Иқтисодиёт
Ўзбекистон ЖСТ бўйича Филиппин билан икки томонлама музокараларни якунлади
Ўзбекистон Филиппин билан Жаҳон савдо ташкилотига аъзо бўлиш бўйича икки томонлама музокараларни якунлади. Филиппин сўнгги икки ой ичида Тошкент музокараларни якунлаган тўртта давлатдан бирига айланди, деди президентнинг ЖСТ бўйича махсус вакили Азизбек Урунов.
Ўзбекистонга хориждан 10 ойда 12,6 млрд доллар жўнатилган. Бу 2023 йилнинг шу даврига нисбатан 34 фоизга кўп
Январь-октябрь ойларида Ўзбекистонга келиб тушган пул ўтказмалари 12,6 млрд долларни ташкил қилиб, ўтган йилнинг мос даврига нисбатан 34 фоизга кўпайди. Пул ўтказмалари АҚШдан 37 фоизга, Жанубий Кореядан 71 фоизга, Буюк Британиядан 76 фоизга ҳамда Европа Иттифоқи мамлакатларидан 41 фоизга ўсган.
Банклар балансидаги фойдаланилмаётган иссиқхона ва қайта ишлаш цехлари тадбиркорларга берилиши мумкин
Президент иштирокидаги йиғилишда банклар балансидаги фойдаланилмаётган иссиқхоналар, қайта ишлаш цехлари ва музлаткичли омборларни бўлиб тўлаш имконияти билан тажрибали тадбиркорларга 3 йил муддатга ишончли бошқарувга бериш таклиф этилди.
Бухорода ҳокимлар ва уларнинг ўринбосарлари 6 ой фавқулодда иш тартибига ўтади
Президент Бухоро ҳокимининг ҳудудни иқтисодий-ижтимоий ривожлантириш режаларидан қониқмади ва инвестиция, камбағаллик ва ишсизликни камайтириш соҳаларини яхшилаш кераклигини айтди. Вилоятдаги ҳокимлар ва уларнинг ўринбосарлари 6 ой фавқулодда иш тартибига ўтиб, шу учта йўналиш устида ишлайди.
Дала четидан самарали фойдаланган фермерларга имтиёзлар берилади
Ўзбекистонда дала четидан самарали фойдаланган фермерлар тадбиркорлар рейтингида қўшимча балл олиш, ер солиғини иккига бўлиб тўлаш имконияти ва бошқача кўринишдаги имтиёзларга эга бўлади. Ҳар бир маҳаллада камида 100 та хонадонга лимон ва узум кўчатлари тарқатилади.
Ўзбекистон Хитой билан ЖСТга аъзо бўлиш бўйича музокараларни якунлади
Президентнинг ЖСТ масалалари бўйича махсус вакили Азизбек Урунов мамлакат ташкилотга аъзо бўлиш бўйича Хитой билан икки томонлама музокараларни якунлаганини маълум қилди. «22 та мамлакат билан музокаралар тугади, кўп қолмади», — деб ёзди у. Аввалроқ мамлакат АҚШ билан музокараларни якунлаганди.
Ўзбекистонда «Темирйўл транспорти тўғрисида»ги қонун имзоланди. Асосий маълумотлар
Президент «Темирйўл транспорти тўғрисида»ги янги қонунни имзолади. Вагон операторлари ва йўловчи ташувчилар нархларни эркин белгилаш имкониятига эга бўлади (давлат томонидан тартибга солинадиган ташувлар бундан мустасно).
1 банкдан 5 тагача, жами 20 тагача: МБ бир кишига бериладиган карталар сонини чеклаш режасига изоҳ берди
Марказий банк шубҳали операцияларнинг олдини олиш учун бир шахсга бериладиган карталар сонини вақтинчалик битта банкда 5 тагача, барча банкларда 20 тагача белгилаш масаласи кўриб чиқилаётганини маълум қилди. Тармоқларда 1 кишига 1 та карта берилиши ҳақида тарқалган маълумот ҳақиқатга тўғри келмайди.
Ижтимоий харажатлардан тежаш ва «бошқа харажатлар»га кўпроқ маблағ. Тошкент шаҳрининг биринчи ярим йиллик учун бюджети
Тошкент шаҳар ҳокимлиги 1-ярим йилликда ижтимоий соҳа, жумладан, таълим ва соғлиқни сақлашга режалаштирилганидан кам маблағ ажратди. Мактаб ва шифохоналардаги қурилиш-таъмирлаш ишларига ҳам камроқ маблағ йўналтирилди. Шу билан бирга, давлат аппаратини молиялаштириш ва «бошқа харажатлар» кўпайди.
Божхона тўловларини тўлашнинг бош таъминотини қўллаш тартиби тасдиқланди
Энди бир шахс томонидан маълум вақт давомида бир нечта божхона операциялари амалга оширилса, уларни тўлашнинг бош таъминотини тақдим этиш мумкин. Божхона қўмитаси аризани 10 иш куни ичида кўриб чиқади ва бош таъминотни қабул қилиш ёки рад этиш тўғрисида қарор қабул қилади.
Андижондаги боғда чархпалак қуриш бўйича тадбиркорлик хусусиятига эга лойиҳа «Ташаббусли бюджет»да ғолиб бўлди
Сенат қўмитасида Андижондаги истироҳат боғида чархпалак қуриш лойиҳаси тадбиркорлик хусусиятига эга бўлишига қарамай, «Ташаббусли бюджет»нинг овоз бериш босқичига ўтказилгани ва ғолиб деб топилгани кескин танқид қилинди. Ҳудди шундай ҳолат Зарафшондаги аэропорт биносини таъмирлашда ҳам кузатилган.
Ғарбда корхоналар давлатга қараганда хусусий суғурта компанияларидан кўпроқ қўрқади — Беҳзод Ҳошимов
Иқтисодчи Беҳзод Ҳошимов нега баъзи давлатларда хавфсизлик қоидалари ишлаши ва баъзиларида ишламаслигини тушунтирди. «Ғарбда қоида ишлаши улар инсофлироқ эканидан эмас. Агар қаердадир ёнғин ҳолатида чиқиш эшиги ишламай қолса, суғурта компанияси ўша корхона эгасини „бурнидан булоқ“ қилади», дейди у.
Ўзбекистондаги 64 та туманда озиқ-овқат экспорти ўтган йилга нисбатан камайган, 17 тасида 50 фоизга ҳам етмаган — президент
Ўзбекистонда озиқ-овқат экспорти 2023 йилга нисбатан 1,2 баробарга ўсиб, 2 млрд доллардан ошди. Аммо 64 та туманда экспорт 2023 йилга нисбатан камайган, ундан 17 тасида 50 фоизга ҳам етмаган. Президент ҳокимларни дунёдаги оғир вазиятни ҳисобга олиб, янги имкониятларни ишга солиш ҳақида огоҳлантирди.
Нима учун иқтисодчилар инсон умрининг статистик қийматини баҳолайди?
Беҳзод Ҳошимов нега иқтисодчилар инсон умрининг статистик қийматини баҳолашини тушунтирди. «Кулфат юз берганида инсон умри учун қанча компенсация тўланиши керак? Умр — бебаҳо, деган фалсафа билан ёндашсак, компенсация бериш керакмас, деган нотўғри хулосага келиб қолиш мумкин», — дейди у.
Россия Ўзбекистонга газ етказиб беришни кўпайтирмоқчи
Россия президенти Владимир Путин Остона музокаралари якунида Қозоғистон ҳудуди орқали Ўзбекистонга газ етказиб бериш ҳажмини кўпайтириш режаларини маълум қилди.
Марказий банк бир фойдаланувчига бериладиган карталар сонини чеклашни режалаштирмоқда
Ўзбекистон Марказий банки бир фойдаланувчига бериладиган карталар сонини чекламоқчи. Регулятор раиси ўринбосари Беҳзод Ҳамраевнинг таъкидлашича, айрим мижозлар юзлаб карталарга эга бўлиб, бу фирибгарлар томонидан карталардаги маблағ ўзлаштирилишига олиб келмоқда.
«Нега пропан нархи кескин ошишига қарши тезкор чоралар кўрилмади?» — «Адолат» депутати давлат органларига сўровлар юборди
«Адолат» партияси депутати Муҳаммад Валиев сўнгги ойларда пропан нархи кескин ошгани сабабли масъул идораларга сўровлар йўллади. Сўровларда нархлар ошишининг сабаблари, уларни барқарорлаштириш ва нарх шаклланишининг шаффофлигини таъминлаш чора-тадбирлари тўғрисидаги саволлар кўтарилган.
Инвестицияларнинг нафақат ҳажмини, балки сифатини ҳам ошириш зарур — президент
Президент ҳузурида хорижий инвестиция жалб қилиш соҳасидаги натижалар танқидий таҳлил қилинди. Давлат раҳбари ёндашувларни тубдан ўзгартириш, инвестицияларнинг нафақат ҳажмини, балки сифатини ҳам ошириш зарурлигини айтди. Ҳар бир доллар саноатни ривожлантириши, янги иш ўрни яратиши керак, деди у.
Россиядан Тошкент атрофидаги қатновлар учун электропоезд келтирилди
Ўзбекистонга Тошкент атрофидаги қатновлар учун Россияда ишлаб чиқарилган ЭП3Д электропоезди келтирилди, дея хабар қилди «Ўзбекистон темир йўллари» раҳбари Зуфар Нарзуллаев. Президент янги йил арафасида Бухоро ва Хива ўртасидаги электрлаштирилган линияни ҳам ишга тушириши кутилмоқда.
Жамғариб бориладиган мажбурий пенсия бадалларини ҳисоблашнинг янги тартиби тасдиқланди
Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий жамғариб бориладиган пенсия бадалларини ҳисоблаш ва тўлаш тартиби тўғрисидаги низом тасдиқланди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Хитой илк бор Ўзбекистондаги корхоналар сони бўйича Россияни ортда қолдирди
- «200 млн сўмлик кафолат суммаси банкка ундан кўпроқ пул қўйиш мумкинмаслигини англатмайди» — МБ
Қўшимча имкониятлардан фойдаланиш учун сайтда рўйхатдан ўтинг