Архив
«Бир тилни барча учун мажбурий «халқ тили»га айлантиришдан тийилайлик» — Расул Кушербаев
«Миллий тикланиш» фракцияси раиси Алишер Қодиров давлат тили тўғрисидаги қонун лойиҳаси ҳеч қайси миллат вакилини камситмаслигини, «лекин бу меҳрибонлик ўзимизни камситиш ҳисобига бўлмаслиги керак"лигини таъкидлади. Депутат Расул Кушербаев масала фақатгина давлат тилида иш юритиш ҳақида кетаётганлигини эслатди. «Кўп миллатли мамлакатда давлат тили масаласини фақат қайсидир миллат тақдири билан боғлайвериш нотўғри», — дейди у.
Ўзбекистон футзал терма жамоаси Жаҳон чемпионатида иштирок этади
Ўзбекистон футзал терма жамоаси Литвадаги жаҳон чемпионатига йўлланма олди. Жаҳон чемпионати 2021 йил 12 сентябрь — 3 октябрь кунлари Литва мамлакатида бўлиб ўтади.
Алламжонов ОАВ фаолияти билан шуғулланувчи бизнесга босим ҳақида фикр билдирди
«Номи матбуот бўлгани, унинг устига миниб олса ҳам бўлади дегани эмас», — деб ёзди Комил Алламжонов. Давлат идораси ходимларининг ОАВ фаолияти билан шуғулланувчи тадбиркорларга босим ўтказиши ноқонуний, дея таъкидлади у.
9 Май тадбирлари карантин талаблари асосида ўтказилади
Хотира ва қадрлаш кунига бағишланган байрам тадбирлари карантин талабларига мувофиқ ўтказилади. Тошкентда байрамона салют бўлиб ўтади. Урушнинг эҳтиёжманд иштирокчиларининг уйлари таъмирланади. Уларни парвариш қилиш ва ёрдам бериш мақсадида патронаж хизмати йўлга қўйилади.
«Пахтакор» ОЧЛнинг 3-турида «Шаржа»га йирик ҳисобда ютқазди
«Пахтакор» жамоаси ОЧЛ гуруҳ босқичида 3-тур учрашувини «Шаржа» клубига қарши ўтказди. Мазкур баҳсда 1:4 ҳисоби қайд этилди ва унда шаржаликлар ғалабага эришишди. Шунингдек, бугун Олмалиқнинг АГМК жамоаси БААнинг «Шабаб Ал Аҳли» клубига қарши майдонга тушади.
Коррупцион жиноятларнинг сабаблари маълум қилинди
2020 йилда коррупцион жиноятларнинг асосий сабаблари моддий манфаатдорлик (30%), бюрократик тўсиқларнинг мавждулиги (28%) ва ижтимоий таъминланмаганлик ёки адолатли меҳнат шароити йўқлиги (12%) каби омиллар бўлган.
Меҳнат вазирлиги Шуҳрат Ғаниев якшанба куни йиғилиш ўтказганига муносабат билдирди
Якшанба куни бош вазир ўринбосари Шуҳрат Ғаниев раислигида видеоселектор йиғилиши ўтказилиб, унга ҳокимиятлар, вазирлик ва идоралар ходимлари жалб қилинган. Меҳнат вазирлиги вазиятга муносабат билдирди ва идораларга дам олиш кунида ишга жалб қилингани учун қўшимча иш ҳақи тўлаш тўғрисида огоҳлантириш юборилганини маълум қилди.
Иккинчи жаҳон уруши қатнашчиларига 12 млн сўмдан берилади
Хотира ва Қадрлаш куни муносабати билан Иккинчи жаҳон уруши қатнашчилари ва ногиронларига 12 млн сўмдан берилади.
Жаҳон янгиликлари дайжести
Буюк Британияда пандемияларга қарши курашиш бўйича халқаро экспертлар гуруҳининг ташкил этилиши, Украинада махсус хизматларнинг шай ҳолатга келтирилгани, Қирғизистонда коронавирус кенг тарқалиши сабабли мактаб имтиҳонларининг бекор қилингани ва бошқа янгиликлар — «Газета.uz»нинг жаҳон янгиликлари дайжестида.
Чад президенти қўзғолончиларга қарши жангда жароҳатланиб, вафот этди
Чад президенти Идрис Деби қўзғолончиларга қарши жанг пайтида олган жароҳати туфайли вафот этди. Аввалроқ Идрис Деби 79 фоиздан кўпроқ овоз тўплаб, олтинчи муддатга президентликка қайта сайланган эди.
UzAuto Motors ҳозирча автомобиллар ишлаб чиқаришни ўтган йилги кўрсаткичга олиб чиқа олмади
UzAuto Motors заводидаги ишлаб чиқаришнинг январь ойидаги кескин тўхташидан сўнг автомобилларни ишлаб чиқаришни ўтган йилги кўрсаткичларига етказа олганича йўқ. 2021 йил февраль ойида ўтган йилнинг шу ойига нисбатан 9 873 та автомобиль кам ишлаб чиқарилган, март ойида эса 4543 тага камроқ. Энг кўп чиқарилган автомобил модели — Cobalt, энг кам ишлаб чиқарилган модель Spark.
Долларнинг расмий курси кетма-кет олтинчи бор кўтарилмоқда
Долларнинг расмий курси 12 сўмга қимматлади ва жами 10 537 сўм этиб белгиланди. Шунингдек, евро курси ҳам кўтарилди, рубль эса бироз пасайди.
Матбуот эркинлиги рейтингида Ўзбекистон кўрсаткичи ёмонлашди
Ўзбекистон матбуот эркинлиги рейтингида ўтган йилгига нисбатан бир поғона пастлаб, 157-ўринни эгаллади. Ушбу рейтингда Норвегия кетма-кет бешинчи йил етакчига айланмоқда. Энг охирги, 180-ўринда эса Эритрея мамлакати турибди.
Миллий гвардия институти Жамоат хавфсизлиги университети этиб қайта ташкил этилди
Миллий гвардия Ҳарбий-техник институти Жамоат хавфсизлиги университети этиб қайта ташкил этилди. Университет ИИВ, Миллий гвардия ва Қуролли Кучларнинг бир қанча йўналишлари учун кадрлар тайёрлайди.
Самарқандда уч ойда 1477 та ҳолатда экологияга зарар етказилгани аниқланди
Самарқанд вилоятида уч ойда 1477 та ҳолатда экологияга оид қонун ҳужжатлари талабларини бузиш ҳолати аниқланди. Бу бўйича ҳуқуқбузарларга нисбатан тегишли баённомалар тузилиб, 748,4 млн сўм жарима ва 279,9 млн сўм табиатга етказилган зарар ҳисобланган.
Қирғизистон аҳолиси Ўзбекистон билан ер алмашиш бўйича келишувлардан норози
Қирғизистоннинг Ўш вилояти аҳолиси расмийларнинг Кампир-Обод сув омбори яқинидаги 50 гектар майдонни Ўзбекистонга бериш режаларига қарши чиқишмоқда. Улар билан учрашган Миллий хавфсизлик давлат қўмитаси раҳбари Қамчибек Ташиев яна музокаралар учун Тошкентга боришга ваъда берди.
Тошкентда болалар майдончасида 8 ёшли бола вафот этди
Тошкент шаҳрининг «Водник» даҳасидаги болалар майдончасида 8 ёшли боланинг ўлими бўйича жиноий иш қўзғатилди. Маҳкамланмаган арғимчоқ устуни боланинг устига қулаб тушган. Отасининг таъкидлашича, ободонлаштириш хизмати ходимлари ободонлаштириш ишлари пайтида майдонни тегишли меъёрлар асосида тўсишмаган.
Uzbekistan Airways компанияси янги бизнес моделига ўтмоқда. Асосий ўзгаришлар
Uzbekistan Airways миллий авиакомпанияси трансформация қилиниб, хизматнинг гибрид моделига ўтказилади. Харажатларни камайтириш учун штатлар қисқартирилади, хориждаги самарасиз 20 та ваколатхона ёпилади. Май ойидан 9 та норентабел рейслар (Париж, Рим, Милан, Токио, Бангкок ва бошқа шаҳарларга) бекор қилинади. Арзон рейслар очилиши ва ички рейслар сони ҳафтасига 17 дан 49 гача кўпайиши кутилмоқда.
Депутатлар участка нозирлари ваколатларини кенгайтириш тўғрисидаги қонун лойиҳасини маъқуллашмади
Қонунчилик палатаси профилактика инспекторларига электр энергияси, иссиқлик ва газдан фойдаланиш қоидаларини бузганлик учун жарима солиш ҳуқуқини берувчи қонун лойиҳасини рад этди. Депутатларнинг фикрига кўра, бу участка нозирлари асосий ишидан ташқари уларнинг иш кўлами ортишига, манфаатлар тўқнашуви, коррупцион ҳолатлар кўпайишига сабаб бўлиши мумкин.
Самарқанд туризм салоҳиятининг кўпи билан 5 фоизидан фойдаланаяпмиз — Азиз Абдуҳакимов
Туризм ва спорт вазирининг таъкидлашича, «Самарқанд туризм салоҳиятининг кўпи билан 5 фоизидан фойдаланаяпмиз». Бунинг учун янги аэропорт қурилаётгани ва йилига 1,5 млн йўловчига хизмат кўрсатиши айтилди. Азиз Абдуҳакимов Uzbekistan Airways`нинг қиммат парвозлари муаммоси Самарқанд халқаро аэропортига очиқ осмон мақоми берилиши билан ҳал қилинишини таъкидлади. «Самарқанд халқаро аэропорти очилса, нархлар тушади», — деди у.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг