Таълим инспекцияси 2019/2020 ўқув йилида умумтаълим муассасалари рейтингини эълон қилди. Рейтинг натижалари бўйича энг юқори ўринларни Бухоро, Наманган ва Хоразм вилоятлари мактаблари эгаллади.
Президент фармони билан Экспортни қўллаб-қувватлаш жамғармаси ташкил этилади. Ижобий кредит тарихига эга экспортчиларга кредит бўйича қарздорлиги бўлса ҳам компенсация ва кафилликлар тақдим этилади. Бунинг учун Экспортни қўллаб-қувватлаш жамғармасига $100 млн ажратилади.
Октябрь охири ва ноябрь бошида Россиядан деярли 8,5 мингга яқин ўзбекистонлик олиб келинади. Бу учун Волжский — Тошкент йўналишига яна тўртта поезд қўшилиб, жами қатновлар сони тўққизтага етди. Ҳар бир поезд таркибида 938 нафар йўловчига мўлжалланган 20 та вагон мавжуд.
Зироат Мирзиёева раислигидаги «Замин» фондининг атмосфера ҳавоси ифлосланишининг мониторингини автоматлаштириш лойиҳасининг биринчи босқичи якунига етди. Яна икки босқич амалга оширилгач, ҳар соатда ҳаво сифатини назорат қилиш мумкин бўлади.
9 ойда 55 та ҳудудий лойиҳа ижроси кечиккан, 144 та лойиҳада ишлаб чиқариш ҳажми таъминланмаган. Оқибатда 720 млрд сўмлик маҳсулот тайёрлаш имконияти йўқотилган. Давлат раҳбари қолган 3 ойда $7 млрдлик 80 та тармоқ ва 44 та ҳудудий лойиҳани ишга тушириш муҳимлигини таъкидлади.
Суд Нурхон Нафасовни Ўзбекистон каратэ миллий федерацияси раҳбарлигидан ноқонуний бўшатилган деб топди ва уни лавозимга тиклаш ҳақида ҳал қилув қарори чиқарди. Аввалги раҳбарлар тергов қилинмоқда.
Тошкент вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Баҳодирбек Муллахонов вафот этди.
Ҳукумат қарори билан Ёнғин хавфсизлик қоидалари тасдиқланди. Давлат хизматчилари, тадбиркорлар ва фуқаролар учун амал қилиш мажбурий бўлган қоидалар 7 бўлим, 41 боб ва 846 бандни ўз ичига олади.
Европанинг бир қатор мамлакатлари карантин чораларини кучайтириши, Хитойнинг янги экологик муаммоси, Францияда икки масжид ҳимоя остига олиниши ва бошқа янгиликлар — «Газета.uz»нинг жаҳон янгиликлари дайжестида.
Қирғизистон президенти в. б. Садир Жапаров иқтисодий амнистия эълон қилди ва коррупцияга алоқдор амалдорларга, собиқ давлат хизматчиларига, мансабдор шахсларга ва тадбиркорларга ноқонуний равишда олинган мол-мулкни давлат ғазнасига қайтариш учун 30 кун муҳлат берди.
ИИВ ЙҲХББ 16 ёшдан машина бошқаришга рухсат бериш таклифи бўйича баёнот берди. ЙҲХББ ёшлар бу вақтда ўқишини давом эттириши, бошқа ишлар билан чалғимаслиги кераклигини маълум қилди. Бошқарма маълумотларига кўра, 9 ой давомида ҳайдовчилик гувоҳномасини олганига 2 йил бўлмаган ҳайдовчилар томонидан 612 та ЙТҲ содир этилган, уларнинг оқибатида 191 киши вафот этган, яна 571 нафари тан жароҳатлари олишган.
UzAuto Motors Монополияга қарши курашиш қўмитасини мақолаларни ўчиртириш ва ўзгартириш орқали ОАВга босим ўтказаётганликда айблади. Қўмита эса ушбу айбловларни рад этиб, ўз «позицияси»да қатъий қолиши ва барча низоларни фақат суд орқали ҳал қилишини таъкидлади.
Қозоғистон парламентининг қуйи палатасига сайловлар 2021 йил 10 январда бўлиб ўтади. Партиялар рўйхатида илк маротаба хотин-қизлар ва ёшлар учун 30 фоизлик квота эълон қилинди.
Швейцарияда ҳар бир фуқарога, шу жумладан, болаларга ҳам 7500 Швейцария франки (тахминан 7 минг евро) тўлаш таклифи берилди. Агар 2022 йил 22 апрелгача ушбу ташаббусни 100 минг киши қўллаб-қувватласа, у референдумга қўйилади.
Банклар фаоллик индекси бўйича рейтингда Капитал банк биринчи ўринни сақлаб қолди. Иккинчи ва учинчи ўринларда Универсал ва Зираат банклари, охирги ўринда эса ТВС банки.
Cовуқ қурол сифатида фойдаланилиши мумкин бўлган ашёларни ғилофсиз олиб юрган фуқаролар жаримага тортилади. Жарима миқдори БҲМнинг бир бараваригача этиб белгиланади.
Сенат раиси Танзила Нарбаева мутасаддиларда бюджетга қўшимча манбалар аниқлаш борасида ташаббускорлик, изланиш йўқлиги, айрим ҳолларда уларнинг молиявий саводхонлиги етишмаслигини танқид қилди. Шунингдек, муҳим кўрсаткичларни қўшиб ёзиш иллатига тўлиқ барҳам берилмаганига эътибор қаратди.
Қирғизистон парламенти депутати фуқаролардан пул йиғиш ва мамлакатнинг ташқи қарзини тўлашни таклиф қилди. Ушбу таклиф мамлакат ташқи қарзини оддий фуқаролар ҳисобига тўлашга қаратилган биринчи уриниш эмас.
Қашқадарёдаги GTL заводи қурилаётган жойда ENTER Engineering ишчилари норозилик билдиришди. Деразаларга тош отилиб, бинолардан бирида «погром» уюштирилди. Компания оммавий норозилик ошхонага кириш жойида техник носозликлар туфайли келиб чиққанини маълум қилди. Аввалроқ ходимлар иш ҳақининг ўз вақтида берилмаслигидан шикоят қилишган эди.
Сенаторлар «Қимматбаҳо металлар ва қимматбаҳо тошлар тўғрисида"ги қонунни унинг айрим моддалари талабларга мос келмаслиги сабабли рад этишди.
Қўшимча имкониятларга эга булиш учун сайтда рўйхатдан ўтинг