Архив
Фарғонада фуқаро CEFR C1 сертификатини $1,5 мингга сотиб олмоқчи бўлди
Ўзбекистон туманида бир неча киши фуқарога CEFR C1 инглиз тили сертификатини 1,5 минг долларга олиб беришни таклиф қилгани айтилмоқда. Улар пулнинг минг долларини олган вақтида ушланди. Ҳолат бўйича жиноят иши очилди.
Пилла қурти уруғини ишлаб чиқарувчиларга ҳам субсидия берилади
1 мартдан пилла боқувчиларга етказиб берилган ҳар қути ипак қурти уруғи учун 120 минг сўм миқдорида субсидия ажратилади. Шунингдек, хом ипакни экспорт қилиш тартиби соддалашади.
Суриядаги террористик ташкилот биносини қўриқлаган наманганлик йигит 9 йилга қамалди
Суриядаги «Тавҳид ва жиҳод катибаси» террористик ташкилоти жойлашган ҳудудни қўриқлаш билан шуғулланган 24 ёшли наманганлик йигит Ўзбекистонга олиб келинди. Унга нисбатан 9 йилга озодликдан маҳрум қилиш жазоси тайинланди.
Нима тайёрлаймиз: Қуймоқлар
Пишлоқ ва кўкатли, кефирдан тайёрланган қуймоқлар, Венгрияча гўштли қуймоқ, начинкали, шоколадли қуймоқлар, cметанали крем сурилган қуймоқли торт ва бошқалар — Zira.uz ширин ва осон тайёрланадиган қуймоқлар рўйхатини тақдим этади.
Фото: Қорақалпоғистонда уйлар ва экин майдонларини сув босди
Тўрткўл туманида 8 та уй ва 2,5 гектар экин майдонини сув босди. Бунинг оқибатида уй деворлари қулаб тушган. Ҳодисага сув сатҳи кўтарилгач, канал ёқасидаги кемирувчилар уяси орқали ўпқон олиб, чиқиб кетгани сабаб сифатида кўрилмоқда.
Тошкентнинг янги қиёфалари. Қурилишлар пойтахтнинг меъморий қиёфасини қандай ўзгартирди?
Охирги йилларда шаҳарнинг ривожланиб бориши ва қурилишлар сонининг кўпайиши Тошкент қиёфасини ўзгартириб юборди. Бинолар худди кардиограмма чизиқлари каби тобора юқорига қараб интилиб бормоқда. Осмонўпар бинолар ва кранларнинг пойтахт одатий қиёфасига таъсири Евгений Сорочин объективида.
Туркияга қутқарув ишлари учун кетган ўзбекистонлик ФВВ ходимлари қайтиб келди
Туркиянинг зилзила содир бўлган ҳудудларида қидирув-қутқарув ишларини олиб борган Ўзбекистон ФВВ ходимлари шанба куни Тошкентга қайтиб келди. Улар 2 ҳафтадан кўпроқ вақт давомида вайроналар остидан 18 нафар тирик одам ва 200 га яқин жасадни олиб чиқди.
Қашқадарёдаги метан «заправка»да Nexia-3 портлади
Қарши шаҳридаги газ қўйиш шохобчасида Nexia-3 портлаб кетди. Оқибатда автомобиль орқа қисми тўлиқ шикастланиб, яроқсиз ҳолга келган.
Шоир Ошиқ Эркин вафот этди
Шоир, Ўзбекистон ва Қорақалпоғистонда хизмат кўрсатган маданият ходими Ошиқ Эркин 86 ёшида вафот этди. У «Шуҳрат» медали билан тақдирланган.
Тошкентда ўнлаб ўсмирлар стример Aslamboi озод этилишини талаб қилиб, юришга чиқди
Машҳур PUBG стримери Aslamboi Magic City`да мухлислари билан учрашувда қўлга олинди. Шундан сўнг ўнлаб ўсмирлар унинг озод этилишини талаб қилиб, юришга чиқишди. Стримерга «йиғилишлар, митинглар, кўча юришлари ёки намойишларни ташкил этиш ва ўтказиш тартибини бузганлик» учун баённома тузилди.
24 февраль куни Ўзбекистонда содир бўлган энг муҳим хабарлар дайжести
Қашқадарёга борган президент: унинг курсантлар билан қилган тушлиги, сўз эркинлиги ҳақидаги гаплари, Жиззахда бўлган зилзила, йўлкира ҳақи ошиши, 83 ёшли эркакнинг оёғини поезд босиб кетгани, даромад солиғи тўламайдиган пахта-ғалла экувчи фермерлар ва бошқалар — «Газета.uz»нинг кун дайжестида.
Фото: Ўзбекистон қўриқхоналаридаги фотоқопқонларга тушган жониворлар
Табиат ресурслари вазирлиги фотоқопқонларга тушиб қолган ҳайвонларнинг фото ва видео тасвирларини эълон қилди. Уларда, жумладан, Ўзбекистон Қизил китобига киритилган жониворлар ҳам акс этган.
«Ҳамма айтади: ОАВни ёпиб қўй, деб. Йўқ, ёпмайман» — президент сўз эркинлиги ҳақида
Президент Шавкат Мирзиёев Қаршида фаоллар билан суҳбатда ОАВ, сўз эркинлиги ҳақида тўхталди. У кўпчилик ОАВни ёпиб қўйишни айтишини маълум қилди. «Йўқ, ёпмайман. Яна олдингидай прокурор, СНБ (МХХ) текширувчи бўлаверсинми? Биз ниятимизга етдикми? Биримиз икки бўлдими?» — дея сўради у.
Шавкат Мирзиёев курсантлар билан тушлик чоғида Путин ва Байден нутқларини тилга олди
Ўзбекистон президенти Қаршидаги ҳарбий авиация билим юрти курсантлари билан тушликда Россия ва АҚШ президентлари нутқларини тилга олди. «Ҳар бир давлат ўз суверенитети, ўз халқи манфаатлари ҳақида ўйлаши учун кучли мудофаа бўлиши керак. Шунда давлат ўзини ҳурмат қилишга мажбур қилади», — деди у.
Москвада тўрт ойлик иш ҳақини ололмаган ўзбек ва тожик мигрантлари норозилик ҳаракати уюштирди
Москвада ноябрдан буён иш ҳақини ололмаётган мингдан зиёд ўзбекистонлик ва тожикистонлик мигрантлар норозилик ҳаракати уюштирди. Ташқи меҳнат миграцияси агентлиги жароҳатланган ва ҳибсга олинганлар орасида Ўзбекистон фуқаролари йўқлигини маълум қилди.
Россиянинг тажовузкор ревизионизми Марказий Осиё давлатларига ҳам таъсир қилувчи глобал таҳдиддир — Жозеп Боррель
Европа дипломатияси раҳбари Жозеп Боррель Россиянинг тажовузкор ревизионизми ва беқарорлаштирувчи ҳаракатлари Марказий Осиё мамлакатларига ҳам таъсир қилувчи глобал таҳдид эканини айтди. Унга кўра, Россия истилоси Европа ва Марказий Осиё учун ҳаддан ташқари қарамликдан қочиш зарурлигини таъкидлади.
«Уруш ва палов». Берлиндаги ўзбек ресторани ҳақида ҳикоя
Актам ва Зуҳра Маҳмазиатовлар — асли ўзбекистонлик Украина фуқаролари. Россия босқинидан сўнг улар Германияга қочиб, Берлинда ўзбек ресторани очган. Менюда — ош, манти ва сомса. «Газета.uz» номаълумлик сари сафар вақти юз берган муваффақият тарихини ҳикоя қилади.
Украинадаги урушда Россия армияси йўқотишлари 15 минг кишидан ошгани таъкидланмоқда
Журналистлар ва кўнгиллилар жамоаси 1 йил давомида Украина ерларида Россия армиясининг 15 136 нафар вакили ҳалок бўлганини аниқлади. Бу Совет иттифоқи Афғон урушида йўқотганлар сони — 15 051 дан кўпроқдир.
Тошкент жамоат транспортида йўл ҳақини 2000 сўмгача ошириш таклиф этилмоқда
1 апрелдан пойтахт жамоат транспортида йўлкира нархини ошириш таклиф этилмоқда. Унга кўра, бир марталик тўлов нақд пулда 2000 сўм, электрон тўловда 1800 сўм, ATTO орқали 1600 сўм бўлиши мумкин. Бир соат ичида автобусдан автобусга ўтиш арзонлашади, кейинги ўтишлар эса бепул бўлади.
Тошкент вилоятида маданий мерос объектларига зарар етказганлар қамалди
Нурафшон шаҳрида «Улкан Тўйтепа» археология ёдгорлигига 300 млн сўмдан ортиқ зарар етказган фуқаро 1 йилу 7 ойга, Қибрай туманида «Қиличли ота» зиёратгоҳини таъмирлаш учун ажратилган маблағнинг 263 млн сўмини талон-торож қилган шахс эса 5 йилу 1 ой муддатга озодликдан маҳрум этилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг