Архив
Ўзбекистон 870 млн долларлик суверен евробондларни жойлаштиради
Ўзбекистон умумий қиймати 870 млн долларга тенг бўлган евро облигацияларини иккита траншда чиқаради. Долларли транш 10 йил муддатга, сўмда кўрсатилган евробондлар эса 3 ёки 5 йилга чиқарилади, дея хабар берди молия вазири ўринбосари Одилбек Исоқов.
Ўзбекистоннинг жаҳон хайрия индекси бўйича рейтинги деярли икки бараварга ошди
2020 йилда Ўзбекистон хайрия индекси (World Giving Index) жаҳон рейтингида 53-ўриндан 29-ўринга кўтарилди. Пандемия шароитида одатда биринчи ўнталикка кирадиган мамлакатлар (АҚШ, Буюк Британия, Ирландия, Канада, Нидерландия) ўрнига Индонезия, Кения ва Нигерия юқори ўринларни эгаллади. Мутахассислар ушбу мамлакатларда хайрия ёрдамининг кўпайишини камбағал аҳоли қатламларининг аҳволи ёмонлашаётгани, шунингдек, фуқаролик жамияти ва кўнгиллилар ҳаракати фаоллашгани билан изоҳлашмоқда.
Саудия тараққиёт жамғармаси Ўзбекистон мактабгача таълим соҳаси учун қарийб $11 млн ажратади
Ўзбекистон ҳукумати ва Саудия тараққиёт жамғармаси ўртасида мактабгача таълим соҳасини қўллаб-қувватлаш учун 10,9 млн АҚШ доллар эквивалентидаги кредит битими имзоланди.
Дам олиш кунлари салқин ҳаво бўлиши кутилмоқда
Жума куни Тошкент вилоятида кечга томон қисқа муддатли ёмғир ёғиши, момақалдироқ бўлиши мумкин. Дам олиш кунларида салқин ҳаво оқимлари барча ҳудудларини қамраб олади. Ҳаво ҳарорати +39 даражадан юқори бўлмайди.
Наманганда 6 дона «авиацион» бомба топилди
Наманган вилояти Давлатобод туманидан 4 та бутун ва 2 та ярим емирилган бомба топилди. Топилган бомбаларни зарарсизлантириш мақсадида йўқ қилиш ишлари олиб борилмоқда.
Хонадонида пилла етиштирувчиларга субсидия ажратилади
2022 йил 1 январдан ҳўл пилла ҳосилининг 1 кг учун 5 минг сўм миқдорида хонадонларда пилла етиштирувчиларга субсидия ажратилади. Сув ресурсларидан фойдаланганлик учун солиқ ставкаси 50 фоиз миқдорда қўлланилади. Бундан ташқари, қоракўлчиликни янада ривожлантиришга 200 млрд сўм маблағ йўналтирилади.
Давлат божхона қўмитаси раисига янги ўринбосар тайинланди
Нодир Мусамухамедов Давлат божхона қўмитаси раиси ўринбосари лавозимига тайинланди.
8 июль куни 221 кишида пневмония аниқланди
Пайшанба куни Ўзбекистонда 482 нафар фуқарода коронавирус, 221 нафар кишида пневмония аниқланди. Шунингдек, сўнгги кун ичида 4 нафар коронавирус бемори вафот этди.
«Толибон» Марказий Осиё мамлакатлари чегарасини бузмаслигини кафолатлади
Москвада Россия президентининг Афғонистон бўйича махсус вакили ва «Толибон» ҳаракати делегацияси билан музокаралар ўтказилди. «Толибон» Марказий Осиё давлатлари чегараси бузилмаслигига, Афғонистон ҳудудида хориж давлатларининг дипломатик ва консуллик ваколатхоналари хавфсизлиги бўйича кафолат берди.
Давлат мулкини 1 сўм қийматда сотиш амалиёти бекор қилинди
Президент фармони билан давлат мулкини 1 сўм қийматда сотиш амалиёти бекор қилинди. Объектлар савдоларга бозор нархларида чиқарилади. Мол-мулк сотилганидан кейин ҳудудлар ва давлат бюджети ихтиёрида қоладиган маблағлар улуши 73 фоиздан 87 фоизгача оширилди.
Электр таъминотидаги узилишлар бизнесга қандай таъсир кўрсатмоқда?
Сифати бузилган маҳсулотлар, оч қолган мижозлар ва ишлаб чиқаришда йўқотилган кунлар. «Газета.uz» тадбиркорлардан электр таъминотидаги узилишлар иш фаолиятига қандай таъсир кўрсатаётганини сўради.
Тошкент марказидаги Геология музейи биноси аукционга қўйилди
Тошкент марказидаги Геология музейи биноси аукционга қўйилди. Объектнинг бошланғич нархи — 27,6 млрд сўм.
Самарқандда ёқилғи қуйиш шохобчасидаги портлаш натижасида бир киши ҳалок бўлди
Самарқандда ёқилғи қуйиш шохобчаси ҳудудида пайвандлаш ишлари олиб борилаётган вақтда портлаш содир бўлди. Бир киши ҳаётдан кўз юмди.
Қонунчилик палатаси депутати 47 ёшида коронавирус асоратларидан вафот этди
Олий Мажлис Қонунчилик палатаси депутати Абдураҳим Қурбонов 47 ёшида коронавирус инфекцияси асоратлари оқибатида вафот этди.
J. P. Morgan Ўзбекистон иқтисодиёти 2021 йилда 8,1 фоизга ўсишини прогноз қилди
J. P. Morgan инвестиция банки 2021 йилда Ўзбекистон иқтисодиётининг 8,1 фоизга ўсишини прогноз қилмоқда. Мамлакат бозорларни либераллаштириш, кенг миқёсли хусусийлаштириш орқали иқтисодиётдаги давлат улушни қисқартириш каби ислоҳотлар арафасида турибди. Шу билан бирга, хусусийлаштиришнинг хатарлардан кафолатланмагани қайд этилди.
Суриядаги жангарилар сафига қўшилишга уринганликда гумонланаётган бир гуруҳ шахслар қўлга олинди
Ҳуқуқ-тартибот идоралари ходимлари томонидан Самарқанд вилоятида Суриядаги террористик ташкилотлар жангариларига қўшилишга уринганликда гумон қилинаётган бир гуруҳ шахслар қўлга олинди.
Юнусободда 1000 дан ортиқ пешлавҳа ва эълонлар давлат тилига таржима қилинди
Тошкент шаҳрининг Юнусобод туманида беш ой ичида 1000 дан ортиқ пешлавҳа, реклама ва эълонлар давлат тилига таржима қилинди. Бу «Реклама тўғрисида"ги қонун талабларини бузиши мумкин.
Тошкентда ИИБ ходими ва аҳоли ўртасида жанжал чиқди — видео
Тошкент шаҳрида уйида маст ҳолатда жанжал қилаётган фуқарони ИИБга олиб бормоқчи бўлган инспектор ва аҳоли ўртасида жанжал чиқди. Пойтахт ИИББнинг таъкидлашича, «вазиятдан тўлиқ хабардор бўлмаган қўшнилар нотўғри хулоса чиқариб, инпсекторнинг хизмат фаолиятига тўсқинлик қилишган».
«Реклама тўғрисида"ги қонун лойиҳаси бизнес-омбудсман билан келишилмаган
Бизнес-омбудсман «Реклама тўғрисида"ги қонун лойиҳаси келишиш учун тақдим этилмаганини маълум қилди. Қонун лойиҳаси таркибида шакар, туз ва ёғ юқори бўлган маҳсулотлар рекламасига чекловларни кўзда тутмоқда, бироқ ҳужжат кўплаб саволларни туғдирмоқда. Илҳом Абдуллаев 1998 йилдан буён қонунга таҳририй тусдаги ёки ҳар сафар реклама бозорини чеклаган 15 та тузатиш киритилганини маълум қилди.
Ўзбекистонда деярли 2,5% аҳоли коронавирусга қарши тўлиқ эмланди
Уч ойдан кўпроқ вақт ичида Ўзбекистонда 850 мингдан ортиқ киши коронавирусга қарши тўлиқ эмланганлиги маълум қилинди. Бу доимий аҳолининг (34,8 миллион) 2,44 фоизини ёки 19 ёшдан катта бўлганларнинг деярли 4 фоизини ташкил этади. Аввалроқ июнга қадар аҳолининг 60 фоизи эмланиши кутилган эди.
Қўшимча имкониятлардан фойдаланиш учун сайтда рўйхатдан ўтинг