Экология қўмитаси «Қарши-Хонобод» базасини зарарли моддаларга текширмоқда
Давлат экология қўмитаси 2001−2005 йилларда америкалик ҳарбийлар хизмат қилган «Қарши-Хонобод» авиабазасини инсон ҳаёти учун хавфли моддаларга текширмоқда. Дональд Трамп ўз президентлигининг сўнгги кунида зарарли моддалар ва радиация таъсирига тушиши мумкин бўлган америкалик ҳарбий хизматчиларнинг соғлиғини текшириш бўйича топшириқ берган эди.
Пуллик UZIMEI тизимини бекор қилиш бўйича петиция ҳали ҳам кўриб чиқилмоқдами (аниқлик киритилди)
Бир йил аввал «Mening fikrim» порталида IMEI кодларни рўйхатга олишда тўлов ундиришни бекор қилиш бўйича петиция эълон қилинган эди. Бироқ орадан 365 кун ўтган бўлсада, мурожаат халигача «Кўриб чиқиш жараёнида» турибди. Қонунчилик палатаси қўмитаси ушбу вазиятни ўрганиб чиқиб, июнь ойида Вазирлар маҳкамасига ўрганишлар натижасини юборган.
«Жартепа» чегара божхона пости талабалар учун очилди
Талабаларга Тожикистон Республикаси билан чегарада жойлашган «Жартепа» чегара божхона пости орқали ҳаракатланишига рухсат берилди.
Тошкентдаги Шоштепа ёдгорлиги устида улкан гумбаз ўрнатилади
Тошкентнинг Сергели туманидаги қадимий Шоштепа шаҳрини сақлаб қолиш жараёни бошланди. Шаҳар узра диаметрли 64 метрга етадиган гумбаз пайдо бўлади. Айни вақтда ҳудуд белгилаб олинган, гумбаз устунлари ўрнатиладиган 6−7 метрли хандақларни қазиш ишлари амалга оширилмоқда.
Оилада ёлғиз ўғил бўлганларга туғилиб ўсган ҳудудида хизмат қилиш ҳуқуқи берилди
Президентнинг тегишли қарорига кўра, ҳарбий хизмат бўйича низомга ҳудудий тамойил деган тушунча киритилди ва оилада ёлғиз ўғил бўлганларга туғилиб ўсган ҳудудида хизмат қилиш ҳуқуқи берилди.
Qanot Sharq компанияси иккита Airbus A320−200 самолетини ижарага олди
Ўзбекистоннинг Qanot Sharq Airlines авиакомпанияси фойдаланилган иккита Airbus A320−200 самолётини ижарага олди. Авиакомпания ҳудудий аэропортлардан Туркия, Саудия Арабистони, Россия ва Қозоғистон йўналишлари бўйича парвозларни амалга оширади.
Долларнинг расмий курси яна пасайди
Долларнинг расмий курси 5 сўмга арзонлади ва жами 10 521 сўм этиб белгиланди. Евро ва рубль курси ҳам бироз пасайди.
Коронавирусга қарши эмлаш пунктларида кунига 70 киши эмланади
Ўзбекистонда коронавирусга қарши вакцинация жараёнлари ўтказилидиган пунктларда бир куннинг ўзида 70 нафар фуқаро эмланади. Вакцина олгандан сўнг фуқаролар патронаж тиббиёт ходимлари томонидан 30 дақиқа, кейинчалик 3 кун давомида уйига ташриф буюриш йўли билан мунтазам суриштириб борилади.
Урганчда оҳақ ишлаб чиқариш цехи 1,4 млрд сўмлик табиий газдан ноқонуний фойдалангани аниқланди
Урганчда табиий газ ҳисоблагичисиз, юқори босимли газ тармоғига полиэтилен қувур ёрдамида ноқонуний улангани аниқланди. Истеъмолчи табиий газ тармоғидан ажратилиб, газ таъминоти ташкилотига етказилган зарар миқдори 1,4 млрд сўм этиб белгиланди.
Хитой вакцинасини Ўзбекистонда Jurabek Laboratories корхонаси ишлаб чиқаради
Zhifei Longcom Biopharmaceutical Co. Ltd компанияси коронавирусга қарши вакцинани яратишда Ўзбекистонни ZF 2001 вакцинани бирга яратган ҳаммуаллиф мамлакат сифатида белгилади. Ўзбекистон аҳолисини ушбу вакцина билан ихтиёрий равишда оммавий эмлаш режалаштирилмоқда.
