Қозоғистон президенти Қасим-Жомарт Тоқаев давлат ташрифи билан Ўзбекистонга келиб, Шавкат Мирзиёев билан пойтахтдаги Шайх Хованди Тоҳур ва Тўлабий мақбараларини зиёрат қилди. Расмий кутиб олиш маросими Халқаро конгресс марказида бўлди.
Ўзбекистон Афғонистонга тўққизта махсус юк машинасида навбатдаги инсонпарварлик ёрдамини жўнатди. Уларни топшириш маросими Ҳайратон шаҳридаги Астрас компанияси ҳудудидида бўлиб ўтади.
Жорий йилнинг 22−25 декабрь кунлари Ўзбекистон ТИВ раҳбари Владимир Норов бошчилигидаги делегация «Марказий Осиё + Япония» мулоқоти ташқи ишлар вазирларининг 9-йиғилишида иштирок этиш учун Япониянинг Токио шаҳрига ташриф буюради.
Марказий банк 26 декабридан бошлаб 1000 сўмлик тангалар муомалага чиқарилишини маълум қилди. Тангалар минг сўмлик банкнотлар билан параллель равишда муомалада бўлади.
Тижорат банклари 22 декабрь куни аҳолидан 1 АҚШ долларини 11 245 — 11 280 сўмдан сотиб олмоқда, сотиш курси эса 11 310 сўм.
Касби туманида 28 ёшли аёлнинг жасади ҳаммомдан топилди. Терговга қадар текширув ҳаракатлари давомида 3 болали аёлни турмуш ўртоғи қасддан ўлдиргани аниқланди. Жиноят иши қўзғатилиб, гумонланувчи процессуал тартибда ушланди.
Ўзбекистон ноябрда Хитойга 39,6 млн долларлик газ экспорт қилганини маълум қилди. Хитой томони эса қарийб уч баравар юқори — 114,2 млн долларлик кўрсаткични келтирди. Давлат статистика қўмитаси бу фарқ бўйича изоҳ берди.
Тошкентдаги автобус саройлари қисқа фурсатда кам ҳаракатли фуқаролар учун ноқулай бўлган 150 дан ортиқ Isuzu автобуслари билан бойиди. «Тошшаҳартрансхизмат» раҳбари «Газета.uz»га бунинг вақтинчалик ечим эканини маълум қилди. У соҳага ҳуқуқ-тартибот органларининг жалб қилинганига ҳам изоҳ берди.
Пойтахт автобусларини таъмирлашга 5 млрд сўм ажратилиши, Ўзбекистонга келган Тоқаев, ҳибсга олинган блогер Шоҳида Саломова, яна ис газидан ўлим, автобусда юришни бошлаган транспорт вазири, 15 ёшли болага қўполлик қилган ИИО ходимлари, кўчадаги тирбандлик ва бошқалар — «Газета.uz»нинг кун дайжестида.
Конституцияга ўзгартишлар киритилгач, аҳоли ҳокимларни бевосита сайлаш ҳуқуқига эга бўлади, деди сенатор Толибжон Мадумаров. Унга кўра, маҳаллий давлат ҳокимияти ҳамда кенгаш назорати тўғрисидаги қонунлар лойиҳаси тайёр. Ҳокимлар сайлови йўлга қўйилиши ҳақида 2016 йилдан бери гапирилади.
Ёнғин хавфсизлиги органларининг хулосасига кўра, Тошкентдаги «Илҳом» театрида содир бўлган ёнғинга электр симларининг эскиргани сабабли юзага келган қисқа туташув сабаб бўлган. Театр яқин вақт ичида тиклаш-таъмирлаш ишларини бошлашни режалаштирмоқда.
Ҳукумат қарори билан ижтимоий аҳамиятга эга маҳсулотлар нархлари сунъий оширилиб, бозорларда ажиотажлар юзага келган тақдирда, ваколатли органлар компаниялар биноларига кириш ҳамда омборларда хатлов ўтказиш ҳуқуқига эга бўлди.
Қувалик ҳайдовчи Фарғонада ўзига нисбатан ноқонуний баённома тузган икки нафар ЙПХ ходимини руҳий азоб етказганликда айблаб судга берди. Суд унинг даъвосини қаноатлантириб, инспекторларнинг ҳар бирига 3 млн сўмдан маънавий зарар ундириш тўғрисида ҳукм чиқарди.
Ҳуқуқ-тартибот идоралари ходимлари блогер Шоҳида Саломовани туҳмат ва ҳақорат бўйича жиноий ишда гумонланувчи сифатида жалб қилди. Аёл «руҳий ҳолатини текшириш учун» тиббий муассасага жойлаштирилди. Қизининг хабар беришича, адвокатга аёл билан учрашишга рухсат берилмаяпти.
Ургут туманида «қизил»да ўтиб кетган Damas Nexia ва Lada билан тўқнашди. ЙТҲ оқибатида Lada ҳайдовчиси вафот этди. Damas`нинг икки йўловчиси шифохонага ётқизилган.
Афғонистон муваққат ҳукумати Олий таълим вазирлиги мамлакатда мавжуд университетларга мактуб йўллаб, талаба қизларнинг таълим муассасаларидаги ўқиш жараёнларида иштирок этишини тўхтатиб қўйиш ҳақида буйруқ берди.
Қозоғистон президенти Қасим-Жомарт Тоқаев давлат ташрифи билан Ўзбекистонга келди. Уни давлат раҳбари Шавкат Мирзиёев кутиб олди.
Учкўприк туманида эр-хотин қўлбола усулда ясалган печкадан сизиб чиққан ис газидан заҳарланиб вафот этди. Ҳолат юзасидан туман прокуратураси терговга қадар текширув олиб бормоқда.
Ўзбекистонда алкоголь ва тамаки маҳсулотлари реализация қилишдаги ёш чегараси амалдаги қонунга нисбатан бир ёшга узайтирилиб, 21 ёш этиб белгиланиши мумкин. Бу бўйича қонун лойиҳаси Сенатнинг навбатдаги ялпи мажлисига кўриб чиқиш учун киритилади.
Тошкент шаҳридаги 220 дан ортиқ автобусларни жорий ва капитал таъмирлаш учун 5 млрд сўм ажратилди. Маълум бўлишича, 175 та автобус кейинги фаолиятга яроқсиз деб топилган ва улар ҳисобдан чиқарилади.
Қўшимча имкониятларга эга булиш учун сайтда рўйхатдан ўтинг