Шавкат Мирзиёев ва Садир Жапаров Тошкент шаҳридаги технопаркка борди
Шавкат Мирзиёев ва Садир Жапаров Тошкент шаҳридаги технопаркка борди. Давлат раҳбарлари Ўзбекистоннинг саноат, қишлоқ хўжалиги ва ҳунармандчилик маҳсулотлари кўргазмаси билан танишди. Якунда Қирғизистон халқига тез тиббий ёрдам машиналари совға қилинди.
Дам олиш кунлари қор ёғиши кутилмоқда
Дам олиш кунлари ҳаво ҳарорати кескин пасайиши ва баъзи ҳудудларда қор ёғиши кутилмоқда. Республика ҳудудларида шамолнинг 17−22 м/с гача кучайиши кутилмоқда, баъзида эса 23−28 м/с гача кучайиши мумкин.
Туркияда 15 мартдан бошлаб барча ташриф буюрувчилар учун электрон анкеталар жорий этилади
2021 йил 15 мартдан бошлаб Туркияга келишдан 72 соат олдин махсус электрон сўровномани тўлдириш керак бўлади. Йўловчилар тўлдирилган сўровномани босиб чиқариши ёки мобил қурилмага юклаб олиб, жўнаш аэропортида авиакомпания ходимига тақдим этадилар.
Мингбулоқда 1 млрд сўм имтиёзли кредитни ўзлаштирган шахсларга жиноят иши очилди
Мингбулоқ туманида «G» МЧЖ раҳбари ва бошқалар 1 млрд сўм имтиёзли кредитни талон-торож қилгани аниқланган. Улар сохта ҳужжатларни тузиб, маблағларни нақдлаштириб олгани маълум бўлган. Уларга нисбатан Жиноят кодексининг талон-торож қилиш ва ҳужжатларни қалбакилаштиришга оид моддалари билан иш қўзғатилди.
2020 йилда ИИВ ходимлари 134 та жиноят содир этган, шундан 27 таси ўлим билан боғлиқ
Сенатнинг ялпи мажлисида ички ишлар вазири ҳисобот берди. Пўлат Бобожоновнинг айтишича, 2020 йилда ички ишлар ходимлари 134 та жиноят содир этган. Шундан 27 таси ўлим билан боғлиқ. Ҳуқуқбузар қонун ҳимоячиларига озодликдан маҳрум қилишгача бўлган жазолар белгиланаётгани айтилди.
«Ҳудудлардаги муаммоларни наҳотки депутатлар ва сенаторлар кўрмаяпти» — Танзила Нарбаева
Давлат раҳбари Фарғона ва Наманган вилоятларига ташрифи чоғида маҳалларга бориб, аҳоли билан мулоқот қилиб, уларни қийнаётган муаммоларни тинглаган эди. Сенатнинг навбатдаги ялпи мажлисида Танзила Нарбаева айни шу масалага эътибор қаратиб, депутат ва сенаторларни танқид қилди. «Ҳудудлардаги муаммоларни наҳотки депутатлар ва сенаторлар кўрмаяпти», — деди у.
Ўзбекистонга цементни олиб киришда божхона божининг ноль ставкаси қўлланилади
1 апрелдан 1 октябргача цемент маҳсулотларини Ўзбекистонга олиб киришда божхона божининг ноль ставкаси қўлланилади. Бу мамлакатда қурилаётган уй-жойлар нархини арзонлаштириш мақсадида амалга оширилади.
БМТ бош котиби миллионлаб инсонларнинг оч қолиши мумкинлиги ҳақида огоҳлантирди
БМТ бош котиби Антониу Гутеррешнинг маълум қилишича, 150 минг киши очлик сабаб ўлим хавфи остида, яна 16 миллион киши озиқ-овқат танқислиги муаммосига дуч келиши мумкин.
ЮНEСКО Ўзбекистондаги ўқитувчилар малакасини оширишга $435 минг ажратади
ЮНEСКО ташкилоти томонидан Ўзбекистондаги ўқитувчилар малакасини ошириш учун 435 минг АҚШ доллари ажратилади. 2 йиллик лойиҳа доирасида Қорақалпоғистон Республикаси, Навоий ва Тошкент вилоятларида 150 мактаб ва 600 дан ортиқ ўқитувчилар жалб этилади.
«Uzcard» карталари орқали энди транспорт тўловини амалга ошириш мумкин
Эндиликда АТТО карталаридан ташқари «Uzcard» карталари орқали жамоат транспортларидан фойдаланганлик учун тўловларни амалга ошириш мумкин.
Европанинг бир қатор мамлакатларида AstraZeneca вакцинасини қўллаш тўхтатилди
Дания, Норвегия ва Исландия каби мамлакатлар эҳтиёткорлик чораси сифатида AstraZeneca вакцинасидан фойдаланишни вақтинчалик тўхтатиб қўйди. Австрия, Италия, Эстония, Латвия, Литва ва Люксембург каби мамлакатлар эса фақат бир партия ичидаги вакциналардан фойдаланишни тўхтатди.
2021 йилда яна 5 кунни дам олиш куни этиб белгилаш таклиф этилмоқда
Президент фармони лойиҳасига кўра, 14 май ва 31 декабрь кунини қўшимча дам олиш куни этиб белгиланиши мумкин. Бундан ташқари, 15 май, 21 июль, 22 июль кунлари барча ходимларга дам олиш кунлари сифатида эълон қилиниши режалаштирилмоқда.
Кинорежиссёр Баҳром Ёқубов вафот этди
Кинорежиссёр Баҳром Ёқубов 60 ёшида оламдан ўтди.
«Халқларимиз бугунданоқ музокаралар натижаларини ҳис қилишлари керак» — Шавкат Мирзиёев
Ўзбекистон ва Қирғизистон президентлари сувдан фойдаланиш ва энергетика, чегараларни делимитация қилиш, иқтисодий ҳамкорлик ва транспорт-логистика масалаларини муҳокама қилдилар. Шавкат Мирзиёев «Ўзбекистон-Қирғизистон-Хитой» темир йўл лойиҳасини жадаллаштириш муҳимлигини таъкидлади, Садир Жапаров Сирдарё ҳавзаси ресурсларидан фойдаланиш тўғрисидаги шартномани янгилашни таклиф қилди.
Ўзбекистон ва Кирғизистон чегара масалаларини уч ой ичида ҳал қилиш ниятида — Шавкат Мирзиёев
Ўзбекистон ва Кирғизистон давлат чегарасини делимитация қилиш масалаларини уч ой ичида ҳал этиш белгиланмоқда, дея баёнот берди Шавкат Мирзиёев. «Одамлар [ечимини] кутаётган баъзи масалаларни биз яқин келажакда аниқ ҳал этамиз. Бюрократиясиз, фуқароларимизга қулай ва яхшироқ бўлиши учун жиддий масъулиятни ўз зиммамизга олишга қарор қилдик», — дея таъкидлади давлат раҳбари.
Жаҳон янгиликлари дайжести
Хитой Гонконг мухториятини «бир мамлакат — икки тизим» асосида сақлаб қолгани, AҚШда иқтисодиётни қўллаб-қувватлаш бўйича 1,9 трлн долларлик дастур қабул қилингани, Данияда тромбоз ҳолатлари туфайли AstraZeneca вакцинасининг қўлланиши тўхтатилгани ва бошқа янгиликлар — «Газета.uz»нинг жаҳон янгиликлари дайжестида.
Садир Жапаров Шавкат Мирзиёевни Қирғизистонга таклиф қилди
Тор доирада бўлиб ўтган учрашувда Садир Жапаров Шавкат Мирзиёевни Қирғизистонга таклиф қилди. Мулоқот чоғида Ўзбекистон — Қирғизистон давлат чегараси масалалари ҳам муҳокама қилинди. Қолаверса, ҳар икки давлат етакчилари навбатдаги шу каби форматдаги учрашувни 2021 йилда ўтказиш истагини билдиришди.
Ўзбекистонликларга уй олиш ва қуриш учун 20 йилга кам фоизли кредитлар ҳамда субсидиялар берилади — президент фармони
Шавкат Мирзиёев 3 март куни ўтказган видеоселекторда «2021 йилда 54 минг оилани уй-жой билан таъминлашимиз зарур», дея таъкидлаган эди. Йиғилишда белгилаб берилган вазифаларнинг ҳуқуқий асоси сифатида президентнинг тегишли фармони қабул қилинди. Унга мувофиқ, Ўзбекистон аҳолисига уй олиш ва ўз мустақил қуриши учун 20 йиллик кам фоизли ипотека кредитлари ҳамда уларга субсидиялар ажратилади. Батафсил.
Отабек Сатторий ишида жабрланувчи ўз ихтиёри билан арз қилганини айтди
Сурхондарёлик блогер Отабек Сатторийга қарши арз қилган деҳқон бозори раҳбари, уни ҳеч ким ариза беришга мажбурламаганлигини ва ўз ихтиёри билан шундай йўл тутганини маълум қилди. Жабрланувчи тасвирга олишда айнан нимадан қўрққани, товламачилик содир бўлишга ундовчи айнан қайси камчилик яширилгани бўйича саволга аниқ жавоб бермади.
Кўксаройда Шавкат Мирзиёев ва Садир Жапаров учрашди
Кўксарой қароргоҳида Қирғизистон президентини расмий кутиб олиш маросими бўлиб ўтди. Шундан сўнг, президентлар Шавкат Мирзиёев ва Садир Жапаров тор доирадаги музокараларни ўтказишга йўл олишди.
Қўшимча имкониятларга эга булиш учун сайтда рўйхатдан ўтинг