Архив
11 − 16 июнь кунлари Сурхондарё вилоятида оммавий қабуллар ўтказилади
11 − 16 июнь кунлари Сурхондарё вилоятида 30 га яқин вазирлик ва идоралар раҳбарлари оммавий қабуллар ўтказади. Қабул кунлари ва манзиллар.
Ўзбекистондан Россияга йўловчи поезди қатнови 23 июндан қайта тикланади
Ўзбекистондан Россияга йўловчи темир йўл транспорти ҳаракати 23 июндан бошланади. Аввалроқ поездлар қатнови 14 июндан бошланиши хабар қилинган эди.
Шавкат Мирзиёев Япония бош вазири билан телефон орқали мулоқот қилди
Президент Шавкат Мирзиёев Япония бош вазири Фумио Кисида билан телефон орқали иккитомонлама муносабатларни муҳокама қилди. Томонлар Осака шаҳрида ўтказиладиган «ЭКСПО-2025» бутунжаҳон кўргазмасида Ўзбекистоннинг экспозициясини ташкил этишга келишиб олишди.
Ўзбекистонда маҳаллий вино ва пивонинг чекланган рекламасига рухсат берилади
«Реклама тўғрисида»ги янги қонун билан Ўзбекистонда ишлаб чиқарилган пиво ва виноларни реклама қилишга рухсат берадиган қатор ҳолатлар белгилаб берилди. Бунгача мамлакатда алкоголли ичимликлар рекламаси бутунлай тақиқланган эди.
МБ асосий ставканинг 16 фоизга туширилиши бўйича тушунтириш берди
Марказий банк иқтисодий хатарларнинг салбий таъсири босқичма-босқич барҳам топиши, валюта бозори барқарорлашуви ва бошқа сабабларни ҳисобга олган ҳолда асосий ставкани йиллик 17 фоиздан 16 фоизга туширишга қарор қилди. Инфляция прогнози ўзгаришсиз қолдирилди.
Реклама тўғрисидаги қонун билан реклама тилига янги талаблар ўрнатилмоқда
Президент томонидан имзоланган «Реклама тўғрисида»ги янги қонун уч ойдан кейин кучга киради. Ҳужжат билан реклама тилига, шунингдек, унинг мазмунини бошқа тилларга таржима қилишга нисбатан янги талаблар белгилаб берилмоқда.
Жаҳон банки Ўзбекистонга $142 млнлик имтиёзли кредит ажратади
Жаҳон банки Ўзбекистонда деградацияга учраган ерлар ва ўрмонларни тиклаш мақсадида 30 йил муддатга 142 млн долларлик имтиёзли кредит ажратади. Бундан ташқари, лойиҳа доирасида яна иккита траст фонд қўшимча 11 млн доллар йўналтиради. Ўрмон хўжалиги давлат қўмитасига бир қатор вазифалар юклатилмоқда.
Тўққизта ҳудудда яна сел келиши кутилмоқда
Ўзгидромет 10−14 июнь кунлари Ўзбекистоннинг тўққизта ҳудудида шамол кучайиши, сел ва сув тошқинлари содир бўлиши мумкинлиги ҳақида огоҳлантирди. Айрим ҳудудларда дўл ёғиши мумкин.
Жаҳон банки Ўзбекистон иқтисодиёти прогнозини оптимистик баҳолади
Жаҳон банки 2022 йил учун Ўзбекистон ЯИМ ўсиши прогнозини 4,3 фоизгача яхшилади. Аммо Украинадаги можаро сабабли ўсиш олдинги прогноздан пастлигича қолмоқда. Қолаверса, Ўзбекистон яқин икки йилда Марказий Осиё давлатлари орасида энг юқори иқтисодий ўсишни кўрсатиши кутилмоқда.
Болалар ёзги оромгоҳларда дам олиши учун 100 млрд сўмдан ортиқ маблағ йўналтирилади — ХТВ
Болаларни ёзги оромгоҳларда дам олдириш тадбирларига 100 млрд сўмдан ортиқ маблағ йўналтирилади, деб маълум қилди ХТВ. 1131 та оромгоҳ билан 297 мингдан ортиқ болаларни қамраб олиш режалаштирилган. Қолаверса, беш ташаббус доирасида ўтказиладиган тадбирларга 1,2 млндан ортиқ ўқувчи жалб этилади.
Тошкентда хитойлик фуқаронинг $265 минг пули бўлган сейфи ўғрилаб кетилди
Яккасарой туманида яшовчи хитойлик фуқаронинг хонадонидан ичида 265 минг доллар бўлган сейф ўғрилаб кетилди. Гумондор сифатида 6 нафар сурхондарёлик фуқаро ҳибсга олинди. Уларга нисбатан жиноят иши қўзғатилди.
Тўртта ҳудудда қўшни давлатлардан олиб кирилган гиёҳвандлик воситалари савдосига чек қўйилди
ДХХ Ўзбекистоннинг тўртта ҳудудида Тожикистон ва Қирғизистондан яширинча олиб кирилган гиёҳвандлик воситалари савдосига чек қўйди. Тезкор тадбирларда гумондорлар ёнида жами 2,9 кг опий, 3,9 кг гашиш, 3 минг донадан ортиқ «Регапен», 380 дона «Тропикамид», 400 дона «Селофен» борлиги аниқланди.
Тошкент вилоятида икки киши поезд уриб кетиши оқибатида вафот этди
Тошкент вилоятининг Ўртачирчиқ тумани ва Чирчиқ шаҳрида 25 ва 20 ёшли фуқаролар поезд уриб кетиши оқибатида вафот этди. Улардан бирининг туғма кўриш ва эшитиш нуқсони бўлган, иккинчиси эса телефондан фойдаланган ҳолда велосипедда темирйўлни кесиб ўтишга уринган.
МБ асосий ставкани 16% этиб белгилади
Марказий банк асосий ставкани 1 фоиз бандга пасайтириб, йиллик 16 фоиз даражасида белгилади. Март ойида асосий ставка 14 фоиздан 17 фоизгача кўтарилганди.
Андижон шаҳар ҳокими ҳибсга олингач 26 та қарор ва фармойишни имзолади
Андижон шаҳар ҳокими Баҳром Ҳайдаров қамоққа олинган куни 24 та қарор ва фармойиш, эртаси куни эса яна 2 та ҳужжатни имзолади. Уларнинг аксарияти ер майдонларини онлайн аукционга қўйиш билан боғлиқ. Адлия бошқармаси «сохталаштириш эҳтимоли» билан қарорларнинг қонунийлигини текширмоқда.
Президент сувдан фойдаланиш соҳасидаги лойиҳалар тақдимоти билан танишди
Президентга Сурхондарёдаги сув омборларини модернизация қилиш ва сув таъминотини яхшилаш бўйича лойиҳалар тақдим этилди. Шавкат Мирзиёев барча сув омборлари хавфсизлигини яхшилаш, тизимни рақамлаштириш даражасини ошириш бўйича кўрсатмалар берди.
Пойтахтдаги ЙТҲда икки киши ҳалок бўлди
Тошкентда «Matiz» дарахтга урилиши оқибатида ҳайдовчи ва йўловчи вафот этди. Ҳайдовчи тезликни белгиланган меъёрдан ошириб юборгани айтилмоқда.
Шавкат Мирзиёев БМТ бош котиби биринчи ўринбосарини қабул қилди
Чоршанба куни президент БМТ бош котиби биринчи ўринбосари Амина Муҳаммадни қабул қилди. Суҳбат давомида Ўзбекистоннинг Афғонистонда бардавом тинчликни таъминлашдаги саъй-ҳаракатлари эътироф этилди. БМТ вакили Танзила Нарбаева ҳамда Саида Мирзиёева билан ҳам учрашув ўтказди.
Наманган ва Фарғонада аҳолига ажратилган 65 тонна ун сотиб юборилгани аниқланди
Наманган ва Фарғонада аҳолига ажратилган арзон нархдаги ун маҳсулотини бошқа шахсларга сотиб юборилгани аниқланди. Поп туманида МЖЧ раҳбари 54,9 тонна, Марғилон шаҳрида эса хусусий корхона мансабдорлари 10,1 тонна ун маҳсулотини қимматроқ нархда сотгани маълум бўлди.
Рекламада миллий ва оилавий анъаналарга зид бўлган образлардан фойдаланиш тақиқланди
Президент «Реклама тўғрисида»ги қонунни имзолади. Унга кўра, дарсликлар ва дафтарларда реклама бўлиши, миллий ва оилавий анъаналарга зид образлардан, машҳурлар ва тиббиёт ходимлари сиймосидан фойдаланиш, товар нархларини валютада кўрсатиш тақиқланади. Қолаверса, рекламаларда ёш таснифи кўрсатилади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг