Иқтисодиёт
Қирғизистон ва Ўзбекистон чегарадош ҳудудида савдо-логистика маркази қурилади
Бишкекда Ўзбекистон-Қирғизистон тараққиёт жамғармасининг расмий очилиш маросими бўлиб ўтди. Жамғарманинг устав капитали 50 млн долларни ташкил этади. Келгусида бу суммани 200 млн долларга етказиш режалаштирилган. Қирғизистон ва Ўзбекистон чегарадош ҳудудида логистика марказини қуриш лойиҳаси фаол босқичда экани ҳам маълум қилинди.
Ўзбекистонга йил бошидан бери 3 мингга яқин хорижий IT-мутахассис келган
Президент йил бошидан бери мамлакатга 3 мингга яқин хорижий IT-мутахассис келгани ва уларнинг асосий қисми шу ерда узоқ муддат қолиб ишлашни режалаштираётганини маълум қилди. Хорижлик мутахассисларни жалб қилган ҳолда амалий лойиҳалар орқали 1000 нафар ёшларнинг IT-паркларда малакасини оширишга кўрсатма берилди.
Президент Ўзбекистонни минтақавий IT-марказига айлантиришга кўрсатма берди
Президент Ўзбекистонни минтақавий IT-марказига айлантириш юзасидан мутасаддиларга топшириқ берди. Бунинг учун IT экспортини йил якунигача 100 млн долларга етказиш, яна 6 та ҳудудда IT-паркларни тўлиқ ишга тушириш ва камида 20 тадан компания фаолиятини йўлга қўйиш зарурлиги айтилди. «Ушбу соҳа ривожланмаса, бошқа бирор бир тармоқ олдинга юрмайди», — деди Шавкат Мирзиёев.
Адлия вазирлиги умумий овқатланиш соҳасидаги асосий муаммоларни санади
Адлия вазирлиги 2100 та умумий овқатланиш корхоналарини ўрганган ҳолда ушбу соҳада жуда кўп текширувлар ва мураккаб солиқ маъмуриятчилиги мавжудлигини аниқлади. Умумий овқатланиш корхоналарининг 60 фоизи солиқ тўлашдан бўйин товлайди, 30−40 фоизи эса «сояда» ишлайди, дея ҳисоблайди вазирлик.
«Ўзтрансгаз» қўшимча 257 млн доллар қарз олади
«Ўзтрансгаз» компанияси 257 млн доллар, шу жумладан «Газпромбанк» дан 57,5 млн доллар миқдорида қўшимча қарз маблағларини жалб қилади. Компанияга табиий газ бўйича дебиторлик ва кредиторлик қарзларини қисқартириш, давлат корхонасининг молиявий ҳисоботини халқаро стандартларга мувофиқлаштириш юзасидан топшириқлар берилди.
Халқаро валюта жамғармаси Ўзбекистонда иқтисодий ўсиш прогнозларини 3−4 фоизгача пасайтирди
ХВЖ Украинадаги урушнинг салбий оқибатлари таъсирини ҳисобга олган ҳолда, 2022 йилда Ўзбекистонда иқтисодий ўсиш прогнозларини 6 фоиздан 3−4 фоизгача пасайтирганини маълум қилди. Шунингдек, жорий операциялар ҳисоби дефицити ЯИМга нисбатан 9,5 фоизгача ўсиши, инфляция кўрсаткичи 12 фоиз даражасида сақланиб қолиши прогноз қилинмоқда.
«Сижжак» дам олиш маскани яна сотувга қўйилди
Тошкент вилоятининг Бўстонлик туманидаги «Сижжак» дам олиш маскани яна сотувга қўйилди. Харидор оромгоҳда сайёҳлик инфратузилмасини ривожлантириши керак.
Ўзбекистонда оқ қоғоз нархи кескин қимматлашди. Сабаб — Россияда нархларнинг ошиши
Ўзбекистонда оқ қоғоз нархи ўртача 2 баробарга ошди. Бу Россия заводларидаги оқартиргич импорти билан боғлиқ чекловлар туфайли қоғоз нархининг ошиши фонида содир бўлмоқда. Ўзбекистонда қоғоз ва картон импортининг деярли ярми Россия корхоналарига тўғри келади.
Самарқандда фуқаро давлат захирасидаги 80 сотих ерни $22 мингга сотишга урингани айтилмоқда
Жомбой туманида фуқаро давлат захирасидаги 80 сотих ерни танишлари орқали бошқа фуқарога расмийлаштириб беришига ишонтиргани ва бунинг эвазига 22 минг доллар талаб қилгани айтилмоқда. У олдиндан 11 минг долларни олганида ҳуқуқни муҳофаза қилиш органлари ходимлари томонидан ушланди.
Ўзбекистон Афғонистондаги темир йўл линиясини бошқариш ҳуқуқидан маҳрум бўлиши мумкин
«Ўзбекистон темир йўллари» компанияси корхонаси «Ҳайратон — Мозори-Шариф» темир йўл линиясини бошқариш ҳуқуқидан маҳрум бўлиши мумкин. Афғонистонда операцион шартномаларни қайта кўриб чиқиш ҳамда бошқарувни ҳукумат хизматлари анча арзон бўлишини кутаётган маҳаллий компанияларга топшириш режалаштирилмоқда.
Бухорода ДХШ асосида янги аэропорт терминали қурилади
Президентга Бухоро аеропортида ДХШ асосида янги халқаро йўловчи терминалини қуриш лойиҳаси тақдим этилди. Инвестиция ҳажми 136 млн долларни ташкил қилиши кутилмоқда. Лойиҳани 2022−2024 йилларда амалга ошириш кўзда тутилган.
Пулли йўллар, аэропортлар, яшил электр станциялари. ДХШ учун лойиҳалар рўйхати
Ўзбекистонда давлат-хусусий шериклик шартлари асосида бир қатор пулли йўллар, шамол ва қуёш электр станцияларини қуриш режалаштирилмоқда. Хусусий компаниялар Тошкент ва бошқа шаҳарларнинг халқаро аэропортлари ва инфратузилмасини модернизация қилишга ҳам жалб этилади.
ОТP Bank Украинадаги уруш туфайли «Ипотепа-банк» улушини сотиб олишни кечиктирди
«Ипотека-банк»нинг 75 фоиз давлат улушини сотиб олишни режалаштирган Венгриянинг ОТP Bank банки Ўзбекистондан битимни кечиктиришни сўради. Кечикишга Украинадаги уруш сабаб қилиб келтирилди.
Фарғона водийсида ягона аэропорт қуриш таклиф қилинмоқда
Фарғона водийсида ҳудуддаги учала вилоят учун ягона халқаро аэропорт қурилиши мумкин. Президентга кўрсатилган лойиҳалар тақдимотида бу ҳақда сўз боради.
Россиянинг Украинага босқини Ўзбекистонда иқтисодий ўсишни 3,6% гача секинлаштиради — Жаҳон банки
Жаҳон банки ҳисоб-китобларига кўра, Россиянинг Украинага бостириб кириши оқибатлари Ўзбекистонда иқтисодий ўсиш даражасини 3,6% гача секинлаштиради, инқирозгача бу кўрсаткич 6% га баҳоланган эди. Айни пайтда хомашё экспортидан олинадиган даромадлар ва хусусийлаштиришдан тушумларнинг нисбатан юқорироқ бўлиши пул ўтказмаларига қарам бўлган уй хўжаликларини моддий жиҳатдан қўллаб-қувватлаш мақсадларидаги юқори ижтимоий соҳа харажатларини қоплайди, пул ўтказмалари қисқариши ва меҳнат мигрантларининг уйларига қайтиши ортидан мамлакатда камбағаллик даражаси кескин ўсишининг олдини олади.
Долларнинг расмий курси пасайишда давом этмоқда
Долларнинг сўмга нисбатан расмий курси пасайишда давом этиб, 11 329,38 сўмга тенг бўлди. Рубль курси пасайди, евро курсида эса ўсиш кузатилди.
Уюшмаларга берилган имтиёзлар соҳадаги барча ишлаб чиқарувчиларга тадбиқ этилади
«Ўзбекипаксаноат», «Ўзчармсаноат» ва бошқа уюшмалар томонидан қўлланилаётган солиқ ва божхона имтиёзлари мазкур тармоқларнинг барча субъектларига ҳам татбиқ этилади. Мазкур имтиёзлар 2017−2019 йилларда берилган бўлиб, уларнинг муддати 2023 йил 1 январда тугайди. «Газета.uz» ушбу имтиёзлар ва соҳалар рўйхатини эълон қилади.
Қозоғистон 15 апрелдан буғдой ва ун экспортига чекловлар жорий этади
Қозоғистон ички бозорда тақчиллик юзага келмаслиги учун 15 апрелдан 15 июнгача буғдой ва ун экспортига чекловлар жорий этмоқда.
Ипотека ва таълим кредитларининг фоиз ставкалари йил охиригача ўзгаришсиз қолади
Молия вазирлиги томонидан тижорат банкларига ипотека ва таълим кредити учун ажратиладиган ресурс маблағлари бўйича амалдаги фоиз ставкалари 2022 йил якунига қадар сақланиб қолади. Бу ҳақда президент қарорида кўзда тутилган.
Президент фармони билан бир қатор эксклюзив ҳуқуқлар бекор қилинмоқда
Президентнинг тадбиркорлик муҳитини яхшилаш тўғрисидаги фармони билан бир қатор компания ва ташкилотларга берилган эксклюзив ҳуқуқлар бекор қилинмоқда. Жумладан, аҳолига суюлтирилган газ етказиб бериш бўйича «Ҳудудгазтаъминот», ҳайдовчилар ва ҳайдовчиликка номзодларни тиббий кўрикдан ўтказиш бўйича давлат тиббиёт муассасаларининг монополиясига барҳам берилмоқда.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг