Январь-октябрь ойлари давомида содир бўлган 7684 та йўл-транспорт ҳодисасида 1964 киши ҳалок бўлган, 6886 киши эса жароҳатланган. Бу рақамлар узоқ карантин чекловлари амал қилган 2020 йилдаги жами кўрсаткичлардан ҳам ошишга улгурган.
Шавкат Мирзиёев Тиббиёт ходимлари куни муносабати билан соҳа ходимларига табрик мактубини йўллади. Давлат раҳбари беш йилда олий тоифали шифокорлар маошини 1000 долларга етказиш, соҳага икки баравар кўпроқ маблағ йўналтириш кўзда тутилганини қайд этди. У шунингдек, сана муносабати билан 82 нафар тиббиёт ходимини давлат мукофоти билан тақдирлаш тўғрисидаги фармонга имзо чекканини маълум қилди.
Ўзбекистон Вирусология институти асосчиси, профессор Шабат Хўжаев 98 ёшида вафот этди. У Ўзбекистон, Қорақалпоғистон ва Нью-Йорк академиясининг ҳақиқий аъзоси бўлган. Фан арбоби Ўзбекистон аҳолисини гепатит вирусига қарши оммавий эмлаш ғоясини илгари сурган, 1990 йилга келиб, вирусли гепатит Б га қарши эмлаш дастурини ишлаб чиққан эди.
«Zarafshan Golden Group» МЧЖ компанияси раҳбари, сенатор Улуғбек Файзиев Навоий вилояти Қизилтепа туманига ҳоким этиб тайинланди. Туманга 25 йил раҳбарлик қилган Шабон Набиев бошқа ишга ўтгани муносабати билан эгаллаб турган лавозимидан озод этилди.
Чангли туман тарқалди, лекин ҳаёт сифати ва давомийлиги бевосита боғлиқ бўлган ҳаво сифати яхшиландими? Дарахтларни мунтазам кесиш аллақачон иқтисодий йўқотишларга эга. Табиатга ғамхўрлик қилишни бошлаш учун ҳалокатлар ва офатларни кутиш шарт эмас. Ахир гап энг муҳим нарса — ҳар биримизнинг бугунги кундаги ҳаётимиз ҳақида бормоқда, деб ёзади иқтисодчи Беҳзод Ҳошимов.
Товуқ сонлари ва гречка, чахохбили, рамён, қозон-кабоб, котлеталар — Zira.uz товуқ гўштидан тайёрланадиган серсув таомлар рецептларини тақдим этади.
Британиядаги афғон диаспораси вакиласи Анжела Ғаюр Instagram`да афғон аёллари учун Ҳирот онлайн мактабига асос солди. Мактаб ҳозирда 400 дан ортиқ кўнгилли муаллимларни жалб қилиш ва 1000 га яқин ўқувчини қамраб олишга эришган.
Ўзбекистонда янги ва эски автомобилларни харид қилиш ҳамда вақтинча олиб кириш учун тўловни харид нархининг 1 фоизигача камайтириш таклиф қилинмоқда. Бундан ташқари, автомобиллар ва уй-жойлар олди-сотди шартномаларини расмийлаштириш учун бож ва йиғимларни унификация қилиш таклиф этилмоқда.
Бўстонлиқ туманида 56 туп дарахт кесиб ташланиши, USAID Ўзбекистонга COVID-19 билан курашиш учун қўшимча 2,5 млн доллар ажратиши, Шавкат Мирзиёевнинг Туркий кенгаш саммитидаги иштироки — «Газета.uz»нинг 12 ноябрдаги энг муҳим хабарлари дайжестида.
Миллий тикланиш партияси раҳбари электрон сигареталарни чеклаш таклифи билан чиқди. «32 мамлакатда электрон сигареталар чекланган экан, нима учун биз чекламаслигимиз керак», — деди Алишер Қодиров. Партия фракцияси аъзолари уни қўллаб-қувватлади.
Туркий тилли давлатлар ҳамкорлик кенгаши номи «Туркий давлатлар ташкилоти» деб ўзгартирилади. Ўзбекистон президенти Шавкат Мирзиёев Туркий давлатлар ташкилотининг биринчи саммитини Ўзбекистонда ўтказишни таклиф қилди.
Шавкат Мирзиёев Туркий кенгаш саммитида Афғонистон масаласига тўхталиб ўтди. У «Афғонистоннинг гуманитар инқирозга тушиб, халқаро майдонда яккаланиб қолишига, террорчилар маконига айланишига йўл қўймаслик ниҳоятда долзарблигини» айтиб ўтди.
Садир Жапаров ва Шавкат Мирзиёев Истанбулда учрашди. Қирғиз президенти матбуот хизмати ёзишича, Ўзбекистон етакчиси «икки мамлакат ўртасидаги товар айланмасини 1 млрд долларга ошириш учун реал имконият мавжуд», дея таъкидлаган. Садир Жапаров ҳамкасбини яна бир бор Қирғизистонга таклиф қилди.
Ҳиндистонда ўз уйлари устида Покистон байроғини кўтарган 4 фуқаронинг давлатга ҳиёнатда айбланиб ҳибсга олингани, АҚШ, Буюк Британия ва Европа иттифоқи давлатларининг миграция инқирозида Беларусни айблагани, Александр Лукашенконинг мигрантлар Донбассдан қурол ўтказишга уринганини айтгани ва бошқа янгиликлар — «Газета.uz»нинг жаҳон янгиликлари дайжестида.
Чегара ҳудудида қочқинлардан ташкил топган бир неча ўнлаб одамлар Беларусдан Польшага чегарани бузиб кирди. Польша хавфсизлик кучлари уларни тўхтатиб қолган.
2000−2020 йилларда Ўзбекистондан 1,1 миллиондан ортиқ киши бошқа мамлакатларга доимий яшаш учун кўчиб кетган. Худди шу даврда мамлакатга хорижликлар 11 баравар камроқ кўчиб келган.
Тошкентда 15 ёшли мактаб ўқувчиси билан жинсий яқинлик қилган жисмоний тарбия ўқитувчиси ва унинг икки нафар шериги ушбу жиноятни содир этганликда айбли деб топилди. Суд ўқитувчини 4 йилга, унинг шерикларини эса 2 йилга озодликдан маҳрум этди.
Йил бошидан буён биржаларда Аи-80 русумли бензиннинг улгуржи нархи 72,1 фоизга — бир тоннаси учун 5,81 миллион сўмдан 10 миллион сўмга қимматлашди. Шу билан бирга, асосан импорт қилинадиган ва жаҳон котировкалари билан боғлиқ бўлган бошқа турдаги (Аи-91, Аи-92 ва Аи-95) ёқилғининг ўсиш суръатлари маҳаллий аналогга нисбатан пастроқ бўлди. Аввалроқ «Ўзбекнефтгаз» ва Энергетика вазирлиги ёқилғи қуйиш шохобчаларида фақат Аи-80 русумли бензин нархини ушлаб турганини маълум қилганди.
Мунтазам пиёда юриш — қон босимини меъёрлаштиради, кайфиятни ва организмнинг умумий ҳолатини яхшилайди. Бундан ташқари қон босими ва холестерин миқдорини меъёрлаштиради. Одам кунига қанча масофа юриши керак, юриш вақти ва масофасини қай тартибда ошириб бориш зарур? Бу ҳақда Соғлом турмуш тарзини қўллаб-қувватлаш ва жисмоний фаоллигини ошириш маркази директори Барно Одилова маълумот берди.
10 ойда давлат хизматларини кўрсатиш соҳасида 191 мингдан ортиқ қонунбузилиш ҳолати аниқланди. «Ўзсувтаъминот», «Ҳудудгазтаъминот», Қурилиш вазирлиги, Кадастр агентлиги, Соғлиқни сақлаш вазирлиги қонун бузар такшилотлар топ-5талигидан ўрин олган. Натижада 2556 нафар мансабдор жаримага тортилди, 64 нафари эса ишдан бўшатилди.
Қўшимча имкониятларга эга булиш учун сайтда рўйхатдан ўтинг