Архив
Андижонда собиқ ҳоким ёрдамчиси осилган ҳолда топилгани айтилмоқда
Марҳамат тумани ҳокимининг «Полвонтош» маҳалласи бўйича собиқ ёрдамчиси, 38 ёшли фуқаро ўз хонадонидаги молхонада осилган ҳолда топилди. Унга нисбатан тазйиқ, ҳақорат ва бошқа ноқонуний ҳаракатлар содир этилмагани айтилмоқда. Ҳолат юзасидан тергов ҳаракатлари олиб борилмоқда.
Самарқанд йўлидаги ЙТҲда 4 нафар фуқаро ҳалок бўлди
Нуробод тумани ҳудудидан ўтувчи йўлда Nexia автомобили бетон тўсиққа урилиб, пастликка ағдарилган. Машинада ёнғин чиқиб, 4 нафар йўловчи вафот этган. Ҳайдовчи оғир тан жароҳатлари билан касалхонага ётқизилган.
Тожикистон президентининг Ўзбекистонга ташриф буюриши кутилмоқда
Душанбе шаҳрида МДҲ Ташқи ишлар вазирлари кенгашининг навбатдаги мажлиси бўлиб ўтмоқда. Унда Ўзбекистон ва Тожикистон ТИВ раҳбарлари Тожикистон президентининг Ўзбекистонга бўлажак ташрифи ва бошқа соҳалардаги икки томонлама ҳамкорлик масалаларини муҳокама қилди.
Тошкентда Афғонистон бўйича халқаро конференция бўлиб ўтади
Ўзбекистон ташқи ишлар вазири в.б. Владимир Норов халқаро ҳамжамиятнинг Афғонистондаги вазиятга эътибори сусайиб бораётганини таъкидлади, гарчи «у ердаги вазият оғир иқтисодий инқироз ва қийин гуманитар вазият кескинлигича қолиб, минтақавий хавфсизлик ва барқарорликка таҳдидлар сақланиб қолмоқда». У июль ойида Тошкентда Афғонистон бўйича халқаро конференция ўтказилишини маълум қилди.
БАА президенти 73 ёшида вафот этди
Жума куни БАА президенти шайх Халифа бин Зоид Ол Наҳаён 73 ёшида вафот этди. Амирликда 40 кунлик миллий мотам эълон қилинди.
Энг кўп даромад оладиган спортчилар рўйхати эълон қилинди
Forbes’нинг энг кўп ҳақ тўланадиган спортчилар рўйхатида Лионель Месси етакчилик қилмоқда. У ўтган 12 ой ичида умумий ҳисобда 990 млн доллардан кўпроқ даромад олган атлетлар ўнталагида энг даромадли (130 млн доллар) спортчи бўлиб турибди. Мессидан кейин Леброн Жеймс (121,2 млн доллар) ва Криштиану Роналду (115 млн доллар) жой олган.
БМТ Инсон ҳуқуқлари кенгаши РФнинг Украинадаги тахминий жиноятларини тергов қилиш учун овоз берди
БМТнинг Инсон ҳуқуқлари бўйича кенгаши Россия томонидан Украинада инсон ҳуқуқлари бузилгани ҳақидаги тахминларни текшириш бўйича резолюцияни қабул қилди. 33 та мамлакат тергов учун овоз берди, Хитой ва Эритрия қарши чиқди, 12 мамлакат, шу жумладан Ўзбекистон бетараф қолди. БМТнинг Инсон ҳуқуқлари бўйича Олий комиссари Мишель Бачелет «Киевнинг шимолидаги ҳудудларида суддан ташқари қотилликлар кўлами даҳшатли» эканлигини таъкидлади.
Ўзбекистонликларни эвакуация қилиш учун Қозоғистонга махсус ишчи гуруҳ юборилди
Бош вазир Абдулла Арипов Қозоғистоннинг Жамбил вилоятида автобус ва трактор иштирокидаги аварияда жабрланган ўзбекистонликларни эвакуация қилиш ва ҳодиса сабабларини ўрганиш учун қўшни давлатга махсус ишчи гуруҳни юборди. Унга фавқулодда вазиятлар вазири ўринбосари Азизбек Латифжонов бошчилик қилмоқда.
Дам олиш кунлари ҳаво булутли бўлади ва ёмғир ёғади
Шанба куни Ўзбекистоннинг марказий ва шарқий ҳудудларида момақалдироқли қисқа муддатли ёмғир ёғади, ҳарорат +20 даражагача пасаяди. Якшанба куни эса ҳарорат +28 даражагача кўтарилиб, ҳаво булутли бўлиши кутилмоқда.
Айрим ҳокимлар йиллар давомида ер сотиш билан шуғулланиб келган — президент
Президент айрим ҳокимлар йиллар давомида ер сотиш билан шуғулланиб келганини айтди. Унга кўра, ер муносабатларида ҳокимларнинг ваколати тугатилганига қарамай, ер участкаларини ноқонуний сотиш ҳолатлари ҳамон учраб турибди. Маълум бўлишича, Фарғона вилояти ҳокимлиги ходими ер ажратиш бўйича қарор қабул қилиш учун ҳоким Хайрулла Бозоровнинг имзосини қалбакилаштирган.
Астрономлар Галактикамиз марказидаги қора туйнукнинг соясини суратга олди — фото
Астрономлар галактикамиз марказидаги ўта массив қора туйнук соясининг биринчи суратини эълон қилди. 2017 йил апрель ойида олинган суратлар устида беш йил давомида ишлар олиб борилган.
108 та маданий мерос объектида ноқонуний қурилмалар ўрнатилгани аниқланди
Бош прокуратура Ўзбекистондаги 108 та маданий мерос объектида 146 та ноқонуний қурилма ўрнатилганини аниқлади. 76 та ноқонуний қурилмани буздириш бўйича ёзма кўрсатма берилди, 63 таси бўйича иш судга оширилди. Қолаверса, 26 нафар шахс маъмурий жавобгарликка тортилди.
Давлат мактабларига алоҳида фанлар бўйича дарсликларни танлашга рухсат берилди
Президент 2026 йилгача мактаб таълимини ривожлантириш бўйича Миллий дастурни тасдиқлади. Давлат мактабларига ўқув дастурларига ўзгартиришлар киритиш ва алоҳида фанлар бўйича дарсликларни танлашга рухсат берилди. Қолаверса, Тошкент давлат педагогика университети ва унинг таркибидаги ташкилотлар ХТВга тасарруфига ўтказилди.
Спиртли ичимликларнинг ижтимоий тармоқлардаги трансчегаравий рекламаси дунёда алкоголь муаммосини янада кучайтиради — ЖССТ
Жаҳон Соғлиқни сақлаш ташкилоти онлайн медиа ва ижтимоий тармоқларнинг трансчегаравий имконияти туфайли назорат қилиш қийин бўлган алкоголнинг агрессив рақамли маркетингидан огоҳлантирмоқда. Мамлакатлар ўртасидаги ҳамкорлик ва алкогол маркетингини халқаро тартибга солиш дунёдаги ёшларнинг ҳаётини сақлаб қолиши ва яхшилаши мумкин, деб ҳисоблайди ташкилот.
Хорижий тил бўйича миллий сертификатга эга ўқитувчиларга қўшимча ҳақ тўланади
ДТМнинг миллий баҳолаш тизими бўйича чет тилидан сертификатга эга педагогларнинг ойлигига 2025 йил 1 январгача 50 фоиз, 2025 йил 1 январдан 20 фоиз миқдорида қўшимча пул берилади. Устама сертификатнинг амал қилиш муддати давомида тўлаб борилади.
Марафонга тайёрланишни нимадан бошлаш керак?
Ўзбекистонда сўнгги йилларда марафон югуриш оммалашиб бормоқда. Югуриш билан олдин шуғулланмаганлар бирданига узоқ масофани забт этолмасликлари мумкин. Марафонга тайёрланишни нимадан бошлаш керак? Қулай спорт кийимлари қандай бўлади? Узоқ масофага югурганда овқатланиш ва сув ичишда нималарга эътибор қаратиш лозим? Марафоннинг инсон организми учун қандай фойдали томонлари бор? Тавсиялар.
Урганчда автобус аварияга учради, икки киши ҳалок бўлди
Урганч шаҳри марказида автобус ЙТҲга учради. Унинг икки йўловчиси ҳалок бўлди, ярадорлар ҳам бор. Тармоқларда тарқалган видеоларда ўнлаб одамлар ағдарилиб кетган автобусни кўтариб, йўловчиларга ёрдам бераётганини кўриш мумкин.
Қозоғистонда Ўзбекистон фуқаролари кетаётган автобус ағдарилиб кетди
Қозоғистоннинг Жамбил вилоятида ичида Ўзбекистон фуқаролари бўлган автобус ЙТҲга учради. Ҳодиса оқибатида 47 нафар ўзбекистонлик тиббий ёрдам сўраб мурожаат қилган, улардан 18 нафари шифохонага ётқизилган. Икки киши ҳалок бўлди.
Ўзбекистоннинг 9 вилоятига сел келиш хавфи эълон қилинди
Жума ва шанба кунлари Ўзбекистоннинг тоғ олди ва тоғли ҳудудларида кучли ёмғир ёғади. Айрим жойларда бу дўлга ҳам айланиши мумкин. 9 вилоятга сел келиш хавфи бор. (Ҳудудлар рўйхати)
Мактабларда маънавий-маърифий ишларни баҳолаш учун рейтинг жорий этилади
Ўзбекистон мактабларида маънавий-маърифий ишларни баҳолаш мақсадида 1 сентябрдан «Намунали мактаб» рейтинги жорий қилинади. Унинг натижалари асосида мактаблар «яшил», «сариқ» ва «қизил» тоифаларга ажратилади. Агар мактаб «қизил» тоифага тушиб қолса, давлат органлари у ерда учрашув, мотивацион суҳбат ва мастер-класслар, «Ватанпарварлик» дарслари ва полигонларда икки кунлик ҳарбий-дала машғулотлари, қолаверса, «Ватанга хизмат — олий фазилат» мавзуларида давра суҳбатларини ўтказади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг