Иқтисодиёт
«Ўзатом» агентлиги қайта ташкил этилиб, Вазирлар Маҳкамаси таркибига ўтказилмоқда
Атом энергетикасини ривожлантириш агентлиги негизида Атом энергияси агентлиги ташкил этилмоқда, у Энергетика вазирлигидан Вазирлар Маҳкамасига ўтади. Агентлик компаниялар билан тўғридан-тўғри шартномалар тузиш, хўжалик жамиятлари ташкил этиш, иқтисодиётдаги лойиҳаларни молиялаштириш ҳуқуқини олади.
Иқтисодчи Ботир Қобилов Гарвард бизнес мактабида докторлик даражасини олган биринчи ўзбекистонлик бўлди
Иқтисодчи Ботир Қобилов АҚШдаги Гарвард бизнес мактабида докторлик даражасини олган биринчи ўзбекистонлик бўлди. «Газета.uz» колумнисти сифатида у иқтисодиёт, экология ва бошқа ижтимоий аҳамиятга эга мавзуларда 10 дан ортиқ мақолалар ёзган.
Ўзбекистон банклари валюта курсининг ўзгарувчанлигини молия тизими учун асосий хавф деб ҳисобламоқда
Марказий банк томонидан банклар ўртасида ўтказилган сўровнома натижаларига кўра, валюта курсининг ўзгарувчанлиги Ўзбекистон молия тизими учун асосий тизимли хавф ҳисобланади. Бундан ташқари, инфляциянинг тезлашиши, геосиёсий вазиятнинг кескинлашиши ва бошқалар ҳам келтирилган.
Ўзбекистоннинг Россия билан савдоси ўсиши тезлашди, қўшни давлатлар билан савдо ҳажми пасайишда давом этмоқда
Январь-апрель оралиғида Ўзбекистоннинг Россия билан савдоси ҳажми 29,3 фоизга ошди, бунинг натижасида Россия мамлакатнинг яна асосий савдо ҳамкорига айланиши мумкин. Қўшни давлатлар, шунингдек, Туркия, Жанубий Корея ва Германия билан товар айланмаси камаймоқда. Францияга экспорт 2,2 баробар ошди.
Ўзбекистонга нефть маҳсулотлари, газ, кўмир ва электр импорти кескин ошди
Ўзбекистонда импорт кетма-кет иккинчи ой пасайиб, 2023 йил июль ойидан бери минимум даражага тушди. Шунга қарамай, январь-апрель оралиғида нефть маҳсулотлари, газ, кўмир, электр энергияси, сабзавот ва мевалар, шунингдек, автомобиллар импорти ошди.
Тошкентдан Будапештга мунтазам авиарейслар қўйилади
Qanot Sharq компанияси 30 июндан Ўзбекистон ва Венгрия пойтахтлари ўртасида ҳафтасига бир марта тўғридан-тўғри авиақатновларни йўлга қўймоқчи. Сентябрдан эса қатнов ҳафтада икки мартагача оширилиши мумкин.
Фармацевтика соҳасини рақамлаштириш орқали дорилар нархини 20 фоизга арзонлаштириш режалаштирилмоқда
Шавкат Мирзиёевга тақдим этилган фармацевтика тармоғига оид режалардан экспортни ошириш, шу билан бирга, ички бозорнинг маҳаллий маҳсулотларга талабини қондириш ўрин олган. Соҳани рақамлаштириш орқали нархларни 20 фоизга арзонлаштириш, ишлаб чиқаришни халқаро стандартларга ўтказиш кўзда тутилган.
Қирғизистон-Ўзбекистон автомобиль заводи 28 майдан синов режимида ишлашга тайёр бўлади
28 майдан Қирғизистон-Ўзбекистон автомобиль заводи синов режимида ишлашга тайёр бўлади. Чуй вилояти Сокулук туманида жойлашган заводда Chevrolet, Daewoo ва Isuzu автомобилларини ишлаб чиқариш режалаштирилган.
UNG Petro, Чиноз НҚИЗ ва «Ўзбекнефтгаз»нинг нефть ускуналари қанчага баҳоланади?
UNG Petro ёқилғи қуйиш шохобчалари ва Чиноз НҚИЗни сотиш 2024 йил иккинчи чораги учун инвестиция дастурига киритилган. Бир неча ой олдин «Ўзбекнефтгаз»дан ушбу объектларни бошқа компания сотиб олгани хабар қилинганди. Кўрсатилган нарх (нефть ускуналари билан бирга) — 70 млн доллар.
Ўзбекистон ва Озарбайжон тижорий онлайн платформани яратмоқчи — Лазиз Кудратов
Ўзбекистон ва Озарбайжон ҳукумати тадбиркорлар учун онлайн-тижорат платформасини яратиш ва 1 млрд долларлик савдо айланмасига эришишни режалаштирмоқда, деди инвестициялар вазири Лазиз Кудратов. У, шунингдек, Озарбайжон раҳбарининг август ойида Тошкентга ташрифи режа қилинганини айтди.
Ўзбекистон Каспий денгизида газ қазиб олиш бўйича Озарбайжон лойиҳасига қўшилиши мумкин
«Ўзбекнефтгаз» компанияси Озарбайжонда газ қазиб олиш лойиҳасига қўшилиши мумкин, дея маълум қилди Ўзбекистон инвестициялар, саноат ва савдо вазири Лазиз Кудратов. Гап Каспий денгизидаги «Шаҳ-Дениз» лойиҳаси ҳақида кетмоқда.
1,5 млрд доллар: Ўзбекистон жаҳон молия бозорларига навбатдаги суверен халқаро облигацияларни чиқарди
Ўзбекистоннинг умумий қиймати қарийб 1,5 млрд долларга тенг навбатдаги суверен халқаро облигациялари 3 та валютада жаҳон молия бозорларида жойлаштирилди. Облигациялардан тушган маблағ Давлат бюджети тақчиллигини қоплаш ва Барқарор ривожланиш мақсадларини молиялаштириш учун йўналтирилади.
Йил бошидан буён олтин экспорти 3,42 млрд долларга ошди
Йил бошидан буён Ўзбекистон 3,42 млрд долларлик олтин экспорт қилди, бу ўтган йилнинг январь-апрель ойларига нисбатан 11,8 фоизга кўп. Ушбу қимматбаҳо металлнинг мамлакат умумий экспортидаги улуши 40 фоиздан ошди.
Апрелда Ўзбекистонда газ, нефть, кўмир, бензин ва дизель ишлаб чиқариш камайди
Ўтган ойда Ўзбекистонда газ (-6,1 фоиз), кўмир (-25,8), нефть (-1,3), бензин (-12,5) ва дизель (-12,5) ишлаб чиқариш ҳажми 2023 йил апрелига нисбатан камайди. Электр энергияси ишлаб чиқариш ҳажми 27,6 фоизга ошди.
«Ўзсаноатқурилишбанк» халқаро бозордан 3 млрд доллардан ортиқ маблағ жалб этмоқчи
2024 йилда «Ўзсаноатқурилишбанк» халқаро молия бозоридан 3,1 млрд долларлик қарз маблағларини жалб қилишни режалаштирмоқда. Миллий банк заргарлик ва хизмат кўрсатиш соҳаларида умумий қиймати 6 млрд долларлик лойиҳаларни амалга ошириш ниятида, дея хабар қилди президент матбуот хизмати.
Ўзбекистон январь-апрель ойларида 462,8 млн долларлик газ импорт қилди
2024 йилнинг дастлабки тўрт ойида Ўзбекистонга газ импорти 460 млн доллардан ошди (апрелда — 102,6 млн доллар), бу ўтган йилнинг шу даврига нисбатан 3 баробар кўп. Бу даврда «мовий ёнилғи» экспорти 52,3 млн долларни ташкил этди. Етказиб беришдаги фарқ 410 млн долларга етди.
«Ислом молияси тўғрисидаги қонун лойиҳаси тайёр» — МБ раиси ўринбосари
Исломий банкинг тўғрисидаги қонун лойиҳаси ишлаб чиқилди, у жорий йилда парламентга киритилади, деди МБ раиси ўринбосари Беҳзод Ҳамроев. Унинг айтишича, яқин вақт ичида микромолия ташкилотларида исломий молиявий хизматлар тўғрисидаги меъёрий ҳужжатлар ҳам қабул қилиниши кутилмоқда.
Сув хўжалиги вазирлиги ягона сув баланси ва давлат сув кадастрини юритади
Президент барча манбалар бўйича ягона сув балансини юритиш ва давлат сув кадастрини ташкил этиш учун Сув хўжалиги вазирлигини масъул этиб белгилади. Вазирлик таркибида Эксплуатация агентлиги ва Сув хўжалиги лойиҳаларини амалга ошириш департаменти ташкил этилмоқда.
Petronas Ўзбекистонда газни қайта ишлаш бўйича иккита лойиҳани амалга оширади
Малайзиянинг Petronas нефть-газ компанияси Ўзбекистонда газни қайта ишлаш бўйича иккита йирик лойиҳани амалга оширишда иштирок этади, деб маълум қилди инвестициялар вазири Лазиз Кудратов. 10 йил аввал компания Ўзбекистондаги ваколатхонасини ёпган ва барча лойиҳалардан воз кечганди.
Давлат мулкини ижарага бериш тартибини бузганлик учун жавобгарлик белгиланмоқда
Сенат давлат мулкини ижарага бериш тартибини бузганлик учун жавобгарлик белгилашни назарда тутувчи қонунни маъқуллади. Мансабдорлар давлат мулкини шартнома тузмасдан ижарага берган, ижарачининг мулкни қабул қилиб олишига асоссиз тўсқинлик қилган ва бошқа ҳолларда жаримага тортилади.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг