Архив
Россиянинг Украина билан чегарадош ҳудудларидаги ОТМ талабаларига ўқишни кўчиришга рухсат берилди
Давлат комиссиясининг тегишли баёни билан Россиянинг Курск, Брянск, Белгород, Воронеж, Ростов ва Краснодар ҳудудларидаги ОТМларда ўқийдиган Ўзбекистонликларга ўқишни истисно тариқасида кўчириш имкони берилди. Аризалар 1 ноябрдан бошлаб my.dtm.uz сайти орқали қабул қилинади.
Октябрь ойида инфляция 1,2 фоизни ташкил этди
Октябрь ойида йиллик инфляция даражаси 12,2% га етди. Ўтган ойда инфляция хизматлар соҳасида энг кучли бўлган — 1,5%. Озиқ-овқатлар 1,4%га, ноозиқ-овқат маҳсулотлар эса 0,9%га қимматлашган.
Қорақалпоғистондаги тартибсизликларда қатнашганликда гумонланган яна 35 киши озодликка чиқарилди
Қорақалпоғистондаги июль воқеаларида иштирок этганликда гумон қилиниб, озодликка чиқарилганлар сони 107 нафарга етди. Ноябрнинг илк кунида парламент комиссияси ташаббуси билан яна 35 киши жамоат кафиллиги асосида уйига қайтарилди.
Ҳиндистондаги кўприк қулаши ортидан 9 киши ҳибсга олинди
30 октябрь куни Морби шаҳрида осма кўприкнинг қулаши оқибатида 130 дан ортиқ одам ҳалок бўлганди. Ҳиндистон полицияси ҳолат юзасидан 9 кишини, жумладан, оломонни назорат қила олмагани учун бошқарув ходимлари, чипта сотувчилари ва уч қўриқчини ҳибсга олди.
ИИВ муддати ўтган биометрик паспортларни ID-карталарга алмаштиришга чақирди
Ички ишлар вазирлиги фуқароларни муддати ўтган биометрик паспортларини зудлик билан шахсини тасдиқловчи ID-карталарга алмаштиришга чақирди.
Бухорода бино қулаши оқибатида бир киши жароҳатланди
«Когон Қурувчи монтаж» МЧЖга қарашли бинонинг юк конструкциялари (регил плиталари) қулади. Оқибатда қурувчи бўлиб ишлаётган фуқаро жароҳат олиб, шифохонага ётқизилди.
Фарғонада қиймати $10 млн бўлган металларга ишлов бериш линияси ишга туширилди
Фарғонадаги Uzsungwoo қўшма корхонасида металларга қиздирилган ҳолда ишлов бериш тармоғи ишга тушди. Натижада 120 та янги иш ўринлари яратилиб, ишлаб чиқариш ҳажми $95 млнга ошди. Янги технологик жараён Tracker ва Оnix автоуловлари учун 20 турдаги бутловчи қисмларни маҳаллийлаштиришга имкон беради.
Бўстонлиқда уч киши бир йигитни калтаклаб, унга кўкдори сепди
Тармоқларда 3 киши бир йигитни калтаклаб, унга кўкдори (зелёнка) сепгани акс этган видео тарқалди. Пойтахт ИИББ воқеа Бўстонлиқда содир бўлгани ва йигит гиёҳванд моддалар савдоси билан шуғулланганини маълум қилди. Жиноят иши қўзғатилиб, гумонланувчиларга нисбатан қамоққа олиш эҳтиёт чораси қўлланди.
Ноябрь одатдагидан бироз қуруқроқ ва совуқроқ бўлади
Синоптиклар ноябрь одатдагидан бироз қуруқроқ ва совуқроқ бўлишини прогноз қилмоқда. Ой давомида илиқ ва совуқ тўлқинлар бир-бири билан ўрин алмашади. Ҳарорат кечалари +2…+8 даража, кундуз кунлари +5…+18 даражагача ўзгариб туради. Совуқ даврларда ёмғир қорга айланиши мумкин.
Тонг вақти Андижон ва Фарғона вилоятида зилзила бўлди
Қирғизистонда содир бўлган зилзила Андижон (Марҳамат ва Булоқбоши туманларида — 2 балл) ва Фарғона (Қувасой ва Хўжаобод туманларида — 2 балл) вилоятида ҳам сезилди.
Тижорат банклари 1 ноябрь учун доллар курсини эълон қилди
Марказий банк 1 ноябрь кунги ўзбек сўмининг АҚШ долларига нисбатан расмий курсини 11 169,38 сўм этиб белгилади. Шунданг сўнг банклар мижозларга долларнинг сотиш ва сотиб олиш бўйича янги қийматини таклиф қилди.
Қатор шаҳарларда «Халқаро Зиёрат туризми ҳафталиги» бўлиб ўтади
1−3 ноябрь кунлари Тошкент, Самарқанд, Бухоро ва Хива шаҳарларида «Халқаро Зиёрат туризми ҳафталиги» бўлиб ўтади. Ҳафталик доирасида ислом иқтисодиёти, ҳалол туризм, ислом санъати ва бошқа мавзуларда кўплаб конференция, фестивал, кўргазма ва ярмаркалар ўтказиш режалаштирилган.
Германия ташқи ишлар вазири Ўзбекистонга келди
Германия ташқи ишлар вазири Анналена Бербок Тошкентга келди. У президент ва бошқа расмий шахслар билан музокаралар ўтказади, Самарқандга ташриф буюради. Бундан ташқари, вазир фуқаролик жамияти вакиллари билан ҳам учрашади.
Ўзбекистон кўмагида Мозори-Шариф аэропорти қайта тикланди (фото)
Ўзбекистон Афғонистондаги Мозори-Шариф аэропортини тиклаш бўйича техник ёрдам лойиҳасини якунлади. Ишлар аэронавигация ва метеорология жиҳозларини таъмирлаш, учиш-қўниш йўлагини реконструкция қилиш ҳамда аэропортнинг электр таъминотини тиклашдан иборат эди. Фото.
Россия яна Украинанинг энергетика инфратузилмасига оғир зарбалар берди
31 октябрь куни Россия Украинанинг 10 вилоятидаги инфратузилма, асосан энергетика объектларига ракета ҳужумлари уюштирди. Натижада 7 та вилоятдаги юзлаб аҳоли пунктлари электрсиз қолди. РФ Мудофаа вазирлиги Украинанинг ҳарбий қўмондонлик ва энергетика тизимларига зарбалар берилганини маълум қилди.
Россия Мудофаа вазирлиги қисман сафарбарлик тугаганини эълон қилди
Россия Мудофаа вазирлиги захирадаги фуқароларни ҳарбий хизматга чақириш якунлангани, чақирув қоғозларини етказиб бериш тўхтатилганини маълум қилди. Қуролли Кучлар кўнгиллилар ва «контрактчилар» ҳисобга тўлдирилади, дейилади баёнотда.
Октябрь ойининг сўнгги кунида Ўзбекистонда содир бўлган энг муҳим хабарлар дайжести
Президентнинг иш графиги, иссиқхоналарнинг газдан узилишини «давлат хавфсизлигига таҳдид» дея атаган Сардор Умурзаков, интернетдан фойдаланиши мумкин бўлган маҳкумлар, минглаб ўқитувчиларга форма харид қилиш учун буюртма берган Тошкент шаҳар ҳокимлиги ва бошқалар — «Газета.uz»нинг кун дайжестида.
Чегараларда нохуш ҳодисаларнинг олдини олиш учун хавфсизлик кучларининг 120 та мобил гуруҳи тузилди
Ҳуқуқ-тартибот идоралари ходимларидан Ўзбекистоннинг чегарадош вилоятларида тезкор-криминоген ва ижтимоий-сиёсий вазиятни барқарор сақлаш, жиноят ва ҳуқуқбузарликларнинг олдини олиш мақсадида 120 та мобил гуруҳ ташкил этилган.
«Бу — келажакка хиёнат». Депутат ҳокимлар 198 та мактаб ерларини сотиб юборгани ҳақида
Ўзбекистонда 200 га яқин мактаб ерларининг бир қисми ноқонуний «сотиб юборилган». Депутат Расул Кушербаев синфлар етишмаётган бир пайтда буни «келажакка хиёнат» деб атади. Унинг фикрича, мактаб ерларини ҳокимлар талон-торож қилган, аммо «ноқонуний топшириқни бажарган қўрқоқ ходимлар» жазоланади.
Охирги 9 ой давомида 53 мингдан ортиқ фуқарога ипотека кредити ажратилган — Марказий банк
Ўтган 9 ой мобайнида аҳолига 10,3 трлн сўмдан ортиқ ипотека кредитлари ажратилди, деб хабар берди МБ. Уларнинг 76 фоизи (8 трлн сўм) бирламчи бозорга йўналтирилди. Кредит олувчиларнинг 41 фоизини (21725 нафар) аёллар ташкил этади. Асосий параметрлар бўйича юқори нархлар Тошкент шаҳрида қайд этилди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг