Иқтисодиёт
Тўққиз ойда Ўзбекистонга пул ўтказмалари ҳажми 11,3 млрд долларга ошди
Январь-сентябрь ойларида Ўзбекистонга пул ўтказмалари ҳажми 34,8 фоизга ошиб, 11,3 млрд долларни ташкил этди. Жанубий Корея, Буюк Британия, Польша ва БААдан тушумлар кескин ошди, Россиянинг улуши эса пасайишда давом этмоқда.
2025 йил апрелида газ ва электр энергияси тарифларининг ошиши инфляцияга қандай таъсир қилади?
2025 йил апрелида электр энергияси ва газ нархининг ўсиши инфляция даражасини қўшимча 1,5−1,8 фоиз пунктига оширади ва бу омил келаси йил учун инфляция прогнозида ҳисобга олинади, деди МБ раиси. Шу билан бирга, майдаги нархлар ўсишининг таъсири дастлабки ҳисоб-китоблардан юқори бўлиб чиқди.
2025 йилда қайси солиқларни ўзгартириш таклиф қилинмоқда?
Иқтисодиёт ва молия вазирлиги 2025 йил солиқларда қандай ўзгаришлар бўлиши кутилаётганини маълум қилди: базавий солиқ ставкалари сақланиб қолади, лекин импорт қилинадиган газ учун акциз солиғи қайтарилади, қатъий белгиланган солиқ ставкалари, маркетплейслар, сув ва бошқалар учун солиқлар оширилади.
Глобал амалиётда экотуризм нима ва Ўзбекистон уни қандай ривожлантириши мумкин?
Экотуризм деганда жаҳон амалиётида атроф-муҳитга эҳтиёткорона муносабатда бўлиб, табиат қўйнида дам олиш тушунилади. Четда экотуризм қандай ривожлантириляпти, бу борада ким илғор, Ўзбекистонда уни қандай йўлга қўйиш мумкин — Atlas консалтинг компаниясининг «Газета.uz» учун махсус шарҳи шу ҳақда.
Марказий банк асосий ставкани йиллик 13,5 фоиз даражасида ўзгаришсиз қолдирди
Марказий банк асосий ставкани йиллик 13,5 фоиз даражасида сақлаб қолди. Регулятор инфляцияни оширувчи босимлар сақланиб қолаётганини қайд этди. Йил якунида умумий инфляциянинг 9,5 фоиз атрофида шаклланиши кутилмоқда.
АҚШ Молия вазирлиги Ўзбекистондаги икки компанияга қарши иккиламчи санкциялар киритди
АҚШ Ўзбекистондаги иккита компания — Uzstanex ва The Elite Investment Group`ни санкциялар рўйхатига киритди. Улар Россия компанияларига электр трансформаторларини етказиб берганликда айбланган.
Ўзбекистонда 2025 йилда давлат дастурлари харажатлари учун 24,2 трлн сўм режалаштирилмоқда. Унга нималар киради?
2025 йилда Ўзбекистонда давлат дастурларини молиялаштиришни 24,2 трлн сўмга (+5,8%) ошириш режалаштирилмоқда. Янги харажатлар орасида кам таъминланган оила фарзандлари учун тўгараклар ташкиллаш, боғчаларда Face-ID тизимини жорий этиш, футболни оммалаштириш учун кўчма ТВ-станция сотиб олиш бор.
2025 йилги бюджет лойиҳаси: Қайси вазирлик ва идорага қанча маблағ йўналтирилади?
2025 йил учун давлат бюджети лойиҳасига кўра, 18 та вазирликка жами 195 трлн сўмдан кўпроқ маблағ йўналтирилиши режалаштирилмоқда (Мудофаа, Ички ишлар ва Фавқулодда вазиятлар вазирликларидан ташқари). Ҳар бир вазирлик ва бошқа давлат идораларига қанча маблағ ажратилиши ҳақида маълумотлар.
IFC Ўзбекистонда ACWA Power томонидан яшил энергетика объектлари қурилишини қарз билан қўллаб-қувватлади
Халқаро молия корпорацияси Ўзбекистондаги ACWA Power лойиҳалари, жумладан, 1 ГВт қувватга эга ФЭС, 668 МВт қувватли энергия сақлаш тизими ва 500 км узунликдаги юқори вольтли электр узатиш линиялари қурилиши учун 240 млн доллар оралиқ кредити ажратди.
Онлайн дўконларнинг мижозлари фойдасига 100 млн сўмлик маблағ қайта ҳисоб-китоб қилинди — Рақобат қўмитаси
Рақобат қўмитаси онлайн дўконлардан мижозларга 100 млн сўмга яқин маблағни қайта ҳисоб-китоб қилиниши ва 9,3 млн сўмлик товарлар алмаштириб берилишини таъминлади. Қўмита уларнинг оферта шартларини таҳлил қилиб, қонун бузилиш ҳолатларини аниқлади, уларни қонунчиликка мослаштирилишини таъминлади.
Акциз солиғини газсиз ширин ичимликларга ҳам жорий этиш таклиф этилмоқда
Ўзбекистонда акциз солиғини таркибида шакар бўлган барча газсиз ичимликлар, жумладан, ширин чойлар, мева шарбатлари ва компотларга ҳам жорий этиш режалаштирилмоқда. Шунингдек, ширинлаштирувчи ва хушбўйлаштирувчиси бўлган бошқа газли ичимликлар учун ставкани камайтириш таклиф этилмоқда.
Дарсликлар ижараси учун тўловни қайта жорий этиш режалаштирилмоқда
Бюджетнома лойиҳасига кўра, Ўзбекистонда мактаб дарсликлари ижараси учун тўловни қайтариш режалаштирилмоқда (2022 йилда бекор қилинганди). 2−11-синф ўқувчилари учун тўлов ҳар бир тўплам учун 80 минг сўмни ташкил қилиши мумкин. Бу бюджетга юкламани тахминан 376 млрд сўмга камайтириши кутилмоқда.
Ўзбекистоннинг 2025 йил учун давлат бюджети лойиҳаси тақдим этилди. Асосий маълумотлар
2025 йил учун давлат бюджети лойиҳаси тақдим этилди. Келаси йилда ЯИМ ўсиши 6 фоиз бўлиши, инфляция 7 фоизгача пасайиши кутилмоқда. Консолидациялашган бюджет тақчиллиги чегараси ЯИМга нисбатан 3 фоиз (49,3 трлн сўм) бўлиши, ташқи қарз лимити эса 5,5 млрд долларгача оширилиши таклиф қилинмоқда.
Юқори солиқ ва божлар Ўзбекистонда автобозорнинг ривожланишини чекламоқда — KPMG
KPMG Uzbekistan автобозор таҳлили ва автомобиль нархини белгиловчи омилларни тақдим этди. Божлар «иномарка»лар нархининг 70% ва ундан кўпроғини ташкил этаётган бўлиши мумкин. Бозор ривожланишидаги тўсиқлар мураккаб сертификатлаш талаблари ва ёнилғи билан боғлиқ муаммоларни ҳам ўз ичига олади.
2025 йилда қайси солиқлар маҳаллий бюджетга йўналтирилади?
2025 йил маҳаллий бюджетлар мустақиллигини ошириш учун улар ихтиёрида қоладиган солиқ тушумларини кўпайтириш режалаштирилмоқда. Бу юридик шахслардан олинадиган мол-мулк ва ер солиғи, айланмадан солиқ ҳамда қисман жисмоний шахслардан олинадиган даромад солиғи ҳисобига амалга оширилади.
2025 йилда жалб қилинадиган ташқи қарзнинг чекланган ҳажми 5,5 млрд доллар бўлиши кутилмоқда
2025 йилда давлат номидан ва унинг кафолати остида ташқи қарзларни жалб қилиш бўйича йиллик имзоланадиган янги битимларнинг чекланган ҳажми 5,5 млрд доллар бўлиши кутилмоқда. Бюджет тўғрисидаги қонун лойиҳасига кўра, маблағнинг 3 млрд доллари давлат бюджетини қўллаб-қувватлаш учун ишлатилади.
Ўзбекистон аҳолисининг реал даромадлари статистикаси яхшиланди
Тўққиз ой якунига кўра, аҳолининг реал даромадлари 7,7 фоизга ўсди, бу 2023 йилнинг шу давридаги кўрсаткичдан юқори. Аҳоли жон бошига умумий даромадлар 15,5 фоизга (инфляцияни ҳисобга олган ҳолда — 5,5 фоизга) ўсиб, 17,4 млн сўмни ташкил этди.
Хусусий бандлик агентликлари лицензия олиши учун захира маблағлари миқдори камайтирилади
Президент қарори билан хусусий бандлик агентликлари лицензия олиши учун захира маблағлари миқдори камайтирилиши белгиланди. Агентликлар ушбу маблағни тижорат банкларининг депозитларига жойлаштириши мумкин.
Yandex Eats Express24 активларини сотиб олгач, бозорнинг 87,5 фоизини назорат қилади — Рақобат қўмитаси
Yandex Eats Express24 билан тузган битимдан сўнг овқат етказиб бериш агрегатори хизматлари бозорининг 87,5 фоизини назорат қилади. Рақобат қўмитаси мазкур битим монополияга қарши орган билан олдиндан келишиш талабига тушмаслигини қайд этди.
Davr Bank ташқи рекламадаги камчиликлар учун молиявий жаримага тортилди
Рақобат қўмитаси Davr Bank АТБга нисбатан микрокредит бўйича ташқи рекламада аниқ маълумотларни келтирмагани учун молиявий жарима қўллашга қарор қилди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг