Ўзбекистонда туман ҳокимликлари захирасидаги 60 минг гектар ер майдони электрон онлайн аукцион савдоларига қўйилиб, деҳқон хўжаликларини ташкил этиш учун ёшларга ижарага берилади.
Наманган, Самарқанд ва Фарғона вилоятларида қўшни мамлакатлардан олиб келинган гиёҳвандлик воситалари савдоси билан шуғулланганлар ушланди. Улардан жами 11,2 кг гиёҳвандлик воситаси мусодара қилинди.
Тошкент ҳарбий округи қўшинлари бўлинмалари иштирокида махсус-тактик ўқувлар бошлангани муносабати билан пойтахт ва Тошкент вилоятининг белгиланган маршрутлари бўйича ҳарбий техникалар ҳаракатланади. Ҳайдовчилардан йўл-ҳаракати қоидаларига риоя қилиш сўралди.
Туркия президенти Ражаб Тоййиб Эрдоған қарори билан Тожикистон фуқаролари учун визасиз режим бекор қилинди.
Қарши туманидаги 55-мактабда ўсмир калтакланиши оқибатида умуртқаси синган. Ўқувчига биринчи ёрдам кўрсатилмагани ва ИИБга мурожаат қилинмагани учун мактаб директори ишдан олинди.
Март ойида қабул қилинган қарор билан энди мозаик паннолар маданий мерос объектлари ҳисобланади, улар чизилган биноларга эса реклама баннерлари ўрнатиш тақиқланади. Шу сабабли 5 апрель куни Миробод кўчасида жойлашган мозаикали бинодан реклама баннери олиб ташланди. Фото.
Фармацевтика маҳсулотлари хавфсизлиги маркази директори сифатида ишлаган Агзам Нартаев бошқа ишга ўтиши муносабати билан лавозимидан озод этилди. Унинг ўрнига Алишер Темиров марказ директори в.б. этиб тайинланди.
«Ташаббусли бюджет» 1-мавсуми ғолиблари, рухсатнома олинмагани учун тўхтатилган кинофестиваль, Ўзбекистон ва Қозоғистон президентларининг музокаралари, ЯТТлар учун 100 млн сўмгача имтиёзли кредитлар ва бошқалар — «Газета.uz»нинг кунлик дайжестида.
Шавкат Мирзиёев ва Қосим-Жомарт Тоқаев Хивада Ичан-қалъа мажмуасидаги тарихий обидалар ва Нуриллабой саройини зиёрат қилди. Шу тариқа Қозоғистон раҳбарининг ташрифи якунланди, уни аэропортда Ўзбекистон президенти кузатиб қўйди. Фото ва видео.
«Ташаббусли бюджет» жараёнининг 2024 йил 1-мавсуми ғолиблари эълон қилинди. Республика бўйича жами 2 770 та лойиҳа ғолиб деб топилди, энди уларни молиялаштиришга 3,3 трлн сўм йўналтирилади. Бу галги овоз бериш жараёнларида 11,7 млн киши иштирок этди.
Ўзбекистон ва ЕИ ўртасида муҳим хомашё соҳасида барқарор қиймат занжирларини ривожлантириш бўйича ўзаро англашув меморандуми имзоланди. Бу Ўзбекистоннинг тоғ-кон саноатини ривожлантиришга ёрдам беради ҳамда ЕИга мис ва молибден каби фойдали қазилмаларга йўл очиш имкониятини яратади.
Президент қарори билан ўзини ўзи банд қилганларга оилавий тадбиркорлик дастури доирасида 100 млн сўмгача гаровсиз кредит жалб қилиш имконияти берилди. Айрим ҳолларда кредитлар нақд пул кўринишида ажратилиши мумкин. Кредит муддати ва имтиёзли давр ҳам оширилмоқда.
Ўзбекистон ва Қозоғистон президентлари Марказий Осиёда хавфсизлик масалаларини муҳокама қилди. Бундан ташқари, улар икки давлат темирйўл маъмуриятлари ўртасида қўшма корхона ташкил этиш ташаббусини қўллаб-қувватлади. Қўшма корхона Трансафғон йўналишини ривожлантиришда иштирок этади.
Қозоғистон президенти Ўзбекистон раҳбари билан музокараларда «Қозоқ-ўзбек тандеми ҳаётий зарурат бўлиб, фақат уюшибгина мамлакатларимизнинг барқарор ривожланишини таъминлашимиз мумкин», — деб таъкидлади.
Шавкат Мирзиёев ва Қосим-Жомарт Тоқаев Хивада ўтган музокараларда транспорт ва энергетикада инфратузилмавий лойиҳаларни амалга ошириш ва бошқа масалалар бўйича топшириқлар берди. Шунингдек, улар «Хива гиламлари» комбинатини кўздан кечирди.
2023 йилда Ўзбекистонга тўғридан-тўғри инвестициялар ҳажми 16 фоизга — 2,6 млрд доллардан 2,2 млрд долларгача қисқарди. Жорий операциялар ҳисоби тақчиллигининг ЯИМга нисбати тарихий максимум — 8,6 фоизга етди (7,8 млрд доллар).
Ташкилот раҳбарларини Open Budget учун овоз йиғишга мажбурлаган Қизилтепа тумани ҳокими ўринбосари Ўлмас Истамов жаримага тортилди. У овоз йиғолмаган раҳбарларни ишдан олиш билан қўрқитган ва уларни «ноинсофлар» дея атаганди.
«Дыши» ва яна олтита кинопремьера, очиқ осмон остида кинонамойишлар, театрлардаги спектакллар, ҳаво шарида кўтарилиш, кўргазмалар, ижодий маҳорат дарслари ва дам олиш кунларидаги бошқа тадбирлар — Afisha.uz жамланмасида.
Исроил Ғазога инсонпарварлик ёрдами етказилиши учун янги йўналишлар, жумладан, ҲАМАС билан уруш бошланганидан бери ёпиқ бўлган анклав шимолидаги «Эрез» назорат-ўтказиш пунктини очишини маълум қилди. БМТ аввалроқ Ғазонинг шимолий вилоятларида оммавий очарчилик хавфидан огоҳлантирганди.
Тошкент вилоятида синфдошига нисбатан буллинг уюштирган, уни калтаклаб, ҳақоратлаган қизларнинг ота-оналари жавобгарликка тортилди. Қизлар билан махсус психологик коррекцион иш олиб бориш учун психолог бириктирилди.
Қўшимча имкониятларга эга булиш учун сайтда рўйхатдан ўтинг