Спутник V вакцинасини Ўзбекистонда қўллашга рухсат этилди
Ўзбекистонда «Спутник V» вакцинасини оммавий қўллаш жараёнига рухсат берилди. Ушбу вакцинадан 1 миллион доза харид қилиш режалаштирилмоқда.
ДСҚ «нақдлаштирувчи корхоналар» фаолиятига қарши курашади
«Бир кунлик фирмалар» нинг ноқонуний фаолиятига қарши курашишнинг самарали механизми жорий этилди. Пул маблағларини нақдлаштириш билан шуғулланувчи 396 та «бир кунлик фирмалар» хизматидан фойдаланган 10 мингга яқин ташкилотлар рўйхати шакллантирилди. Шунингдек, 2960 тадбиркорлик субъектларининг банк ҳисобварақларига жойлаштирилган инкассо топшириқлари 1 мартгача вақтинчалик бекор қилинди.
Қашқадарёда 6 ёшли пиёдани уриб юборган Nexia ҳайдовчисининг ИИБ ходими экани айтилмоқда
Чироқчида пиёдалар ўтиш йўлидан ўтаётган 6 ёшли ўқувчини катта тезликда келиб уриб юборган Nexia ҳайдовчисининг ИИБ ходими эканлиги айтилмоқда. У болани зудлик билан шифохонага олиб бориш ўрнига ўқитувчини ҳақоратлаган. Бола тан жароҳатлари билан жонлантириш бўлимига ётқизилган, аҳволи оғир.
Алишер Тўраев қишлоқ хўжалиги вазирининг ўринбосари этиб тайинланди
Тошкент давлат аграр университети профессори Алишер Тўраев қишлоқ хўжалиги вазирининг ўринбосари — Қишлоқ хўжалигида билим ва инновациялар миллий маркази бош директори лавозимига тайинланди.
Дўстликда помидор консервадан уч киши заҳарланди, 26 ёшли келин оламдан ўтди
Жиззах вилоятининг Дўстлик туманида помидордан тайёрланган қўлбола конверсава истеъмол қилган оиланинг уч аъзоси заҳарланди, 26 ёшли келин ҳаётдан кўз юмди.
Дам олиш кунлари ҳаво совиб, баъзи жойларда кучли ёмғир ёғиши кутилмоқда
Дам олиш кунлари республикада ёмғир ёғади, баъзи жойларда кучли бўлиши мумкин. Ҳаво ҳарорати кундуз кунлари 8−13 даража илиққача, кечалари 2−7 даража илиққача пасаяди.
Илхом Мухторов Давлат божхона қўмитаси раисининг биринчи ўринбосари в. б. этиб тайинланди
Давлат божхона қўмитаси Кадрлар бошқармаси бошлиғи лавозимида фаолият юритган Илхом Мухторов қўмита раиси ўринбосари в. б. этиб тайинланди.
Тошкентда BMW йўл четида тўхтаб турган юк машинаси остига кириб кетди. 2 киши ҳалок бўлди
Тошкентнинг Учтепа туманида BMW автомобили йўл четида тўхтаб турган Isuzu юк машинасига бориб урилиши натижасида 2 йўловчиси ҳалок бўлди, машина ҳайдовчиси шифохонага ётқизилди.
Коронавирусга қарши биринчи навбатда эмланадиган фуқаролар сони маълум қилинди
Ўзбекистонда биринчи навбатда эмланадиган аҳоли сони маълум қилинди. Фуқаролар ўзлари жойлашган ҳудудлардаги тиббиёт муассасаларида ташкил этилган эмлаш хоналарида эмланади.
Фото, видео: 1999 йил 16 февралда Тошкентдаги портлашлар
1999 йил 16 февралда Тошкентда, шу жумладан Мустақиллик майдонидаги ҳукумат биноси яқинида бир қатор кучли портлашлар содир бўлди. Расмий маълумотларга кўра, 13 киши ҳалок бўлган, 100 дан ортиқ одам жароҳат олган. Ўзбекистоннинг биринчи президенти Ислом Каримов терактнинг диний экстремистлар томонидан уюштирилгани, уларнинг мақсадларидан бири унинг ҳаётига суиқасд уюштиришдан иборат бўлганини таъкидлаган эди. «Газета.uz» ўша куни муҳрланган тасвирларни эълон қилмоқда.
Қўшимча имкониятларга эга булиш учун сайтда рўйхатдан ўтинг