Иқтисодиёт
Ўзбекистонда Onix ва Tracker учун шартнома бериш вақтинча тўхтатилди
UzAuto Motors компанияси Chevrolet Tracker ва Onix автомобиллари учун шартномалар беришни ушбу моделларнинг конфигурацияси янгиланиши муносабати билан вақтинча тўхтатди. Компаниянинг билдиришича, автомобиллар учун «иссиқ» вариантлар кутилмоқда.
Банкларда долларнинг сотув ва сотиб олиш курси тушди
Тижорат банклари 5 май куни аҳолидан 1 АҚШ долларини 11 390 — 11 440 сўмдан сотиб олмоқда, сотув курси эса 11 450 — 11 515 сўм.
«Обод қишлоқ» ва «Обод маҳалла» дастурлари ҳам ташаббусли бюджетлаштирилади
Эндиликда «Обод қишлоқ» ва «Обод маҳалла» дастурлари доирасида молиялаштириладиган тадбирлар 2023 йилдан бошлаб жамоатчилик фикри асосида «Очиқ бюджет» порталида овоз бериш йўли билан аниқланади. Бунда ҳар бир маҳаллада 8 млрд сўмдан ошмаган лойиҳалар пакети шакллантирилади.
«Хавотирлар ўринли». МБ раҳбари — АҚШнинг Оҳангаронцемент ва унинг асосчисига қарши санкциялари тўғрисида
«Оҳангаронцемент» ва унинг таъсисчисига нисбатан АҚШ санкцияларининг жорий этилиши корхона фаолиятини тўхтатиб қўйишни англатмайди, дея маълум қилди Марказий банк раҳбари Мамаризо Нурмуратов. Унинг айтишича, бу масалани ҳал этиш бўйича президент топшириғига биноан ишчи гуруҳ тузилган.
Марказий банк банкрот бўлган «Туркистонбанк» омонатчиларининг маблағлари қайтарилишига изоҳ берди
«Туркистонбанк»нинг банкрот бўлиши сабаб 52 нафар мижоз 53 млрд сўм омонатларини қайтариш бўйича мурожаат қилган бўлиб, унинг бир қисми банк томонидан субординатив кредит сифатида берилган. МБ суд қарори билан 18 нафар фуқаронинг 29 млрд сўмлик маблағлари омонат сифатида тан олинганини маълум қилди.
Humo ва Uzcard банкоматларини интеграциялаш 7−10 кун ичида якунланади — Марказий банк раиси
Марказий банк раиси Humo ва Uzcard тўлов тизимлари банкоматларини интеграциялаш 7−10 кун ичида якунланишини маълум қилди. Шунингдек, Korzinka супермаркетлар тармоғида виртуал кассаларни ишга туширишга тайёргарлик кўрилаётганини, пулни нақдлаштириш учун комиссия фоизи муҳокама қилинаётганини айтди.
АКТ вазирлиги ва «Алоқабанк» бинолари сотуви бекор қилинди — Марказий банк раиси
Рақамли технологиялар вазирлиги ва «Алоқабанк»нинг Тошкент шаҳри марказидаги маъмурий биноларини сотиш ва Black Gold Industry News`га 390 млрд сўмлик имтиёзли кредит ажратиш бўйича келишувлар бекор қилинди, дея маълум қилди Марказий банк раиси Мамаризо Нурмуротов.
Марказий банк Ўзбекистонда p2p ўтказмалари учун электрон ҳисобварақалари жорий этилишига қарши чиқди
Жисмоний шахслар ўртасидаги пул ўтказмалари бўйича электрон ҳисобварақаларни расмийлаштириш, яъни бу маълумотларни солиқ органларига ўтказиш тартибига Марказий банк салбий муносабатда, деди Марказий банк раиси. Мутахассисларнинг айтишича, бу норма банк сири тўғрисидаги қонун ва Конституцияга зид.
Йирик савдо марказларига ижара тўловларини хорижий валютага боғлашга рухсат берилади
Ҳукумат комиссияси ижара тўловларини хорижий валютага боғлашга рухсат бериши мумкин. Гап 200 млн доллардан ортиқ сармоя ва 70 минг квадрат метрдан ортиқ ижара майдонига эга йирик савдо ва кўнгилочар марказлар ҳақида бормоқда. Тошкентда қурилаётган биргина савдо маркази шундай талабга жавоб беради.
Марказий банк асосий ставкани йиллик 14 фоиз даражасида ўзгаришсиз қолдирди
Марказий банк асосий ставкани 14 фоиз даражасида сақлаб қолди. Регулятор биринчи чорак якунларига кўра, иқтисодиётдаги аксарият кўрсаткичлар макроиқтисодий ривожланишнинг базавий сценарийси доирасида эканлигини таъкидлади. Йил якуни бўйича инфляция прогнози 8,5−9,5 фоиз даражасида сақланиб қолди.
UzAuto Motors`нинг соф фойдаси биринчи чоракда салкам 2 бараварга камайди
UzAuto Motors 2023 йилнинг биринчи чорагида 258,76 млрд сўм соф фойда кўрди. Бироқ бу ўтган йилнинг шу даврига нисбатан 43,8 фоизга кам.
Айрим банкларда долларнинг сотув курси яна 11 500 сўмдан ошди
Тижорат банклари 4 май куни аҳолидан 1 АҚШ долларини 11 400 — 11 450 сўмдан сотиб олмоқда, сотув курси эса 11 465 — 11 515 сўм.
Zara, Bershka, Massimo Dutti каби брендларни ичига олган Cenomi Group Ўзбекистон бозорига кириши мумкин
Портфелига Inditex гуруҳининг Zara, Zara Home, Massimo Dutti, Bershka, Pull & Bear, Oysho ва Stradivarius каби брендлари кирувчи Cenomi Group Ўзбекистон бозорига кириши ҳақида эълон қилинди. Cenomi Tashkent City Mall лойиҳасида тақдим этилиши мумкин.
Германиянинг KfW банки Ўзбекистонда ичимлик суви ва оқова сув хизматлари учун 200 млн евро ажратади
Германиянинг KfW банки Ўзбекистонда ичимлик суви таъминоти ҳамда оқова сув хизматларини яхшилаш учун 200 млн евро ажратади. Маблағлар Қўқон, Марғилон, Термиз шаҳарларининг сув тизимини ривожлантириш учун йўналтирилади.
Энди гаровга қўювчининг илтимоси билан мол-мулкни аукционга қўйиш кечиктирилмайди
Ўзбекистонда 2024 йил 1 январдан ундирув қаратилган гаровга қўйилган мол-мулкнинг очиқ кимошди савдосида сотилишини гаровга қўювчининг илтимосига асосан кечиктирилишига йўл қўйилмайди.
Банкларда долларнинг сотиш ва сотиб олиш курси яна ошди
Тижорат банклари 3 май куни аҳолидан 1 АҚШ долларини 11 380 — 11 425 сўмдан сотиб олмоқда, сотув курси эса 11 425 — 11 495 сўм.
Германиянинг KfW банки Ўзбекистонда соғлиқни сақлашни рақамлаштириш учун 50,5 млн евро ажратди
Ўзбекистон ва Германия тараққиёт банки KfW ўртасида соғлиқни сақлаш тизимини рақамлаштиришга йўналтирилган 45 миллион евролик кредит шартномаси ва 5,5 миллион евролик грант шартномаси имзоланди.
Банкларда доллар курси 11 425 — 11 475 сўм атрофида сотилмоқда
Тижорат банклари 2 май куни аҳолидан 1 АҚШ долларини 11 350 — 11 405 сўмдан сотиб олмоқда, сотув курси эса 11 425 — 11 475 сўм.
Ўзбекистонда апрель ойида инфляция 0,8 фоизни ташкил этди
Апрель ойида озиқ-овқат маҳсулотлари 1,2 фоизга, ноозиқ-овқат маҳсулотлари 0,5 фоизга, хизматлар 0,5 фоизга қимматлашди. Маҳсулотлар орасида помидор нархи 21,3 фоизга, гуруч 14,1 фоизга, сабзи 13,2 фоизга ва шакар 10,5 фоизга ошди.
Президент давлат қарзи тўғрисидаги қонунни имзолади
Президент имзолаган «Давлат қарзи тўғрисида»ги қонунга мувофиқ, бу кўрсаткичнинг максимал миқдори ЯИМга нисбатан 60% этиб белгиланди. Уни самарали бошқариш учун 3 йиллик стратегия тасдиқланади. 2023 йил 1 январь ҳолатига, давлат қарзи 29,2 млрд долларга (ЯИМга нисбатан 36,4 фоиз) етган.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг