Ўзбекистон ва Исроил ҳаво қатновини амалга оширишда авиакомпаниялар сони бўйича чекловларни бекор қилди. Бу бўйича 1996 йилда кучга кирган ҳаво транспорти тўғрисидаги битимга ўзгартириш киритилди.
Ўзбекистонда халқаро ташкилотлар жалб қилинган ҳолда «Аҳоли саломатлиги — 2030» миллий стратегияси ишлаб чиқилади. ССВ ҳамда Саломатлик ва стратегик ривожланиш институти 2024−2026 йилларга мўлжалланган соғлом турмуш тарзини шакллантириш ва тўғри овқатланишни тарғиб қилиш дастурини тузади.
Тошкент шаҳрида ҳаракатланувчи 16, 25, 117 ва 150-сонли автобус йўналишлари ҳаракати қисқартирилади. Қисқарган йўналишларда янги автобуслар ташкил этилган.
Саккиз ой давомида Ўзбекистонда 390,18 млрд сўмлик табиий газ ва электр энергиясидан ноқонуний фойдаланиш бўйича 6305 та ҳолат аниқланди. Энг кўп ҳолатлар Андижон, Самарқанд, Навоий ва Тошкент вилоятларида қайд этилди.
Ўзбекистонда тиббий суғуртани 2026 йил охиригача тўлиқ жорий этиш режалаштирилмоқда. 2024 йилдан Давлат тиббий суғурта жамғармаси Соғлиқни сақлаш вазирлиги тизимига ўтказилади, 2027 йилдан эса мустақил жамғармага айланади.
Туркиянинг Истанбул шаҳрида икки жиноий гуруҳ ўртасида қуролли отишма содир бўлди. Оқибатда воқеа жойига яқин ҳудудда ишлаётган самарқандлик шахс яраланиб, касалхонада вафот этди. Унинг жасадини Ўзбекистонга юбориш учун ёрдам кўрсатилди.
Президент фармони билан Аҳолининг соғлом турмуш тарзини қўллаб-қувватлаш ва жисмоний фаоллигини ошириш маркази Саломатлик ва стратегик ривожланиш институти этиб қайта ташкил қилинди.
Фармацевтика тармоғини ривожлантириш агентлиги Соғлиқни сақлаш вазирлиги тузилмасига қайтарилди. Ўтган йилнинг декабрь ойида маъмурий ислоҳотлар доирасида у Инвестициялар, саноат ва савдо вазирлиги таркибига ўтказилганди.
2025 йил охиригача Бухоро вилоятини аҳолиси тўлиқ иш билан таъминланган ҳудудга айлантириш режалаштирилмоқда. Вилоятда 1 миллиондан ортиқ меҳнатга лаёқатли аҳоли истиқомат қилади. Расмий равишда 76 минг киши ишсиз ҳисобланади.
БМТнинг Жаҳон озиқ-овқат дастури «молиялаштиришдаги улкан тақчиллик» туфайли миллионлаб афғонларга ёрдамни қисқартиришга мажбур бўлмоқда. Ташкилот маълумотларига кўра, бугунги кунда мамлакатнинг 90 фоизгача аҳолисида озиқ-овқат тақчиллиги кузатилмоқда.
Ўзбекистон жамоат ташкилотлари ва ишбилармонлари Украинага 2000 дона биринчи синф тўпламини жўнатди. Улар Харьков, Херсон, Николаев ва Запорожье вилоятларидаги етимлар ва кўчирилганларнинг болаларига топширилади.
Ёнғин-қутқарув спорти бўйича жаҳон чемпиони бўлган Ўзбекистон, тадбиркорлик кенгашининг янги таркиби, Тошкентдан Зоминга авиақатновлар, поезд билан тўқнашиб, вафот этган юк машинаси ҳайдовчиси, 45 гектардан 187,4 тонна пахта олган фермер учун Cobalt ва бошқалар — «Газета.uz»нинг кун дайжестида.
Фарғона вилоятида 7 киши қалбаки ароқдан заҳарланди, улардан бири вафот этди. Сохта ароқ ишлаб чиқаришда гумон қилинган шахс қўлга олинди.
Суд блогер Шабнам (Нафосат) Оллашукуровага туҳмат ва ҳақорат тўғрисидаги моддалар асосида 3 йил муддатга озодликни чеклаш жазосини тайинлади. Унинг Хоразм вилоятидан ташқарига чиқиши, алоқа воситалари ва интернетдан фойдаланиши тақиқланди.
Украинанинг Донетск вилояти Константиновка шаҳридаги бозор артиллерия ёрдамида ўққа тутилиши оқибатида 16 киши, жумладан бир бола ҳалок бўлди.
Чилонзор туманида автотураргоҳда турган машинадан боши полиэтилен пакетга ўралган эркак мурдаси топилди. Эркак 31 август куни бедарак йўқолгани маълум бўлган.
Ўзбекистонда туғилган Рустем Умеров Украина мудофаа вазири этиб тайинланди. Уни Шарқ, хусусан, араб мамлакатларида яхши обрў ва эътиборга эга шахс дея таърифлашади. У Россия билан тинчлик музокаралари ва асирлар алмашинувларида қатнашган. «Газета.uz» Умеровнинг таржимаи ҳолини ҳавола қилади.
Туркиянинг Истанбул шаҳрида ўтказилган ёнғин-қутқарув спорти бўйича эркаклар ўртасидаги XVIII жаҳон чемпионатида Ўзбекистон терма жамоаси ғолиб бўлди.
Одатда, август Ўзбекистонда энг қурғоқчил ой бўлсада, бу йил унинг сўнгги кунларида айрим ҳудудларда бир суткалик ёғингарчилик миқдори ойлик меъёрдан бир неча марта кўп бўлди. Умуман олганда, 2023 йилги август ойи аввалгиларига қараганда совуқроқ бўлди.
Президент Тадбиркорликни қўллаб-қувватлаш бўйича жамоат кенгашининг янгиланган таркибини тасдиқлади. Кенгаш аъзолигини Президент администрациясининг собиқ раҳбари Сардор Умурзаков, инвестициялар, саноат ва савдо вазири Лазиз Кудратов, Murad Buildings асосчиси ва бошқалар тарк этган.
Қўшимча имкониятларга эга булиш учун сайтда рўйхатдан ўтинг