Иқтисодиёт
Ўзбекистонда 10 та стратегик кон, 40 та олтин участкаси аукцион орқали тадбиркорларга берилади
2023 йилда Ўзбекистонда 10 та стратегик қазилма кони, 40 та олтин изловчилар учун участка ҳамда 500 дан ортиқ норуда кон ва майдонлари электрон аукцион орқали тадбиркорларга тақдим этилади.
Нукусда Yandex Go хизмати иш бошлади
Қорақалпоғистон пойтахти Нукус шаҳрида Yandex Go такси агрегатори ишга тушди. Бу Ўзбекистоннинг хизмат кириб борган тўққизинчи шаҳри ҳисобланади.
Миллий гвардияга ҳар бири 2,3 млрд сўмлик 10 та от сотиб олиш бўйича тендер эълон қилинди
Миллий гвардия қошидаги От спорти бўйича республика олий спорт маҳорати мактабига ҳар бири 2,3 млрд сўмлик 10 та от сотиб олиш бўйича тендер эълон қилинди. Шунингдек, мактабга 650 млн сўмлик беда пичани харид қилиш бўйича тендер ўтказилган, кейинроқ эса битим бекор қилинган.
Айрим банкларда долларнинг сотув курси 11 600 сўмга етди
Тижорат банклари 5 июль куни аҳолидан 1 АҚШ долларини 11 480−11 540 сўмдан сотиб олмоқда, сотув курси эса 11 550−11 600 сўм.
Минимал истеъмол харажатлари июль ойида эълон қилинади
Ўзбекистонда минимал истеъмол харажатлари июлда эълон қилинади. Статистика агентлигига кўра, бу йил аввалги йилдагидан фарқли равишда кўпроқ товар ва хизматлар турлари бўйича кузатувлар ўтказилган. Кўрсаткични қайта ишлаш жараёни кўпроқ вақт олгани учун уни йил ярмида эълон қилиш белгиланган.
Йил охиригача Ўзбекистонга 10 млн хорижий сайёҳ келиши кутилмоқда — Озодбек Назарбеков
Ўзбекистон маданият ва туризм вазири Озодбек Назарбеков йил охиригача мамлакатга 10 млн хорижий сайёҳнинг келиши, 20 млн маҳаллий аҳоли саёҳатлари ташкил этилишини маълум қилди. Унинг сўзларига кўра, 2 млрд доллар миқдорида туризм хизматлари экспорти амалга оширилади.
ТМЗ банкротлик хавфи остида қолди. Кипр офшор компаниялари давлатни йўқотишлар ва кредитлар билан қолдириб, лойиҳани тарк этди
Кипрлик таъсисчилар, жумладан, Алишер Усмоновга алоқадор «Металлоинвест» компаниясига тегишли корхона «ҳаракатсизлиги» туфайли Тошкент металлургия комбинати банкрот бўлиш хавфи остида қолди. Суд уларни лойиҳадан четлаштирилди, бироқ корхона 916,9 млрд сўм зарар ва 179,7 млн евро кредит билан қолди.
Банкларда долларнинг сотув курси 11 570−11 595 сўм этиб белгиланди
Тижорат банклари 4 июль куни аҳолидан 1 АҚШ долларини 11 475−11 530 сўмдан сотиб олмоқда, сотув курси эса 11 570−11 595 сўм.
Пулнинг «таъми» дизайн билан. Янги сўмларнинг нимаси ёмон ва ўзи чиройли пуллар қандай бўлади?
Ўзбек сўмининг янги банкнотлари дизайнидан кўпчилик нолиди: ўхшаш ранглар ва ёпишиб кетган ноллар сабаб одамлар уларни адаштириб, қийналяпти. Дизайнер Азамат Шамузафаров пулда дизайннинг аҳамияти, тарихан бу масала қандай ҳал қилингани ва янги сўмларнинг камчиликлари ҳақида ҳикоя қилади.
Ўзбекистонда сув ва ичимликларни маркировкалаш яна кейинга қолдирилди
Ўзбекистон ҳукумати сув ва алкоголсиз ичимликларни мажбурий маркировкалашни яна кейинга қолдирди. Жараён 2022 йил октябрь ойида бошланиши режалаштирилганди, бироқ аввал 2023 июлга, энди эса 2024 йилнинг мартигача сурилди.
«Сижжак» ва «Чотқол» дам олиш масканлари хусусийлаштириладиган объектлар рўйхатидан чиқариб юборилди
Ўзбекистон президенти ўзининг аввалги қарорларига ўзгартиришлар киритиб, «Сижжак» ва «Чотқол» дам олиш масканларини хусусийлаштириладиган объектлар рўйхатидан чиқариб ташлади. Илгари Гулнора Каримовага тегишли бўлган «Сижжак» маскани бир неча бор сотувга қўйилган, лекин сотилмай қолганди.
Банкларда долларнинг сотув курси 11 580 сўмгача кўтарилди
Тижорат банклари 3 июль куни аҳолидан 1 АҚШ долларини 11 465−11 510 сўмдан сотиб олмоқда, сотув курси эса 11 540−11 580 сўм.
Июнда йиллик инфляция 2016 йил августидан буён биринчи марта 9 фоизга тушди
Июнда Ўзбекистонда дефляция қайд этилди ва йиллик инфляция 2016 йил август ойидан буён биринчи марта 9 фоизга тушди. Охирги ойда гуруч, гўшт ва сут қимматлашди, деярли барча сабзавот ва мевалар, шунингдек, ун, тухум, сариёғ ва шакар арзонлашди. Бензин ҳам қимматлашди. Ҳудудларда палов нархи ошди.
«Ўзбекнефтгаз» бензин ишлаб чиқариш кескин камайганига изоҳ берди
Бухоро нефтни қайта ишлаш заводида режали таъмирлаш ишлари туфайли «Ўзбекнефтгаз» корхоналарида бензин ишлаб чиқариш 71,3 фоизга қамайди. Компания ишлаб чиқариш ҳажмини ўтган йилга нисбатан оширишини қайд этди. «Газета.uz» йил бошидан буён бензин ишлаб чиқариш бир неча бор пасайганини ёзганди.
Алишер Баҳодиров Uzbekistan GTL директори лавозимига тайинланди
«Ўзбекнефтгаз» компаниясининг газни қайта ишлаш ва газ-кимё департаментини бошқариб келаётган Алишер Баҳодиров Uzbekistan GTL синтетик суюқ ёқилғи ишлаб чиқариш заводига директор этиб тайинланди.
Ўзбекистон 5 ой ичида 3811 та электромобиль харид қилди
Ўзбекистон йилдан-йилга электромобиллар импортини оширмоқда. 2023 йил январь-май ойларининг ўзидаёқ 3811 та электромобиль олиб келинди. Кўрсаткич 2022 йил давомида 2180 тани, 2021 йилда эса 809 тани ташкил этганди. Энг кўп етказиб берувчи Хитой бўлиб турибди.
2022 йилда Ўзбекистонда тадбиркорлик фаолиятини текширишлар сони 2 бараварга кўпайди
2022 йил якунига кўра, тадбиркорлик субъектларига нисбатан маъмурий босим текширувлар сонининг қарийб 2 бараварга кўпайиши ҳисобига ошди. Бизнес омбудсман юборилган барча аризаларнинг 53 фоизини рад этганини ва текширишлар сони барча тадбиркорларнинг 3 фоизини ҳам ташкил қилмаслигини билдирди.
Электропоездлар йўловчиларнинг таклифларини ўрганган ҳолда харид қилинади — «Ўзбекистон темир йўллари»
Испаниянинг Talgo компанияси Ўзбекистон учун яна 4 та Afrosiyob электропоездини ишлаб чиқариши айтилганди. «Ўзбекистон темир йўллари» эндиликда электропоездлар фақат Talgo томонидан эмас, йўловчилар таклифига кўра дунёдаги кўзга кўринган бошқа компаниялардан ҳам харид қилинишини билдирди.
Испаниянинг Talgo компанияси Ўзбекистон учун яна тўртта Afrosiyob электропоездини ишлаб чиқаради
Испаниянинг Patentes Talgo компанияси раҳбари Карлос Паласио Ориол Ўзбекистон элчиси Жаҳонгир Ғаниевга компания Ўзбекистон учун яна тўртта Afrosiyob электропоезди ишлаб чиқаришга тайёрлигини маълум қилди.
Ўзбекистон сув вазири Қўштепа канали орқали Афғонистон Амударёдан қанча сув олиши мумкинлигини маълум қилди
Афғонистон Қўштепа канали орқали 600 минг гектар ерни суғормоқчи экани ҳақидаги гаплар асоссиз. Ўзбекистон сув хўжалиги вазири Шавкат Хамраевнинг айтишича, «Толибон» тахминан 300 минг гектарни суғормоқчи, бунга 4−5 млрд куб метр сув етади. Ўзбекистон мана шу миқдор сақланиб қолишига интилади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг