31 мартгача Tashkent City боғига пуллик кириш тартиби сақланиб қолиши маълум қилинди. Янги буйруққа асосан, ушбу узайтириш боғ фаолиятини сақлаб туриш харажатларини қоплашга қаратилади.
Андижон вилоятида «Cobalt» ва тез тиббий ёрдам машинаси иштирокида тўқнашув содир бўлди. ЙТҲ натижасида «Дамас» ҳайдовчиси вафот этган.
Арманистон ҳукумати коронавируснинг тарқалиши туфайли карантин чораларини ярим йилга узайтиришни қарор қилди. Ушбу қарор билан бирга оммавий тадбирларда 60 нафаргача иштирокчиларга рухсат берилгани бўйича чекловлар олиб ташланди.
Қон босими кўтарилганлиги боис, Самарқанд вилояти ҳокими Эркинжон Турдимов ўз соғлигини тиклаш мақсадида қисқа муддатли даволаниш таътилига чиқди.
Андижон шаҳрига ичимлик суви етказиб берувчи «Хонобод-Андижон» марказий сув қувурининг «Анжирзор» кўчаси ҳудудида жойлашган сув тақсимлаш жиҳозида юзага келган носозликлар бартараф этилди. Ҳозирда таъмирлаш ва созлаш ишлари якунига етказилган.
Локомотив парки олдидаги темир йўл кесишмасида шлагбаумни четлаб ўтмоқчи бўлган «Nexia» ҳайдовчиси бошқа бир машинага бориб урилди. Натижада «Lacetti» ҳайдовчиси мувозанатни йўқотиб, машина ён томони билан туриб қолди.
ИИВ TikTok платформасидаги видеолар муаллифларини фуқароларнинг осойишталиги ва жамиятда юриш-туриш қоидаларини бузиш майда безорилик ҳисобланиши ва қамоқ билан жазоланиши ҳақида огоҳлантирди. Ота-оналарга мурожаат қилиб: «Фарзандларингизни назорат қилинг. Ёшлигидан талтайтириб, кейин афсусланиб юрманг», дея қайд этди.
Қуйи палата депутати Дониёр Ғаниев энергия инқирози даврида уйини исита олмаган, фаровон ҳаётини таъминлашга имконияти бўлмаган одамларга ислоҳотларнинг нима кераги бор, деган саволни ўртага ташлади. У бунда айбдор раҳбарлар истеъфоси энг мақбул йўл эканини қайд этди. «Аслида демократик давлатларда бундай инқирозлар ортидан раҳбарлар ўз ихтиёри билан истеъфо беради», — деди депутат.
Президент Шавкат Мирзиёев «Фориш» тоғ полигонига ташриф буюриб, унинг янгиланган инфратузилмаси ва Мудофаа вазирлиги қўшинларининг жанговар тайёргарлиги билан танишди.
Ўзбекистоннинг айрим ҳудудларида ичимлик суви ва оқова сув хизматлари (сув ҳисоблагичи борлар учун) нархлари 1,5−3 бараваргача оширилди. Навоий вилоятида энг юқори тарифлар қайд этилмоқда.
Дастлабки ҳисоб-китобларга кўра, Ёшлар форуми ва президентнинг Олий Мажлисга йўллаган мурожаатномасида белгиланган тадбирлар учун 41 трлн сўмга яқин маблағ зарур бўлиши мумкин.
Халқаро «Оскар» мукофотига Ўзбекистон номидан номзод сифатида танланган «Фариданинг икки минг қўшиғи» фильми вақтида тақдим этилмагани учун иштирокчилар рўйхатидан олиб ташланди. Фильм продюссери уни Ўзбекистон «Оскар» қўмитасига ўз вақтида топширганини маълум қилди. «Ўзбеккино» матбуот котиби фильм ҳали «Оскар»да иштирок этиш имконияти борлигини таъкидлади.
Пойтахтдаги Шайхонтоҳур туманида ноқонуний диний таълм берувчи хужра аниқланди. Унда таълим олаётган вояга етмаган болалар ўқлов билан урилган. Ота-оналар ўз фарзандларининг таълими учун 150−200 доллар пул тўлашган.
2020 йилда истеъмол секторида инфляция 11,1 фоизни ташкил этди. Озиқ-овқат маҳсулотлари 15,3 фоиз, ноозиқ-овқат маҳсулотлари 8,8 фоиз ва хизматлар 7,1 фоизга қимматлашди — батафсил маълумотлар.
Парламент сайловларида Қозоғистондаги ҳукмрон партия Nur Otan 71,09% сайловчилар овози билан ғолиб бўлди.
Шу кунга қадар Самарқанд вилоят мактабгача таълим бошқармаси бошлиғининг биринчи ўринбосари лавозимида фаолият кўрсатган Дилфуза Азизова Самарқанд тумани ҳокими ўринбосари лавозимига тайинланди.
Янги коронавирус аниқланган Буюк Британия, Италия, Дания, Австрия, Австралия, Нидерландия ва ЖАР билан авиақатновларга қўйилган тақиқ муддати 1 февралгача узайтирилди.
Ҳафтанинг ўрталарида ҳаво ҳарорати бироз пасаяди, Тошкент вилояти ва мамлакат шарқидаги тоғли ҳудудларда ёмғир ва қор ёғиши мумкин. Жума куни кундузи ҳаво +15 даражагача исийди.
Президент Шавкат Мирзиёев Жиззах вилоятига ташрифини Марказий ҳарбий округнинг артиллерия бригадасини бориб кўриш билан бошлади. Давлат раҳбари мутасаддиларга бугун дунёда кузатилаётган хавф-хатарлардан келиб чиқиб, жанговар тайёргарликни янги поғонага кўтариш, хориж тажрибасини ўрганиш, энг илғор ахборот технологияларини ўзлаштириш бўйича кўрсатмалар берди.
Долларнинг расмий курси 23 сўмга қимматлади ва жами 10 473 сўм этиб белгиланди. Шунингдек, евро ва рубль курслари ҳам бироз кўтарилди.
Қўшимча имкониятларга эга булиш учун сайтда рўйхатдан ўтинг