Ўзбекистонда 2023 йил бошидан буён чиқиндиларни нотўғри жойга ташлаш билан боғлиқ 11 мингдан ортиқ қоидабузарлик аниқланди. Шунинг 600 дан ортиғи онлайн кузатув камералари орқали қайд этилган.
Ўзбекистон банклари тўлов тизимларининг трансчегаравий транзит операцияларини тўхтатиш бўйича МБ қарорини қўллаб-қувватловчи бир хил мазмундаги хабарларни беряпти. Уларда қарор молия тизими ва финтех бозорини хатарлар, жумладан, санкция билан боғлиқ рисклардан ҳимоялашга қаратилгани айтилади.
Oson тўлов хизмати Марказий банк жарима санкциялари иши бўйича барча сўровларни қайтариб олиши ва жаримани тўлашини маълум қилди. Oson 5 сентябрдан мустақил равишда хорижий пул операцияларини амалга оширмаяпти, дея қайд этди компания.
Элликқалъа туманида 13 ёшли қизни қўшни эркак зўрлагани айтилмоқда. Гумонланувчи ушланди, унга нисбатан жиноят иши қўзғатилган.
Ўзбекистонликлар етиштириши мумкин бўлганидан кўпроқ гўшт истеъмол қилади. Чорва моллари яйлов ресурсларига нисбатан кўп. Уларни ортиқча ўтлатиш экотизимлар таназзули ва биохилма-хиллик қисқаришига олиб келади. Зоолог Сергей Загребин яйловларни қандай қилиб тўғри бошқариш мумкинлигини тушунтирди.
Ғиждувон туманида йўл қурилиши сабабли 4 туп манзарали дарахт қўпориб ташлангани аниқланди. Бунинг оқибатида табиатга 50 млн сўмлик зарар этган. Туман йўллардан фойдаланиш унитар корхонаси раҳбарига 400 туп дарахт экиш ва уни парваришлаш мажбурияти юкланди.
Қонунчилик палатаси депутатлари томонидан кўп хотинликни тарғиб қилганлик, хотин-қизлар ва эркаклар тенг ҳуқуқлилигини очиқдан-очиқ инкор этганлик, шунингдек, жамоат жойларида шахсини таниш имконини бермайдиган даражада юзни тўсганлик учун жавобгарлик кўзда тутилган қонун лойиҳаси қабул қилинди.
Қонунчилик палатаси мажлисида диний расм-русумларга кўра тузилган никоҳлар сони ва бунинг ортидан кўп хотинлик ортаётгани билдирилди. Шунингдек, қонуний никоҳсиз туғилган болалар сони ҳам ошган. 2020 йилда 16 564 та шундай ҳолат қайд этилган бўлса, 2022 йилда рақамлар 18 955 тага етган.
СамДУ Каттақўрғон филиалида темир бетон плитаси қулашидан 6 нафар талаба қиз жароҳатлангани бўйича Жиноят кодексининг 258-моддаси билан жиноят иш қўзғатилди.
Ҳукумат қарори билан тадбиркорларга давлатга тегишли сув ҳавзаларини E-auksion платформаси орқали ижарага бериш тартиби йўлга қўйилди. Улар сув бўйида пляж зоналари, балиқ ови ва сув саёҳати каби хизматларни ташкил этиши керак бўлади. Ер участкалари камида 10 йил муддатга ижарага берилади.
Ўзбекистондаги давлат ОТМларида 2023/2024 ўқув йили учун барча босқичдаги тўлов-контракт миқдорлари оширилмайдиган бўлди. Табақалаштирилган контракт миқдори ҳам ўтган йил учун белгиланган миқдорда ўзгаришсиз қолади.
Ўзбекистон ҳудудида 2023 йилнинг 7 ойида 4772 та ЙТҲ қайд этилган. Уларда 1115 киши вафот этган, 4564 нафари тан жароҳатлари олган.
«Юксалиш» ҳаракати қошидаги «Шаҳарсозлик тўлқини» ташаббуси асосида Ўзбекистон ёш архитекторлар уюшмаси ташкил этилди.
Ўзбекистонда йилнинг дастлабки 7 ойида қарийб 21 871 нафар тазйиқ ва зўравонликдан жабрланган хотин-қизга ҳимоя ордери берилди. Қайд этилган ҳолатларнинг 84,7 фоизи оилаларда содир этилган.
Oson тўлов хизмати 5 сентябрдан халқаро пул ўтказмалари ва хорижий хизматлар учун тўловларни вақтинча тўхтатди. PayWay ҳам барча халқаро йўналишларда, шу жумладан, Россиядан ва Россияга пул ўтказмаларини тўхтатмоқда ва буни Марказий банкнинг талаби билан изоҳлади.
Ётоқхонага жойлашиш учун онлайн ариза топширган ОТМларнинг айрим 1-курс талабалари унинг жавобини ҳануз кутишмоқда. Олий таълим вазирлиги вакили ижтимоий ҳимояга муҳтож контенгент тўлиқ қамраб олиниши учун жараён яна 1−2 кун давом этишини, сўнгра бошқаларнинг аризалари кўриб чиқилишини билдирди.
Ўзбекистонда август ойида 26,2 млрд сўмлик табиий газ ва 19,9 млрд сўмлик электр энергиясидан ноқонуний фойдаланилгани маълум бўлди. Бундай ҳолатлар, ўтган ойда бўлгани каби, Андижон, Самарқанд ва Тошкент вилоятларида энг кўп қайд этилган.
Россиянинг Кемерово вилояти Мариинск шаҳрида Усмон Носир ҳайкали очилди. Ҳайкал муаллифи Константин Зенич саналади. Ўзбекистон делегацияси, шунингдек, шоирнинг қабрини зиёрат қилди.
Президент қарори билан «Қишлоқ қурилиш банк» тижорат банки негизида Бизнесни ривожлантириш банки ҳамда унинг ҳузурида «Кичик бизнесни ривожлантириш жамғармаси» масъулияти чекланган жамияти ташкил этилди.
Президент Шавкат Мирзиёев Ўзбекистон халқ артисти Шерали Жўраевнинг вафоти муносабати билан унинг оила аъзолари ва яқинларига ҳамдардлик билдирди.
Қўшимча имкониятларга эга булиш учун сайтда рўйхатдан ўтинг