Архив
31 август куни Ўзбекистонда содир бўлган энг муҳим хабарлар дайжести
Янги Ўзбекистон" мажмуасидаги Мустақиллик монументининг очилиш маросими, янги тайинловлар, Афғонистонда ўзбек тилининг тақиқланиши тўғрисида ТИВ баёноти — «Газета.uz»нинг 31 августдаги энг муҳим хабарлари дайжестида.
Жаҳон янгиликлари дайжести
Эстонияда янги президент сайлангани, Грузияда COVID-19 ҳолатлари кўпайгани туфайли янги чекловларнинг жорий этилгани, Хитой сувларига кираётган хорижий кемалар учун янги қоидалар ва бошқа янгиликлар — «Газета.uz»нинг жаҳон янгиликлари дайжестида.
Азим Аҳмадхўжаев энергетика вазирининг биринчи ўринбосари этиб тайинланди
2019 йилдан буён Жиззах вилояти ҳокими ўринбосари бўлиб ишлаб келаётган Азим Аҳмадхўжаев энергетика вазирининг биринчи ўринбосари лавозимига тайинланди.
Афғонистонда ўзбек тилининг тақиқланиши ҳақиқатга зид — ТИВ
Ижтимоий тармоқларда «Толибон» ҳаракати Афғонистон ҳудудида ўзбек тилининг ўқитилишини тақиқлагани,бир қатор ўзбек муаллифлар асарлари йўқ қилинаётгани ҳақида хабарлар тарқалди. Ўзбекистон ТИВ «Толибон» расмий раҳбарияти билан бўлиб ўтган суҳбати чоғида «ушбу ахборотнинг ҳақиқатга зидлиги»ни таъкидлади. Вазирлик «Толибон» вакили ўзбек тили, пушту ва дари тиллари билан бир қаторда, бундан буён ҳам Афғонистоннинг расмий тилларидан бири бўлиб қолишини тасдиқлаганини маълум қилди.
Долларнинг расмий курси кетма-кет учинчи кун кўтарилди
Долларнинг расмий курси 17,82 сўмга кўтарилди ва жами 10 671,00 сўм этиб белгиланди. Шунингдек, евро ва рубль курслари ҳам кўтарилди.
Цемент ишлаб чиқарувчиларига фойда солиғи ставкаси пасайтирилади
1 октябрдан бошлаб цемент (клинкер) ишлаб чиқарувчилар учун фойда солиғининг ставкаси 15 фоизгача пасайтирилади. Маҳаллий ишлаб чиқарувчилар импорт маҳсулотлари билан рақобатлаша олмаётгани учун бу ҳақда президентдан тадбиркорлар билан учрашувда сўралган эди.
Президент: «Янги Тошкент» барпо этилади, пойтахт «яшил ҳудуд» га айлантирилади
Президент Шавкат Мирзиёев Тошкент вилоятида «Янги Тошкент» лойиҳаси амалга оширилишини маълум қилди. Унинг сўзларига кўра, мазкур лойиҳа 2−3 ойда оммага тақдим этилади ва уни «баҳаво жойда» қуриш кўзда тутилган. «Эндиликда Тошкентда қурилиш эмас, яшил ҳудуд барпо этилади», — деди давлат раҳбари.
«Янги Ўзбекистон» мажмуасида Мустақиллик монументи очилди (фото)
Сешанба куни президент ва жамоат фаоллари иштирокида «Янги Ўзбекистон» мажмуасидаги Мустақиллик монументининг очилиш маросими бўлиб ўтди. Монумент ўзида Ўзбекистоннинг 3 минг йиллик тарихини акс эттирган. «Ғоят қийин ва мураккаб шароитда республика равнақини, халқимизнинг тинчлиги ва омонлигини ўйлаб, ўзини аямасдан хизмат қилган атоқли давлат арбобларимиз фаолияти ҳам атрофлича ёритилди», — деди Шавкат Мирзиёев.
Фарҳод Жабборов Чилонзор тумани ИИО ФМБга бошлиқ этиб тайинланди
Фарҳод Жабборов Чилонзор тумани Ички ишлар органлари фаолиятини мувофиқлаштириш бошқармаси бошлиғи этиб тайинланди.
Қозоғистон мудофаа вазири ҳарбий омбордаги портлашдан сўнг истеъфога чиқди
Қозоғистон президенти мудофаа вазирининг Жамбил вилоятидаги ҳарбий қисм ўқ-дорилар омборида портлаш содир бўлганидан кейин берган истеъфосини қабул қилди. Портлаш натижасида ҳалок бўлганлар сони 15 нафарга етди.
WSJ: Ўзбекистон АҚШни афғон учувчиларини чиқариб юбориш режаси ҳақида огоҳлантирди
Ўзбекистон АҚШни афғон учувчилари ва уларнинг оилаларини чиқариб юбориш режалаштирилаётганидан огоҳлантирди, деб ёзмоқда WSJ нашри. Газета маълумотларига кўра, «Толибон» август ойи ўртасида Ўзбекистонга учиб ўтган ҳарбий самолёт ва вертолётларни қайтаришни талаб қилмоқда.
«Биз шу вақтгача тарихнинг ўзимизга ёққан жойларини олиб, ёқмаган томонини яшириб ўтдик» — президент
Шавкат Мирзиёев Шаҳидлар хотираси хиёбонига ташриф буюриб, янги реконструкция қилинган «Қатағон қурбонлари хотираси» музейига кириб кўрди. Президент ҳар бир ҳудуддаги жадидлар ва қатағон қурбонлари номини тиклаб бориш бўйича кўрсатма берди.
Туркиялик мутахассис Самарқанд давлат архитектура-қурилиш институтига ректор этиб тайинланди
Самарқанд давлат архитектура-қурилиш институтининг ректори этиб Туркиянинг Йилмаз университети профессори Чидем Жанбай Туркйилмаз тайинланди.
АҚШ Афғонистондан ўз қўшинларини олиб чиқишни якунлади
Душанба куни АҚШнинг сўнгги ҳарбий самолёти Афғонистонни тарк этди ва мамлакатнинг ҳарбий миссияси якунланди. Шунингдек, АҚШнинг Афғонистондаги дипломатик фаолияти ҳам тўхтатилди, дипломатлар мамлакатни тарк этди. Кобулдаги элчихона ёпиқлигича қолади.
30 август куни Ўзбекистонда 755 кишида коронавирус аниқланди
Кеча кун давомида Ўзбекистонда 755 кишида коронавирус инфекция қайд этилди. 7 нафар COVID-19 бемори вафот этди. Шунингдек, душанба куни 201 кишида пневмония қайд этилди, 3 нафар пневмония бемори вафот этди.
«АрМИ-2021»: Кинолог ва ҳарбий-тиббий ходимлар биринчиликни қўлга киритдилар
Халқаро армия ўйинлари доирасида Жазоир ва «Фориш» полигонида бўлиб ўтган беллашувларда ўзбек кинолог ва ҳарбий-тиббий ходимлари янги рекордларни қайд этиб, умумжамоа ҳисобида биринчи ўринларни эгалладилар.
Ўзбекистонда олтита кимё-технологик кластер барпо этилади
Президент 2026 йилга келиб Ўзбекистонда олтита кимёвий технология кластери ташкил этилишини маълум қилди. Улардан биринчиси «Навоийазот»да, қолганлари Бухоро, Қашқадарё, Фарғона ва Тошкент вилоятларида ҳамда Қорақалпоғистонда барпо этилади. Шавкат Мирзиёев қўшни давлатлардан газ сотиб олинишига ҳам изоҳ берди.
Жаҳон янгиликлари дайжести
Хитойда болаларга ҳафтасига уч соатдан кўпроқ вақт давомида видеоўйинлар ўйнашнинг тақиқлангани, АҚШ жанубига «Ида» довулининг бостириб келгани, Афғонистондаги вазият бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
30 август куни Ўзбекистонда содир бўлган энг муҳим хабарлар дайжести
Паралимпия ўйинларида ўзбекистонлик спортчилар қўлга киритаётган медаллари, Сирдарёда 9,2 млрд сўмлик ноқонуний майнинг-ферма фаолиятига чек қўйилиши, янги ташкил этилаётган телеканал ва институт — «Газета.uz»нинг 30 августдаги энг муҳим хабарлари дайжестида.
«Биз ҳеч қачон ўтган даврдаги ишларни ёмонламаганмиз» — Шавкат Мирзиёев Ислом Каримовни ёдга олди
Шавкат Мирзиёев Ўзбекистоннинг биринчи президенти Ислом Каримов амалга оширган улкан ишларни қайд этди. «Биз ҳеч қачон ўтган даврдаги ишларни ёмонламаганмиз, келгусида ҳам бундай қилмаймиз», — дея таъкидлади у.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг