Архив
Грузияда намойишлар давом этмоқда, 200 дан ортиқ киши ҳибсга олинди
Грузияда 5 кундан бери ҳукуматнинг ЕИга аъзо бўлиш бўйича музокараларни тўхтатиш қарорига қарши норозилик намойишлари давом этмоқда. Полиция сув ва кўздан ёш оқизувчи газ қўлламоқда, намойишчилар бунга жавобан баррикадалар қуриб, мушак отмоқда. Бунда жами 200 дан ортиқ киши қўлга олинди.
Эркин Муҳитдинов Экология вазирлигида иш бошлади
Октябрь ойида Тошкент вилояти ҳокими ўринбосари лавозимидан озод этилган Эркин Муҳитдинов Экология вазирлигида иш бошлади. У вазирликнинг Ўрмон, биохилмахиллик ва экотуризм сиёсатини юритиш департаменти бошлиғи лавозимига тайинланди.
Фото: Саудия Арабистонида БМТнинг чўлланишга қарши конференцияси бошланди
Ар-Риёд шаҳрида БМТ Чўлланишга қарши кураш тўғрисидаги конвенцияси томонлар конференцияси бўлиб ўтмоқда. Ўзбекистон ҳам иштирок этаётган тадбирда чўлланиш, ерларнинг деградацияси ва қурғоқчилик муаммоларига эътибор қаратилади. Фоторепортаж.
Давлат харидлари эндиликда икки босқичда ўтказилади
Президент томонидан имзоланган ҳужжат билан қонунчиликка кичик қийматли хариднинг соддалаштирилган тартиби ва икки босқичли давлат харидлари тушунчалари киритилмоқда. Энди бир нечта давлат буюртмачилари бир хил турдаги товарларни марказлаштирилган орган орқали харид қилиши мумкин.
Украина армиясининг кучи босиб олинган ерларни қайтаришга етмаяпти — Зеленский
Украина президенти Владимир Зеленский Украина армиясининг Россия томонидан босиб олинган ҳудудларни озод қилиш учун кучлари етарли эмаслигини айтди. У Украина хавфсизлик кафолатларини олиши ва можарони дипломатик йўл билан ҳал қилиш кераклигини билдирди.
Ёшлар ўртасидаги Осиё ўйинлари мезбонлиги Ўзбекистондан олиб қўйилди
Осиё Олимпия кенгаши 2025 йили Ўзбекистонда ўтиши режалаштирилган ёшлар ўртасидаги Осиё ўйинлари, спорт иншоотлари тайёр эмаслиги сабаб, бекор қилинганини эълон қилди. Мазкур турнир учун Ўзбекистон 289 млн доллар қийматидаги Олимпия шаҳарчасини қураётган эди. Мусобақа энди Баҳрайнда ўтказилади.
Орган ходимларига тадбиркорлик билан шуғулланиш тақиқланди
Президент томонидан имзоланган қонун билан ҳарбий хизматчилар ва ҳуқуқни муҳофаза қилувчи органлар ходимларига тадбиркорлик фаолияти билан шуғулланишга доир тақиқлар белгиланмоқда.
Ўзбекистон ЖСТ бўйича Филиппин билан икки томонлама музокараларни якунлади
Ўзбекистон Филиппин билан Жаҳон савдо ташкилотига аъзо бўлиш бўйича икки томонлама музокараларни якунлади. Филиппин сўнгги икки ой ичида Тошкент музокараларни якунлаган тўртта давлатдан бирига айланди, деди президентнинг ЖСТ бўйича махсус вакили Азизбек Урунов.
Жо Байден ўғли Ҳантерни афв этди
АҚШ президенти Жо Байден ўғли Ҳантер Байденни «содир этган ёки содир этган бўлиши мумкин» бўлган жиноятлари учун афв этди. У солиқ тўлашдан бўйин товлаш, қалбаки солиқ декларациясини тақдим этиш, ноқонуний қурол сақлаш каби жиноятларда айбланган.
Ҳафта давомида қуруқ об-ҳаво бўлиши кутилмоқда
Ўзбекистонда иш ҳафтаси давомида ёғингарчилик кутилмайди. Ҳарорат кундузи +5…+10 даражагача илиши, кечаси -3 даражагача совиши мумкин.
Бухоро вилояти ҳокимининг яна бир ўринбосари алмашди
Ҳафиза Артикова Бухоро вилояти ҳокимининг ўринбосари — оила ва хотин-қизлар бошқармаси бошлиғи лавозимига тайинланди. Шу вақтгача мазкур лавозимда ишлаган Феруза Ибрагимова эса бошқа ишга ўтди.
Ўзбекистонда 10 ойда 5,8 млрд сўмлик иш ҳақи ва нафақа талон-торож қилинган
Бош прокуратура Ўзбекистонда ўтган 10 ой ичида иш ҳақи ва нафақа пулларининг 5,8 млрд сўми талон-торож қилинганини аниқлади. Бундан ташқари, кредит маблағларининг 2,5 трлн сўми талон-торож қилингани аниқланиб, банк ва мижоз корхоналар раҳбарларига нисбатан 906 та жиноят ишлари қўзғатилган.
Йирик бозорларда жамоат тартибини сақлаш бўйича низом тасдиқланди
Ҳукумат қарори билан йирик бозорларда жамоат тартибини сақлаш ва ёнғин хавфсизлигини таъминлаш тизимини такомиллаштириш бўйича тартиб тасдиқланди. Ҳужжатда Ўзбекистон ҳудудидаги йирик бозорларнинг тасдиқланган рўйхати келтирилган.
Ўзбекистонда 2−8 декабрь кунлари об-ҳаво қандай бўлади? «Газета.uz» шарҳи
Ўзбекистонга яқинлашиб келаётган антициклон сабаб иш кунлари ҳаво совуқ ва қуруқ бўлади. Бу мамлакат энергетикасига юклама ортишига, шунингдек, Тошкент ҳавосининг сезиларли ифлосланишига сабаб бўлиши мумкин. Шанба куни тоғларда, якшанбада эса асосий аҳоли яшовчи ҳудудларда қор ёғиши кутиляпти.
Россиялик журналист Алексей Пивоваров аккредитациясиз иш олиб боргани учун Нукусда бир муддат ушлаб турилди
Нукусда россиялик журналист Алексей Пивоваров суратга олиш гуруҳи билан қўлга олинди. Бунга унинг аккредитациядан ўтмасдан иш олиб боргани сабаб бўлди. Пивоваровнинг ўзи кейинроқ уларни қўйиб юборишганини ёзди: «Ҳаммаси яхши!»
Wizz Air вакили — Абу-Даби аэропортидаги вазият ҳақида
Wizz Air компаниясининг Тошкентдаги вакили «Газета.uz» мухбири Миролим Исажоновга Абу-Даби аэропортида ўзбекистонлик ўнлаб эркаклар мамлакатга кира олмаган вазият ҳақида гапириб берди. Унинг айтишича, компания бундай йўловчиларни қайтиш чиптаси билан таъминлайди.
Абу-Дабига киритилмаган ўзбекистонликларнинг бир қисми Тошкентга қайтди
Абу-Дабига учиб боргач, БААга киритилмаган 10 дан ортиқ ўзбекистонлик ортга қайтиб келди. Ҳамма ўз ҳисобидан чипта сотиб олишга мажбур бўлди. «Ушлаб туришлар айнан Абу-Дабида содир бўлмоқда. Дубайга учиб келган танишларимиз ҳеч қандай муаммога дуч келмади», — деди йўловчилардан бири.
Хитой ўзбекистонликлар учун 30 кунлик визасиз режим жорий этади
Ўзбекистон ва Хитой Ташқи ишлар вазирлари Ўзбекистон фуқароларига 30 кун давомида Хитой Халқ Республикасига визасиз саёҳат қилиш ҳуқуқини берувчи келишувни имзоладилар. Ўзгаришларнинг кучга кириши тўғрисида қўшимча маълумот берилади.
ОИВ мусбат инсон узоқ яшаши, ишлаши, оила қуриши ва соғлом фарзандни дунёга келтириши мумкин. Азима Ёдгорова ҳикояси
ОИВ ташхиси қўйилган кишилар ўз вақтида даволанса, ҳамма қатори яшаши, орзуларига эришиши мумкин. «Ирода» лойиҳасининг Бутунжаҳон ОИТСга қарши кураш кунига бағишланган мақоласи қаҳрамони, ўзининг ОИВ статусини омма олдида очиқлаган илк ўзбекистонлик қиз — Азима Ёдгорованинг ҳаёти бунга ёрқин мисол.
1 декабрдан нималар ўзгаради?
Ичимлик ва оқова сув учун тўловлар фақат электрон шаклда қабул қилинади, камбағал оилалар реестри шакллантирилади, авторақамлар учун тўлов қилиш осонлаштирилади, «Мажбуриятлар реестри» институти жорий этилади — 1 декабрдан нималар ўзгаради?
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг