Архив
Авариялар натижасида 4 ойда 557 киши ҳалок бўлди
2021 йилнинг дастлабки тўрт ойида мамлакатда 2242 та ЙТҲ қайд этилди. Бунинг оқибатида 1684 киши жароҳатланган, 557 киши эса вафот этган. Таҳлилларга кўра, апрель ойининг ўзида пиёдалар иштирокидаги авария — 318 тани, болалар билан боғлиқ ҳодиса эса — 148 тани ташкил этган.
Фото, видео: Тошкентдаги кучли шамол оқибатлари
Тошкентда кучли шамол натижасида Малибу русумли автомашинанинг устига дарахт қулади. Маълум қилинишича, машинани бошқарган қиз жароҳат олган. Ижтимоий тармоқларда об-ҳавонинг бошқа таъсирлари, жумладан, ер усти метроси станциясининг томига қисман зарар этказилгани ҳақидаги кадрлар жойлаштирилди.
Навоийлик тадбиркорларга бепул дастгоҳ ва махсус техникалар топширилди
Навоий вилоятида тадбиркорларга БМТТДнинг техник кўмаги асосида янги лойиҳаларни йўлга қўйиш ёки мавждудларини кенгайтиришлари учун 37 дона ишлаб чиқариш дастгоҳлари ва махсус техникалар топширилди.
«Пойтахт Банк» ва «Ўзагроэкспортбанк» хусусийлаштирилади
Давлат активларини бошқариш агентлиги «Пойтахт Банк» ва «Ўзагроэкспортбанк» устав капиталидаги давлат акция пакетлари сотилаётганини эълон қилди. Халқаро Deloitte ва Grant Thornton консалтинг компаниялари хусусийлаштириш бўйича консультант сифатида танланди.
Ўзбекистон-Тожикистон чегарасида чегаравий ҳамкорлик идоралари очилди
Ўзбекистон-Тожикистон чегарасида гиёҳванд моддаларнинг ноқонуний айланишига қарши курашиш учун иккита чегаравий ҳамкорлик идораси очилди.
Самарқандда ўз опасини пичоқлаб ўлдирган аёл 10 йилга қамалди
Каттақўрғонда ўзаро жанжал оқибатида сингил ўз опасини пичоқлаб, ўлимга олиб келган тан жароҳати етказган. Фуқарога «қасддан одам ўлдириш» ва «енгилроқ жазо тайинлаш» моддалари билан 10 йил муддатга озодликдан маҳрум этиш жазоси тайинланди.
Баъзи вакциналар мамлакатларга «пандемиядан тезроқ чиқиб кетишга» ёрдам беради — Bloomberg
Аҳолининг катта қисми эмланган барча мамлакатларда ҳам COVID-19 вирусининг тарқалиши камаяётгани йўқ. Бунинг сабабларидан бири — турли хил вакциналардан фойдаланишдир, деб ёзади Bloomberg. Нашрнинг таъкидлашича, РНК вакциналари (Moderna, Pfizer) вирус юқтиришни камайтиришга анъанавий вакциналар (AstraZeneca, Sinopharm ва бошқалар) га қараганда яхшироқ ёрдам беради. Бироқ, барча вакциналар оғир аломатларнинг ривожланиши ёки ўлим хавфини камайтиради.
Исроил ва ҲАМАС ўт очишни тўхтатишга келишиб олди
Исроил бош вазири Биньямин Нетаньяху хавфсизлик масалалари бўйича ҳукумат йиғилишини чақирди, унинг иштирокчилари жанговар ҳаракатларни тўхтатишга қарор қилишди. Тўқнашувлар 10 кундан ортиқ давом этган. Cулҳ жума куни кечқурун кучга кирган.
Жаҳон янгиликлари дайжести
Украинада олигархияни йўқ қилиш бўйича қонуннинг қабул қилиниши, Исроил-Фаластин можароси пайтида Ғазода 65 боланинг ҳалок бўлгани, Япониянинг мудофаа харажатларини чеклашдан воз кечаётгани ва бошқа янгиликлар — «Газета.uz»нинг жаҳон янгиликлари дайжестида.
20 май куни Ўзбекистонда содир бўлган энг муҳим хабарлар дайжести
Aёлларни реабилитация қилиш республика марказлари ташкил этилиши, қулупнай даласининг бузилиши, ОТМларда коррупцияга қарши курашиш бўлимлари очилиши, «Пахтакор»дан ташқари яна 12 та футбол клубининг улушлари ҳокимликлар ва давлат компанияларига ўтказилгани — «Газета.uz»нинг 20 майдаги энг муҳим хабарлари дайжестида.
Янги парк қурилиши сабабли қулупнай даласи бузилган деҳқонларга товон пули тўланади
Қибрайда «Янги Ўзбекистон» боғи, «Истиқлол» мажмуаси ва бошқа объектлар қуриладиган майдондаги 8 га қулупнай даласи бульдозерда бузиб ташланди. Ер эгаси ва ижарачиларига товон пулини тўлашга ваъда берилди.
18 турдаги маълумотномалардан воз кечиш йилига 15 млн долларни тежаш имконини беради — адлия вазири
Рақамли ечимларни жорий этиш ҳисобига Адлия вазирлиги ўтган йили 100 тонна қоғозни иқтисод қилди. Лицензиялар ва рухсатномаларнинг махсус бланкаларда расмийлаштирилишидан воз кечилиши ва электрон ҳужжатлар беришга тўлиқ ўтилиши натижасида 1,5 млн доллардан зиёд маблағ иқтисод қилинди.
Сирдарёда иш ҳаққидан норози кластер ишчилари велосипедларда автомобиль йўлини тўсиб қўйди
Сирдарёда «Индорама» кластерининг ишчилари велосипедларда автомобиль йўлини тўсиб қўйди. Фуқаролар ойликдан норози эканликлари сабабли иш ташлаётганликларини маълум қилишган. Ҳолат юзасидан Сирдарё вилояти ҳокимлиги «мазкур ҳолат компаниянинг ички ишлари эканликлари ва ҳокимликка ҳеч қандай алоқаси йўқ эканлигини» ни таъкидлади.
Мудофаа саноати қўмитаси Tarlon зирҳланган автомобилини синовдан ўтказмоқда (видео)
Ўзбекистонда Tarlon енгил зирҳланган йўлтанламасини синовдан ўтказиш бошланди. Машина сиғими 11 кишини ташкил этиб, ҳимоя синфи халқаро стандартларга жавоб беради.
Ўзбекистон 103 млн долларлик маҳсулотларни офшор ҳудудларга пул ўтказиш орқали импорт қилган
Тўрт ой ичида оффшор ҳудудларга пул ўтказиш орқали Ўзбекистон корхоналари 103 млн долларлик маҳсулотни импорт қилдилар. Маблағнинг асосий қисми Тошкентга тўғри келади — 33 млн доллар. Компаниялар Гонконг, Кипр, Маршалл ва Багама оролларига тўловларни амалга ошириб, дори-дармонларни, махсус жиҳозларни, ускуналарни, нефть маҳсулотлари ва бошқа товарларни олиб киришган.
Қибрайда 2 гектар ерни 1 млн долларга сотишга уринган шахслар қўлга олинди
Қибрай туманида яшовчи икки нафар фуқаро «Салар» шаҳарчаси ҳудудидаги 2 гектар ер майдонини 1 миллион 10 минг АҚШ долларига сотмоқчи бўлган вақтларида ашёвий далиллар билан ушланди. Ҳозирда мазкур ер эгасини тергов ҳаракатларига жалб этиш чоралари кўрилмоқда.
«Пахтакор»дан ташқари яна 12 та футбол клубининг улушлари ҳокимликлар ва давлат компанияларига ўтказилди
«Пахтакор» дан ташқари яна 8 та Суперлига ва 4 та Про лига жамоаларининг акциялари ҳокимликлар ва давлат компаниялари маъмуриятига уларни кейинчалик сотиш шарти билан топширилди. Тошкент шаҳар ҳокимлиги энди «Бунёдкор»нинг эгаси ва бош ҳомийсига айланди.
Долларнинг расмий курси кетма-кета саккизинчи бор кўтарилмоқда
Долларнинг расмий курси 11,75 сўмга қимматлади ва жами 10 597,75 сўм этиб белгиланди. Шунингдек, рубль курси кўтарилган, евро эса бироз пасайган.
ОТМларда коррупцияга қарши курашиш бўлимлари очилади
ОТМларда коррупцияга қарши курашиш «комплаенс-назорат» тизимини бошқариш бўлимлари очилади. Мазкур бўлим бошлиғи лавозими талабалар сони 1 500 кишигача бўлган ОТМларда жорий қилинмайди.
Мусулмонлар идораси Қуддус бўйича нотўғри ҳаракатларга даъват қилаётган фитналардан эҳтиёт бўлишга чақирди
Ўзбекистон мусулмонлари идораси Шарқий Қуддусдаги мусулмонлар учун табаррук минтақада нотинчликлар давом этаётганидан жиддий ташвишда эканлигини маълум қилди. Идора «ноўрин баҳс-мунозаралар, ихтилоф ва тушунмовчиликлар келтириб чиқаришга, нотўғри хатти-ҳаракатларга даъват қилаётган фитналардан эҳтиёт бўлишга» чақирди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг