Президент қарори билан 2022 йилдан якунига қадар барча ҳудудларда буйрак трансплантацияси амалиёти йўлга қўйилади. Хирургия илмий-амалий тиббиёт марказида эса юрак ва ўпка трансплантацияси жорий этилади.
Telegram мессенжери асосчиси Павел Дуров бир куннинг ўзида мессенжернинг фойдаланувчилари сони 70 млн га кўпайганини маълум қилди. У Шимолий ва Жанубий Америкадаги фойдаланувчилар оммавий равишда Telegram`га ўта бошлашганини таъкидлади. «Бошқалар сизга панд бераётган бир вақтда биз сизни уялтириб қўймаймиз», — дейди Дуров.
Туркманистондан Ўзбекистонга электр энергияси етказиб бериш ҳақидаги келишув яна бир йилга узайтирилди. Умумий ҳажмлар ва нархлар ошкор қилинмади, аммо ИТСВ раҳбарининг биринчи ўринбосари Лазиз Қудратовнинг сўзларига кўра, тарифлар аввалги даражада сақланиб қолган.
Қидирувга берилган ТДИУ собиқ проректори Нодир Идиев 2 млн долларни ўзлаштирганликда айбланаётганлиги маълум бўлди.
Адлия вазири сешанба куни ўтказилган анжуманда давлатнинг айрим функцияларини хусусий секторга беришнинг аҳамиятига тўхталиб ўтди. «Кўп ҳолатларда хусусий сектор давлатга қараганда яхши ишлайди», — деди Русланбек Давлетов. Унинг фикрича, бунинг учун тартибга солиш механизмлари ва қонунлар бўлиши керак. Шунингдек, вазир Ўзбекистондаги қамоқхоналар хусусий секторга ўтказилмаслигини таъкидлади.
Туркманистон президенти Гурбангули Бердимуҳамедовнинг Ўзбекистонга ташрифи доирасида мамлакатлар автомобиллар ва электротехника йиғиш ҳамда туризм соҳасида кластерлар тузиш бўйича қўшма лойиҳаларни амалга ошириш тўғрисида келишувга эришишди. Туркманистон томони 300 млн долларга ўзбек товарларини харид қилишни режалаштирмоқда ва «Туркманбоши» денгиз порти инфратузилмасини таклиф қилмоқда.
USAID Марказий Осиёда минтақавий савдони ривожлантириш учун 19 млн доллар йўналтиради. Марказий Осиёда Савдо дастури Қозоғистон, Қирғизистон, Тожикистон, Туркманистон ва Ўзбекистонда амалга оширилади.
Ҳукумат қарори билан ижтимоий ҳимояга муҳтож ёшларга ҳайдовчиликка тайёрлаш курсларининг харажатлари компенсация қилинади. Бунда компенсация миқдори БҲМнинг 4 бараваригача бўлиши мумкин. Шунингдек, сафарбарлик чақирувчи резервидаги хизматни ўташ бадали ҳам қоплаб берилади.
Ўзбекистон халқаро юкларни ташишни соддалаштиришга мўлжалланган «Қуруқлик портлари» тўғрисидаги ҳукуматлараро битимга қўшилди.
Долларнинг жаҳон валютаси мақоми таҳдид остида бўлиши мумкинлиги, Facebook’даги узилишлар сабаби, дунё авиакомпанияларининг 2050 йилга келиб CО2 чиқиндиларини нолга етказиш мажбуриятини олишгани ва бошқа янгиликлар — «Газета.uz»нинг жаҳон янгиликлари дайжестида.
Янги эълон қилинган қарор ва фармонлар, Туркманистон президентининг Ўзбекистонга ташрифи, ТДИУ собиқ проректорининг қидирувга берилиши — «Газета.uz»нинг 5 октябрдаги энг муҳим хабарлари дайжестида.
Туркманистон давлат раҳбари Гурбангули Бердимуҳамедов президент Шавкат Мирзиёевнинг маслаҳатлари ва тавсиялари мамлакатда пахта етиштириш ҳажмларини сезиларли даражада оширишга ёрдам берганлигини таъкидлади. У ҳамкасбининг бошқа хусусиятларини ҳам эътироф этди.
Профилактика инспекторлари кўриб чиқиши мумкин бўлган маъмурий ҳуқуқбузарликлар рўйхати кенгайтирилди. Жумладан, эндикликда «участкавойлар» ҳайдовчиларнинг тўхташ ёки тўхтаб туриш қоидаларини бузиши ҳамда вояга етмаган шахсни ғайриижтимоий хатти-ҳаракатларга жалб қилиш тўғрисидаги ишларни кўриб чиқишлари мумкин.
«Ўзавтосаноат» ва «Turkmenistan-Motors» ўртасида имзоланган меморандумга кўра, Туркманистон ҳудудида UzAuto Motors автомобилларини ишлаб чиқариш йўлга қўйилиши мумкин. Туркманистон томони ўзбек товарларини 300 миллион долларга сотиб олишни режалаштирмоқда.
Эркин кураш бўйича Ўзбекистон терма жамоаси бош мураббийи Олим Ҳикматов «Газета.uz»га берган интервьюсида мураббийнинг спортчи ҳаётидаги ўрни, ғалаба учун муҳим омиллар, ўз шогирдларига нималарни уқтириши, Бекзод Абдураҳмоновнинг спортдаги йўли ва терма жамоанинг кейинги режалари ҳақида тўхталиб ўтди.
Фарғонада хонадонлар бирига ғайриқонуний равишда кирган шахс ўзини кўриб қолган аёлни пичоқлади. Оқибатда аёл шифохонада вафот этди. Гумонланувчига нисбатан жиноят иши қўзғатилиб, қамоққа олинди. Жиноят иши кўриб чиқиш учун судга юборилди.
Туркманистон президентининг Тошкентга ташрифи давомида 23 та ҳужжат имзоланди. Улар орасида Транспорт, транзит ташишлар, сувни тежовчи технологиялар, адлия, ижтимоий ҳимоя ва бошқа соҳалардаги ҳамкорликни янада кенгайтиришга доир ҳужжатлар имзоланган.
2021 йилги физика бўйича Нобель мукофоти Сюкуро Манабе, Клаус Ҳасселман ва Жоржио Паризига «мураккаб физик тизимлар ҳақидаги тушунчамизга қўшган ҳиссаси» учун берилди.
Ўзбекистон ва Туркманистон президентлари Афғонистон халқига ёрдам беришда давом эттишларини таъкидлашди. Шавкат Мирзиёевнинг сўзларига кўра, Афғонистондаги вазиятнинг ривожланиши минтақа хавфсизлиги ва барқарорлигига таъсир кўрсатади. Шунингдек, у трансмиллий лойиҳаларни амалга ошириш бўйича музокараларни давом эттириш режалари ҳақида ҳам маълум қилди.
Долларнинг сўмга нисбатан расмий курси 10,40 сўмга кўтарилиб, 10 688,06 сўм этиб белгиланди. Шунингдек, евро ва рубль курслари ҳам кўтарилди.
Қўшимча имкониятларга эга булиш учун сайтда рўйхатдан ўтинг