Иқтисодиёт
IFC Марказий Осиё стартапларини қўллаб-қувватлаш учун янги Sturgeon Capital фондига 5 млн доллар инвестиция киритади
Халқаро молия корпорацияси Sturgeon Capital номли янги фондга 5 миллион доллар ажратади. Инвестициялар Марказий Осиёдаги технологик стартапларни қўллаб-қувватлашга йўналтирилади.
Ўзбекистон валюта биржасидаги савдолар ҳажми пасайишда давом этмоқда
Биринчи чорак якунига кўра, Ўзбекистонда валюта айирбошлаш ҳажми 2,7 фоизга камайиб, 5,82 миллиард долларни ташкил қилди. Кўрсаткич ўтган йилнинг март ойидагига нисбатан 6,8 фоизга пасайган.
Ўзбекистонда автомобиллар савдоси кетма-кет учинчи ой пасаймоқда
Ўзбекистонда автомобиллар савдоси ҳажми кетма-кет учинчи ойда пасаймоқда, апрель ойида у 19 фоизга камайди. Пасайиш бирламчи бозорда ҳам, иккиламчи бозорда ҳам кузатилмоқда. Электромобиллар савдоси қисқа турғунликдан сўнг яна ўсишни бошлади.
Тўқимачилик, пойабзал ва электротехника маҳсулотларини экспорт қилишда минимал экспорт нархлари жорий этилади
Ўзбекистонда тўқимачилик, чарм-пойабзал маҳсулотлари ва электр жиҳозлари, шунингдек, мева-сабзавотларга минимал экспорт нархлари жорий этилмоқда. Минимал нархлар режими бузилган тақдирда, Солиқ қўмитаси ва Иқтисодий жиноятларга қарши курашиш департаментига билдиришнома юборилади.
Humo тўлов тизими акциядорлик жамиятига айлантирилди
«Миллий банклараро процессинг маркази» (Humo) акциядорлик жамияти шаклида қайта ташкил этилди. Аввалроқ ундаги давлат улуши сотувга чиқарилиши хабар қилинганди. Тўлов тизимининг соф фойдаси 2023 йилда салкам 2 баравар, 2024 йил биринчи чоракда эса ўтган йилнинг мос даврига нисбатан 88 фоизга ошган.
«Бизда ёпиқ сотиш ёки бошқача гап бўлиши мумкин эмас». Давактив раҳбари — анонсларсиз хусусийлаштиришлар ҳақида
Давлат активларини бошқариш агентлиги директори Акмалхон Ортиқов давлатга тегишли бўлган мулклар ёпиқ қарорлар асосида хусусийлаштирилаётгани ҳақидаги фикрларга жавоб қайтарди. «Бизда ёпиқ сотиш ёки бошқача гап бўлиши мумкин эмас. Ҳаммасининг ҳуқуқий асоси бор», — деди у.
СҚ: Солиқ хизмати ходимлари маълум бир назорат касса машинасидан фойдаланишни талаб қилишга ҳақли эмас
Ижтимоий тармоқларда тошкентлик тадбиркорлардан солиқ идоралари ходимлари маълум турдаги назорат-касса машинасидан фойдаланишни талаб қилаётгани ва текширув билан таҳдид қилинаётгани ҳақида шикоятлар пайдо бўлди. Солиқ қўмитасининг таъкидлашича, тадбиркорлар НКМ моделини ўзлари танлашлари мумкин.
Ўзбекистоннинг 14 та чекка тумани ва 1 та шаҳрида IT-шаҳарчалар ташкил этилади
Ўзбекистоннинг 15 та чекка ҳудудида IT-шаҳарчалар ташкил этилиши режалаштирилган бўлиб, уларда ёшлар IT, хорижий тиллар ва замонавий касбларга бепул ўқитилади. «Шиддат билан ўзгараётган даврда ҳамма соҳага ахборот технологияларини биладиган кадрлар керак», — деди президент.
Апрелда Тошкентдаги иккиламчи уй-жойлар нархи ўсиши тезлашди — ИТИМ
Апрель ойида Тошкентда иккиламчи уй-жой нархларининг ўсиши тезлашди. Мартда ўртача нарх атиги 0,2 фоизга ошган бўлса, апрелда кўрсаткич мос равишда 1,1 фоизга ошди. Йиллик ҳисобда иккиламчи уй-жойларнинг ўртача нархи қарийб 13 фоизга кўтарилди.
2024 йилда Ўзбекистонда кўмир қазиб олишни 8 млн тоннага етказиш режалаштирилмоқда
Ўзбекистонда кўмир қазиб олиш ҳажмини 2024 йилда 8 млн тоннага, 2025 йилда эса 10 млн тоннага етказиш режалаштирилмоқда. Кўрсаткич 2016 йилда 4 млн тоннадан кам, 2023 йилда эса 6,5 млн тонна бўлган. Аввалроқ президент кўмир қазиб чиқариш ҳажмини 22 фоизга ошириш бўйича топшириқ берганди.
