Архив
Ўзбекистон Афғонистондаги террорчилик ҳаракатларини қоралади
Ўзбекистон ТИВ Афғонистоннинг Кобул, Мозори-Шариф ва Қундуз шаҳарларида содир этилган террорчилик ҳаракатларини қоралаб баёнот берди. Ўзбекистон томони ҳалок бўлганларнинг оила аъзолари ва яқинларига ҳамдардлик билдирди.
Якшанба куни ёмғир ёғиши кутилмоқда
Шанба куни Ўзбекистоннинг аксарият ҳудудларида қуруқ ва илиқ ҳаво давом этади, якшанба куни ёмғир ёғиши, момақалдироқ бўлиши мумкин. Ҳарорат бироз пасайиб, кундузи +25 даражадан ошмайди.
Муротжон Азимов Қашқадарё вилояти ҳокими этиб тасдиқланди
2021 йил ноябрь ойидан буён Қашқадарё вилояти ҳокими вазифасини бажариб келаётган Муротжон Азимов вилоят ҳокими этиб тасдиқланди.
«Ичан-Қалъа» давлат музей-қўриқхонасидаги 101 та экспонатнинг сохталиги аниқланди
«Ичан-Қалъа» давлат музей-қўриқхонасида ўтказилган ўрганишларда ноёб деб келинган 101 та музей ашёсининг кирим китобидаги тавсифномалари ўлчам, материал, ишланиш услуби ва яратилган даври бўйича мос келмаслиги аниқланди. Тегишли ҳужжатлар ҳуқуқни муҳофаза қилиш органларига тақдим этилди.
Самарқанд туманида фермер ҳокимнинг сохта қарори билан 19 минг долларга ер сотгани аниқланди
Самарқанд туманида фермер икки фуқарога туман ҳокимининг 2020 йилдаги сохта қарори билан 19,7 минг долларга ер майдонини сотгани аниқланди. Терговга қадар текширув давомида гумонланувчи 500 доллар ва 4,5 млн сўмни ихтиёрий равишда қайтарган.
Нобанк ташкилотларга исломий молиялаштириш хизматларини кўрсатиш ҳуқуқи берилди
Эндиликда нобанк ташкилотлар исломий молиялаштириш асосида хизмат кўрсатиши мумкин бўлади. Шунингдек, нобанк ташкилотларнинг суғурта, омонат ва савдо ишлари бўйича фаолиятига чеклов ўрнатилган.
Ногиронлиги бўлган шахсларни ишга қабул қилганларга субсидия берилади
Ҳукумат қарори билан ногиронлиги бор кишиларни ишга олган шахсларга ҳар бир ходим учун БҲМнинг1,5 баравари (405 минг сўм) миқдорида субсидия берилади. Мазкур тартиб бюджет ташкилотлари, давлат корхоналари, устав капиталида давлат улуши 50 фоиз ва ундан ортиқ бўлган юридик шахсларга нисбатан амал қилмайди.
Ўзбекистоннинг Киевдаги элчихонаси иш фаолиятини тўлиқ тиклади
Ўзбекистоннинг Киев шаҳридаги элчихонаси 22 апрелдан ўз иш фаолиятини тўлиқ тиклагани маълум қилинди. Элчихона вақтинча Львов шаҳрида фаолият кўрсатаётган эди.
Ўзбек банклари санкцияга тушган банклар билан ишлашда иккиламчи санкциялардан қочишга ҳаракат қилмоқда
Ўзбекистонда банклар қатъий санкцияга тушган банклардан олинган кредитларни иккиламчи санкциялар хавфини яратмасдан қайтариш бўйича халқаро юридик консалтинг компанияларини жалб қилмоқда, дея хабар қилди МБ.
Тошкентдаги Халқаро бизнес марказидан тушиб кетган эркак ўз жонига қасд қилганлиги айтилмоқда
21 апрель куни Халқаро бизнес марказининг 9-қаватидан тушиб кетган 42 ёшли эркак ўз жонига қасд қилган бўлиши мумкинлиги айтилмоқда. Воқеа жойи ўраб олинган. Юнусобод туман прокуратураси ҳолатни ўрганмоқда.
Фото: Жиззахда содир бўлган сел оқибатлари
20 апрель куни Жиззахда сел ва сув тошқинларидан энг кўп зарар кўрган Эгизбулоқ маҳалласида 5 киши, шу жумладан икки нафар ёш бола ҳалок бўлди. Бундан ташқари, 53 та хонадон тўлиқ талофат кўрди. 25 та уйда яшовчи 100 дан ортиқ фуқаро вақтинча бошқа жойга кўчирилди. Фавқулодда вазиятлар вазири Абдулла Қўлдошев ва Жиззах вилояти ҳокими Эргаш Солиев воқеа жойида бўлиб турибди. Тафсилотлар «Газета.uz» фоторепортажида.
21 апрель куни Ўзбекистонда содир бўлган энг муҳим хабарлар дайжести
Асосий ставкани 17% даражасида қолдирган Марказий банк, Қашқадарёда дунё бозоридаги вазият ҳақида гапирган Шавкат Мирзиёев, ходимдан норози бўлиб ҳовлида тўпланган Тошкентдаги 21-Меҳрибонлик уйи болалари, Жиззахдаги селда вафот этган 5 киши, имтиҳонсиз ўқув йилини якунлайдиган 5−6−7−8 ҳамда 10-синф ўқувчилари, телефон рақами орқали давлат хизматларидан фойдаланиш имконияти ва бошқалар — «Газета.uz» нинг 21 апрелдаги энг муҳим хабарлари дайжестида.
ХТВ Тошкентдаги Меҳрибонлик уйидаги вазият юзасидан изоҳ берди
Тошкентдаги 21-Меҳрибонлик уйида юзага келган вазият ўрганилганда, муассаса тарбияланувчилари томонидан ходимлардан бирига нисбатан эътироз кайфияти шакллангани аниқланди, деб хабар берди ХТВ.
Айрим нодавлат ташкилотлар «Электрон ҳукумат» тизимидан шахсга доир маълумотларни олиш ҳуқуқига эга бўлди
1 сентябрдан айрим нодавлат ташкилотларга «Электрон ҳукумат» тизими орқали шахсга доир маълумотлардан фойдаланиш имконияти яратилмоқда. Улар шахсга доир маълумотларни ошкор қилмаслик бўйича зарур чораларни кўришлари шарт.
Тошкентда Николай II даврига оид деб қалбаки тилла тангаларни сотаётган шахс ушланди
Тошкентнинг Учтепа туманида Николай IIнинг номинал қиймати 5 рубль бўлган 20 дона қалбаки тилла тангани сотмоқчи бўлган йигит қўлга олинди. У ҳар бир тангани 300 долларга баҳолаган.
ШҲТ синтетик гиёҳвандлик воситаларининг тез тарқалишини минтақавий хавфсизликка жиддий таҳдид деб ҳисоблайди
Синтетик гиёҳвандлик воситалари ва янги турдаги психофаол моддаларнинг тез суръатларда тарқалиши, шунингдек, гиёҳвандлик воситалари ишлаб чиқаришда кимёвий моддаларнинг ноқонуний айланишининг кучайиши минтақавий хавфсизликка жиддий таҳдид солади. Бу ҳақда Шанхай ҳамкорлик ташкилотига аъзо давлатларнинг гиёҳвандлик моддаларига қарши курашиш бўйича ваколатли органлар раҳбарларининг йиғилиши якуни бўйича маълум қилинди.
«Амир Темурнинг жангларда ғолиб бўлиш мероси ўрганилмаган» — президент
Шавкат Мирзиёев Қашқадарёга сафари олдидан Амир Темурнинг Тўхтамишхон билан жанги ҳақида ўқигани, Соҳибқироннинг жангларни шахсан ўзи бошқаргани унинг учун янгилик бўлганини таъкидлади.
«Бу бизга ҳам таъсир қилмай қолмайди». Шавкат Мирзиёев — дунё бозоридаги вазият ҳақида
«Шакар заводларимиз ишлаши учун хомашёни Бразилиядан келтирар эдик. Афсуски, ҳозирги айрим сиёсий вазиятлар туфайли йўллар ёпилиб қолиб, ишлар тўхтади», — дея маълум қилди президент. У нефть маҳсулотлари 50 фоиз, ўсимлик ёғи эса 70 фоизга қимматлашганини қайд этди. Шавкат Мирзиёев нарх ошиши ва инфляциянинг одамлар ҳаётига салбий таъсирининг олдини олиш учун янада кўпроқ ҳаракат қилиш кераклигини таъкидлади.
Жиззахда сел туфайли ҳалок бўлганлар сони 5 нафарга етди
Жиззах вилоятида бир кун аввал бедарак йўқолгани айтилган яна бир фуқаронинг жасади топилди. Сел қурбонларининг умумий сони беш нафарга етди. Жиззах вилояти прокуратураси терговга қадар текширув ўтказмоқда. Табиий офат оқибатларини бартараф этишга ҳарбийлар ҳам жалб қилинган.
Уларга, барибир, текинга сув етказилмайди — Деҳқонобод ҳокимлиги булоқ қуриши туфайли сувсиз қолган қишлоқ аҳолиси ҳақида
Қашқадарё вилояти Деҳқонобод тумани «Нурли келажак» маҳалласидаги булоқ қуриб қолгани сабабли аҳоли ичимлик сувисиз қолмоқда. Ижтимоий тармоқларда аёлларнинг булоқ сувини талашаётгани акс этган видео тарқалди. Туман ҳокимлиги вакили «Газета.uz»га муаммо йил охиригача ҳал бўлмаслиги, аҳолига эса текинга сув етказилмаслигини маълум қилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг