Иқтисодиёт
Ўзбекистонда чиқиндидан электр энергияси ишлаб чиқарадиган 8 та завод қурилади
Ўзбекистонда маиший чиқиндиларни ёқиш орқали электр энергияси ва маҳсулот ишлаб чиқарадиган 8 та завод ишга тушади. Қурилиш жараёнлари 2025 йил январдан бошланиб, заводлар 2026 йил декабрда ишга туширилиши режалаштирилган.
Хитой компанияси Ўзбекистонда шамол турбиналари учун паррак ишлаб чиқаришни режалаштирмоқда
Хитойнинг Sino-Wind Energy компанияси Ўзбекистонда шамол генераторлари учун парраклар ишлаб чиқаришни йўлга қўйишни режалаштирмоқда. Лойиҳа қиймати 50 млн долларга баҳоланмоқда.
Энергетика корхоналарининг биринчи галдаги вазифаси таннархни камайтириш — президент
Президент электр энергетикаси соҳасини трансформация қилиш бўйича йиғилиш ўтказди. У 2025 йил энергетика корхоналари учун тежамкорлик ва самарадорлик йили бўлишини таъкидлади. Ҳар бир энергетика корхонасининг биринчи галдаги вазифаси таннархни камайтириш, деди давлат раҳбари.
2025 йилда давлат қарзи 45 млрд долларга, унга хизмат кўрсатиш харажатлари эса 1,4 баробар ошиши мумкин
2025 йилда Ўзбекистон давлат қарзи 39,7 миллиарддан 45 миллиард долларга (+13,3 фоиз), унга хизмат кўрсатиш қиймати эса 48,1 триллион сўм ёки 3,5 миллиард долларга (+42,8 фоиз) ўсиши прогноз қилинмоқда.
Ўзбекистон Хитой билан кичик ядровий реакторларни қўллаш ва уранни қайта ишлашни ўрганади
Ўзбекистон ва CNNC компанияси Ўзбекистонда Хитойнинг кичик модулли ядровий реакторларидан фойдаланиш имкониятларини ўрганади. Икки давлат делегациялари уран рудасини қазиб олиш қувватларини кенгайтириш, уни қайта ишлаш ва кейинчалик ёқилғидан АЭСларда фойдаланиш масалаларини ҳам муҳокама қилди.
Рақамли маркировкалаш қоидаларини бузган тадбиркорлар учун жавобгарликни бекор қилиш режалаштирилмоқда
Президентга тадбиркорларнинг ҳуқуқий ҳимоясини кучайтириш бўйича таклифлар тақдим этилди. Рақамли маркировкалаш ва фискал белгиларни акс эттириш қоидаларини бузиш, ходимлар сонини яшириш учун жавобгарликни, шунингдек, ЯТТ сифатида рўйхатдан ўтмай ишлаш учун жаримани бекор қилиш режалаштирилмоқда.
«3 марта чақириб, огоҳлантирганмиз». Марказий банк — UPay фаолияти чеклангани ҳақида
Марказий банк раиси UPay`га чеклов киритилишидан олдин компания 3 марта огоҳлантирилганини таъкидлади. Аввалроқ регулятор тўлов ташкилоти фаолиятини 6 ой муддатга чеклаган, корхонанинг она компанияси ҳисобланган Humans эса чекловлар сабабидан ОАВ орқали хабардор бўлганини қайд этганди.
«Бизда назорат нисбатан кучли». Марказий банк раиси — АҚШнинг Ўзбекистон компанияларига нисбатан санкциялари ҳақида
Маҳаллий банклар ёздаёқ АҚШ санкцияларига учраган Ўзбекистон компаниялари билан операцияларни тўхтатди, деди Марказий банк раиси Мамаризо Нурмуратов. Унинг сўзларига кўра, нисбатан кучли назорат мамлакатга санкциялар хавфини камайтириш имконини бермоқда.
2025 йилда долларнинг ўртача йиллик курси 13 250 сўм бўлиши прогноз қилинмоқда
Иқтисодиёт ва молия вазирлиги ҳисоб-китобларига кўра, 2025 йилда долларнинг сўмга нисбатан ўртача йиллик курси 13 250 сўм бўлиши прогноз қилинмоқда. Бу 2024 йил кутилаётганидан 4,8 фоизга кўп. Миллий валюта курсининг 100 сўмга қадрсизланиши бюджет харажатлари 240 млрд сўмга ошишига олиб келади.
Тамаки ва алкоголь маҳсулотларига акциз маркаларини қўллаш тартиби белгиланди
Иқтисодиёт ва молия вазирлиги ҳамда Солиқ қўмитаси қарорига мувофиқ, тамаки ва алкоголь маҳсулотларига акциз маркаларини қўллаш тартиби белгиланди.
«Бу хатар». Марказий банк раҳбари Ўзбекистоннинг газ ва нефть таъминотида Россияга қарамлиги ҳақида
Ўзбекистон газ, нефть ва бензиннинг асосий қисмини Россиядан импорт қилади. Марказий банк раҳбари Мамаризо Нурмуратов таъминотдаги бир мамлакатга қарамлик ҳақидаги саволга жавоб бериб, бу хатар эканини тан олди ва логистикадаги узилишлар ички нархларга таъсир қилиши мумкинлигини таъкидлади.
Ўзбекистон ЖСТга аъзо бўлиш бўйича АҚШ билан икки томонлама музокараларни якунлади
Ўзбекистон АҚШ билан Жаҳон савдо ташкилотига аъзо бўлиш бўйича икки томонлама музокараларни якунлади. Президентнинг ЖСТ бўйича махсус вакили Азизбек Уруновнинг айтишича, музокаралар 14 ой давом этган. «Бу осон бўлмаган йўл, умр бўйи эсда қоладиган тажриба бўлди», — деб таъкидлади у.
2025 йилда иш ҳақи, пенсия ва нафақаларни инфляция даражасидан паст бўлмаган миқдорда ошириш режалаштирилмоқда
2025 йилда Ўзбекистонда бюджет ташкилотлари ходимларининг иш ҳақи, пенсия ва нафақаларни инфляциядан паст бўлмаган даражага ошириш режалаштирилмоқда (инфляция прогнози 7 фоиз). 2024 йилда иш ҳақи ва пенсияларни ошириш учун режалаштирилганидан камроқ маблағ ажратилди.
Чорсу майдонини кенг кўламли реконструкция кутмоқда. «Чорсу» меҳмонхонаси қайтадан қурилади
Тошкентда 2025 йилда Чорсу майдонини реконструкция қилиш бошланади. Эски меҳмонхона ўрнида 29 қаватли янги меҳмонхона, бизнес-марказ ва турар-жой биноларидан иборат лойиҳа қад ростлайди. У 170 млн долларга баҳоланган. Лойиҳа Германиянинг Tchoban Voss Architekten компанияси томонидан ишлаб чиқилган.
Партия рўйхати бўйича депутатликка сайланган барча вазирлар депутатлик мандатидан воз кечди
Партия рўйхати бўйича депутатликка сайланган бош вазир ўринбосари, вазир ёки давлат органи раҳбарларининг бирортаси ҳам Қонунчилик палатаси депутати бўлиш учун ўз лавозимини тарк этмайдиган бўлди.
Октябрь ойида инфляция камида 14 йил ичида биринчи марта 1 фоиздан паст бўлди
Октябрда Ўзбекистонда инфляция даражаси 0,84 фоизни ташкил қилди. Статистика агентлиги маълумотларига кўра, бу ойдаги инфляция 2010 йилдан бери ҳеч қачон 1 фоиздан пастга тушмаган. Йиллик инфляция 10,24 фоизгача пасайди. Ой давомида гўшт (1,2 фоиз), помидор (16,5), бодринг (33,2) қимматлади.
Валюта курси 1 фоизга қадрсизланиши инфляцияга 0,3−0,4 фоиз пункти даражасида таъсир қилиши мумкин — МБ
Марказий банк раиси Мамаризо Нурмуратов регулятор ҳисоб-китобларига кўра, валюта курси 1 фоизга қадрсизланиши инфляцияга 0,3−0,4 фоиз пункти даражасида таъсир қилиши мумкинлигини айтди. У, шунингдек, келаси йил олтин нархи ҳозиргидан қисман пасайиши кутилаётганини таъкидлади.
Навоий вилоятида 3 та корхона ишга туширилиб, 12 та лойиҳанинг қурилиши бошланди
Президент Навоий вилоятида янги лойиҳаларни ишга тушириш маросимида қатнашди. Хусусан, Конимехда ёнувчи сланецларни қазиш ва қайта ишлаш, Карманада қуёш фото электр станцияси ва электр энергиясини сақлаш тизими лойиҳалари қурилиши бошланди. Навоий шаҳрида пахта целлюлозаси корхонаси ишга тушди.
Таргетга эришиш муддати макроиқтисодий барқарорликка салбий таъсир кўрсатмаслик мақсадида узайтирилди — МБ
Марказий банк 5 фоизлик инфляция бўйича таргетга эришиш муддатини учинчи бор кечиктирди. МБ раиси барқарор институционал шароит яратмай туриб, ялпи талабни чекловчи кескин чоралар кўриш иқтисодий фаоллик ва молиявий барқарорликка жиддий хавф туғдириши мумкинлигини таъкидлади.
Октябрда доллар курси қандай ўзгарди?
Сўм учинчи ойдирки, долларга нисбатан бироз қадрсизланмоқда. Октябрь ойи охирида доллар курси 59 сўмга (+0,46%) мустаҳкамланди. Умуман олганда, йил бошидан буён миллий валюта ўтган йилнинг шу давридаги 8,8 фоизга нисбатан атиги 3,5 фоиз девальвацияга учради.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг