Тўққизта кинопремьера, очиқ осмон остида кинонамойишлар, Comic Con Tashkent фестивали, спектакллар, кўргазмалар ва келаётган дам олиш кунларидаги бошқа тадбирлар — Afisha.uz жамланмасида.
Ўзбекистон-Корея бизнес форумида Шавкат Мирзиёев «юқори технологик ва инновацион ҳамкорликнинг янги даври» бошланаётганини айтди. Инфратузилма ва шаҳарсозлик, транспорт, машина бутловчи қисмларини маҳаллийлаштириш, хомашёни қайта ишлаш соҳасида ҳамкорликни ривожлантиришга келишиб олинди.
Февраль ойида Наманган вилояти Учқўрғон тумани ҳокими этиб тайинланган Муҳаммад Ҳайдаров «йўл қўйилган хато ва камчиликлар» сабаб лавозимидан озод этилиб, унинг ўрнини Дилшод Мирханов эгаллади.
Тошкентда 131 ва 58-йўналишдаги иккита «гармошка» автобус тўқнашуви оқибатида тўрт киши жабрланди. ЙТҲ сабаби — оралиқ масофани сақламаслик.
«Док-1 Макс» ишига оид апелляция судида Сардор Кариевнинг онаси Мунира Кариева ўғлини уй қамоғига ўтказиш эвазига 75,6 млрд сўмлик товон пулини тўлашни бошлашни сўради. Жабрланувчиларнинг оталари молиявий аҳволи сабабли буни қабул қилмоқчи. Ажрим ҳали чиқмади. Батафсил — «Газета.uz» репортажида.
Ҳиндистоннинг IndiGo авиакомпанияси 17 августдан Деҳли ва Тошкент ўртасидаги парвозлар сонини ҳафтасига тўрт мартадан етти мартагача оширади.
Ўзбекистон президенти 2025 йил Сеулда «Марказий Осиё — Корея» форматидаги биринчи саммитни ўтказиш таклифини маъқуллади. Шунингдек, давлат раҳбарлари икки мамлакат ҳудудлари ўртасидаги ҳамкорликни кенгайтириш муҳимлигини таъкидлади.
«Ипотека-банк», ЕТТБ ҳамда «Тадбиркор аёл» ассоциацияси ҳамкорликда «Аёллар тадбиркорлигида рақамлаштириш ва ривожланиш истиқболлари» мавзусида семинар ташкиллаштирди.
Ўзбекистон ва Жанубий Корея президентлари алоҳида стратегик шерикликни кенгайтириш тўғрисидаги баёнотни имзолади. Шунингдек, 17 та ҳужжат имзоланди: Hyundai Rotem поездлари хариди, мактабларни жиҳозлар билан таъминлаш, инновацион фармацевтика кластерини яратиш, ЖСТ доирасида ҳамкорлик ва бошқалар.
Ўзбекистон ва Жанубий Корея келгуси 3 йилда ўта муҳим минераллар, яримўтказгичлар, кимё саноати, қишлоқ хўжалиги, машинасозлик, шаҳарсозлик, хавфсиз энергетика — жами 7 та йўналишда ҳамкорлик қилмоқчи. 2025 йилни «Ўзбекистон ва Корея ўртасидаги ўзаро алмашинувлар йили» деб номлаш ҳам таклиф этилди.
Ўзбекистон ва Жанубий Корея президентлари ҳамкорлик салоҳиятидан самарали фойдаланиш, йирик юқори технологик лойиҳаларни аниқлаш ва янги шериклик моделини шакллантириш юзасидан келишувга эришди.
Alfraganus СКМда KFC`нинг Ўзбекистондаги 24-ресторани очилди. Шу муносабат билан ҳозирда янги филиалда 25 минг сўм эвазига ўз баскетини йиғиш имкониятини берувчи My Bucket номли акция амал қилмоқда.
Тошкент шаҳридаги Тамарахоним уй-музейида таниқли раққосанинг саҳна либосларини реставрация ва консервация қилиш ишлари олиб борилди. Ишлар музейни капитал таъмирлаш ва қайта тиклаш дастури доирасида амалга оширилди. Фото.
Шанба куни Ўзбекистон бўйича ёғингарчилик кутилмайди, 32−35 даража иссиқ атрофидаги қулай ҳарорат кузатилади. 16−18 июнь — Қурбон ҳайити байрами кунларида эса ҳарорат кўтарилиб, 36−39 даражагача, айрим жойларда +41 даражагача бўлади. Кечки вақтларда қисқа муддатли ёмғир ёғиши ҳам мумкин.
Кўксарой қароргоҳида Ўзбекистонга давлат ташрифини амалга ошираётган Корея президенти Юн Сок Ёлни тантанали кутиб олиш маросими бўлиб ўтди.
Олий таълим, фан ва инновациялар вазири Конгратбай Шарипов келгуси ўқув йилида бакалавриатга умумий қабул квоталари 200 мингдан ортиқ бўлишини маълум қилди. Бу эса олий таълим билан қамров даражаси 43 фоиздан ошишини таъминлайди, деди у.
16−17−18 июнь кунлари Паркент туманининг Сўқоқ ва Қизилтоғ қишлоқларига ва Бўстонлиқ туманининг Чимён қишлоғига олиб борувчи йўлларда автомобиль ҳаракати бир томонлама ташкил этилади.
2019 йилдан бери Индонезиянинг Ўзбекистондаги фавқулодда ва мухтор элчиси сифатида ишлаб келган Сунарио Картадината 74 ёшида Тошкентда вафот этди. У бир вақтнинг ўзида Қирғизистондаги элчи ҳам эди.
M Cosmetic компанияси 31 май куни 100-дўконининг очилиши ҳақида хабар берди. Бугунги кунда дўконлар Тошкент шаҳри, Тошкент, Самарқанд, Фарғона водийси вилоятлари ва бошқа ҳудудларда жойлашган.
Евро-2024 бошланишига оз қолди. Турнирда қайси жамоа фаворит эканини кўпчилик муҳокама қилмоқда. «Тактика» жамоаси Opta таҳлилларига асосланиб, Европа чемпионатининг гуруҳ босқичи натижалари бўйича тахминларни кўриб чиқди.
Қўшимча имкониятларга эга булиш учун сайтда рўйхатдан ўтинг