ОТБ 2025−2027 йилларда Ўзбекистонда 3,5 млрд долларлик лойиҳаларни қўллаб-қувватлайди
Ўзбекистон ва ОТБ ўртасида 2025−2027 йилларга мўлжалланган дастурни амалга ошириш бўйича ҳужжат имзоланди. Ҳамкорлик энергетика, транспорт, сув таъминоти, инфратузилма, қишлоқ хўжалиги сектори ва табиий ресурсларни бошқариш, молия, давлат бошқаруви, таълим ва соғлиқни сақлаш соҳаларини қамраб олади.
Иқтисодий тенгсизликнинг кучайиши Ўзбекистонда камбағалликни қисқартириш суръатини секинлаштирди
Халқаро стандартлар бўйича 2015−2022 йилларда Ўзбекистонда камбағаллик даражаси 2 баробар — 17 фоизгача камайди. ЖБга кўра, ўсаётган иқтисодий тенгсизлик камбағалликни қисқартириш темпини секинлаштирди. Энг бой фуқаролар даромади аҳолининг энг камбағал қатламиникига қараганда 5 баробар тезроқ ўсди.
Ўзбекистон 2024 йилда Россиянинг 5 млрд долларлик сармоясини ўзлаштирмоқчи
2023 йилда Ўзбекистонда 3 млрд долларга яқин Россия сармояси ўзлаштирилди, 2024 йилда буни 5 млрд долларга етказиш кутилмоқда. «Вазифани бемалол бажарса бўлади… Лойиҳаларни ўз вақтида ва самарали амалга оширишда ностандарт ёндашувни таъминлаш топшириғи берилди», — деди ИССВ раҳбари Лазиз Кудратов.
Венгрия ўзбекистонлик атом энергетикаси мутахассисларини тайёрлашни бошлади
Венгрияда Ўзбекистондан келган атом энергетикаси бўйича мутахассисларни тайёрлаш бошланди, деди Венгрия ташқи ишлар ва савдо вазирлиги раҳбари Петер Сийярто. Шунингдек, у қўшма фонд ҳажмини 50 миллиондан 150 миллион еврогача оширишга тайёрлигини маълум қилди.
Президент — Ўзбекистонда чарм саноати ва ипакчиликни қўллаб-қувватлаш чора-тадбирлари тўғрисида
Шавкат Мирзиёев Ўзбекистоннинг икки вилоятида чарм кластерларини ташкил этиш, зотли чорва молларини сотиб олиш учун имтиёзли кредитлар ажратиш, пилланинг харид нархини ошириш ва чарм саноати ҳамда ипакчиликни қўллаб-қувватлаш бўйича бошқа чора-тадбирларни маълум қилди.
Ўзбекистонда қишлоқ хўжалиги иқлим ўзгаришига мослаштирилади
Президент Ўзбекистонда қишлоқ хўжалигини иқлим ўзгаришига мослаштириш ва унинг иқлимга салбий таъсирини юмшатиш бўйича миллий дастур билан танишди. Унда 1 млн гектар агроэкологик ландшафт ва деградацияга учраган яйловлар ҳолатини яхшилаш, ҳимоя ўрмон зоналарини яратиш ва бошқа чора-тадбирлар бор.
Иссиқхоналар учун кўмир қозони сотиб олиш харажатларининг 20 фоизини давлат қоплаб беради
Иссиқхона хўжаликлари самарадорлигини ошириш учун уларга маълум мутахассисларни ёллаш билан боғлиқ харажатларнинг 50 фоизини ва кўмир қозони сотиб олиш харажатларининг 20 фоизигача қисмини қоплаш таклиф этилмоқда.
Энергетика бозорини ривожлантириш ва тартибга солиш агентлиги газ бозорини тартибга солмайди
Ҳукумат Энергетика бозорини ривожлантириш ва тартибга солиш агентлиги тўғрисидаги низомни тасдиқлади. У Вазирлар Маҳкамасига бўйсунади ва газ бозорини тартибга солиш бўйича функцияларга эга бўлмайди.
Йил бошидан буён 115 минг ўзбекистонлик меҳнат миграциясидан қайтиб келди
2024 йилнинг январь-март ойларида 58 минг нафар, апрелда 57 минг нафар Ўзбекистон фуқароси меҳнат миграциясидан қайтиб келди. Йил охиригача яна 250−300 минг нафар ўзбекистонлик мамлакатга қайтиши прогноз қилинмоқда. Президент қайтган фуқароларни ишга жойлаштириш юзасидан топшириқ берди.
Икки вилоятда умумий қуввати 500 МВт бўлган шамол электр станциялари қурилади
Хитойнинг Universal Energy компанияси Самарқанд ва Жиззах вилоятларида умумий қуввати 500 МВт бўлган иккита шамол электр станциясини қуради.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг