Андижонда вилоят Санитария-эпидемиологик осойишталик марказининг мансабдорлари 326,4 млн сўмлик дезинфекция воситаларини бозор нархидан 159,3 млн сўмга сотиб олиб, бюджет маблағларини талон-тарож қилди. Аввалроқ Навоий, Наманган, Бухоро ва Қашқадарёда ҳам худди шундай жиноятлар содир этилганди.
Тошкентнинг Олмазор туманида жойлашган Жомий бозори яқинидаги бир нечта қурилиш дўконларида ёнғин келиб чиқди. Аланга 200 кв м майдондаги иншоот ва мулкларга зарар етказди.
Фуқаролик ишлари бўйича судлар ярим йилда 19 мингдан ортиқ ажрим тўғрисидаги ишларни кўриб чиқиб, уларнинг 11 мингга яқинини қаноатлантирди.
Коронавирус беморлари сони 153 нафарга ортиб, жами 18324 кишини ташкил этмоқда. Янги ҳолатларнинг 93 нафари Карантин марказидаги (барчаси хориждан келган) фуқаролар орасида, 60 нафари Тошкент шаҳрида аниқланди.
Республикада рўйхатдан ўтказмасдан импорт қилинадиган ҳамда COVID-19 инфекцияси билан касалланган беморларни даволашда қўлланиладиган дори-дармон, биологик қўшимчалар, тиббий буюмлар ва тиббий техникалар рўйхати тасдиқланди.
Мамлакат бўйича коронавирус инфекциясидан уй шароитида даволанаётган беморлар сони 1706 нафарни ташкил қилмоқда. Уларнинг энг кўпи Тошкент вилояти ва Тошкент шаҳрида.
Махсус транспорт воситаларига йўл бериш учун йўл ҳаракати қоидаларини бузган ҳайдовчилар маъмурий жавобгарликка тортилмайди. Президент Маъмурий жавобгарлик кодексига ўзгартиришлар киритиш тўғрисидаги қонунни имзолади.
Чуст туманида жойлашган «Наманган» эркин иқтисодий зонасида Хитойнинг Сhangan бренди остида кичик юк автомобиллари ишлаб чиқариш лойиҳаси бошланди. Жами 5,8 млн доллар миқдорида инвестиция жалб қилинаётган лойиҳа доирасида ишлаб чиқариш жараёни 2021 йилнинг биринчи чорагида бошланиши кутилмоқда.
Украинанинг Луцк шаҳрида қуролланган шахс 20 га яқин йўловчиси бўлган автобусни 12 соатга яқин гаровда ушлаб турди. Мамлакат президенти Володимир Зеленский босқинчининг талабини бажаргандан сўнг гаровга олинганлар озод этилди. Қурбонлар йўқлиги тасдиқланди.
Давлат мудофаа саноати қўмитаси TARLON (4×4) русумли енгил зирҳли автомобилнинг тажриба намунасини ишлаб чиқарди. Автомобил 9 кишини сиғдириб, 7 дона ўқ отиш туйнукларига эга.
Депутат Расул Кушербаев монополистлар инқироз даврида «катта-катта маблағларга эга бўлаётганлиги»га эътибор қаратди. Энергетика вазирлиги депутатнинг гапларига эътироз билдириб, истеъмол бўйича тўловлар билан боғлиқ вазият яхшилангач, давлат томонидан соҳани қўллаб-қувватлашга ажратилган маблағлар бюджетга қайтарилишини маълум қилди.
Гулистонда 2019 йилда туғилган қизини 17 минг долларга сотаётган она қўлга олинди.
Муҳаммадзокир Маматхонов Ташқи меҳнат миграцияси агентлиги бошлиғи лавозимига тайинланди.
Ўзбекистонда ўқитувчилар фаолиятига аралашган фуқаролар ёки мансабдор шахслар БҲМнинг 10 бараваригача жаримага тортилади. Тегишли модда «Маъмурий жавобгарлик тўғрисида» ги кодексига киритилди.
Шавкат Мирзиёевнинг топшириғига кўра, Россиянинг Новосибирск шаҳридан 200 га яқин ўзбекистонлик талаба чартер рейс орқали Ўзбекистонга олиб келинди.
Январь-июнь ойларида Ўзбекистон умумий ҳажми 4,8 млрд доллар хорижий инвестициялар жалб қилди, бундан 3,2 млрд доллари тўғридан-тўғри хорижий инвестицияларга тўғри келди. Инвестициялар киритиш бўйича Россия, Хитой, Германия ва Туркия етакчилик қилди. Иқтисодчи Беҳзод Хошимов тўғридан-тўғри хорижий инвестициялар ҳажми ХВЖ прогнозидан 4,2 баробар юқори бўлганига эътибор қаратди.
Коронавирус беморлари сони 290 нафарга ортиб, жами 18171 кишини ташкил этмоқда. Янги ҳолатлар Тошкент шаҳрида, Андижон, Сурхондарё, Наманган, Қашқадарё ва Хоразм вилоятларида қайд этилди. Шу билан бирга, яна бир коронавирус бемори вафот этди.
Пандемия даврини ўз ичига олган ярим йил мобайнида Ўзбекистонда безорилик, фирибгарлик, ўғирлик, гиёҳванд воситалариинг ноқонуний айланиши, қўшмачилик, фоҳишахона сақлаш билан боғлиқ жиноятлар сони ошди.
Президент Шавкат Мирзиёев сўнгги ўн кунда 16 нафар раҳбар ишдан бўшатилган, «талон-торожлик ва коррупция авж олган» кадастр соҳасига бағишлаб йиғилиш ўтказди. Давлат раҳбари тизимга рақамли технологияларни жорий этиш бўйича топшириқлар берди.
Наманганда «Халқ банки» ходимлари 11 кишини хабардор қилмасдан, улар номига 200 млн сўм кредит ажратиб, ўзлаштириб юборгани аниқланди.
Қўшимча имкониятларга эга булиш учун сайтда рўйхатдан ўтинг