Долларнинг расмий курси яна кўтарилди
Долларнинг расмий курси 0,54 сўмга кўтарилди ва жами 10 641,14 сўм этиб белгиланди. Шунингдек, евро ва рубль курслари ҳам кўтарилди.
Шавкат Мирзиёев Эмомали Раҳмон билан Афғонистондаги вазиятни муҳокама қилди
Душанба куни Шавкат Мирзиёев Тожикистон президенти Эмомали Раҳмон билан телефон орқали мулоқотида Афғонистондаги ҳозирги нотинч вазиятни муҳокама қилди.
Бу Андерссон Uzauto Motors бош директори бўлди
Швециялик Бу Андерссон UzAuto Motors бош директори этиб тайинланди. Илгари у «Группа ГАЗ», «АвтоВАЗ «президенти ва Yazaki`нинг Европа бўлими бошлиғи бўлиб ишлаган.
Қаршидаги манзил-колонияда 19 ёшли маҳкум лезвия билан қорни ва қўлини жароҳатлади
Қаршидаги манзил-колонияда 19 ёшли маҳкум лезвия билан қорнини ва қўлларини 3−4 маротаба тилиб, ўзига енгил тан жароҳатлари етказди. Бош прокуратура колония ходимларига иш қўзғатилганини рад этди, бироқ ҳолат юзасидан терговга қадар текширув ўтказилаётгани маълум қилинди.
Юқоричирчиқ тумани ҳокимининг ҳайдовчиси 16 ёшли қизни машинада уриб юборди. У вафот этди
Тошкент вилоятида Юқоричирчиқ тумани ҳокимига тегишли бўлган машина 16 ёшли қизни уриб юборди. Олинган жароҳатлар туфайли қиз касалхонага олиб кетилаётганда вафот этган. Ҳолат юзасидан жиноят иши қўзғатилди.
Хайрия ҳашарига 3 млрд сўмдан ортиқ маблағ сарфланди
Шанба куни республика бўйлаб ўтказилган хайрия ҳашарида 3 млрд 193 млн сўмдан ортиқ маблағ сарфланди. Шундан 189 млн сўмдан ортиғи «Маҳалла» фонди ҳисобидан аҳолининг ижтимоий ҳимояга муҳтож қатламларига ажратилган, дейилади Маҳалла ва оилани қўллаб-қувватлаш вазирлиги ҳисоботида.
Шавкат Мирзиёев КХШТнинг Афғонистондаги воқеалар бўйича саммитида иштирок этади
Президент Шавкат Мирзиёев «Афғонистондаги ҳозирги вазиятни инобатга олган ҳолда» КХШТ давлат раҳбарлари саммитида меҳмон сифатида иштирок этади.
Ҳафтанинг биринчи ярми иссиқ бўлади
Ҳафтанинг биринчи ярмида ҳаво ҳарорати +38 даражада бўлиши кутилмоқда. 27 августдан бошлаб ҳарорат аста-секин пасаяди.
Алишер Қодировнинг президентликка номзодини қўллаб-қувватлаш учун имзолар мажбурий йиғилаётгани айтилмоқда
Ижтимоий тармоқларда мактаб тарғибочилари уйма-уй юриб, «Миллий тикланиш» партиясининг президентликка номзоди Алишер Қодировни қўллаб-қувватлаш учун мажбурий равишда имзолар йиғаётгани айтилмоқда. Ҳолатга Алишер Қодиров муносабат билдириб, имзо йиғишда мажбурлаш бўлмаслиги кераклигини таъкидлади ва партия фаолларининг босимига учраганлардан депутатнинг Telegram-ботига хабар беришни сўради.
22 август куни Ўзбекистонда 818 кишида коронавирус аниқланди
Кеча кун давомида Ўзбекистонда 818 кишида коронавирус инфекция қайд этилди. 7 нафар COVID-19 бемори вафот этди. Шунингдек, якшанба куни 349 кишида пневмония қайд этилди, 4 нафар пневмония бемори вафот этди.
USAID қишлоқ аёлларини қўллаб-қувватлаш учун $1 млн ажратди
Қишлоқ хўжалиги вазирлиги ва USAID қишлоқ хўжалиги бўйича ҳамкорликни кучайтиришга қаратилган меморандум имзолади. USAID шунингдек агробизнесни ривожлантириш бўйича лойиҳа доирасида қишлоқ хўжалигида банд бўлган аёлларни қўллаб-қувватлаш учун қўшимча 1 млн АҚШ доллари ажратди.
Яна 3 млн доза хитой-ўзбек вакцинаси олиб келинди
22 август куни Ўзбекистонга ZF-UZ-VAC2001 вакцинасининг яна 3 млн дозаси олиб келинди. Шундай қилиб, жами вакцина захираси 17 млн 856 минг 540 дозани ташкил қилмоқда.
Самарқанддаги тиббиёт муассасалари дори воситаларини 5,6 млрд сўм қимматроққа харид қилгани аниқланди
Коррупцияга қарши курашиш агентлиги Самарқанд вилоятидаги тиббиёт муассасалари муқобил тижорат таклифлари мавжуд бўлгани ҳолда, 14,9 млрд сўмга, яъни 5 млрд 643 миллион сўм қимматроққа дори воситалари харид қилганини аниқлади. «Ўзлаштириш ёки растрата йўли билан талон-торож қилиш» моддаси бўйича жиноят иши қўзғатилди.
«АрМИ — 2021» мусобақалари иштирокчилари COVID-19`га қарши эмланган
22 августдан 5 сентябргача давом этадиган «АрМИ — 2021» Халқаро армия ўйинларидан аввал ўтказилган матбуот анжуманида мусобақада қатнашадиган иштирокчиларнинг барчаси коронавирусга қарши эмлангани маълум қилинди. Таъкидланишича, хорижий иштирокчилар уйига қайтиб кетишидан олдин ҳам тўлиқ текширувлардан ўтади.
Сенатор Топиболди Холдоров вафот этди
Олий Мажлис Сенати аъзоси, Фарғона вилояти Кексалар ва фахрийларни қўллаб-қувватлаш ва ижтимоий фаоллигини ошириш бўйича ўринбосари Топиболди Холдоров 79 ёшида вафот этди.
Германиянинг Тошкентдаги элчихонаси номаълум муддатга виза бўлимини ёпди
Ташқи сиёсий вазият туфайли Германиянинг Тошкентдаги элчихонаси виза бўлими номаълум муддатгача ёпиқ бўлади.
Фарғонада Nexia ағдарилиши оқибатида 3 киши вафот этди
Данғара туманида маст ҳолатда бўлган ҳайдовчи бошқарувидаги Nexia автомобили ағдарилиб кетиши оқибатида 3 киши ҳалок бўлди.
21 август куни Ўзбекистонда 855 кишида коронавирус аниқланди
Кеча кун давомида Ўзбекистонда 855 кишида коронавирус инфекция қайд этилди. 6 нафар COVID-19 бемори вафот этди. Шунингдек, шанба куни 371 кишида пневмония қайд этилди, 3 нафар пневмония бемори вафот этди.
Ҳокимиятлар тадбиркорлардан «снос» учун 123 млрд сўм қарздор
Бино ва иншоотларнинг бузилиши муносабати билан ҳокимиятлар тадбиркорладан 123 млрд сўм қарздор. Президент ҳокимларга 1 сентябрга қадар компенсацияларни тўлаб бериш вазифасини топширди. «Бир сўм ҳам қарздорлик қолмаслиги шарт», — деди у.
Jurabek Laboratories ишлаб чиқарган хитой-ўзбек ва «Спутник V» вакциналарини рўйхатга олишга рухсат берилди
Ўзбекистон ҳукумати Jurabek Laboratories компаниясида ишлаб чиқарилган ZF-UZ-VAC 2001 ва «Спутник V» вакциналарини давлат рўйхатидан ўтказишга розилик берди.
Қўшимча имкониятларга эга булиш учун сайтда рўйхатдан ўтинг