Архив
Тошкентда яна 8 та автобус йўналишида кунлик режа бекор қилинди
Тошкентдаги яна 8 та автобус йўналиши кунлик режа бекор қилинган ҳолда брутто-шартномаларга ўтказилди.
Энди адвокат бўлиш учун 2 йиллик иш стажи талаб этилмайди
«Адвокатура тўғрисида»ги қонунга ўзгартириш киритилди. Энди адвокатлик лицензиясини олиш учун юридик мутахассислик бўйича камида икки йиллик иш стажи сўралмайди. Фақат бирор адвокатлик тузилмасида камида 3 ой муддат стажировка ўташ керак. Шундан сўнг малака имтиҳони топширилади.
Марказий банк сўмнинг кескин қадрсизланишига изоҳ берди
Ўзбекистоннинг қатор банкларида доллар курси 12 минг сўмдан ошиб кетди. Марказий банк ҳолатни изоҳлаб, асосий савдо-ҳамкор давлатлар миллий валюталарининг сезиларли қадрсизланиши ички валюта бозоридаги таклифга салбий таъсир ўтказганини қайд этди.
Андижонда 21 ёшли аёл ўзини осиб ўлдиргани айтилмоқда. Унинг отаси эса бунга шубҳа қиляпти
15 июль куни Олтинкўл туманида 21 ёшли аёл яшаш хонадонида ўзини осиб, вафот этгани айтилмоқда. Унинг отаси «Газета.uz»га ўлим сабабларидан шубҳаланаётгани ва қизининг мурдасида тан жароҳатлари бўлганини маълум қилди. «Фарзандимнинг ўзини заҳарлаши ва жароҳат етказишига умуман ишонмайман», — деди у.
«2023 йилдан ҳам зарар билан чиқади». «Миллий электр тармоқлари» нега фақат зарарга ишлаётгани ҳақида
«Ўзбекистон миллий электр тармоқлари» 2022 йилда энг кўп зарар кўрган давлат улушдорлигидаги корхона бўлганини электр энергиясини қиммат олиб, арзон сотгани билан изоҳлади. Компания 2021 йилдан ҳам зарар билан чиққан. 2023 йилдан ҳам зарар билан чиқиши кутилмоқда.
Тижорат банкларида доллар курси 12 000 сўмдан ошди
Тижорат банклари 10 август куни аҳолидан 1 АҚШ долларини 12 000−12 070 сўмдан сотиб олмоқда, сотув курси эса 12 120−12 135 сўм. Банкларда доллар курси бирдан 400 сўмга қимматлади.
Бухоро вилояти ҳокимига икки ўринбосар тайинланди
Жалол Арашов ва Ботиржон Шахриёров Бухоро вилояти ҳокимининг ўринбосарлари этиб тайинланди.
Туркиянинг Cengiz Holding компанияси Ўзбекистон президентига 5,2 млрд долларлик лойиҳаларни тақдим этди
Президент Cengiz Holding компаниясининг 5,2 млрд долларлик лойиҳаларини амалга оширишни жадаллаштиришни топшириб, Жиззахда 520 МВт ли ИЭС қурилишини бошлаб берди. Туркиялик инвестор Тахтақорача довони орқали туннель қуриш, конларни ўзлаштириш ва энергетика объектларини бошқаришни режалаштирмоқда.
Қозоғистон ҳукумати yandex.kz сайтига киришни чеклади
Қозоғистон ҳукумати yandex.kz сайтини ёпиб қўйди ва «Яндекс»дан унинг «махсус органлар билан ўзаро алоқаси» ҳақида маълумот талаб қилди. Компания Россия махсус хизматлари Россиядан ташқарида фойдаланувчи маълумотларига кириш имконига эга эмаслигига ишонтирди. Кейинроқ сайт қайта ишга туширилди.
Шавкат Мирзиёев Владимир Путин билан телефон орқали мулоқот қилди
Шавкат Мирзиёевнинг Владимир Путин телефон орқали мулоқотида Ўзбекистон билан Россия ўртасидаги стратегик шериклик ва иттифоқчилик муносабатларини янада ривожлантириш муҳокама қилинди. Шунингдек, савдо-иқтисодий ҳамкорликни кенгайтириш, гуманитар алмашинувни давом эттиришга эътибор қаратилди.
9 август куни Ўзбекистонда содир бўлган энг муҳим воқеалар дайжести
36,4 млн нафарга етган аҳоли, Британияда Гулнора Каримованинг мусодара қилинган 20 млн фунт стерлинг мулки, Сурхондарёда «Фарғона азот» омборхонасидаги ёнғин, ёш қизнга уятсиз ҳаракат қилган 63 ёшли эркак ушлангани, пичоқлаб ўлдирилган 56 ёшли эркак ва бошқалар — «Газета.uz»нинг кун дайжестида.
Марказий банк раҳбарига кадрлар сиёсати ва режим бўйича ўринбосар тайинланди
Улуғбек Носиров Ўзбекистон Марказий банки раисининг янги ўринбосари бўлди, дея хабар берди «Газета.uz» манбаси. У «кадрлар сиёсати ва режим назорати» учун масъул бўлади.
Қибрайда 13 ёшли қизнинг зўрланиши тўғрисидаги иш судга топширилди
2019 йилда Қибрай туманида 13 ёшли қизнинг зўрланиши бўйича иш Жиноят ишлари бўйича Бўстонлиқ судига топширилди. Қизнинг оиласи 2022 йилнинг баҳоридан буён гумонланувчини жиноий жавобгарликка тортишга ҳаракат қилмоқда. У июль ойининг охирида ҳибсга олинган.
Энг даромадли ва энг кўп зарар кўрган давлат компаниялари номи эълон қилинди
Давактив 2022 йилда энг кўп фойда кўрган топ-30 ва энг кўп зарар кўрган топ-20 та давлат улуши бўлган компаниялар рўйхатини эълон қилди. «Миллий электр тармоқлари» энг кўп зарар кўрган компания бўлди. 2021 йилда фойда билан чиққан «Темир йўллар» ва ҲЭТ ҳам катта зарар кўрди.
Бухорода 5 кунлик чақалоқ кўчага ташлаб кетилгани аниқланди
Қоракўл туманида 28 ёшли аёл 5 кунлик чақалоғини кўчага ташлаб кетгани аниқланди. ИИБ ходимлари томонидан топилган чақалоқ шифохонага ётқизилиб, мутахассислар назоратига олинди. Ҳозирда терговга қадар текширув ҳаракатлари олиб борилмоқда.
Қирғизистоннинг Ўш вилоятида 60 та масжид ва мадраса ёпилди
Қирғизистон Миллий хавфсизлик давлат қўмитаси Ўш вилоятидаги 39 та масжид ва 21 та диний мактаб қурилиш қоидаларини бузгани ва таълимнинг ягона стандартлари йўқлиги сабабли ёпилганини маълум қилди. Мамлакатдаги диний объектларда кенг кўламли текширув ўтказилмоқда.
Тошкент вилоятида 56 ёшли эркак пичоқлаб ўлдирилди
Олмалиқ шаҳрида 48 ёшли эркак 56 ёшли эркакни ўзаро келишмовчилик оқибатида пичоқлаб ўлдирди. Гумонланувчи процессуал тартибда ушланган.
Сурхондарёда «Фарғона азот»га қарашли омборхонада ёнғин чиқди
Термиз туманида «Фарғона азот»га қарашли кўмир сақланадиган омборхона ёниб кетди. 5 та қутқарув экипажи ёнғинни 1 соат давомида ўчирди. Ҳодиса оқибатида жабрланганлар йўқлиги айтилмоқда.
Тошкентда фуқарони 51 минг доллар эвазига АҚШга юбормоқчи бўлган шахслар ушланди
Икки шахс АҚШга ишга юбориш эвазига фуқародан 51 минг доллар олаётган вақтда қўлга олинди. Фирибгарликда гумонланган ушбу шахсларга нисбатан жиноий иш очилди.
Ўзбекистон ва ЕИ Афғонистон бўйича маслаҳатлашувларни давом эттириш ниятида
Ўзбекистон ва Европа Иттифоқи Афғонистон масаласи бўйича маслаҳатлашувларни давом эттиришдан ўзаро манфаатдор эканини билдирди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг