаси бўйича суд тафсилотлари: Тажимуратовга қарши кўрсатув берган Турданов, Ўзбекистон-Украина ўртасида бизнес учун имтиёзлар, «КамАЗ» уриб кетган 9 ёшли қиз вафоти, 10 ойда «аварияда» ҳалок бўлган 226 нафар бола, жарима балини ҳисоблаш тизими ва бошқалар — «Газета.uz»нинг кун дайжестида.
Қашқадарёда 3 кунлик фирма 2,6 млрд сўмлик тендерни ноқонуний ютгани аниқланди
Қашқадарёда ташкил этилганига 3 кун бўлган фирма жами 2 601 000 000 сўмлик иссиқхоналар ўрнатиш бўйича танловда ноқонуний равишда ғолиб бўлгани аниқланди. Монополияга қарши курашиш қўмитаси ҳолат юзасидан иш қўзғатилиб, қайта танлов ўтказилишини маълум қилди.
Ўзбекистон ва Украина бизнес учун ўзаро имтиёзлар беришни муҳокама қилди
Ўзбекистон ташқи ишлар вазири ўринбосари Баҳром Аълоев ва Украина элчиси Николай Дорошенко ТИВда бўлиб ўтган учрашувда икки давлат ишбилармон доираларига ўзаро имтиёз ва преференциялар бериш масалаларини муҳокама қилди.
Эндиликда барча аттракционларда носозликлар ҳақида огоҳлантириш воситалари ўрнатилади
Ҳукумат қарори билан барча аттракционларда носозликлар ҳақида огоҳлантириш сигнализацияси ва тегишли воситалар ўрнатилиши белгиланди. Шунингдек, аттракционга кириш жойи олдида фойдаланишга оид чекловлар маълумоти, сўнгги кўрик санаси ва кейинги текширув вақти кўрсатилган бўлиши керак.
Нукус воқеаларидан сўнг 516 киши қўлга олинганди. Нега фақат 22 киши суд қилинмоқда?
Қорақалпоғистондаги тартибсизликлардан сўнг 516 киши қўлга олинган эди. Мустақил комиссиянинг маълум қилишича, уларнинг 100 дан ортиғи жамоат кафиллиги асосида ва қамоқ эҳтиёт чораси уй қамоғига алмаштирилиши натижасида оиласига бағрига қайтарилган, қолганлари эса маъмурий жавобгарликка тортилган.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг